ⵉⵏⴽⴹ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴱⴰⵀⵔⴰ ⴰⵏⵖⵎⵉⵙ ⵉⵙ ⵉⴽⵛⵎ ⵡⵎⴰⴹⵓⵏ ⵏ ⵍⴽⵓⵍⵉⵕⴰ ⵙ ⵍⵎⵖⵔⵉⴱ
ⵕⵕⴱⴰⵟ
ⵉⵏⴽⴹ ⴱⴰⵀⵔⴰ ⵡⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⴰⵙⵙ ⵏ ⵓⴽⵡⴰⵙ, ⵉⵙ ⵉⵍⵍⴰ ⴽⵔⴰ ⵢⴳⴰⵜⵜ ⵓⴳⵛⵓⵎ ⴳ ⴰⴽⵓⴷ ⴰⴷ ⵏ ⵓⵎⴰⴹⵓⵏ ⵏ ⵍⴽⵓⵍⵉⵕⴰ ⴳ ⵍⵎⵖⵔⵉⴱ, ⵉⵙⴷⴷⵉⴷ ⵅⴼ ⵜⵏⴼⵔⵓⵜ ⵏ ⵡⴰⴷⴷⴰⴷ ⵏ ⵓⵎⴰⴹⵓⵏ ⴳ ⵜⴳⵍⴷⵉⵜ.
ⴳ ⵓⵕⵥⵥⵓⵎ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ, ⵉⵙⴳⴰⵏⴼⴰ ⵎⴰⵙⵙ ⵍⵄⵜⵎⴰⵏⵉ ⵢⵎⵓⵔⵉⵏ ⴷ ⵜⵉⵎⵓⵔⵉⵢⵏ « ⵎⴰⵙ ⴰⴷⴷⴰⴷ ⵏ ⵓⵎⴰⴹⵓⵏ ⵉⵏⴼⵔⴰ, ⴷ ⴰⵔ ⴰⴽⵓⴷ ⴰⴷ ⵓⵔ ⵉⵍⵍⵉ ⴽⵔⴰ ⵢⴳⴰⵜⵜ ⵉⵎⵉⵣⵉ ⵏⵖⴷ ⴰⴳⵛⵓⵎ, ⴷ ⵜⵍⵍⴰ ⵢⴰⵜ ⵜⴷⵓⵢⵜ ⵜⴰⵙⵓⵍⴰⵏⵜ, ⵍⵍⵉ ⵏⵙⵙⵖⵍⵉ ⵜⴰⵏⴼⵙⵏⴰ ⵏⵏⵙ ⴷⴰⵔ ⵉⵙⴰⵜⵉⵏ ⵏ ⵜⴷⵓⵙⵉ ⵓⵍⴰ ⵢⵙⴰⵏⵜⵉⵏ ⵏ ⵎⵛⵜⴰ ⵏ ⵉⴳⵔⵏ ⵉⵎⵙⵜⴳⴳⴰⵔⵏ, ⴰⵛⴽⵓ ⵢⵅⵚⵚⴰ ⵡⵙⴳⵓⵎ ⴰⴷ ⵎⵏⵏⴰⵡ ⵏ ⵉⴳⵔⵏ ⵣⵓⵏⴷ ⴰⴳⵏⵙⵓ ⴷ ⵜⴰⵏⴼⵍⴰⵃⵜ ⴷ ⵡⴰⵎⴰⵏ ⴷ ⵡⵉⵏⵏ ⵢⴰⴹⵏⵉⵏ».
ⵉⵔⵏⵓ ⵢⵏⵏⴰ ⵡⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙ « ⴰⴷ ⵓⴽⴰⵏ ⵜⵣⵎⵎⴻⵎ ⴽⵔⴰ ⵢⴳⴰⵜⵜ ⵜⵎⴰⵜⴰⵔⵜ, ⵎⵇⵇⴰⵕ ⵉⵖ ⵜⵎⵥⵥⵉ, ⵔⴰⴷ ⵏⵙⵙⵖⵍⵉ ⵜⴰⴼⵙⵏⴰ ⵏ ⵓⵃⵕⵛ ⵏ ⵜⴷⵓⵙⵉ, ⴷ ⵉⵙ ⵜⵙⵎⵓⵙⵙⵓ ⵜⵎⴰⵡⴰⵙⵜ ⵏ ⵜⴷⵓⵙⵉ ⵎⵔⴰ ⴰⴷ ⵜⴼⴽ ⵉⵏⵖⵎⵉⵙⵏ ⵉⵅⵚⵚⴰⵏ, ⴳ ⵢⴰⵜ ⵜⵙⴳⴰ, ⴷ ⴰⴷ ⵜⴱⵉⴷⴷ ⴷⴰⵜ ⴰⴷⴷⴰⴷ ⴰⴷ ⴳ ⵜⵙⴳⴰ ⵢⴰⴹⵏⵉⵏ».
