ⴰⵏⵙⵙⵉⵅⴼ ⵏ ⵜⵏⴱⴰⴹⵜ : ⵉⴳⴰ ⵡⵙⵏⵜⵉ ⵏ ⵓⵙⵍⴳⴰⵏ ⴰⵣⵕⴼⴰⵏ 2019 ⴰⵏⴰⵎⵓⵏ ⴳ ⵜⴱⵖⵓⵔⵜ
ⵉⵏⵏⴰ ⵡⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⴰⵙⵙ ⵏ ⵓⴽⵡⴰⵙ ⵖ ⵕⵕⴱⴰⵟ, ⵎⴰⵙ ⵜⴼⴽⴰⵏⴱⴰⴹⵜ ⵜⴼⴽⴰ ⵢⴰⵏ ⴰⴷⴷⵓⵔ ⵉ ⵉⴳⵔ ⴰⵏⴰⵎⵓⵏ ⵉⵙⵙⴱⵖⵔⵏ ⵉⵏⵎⵓⵔⵉⵏ ⴳ ⴰⴹⵕⵉⵚ ⵏ ⵓⵙⵏⵜⵉ ⵏ ⵓⵙⵍⴳⴰⵏ ⴰⵣⵕⴼⴰⵏ ⵏ 2019, ⵍⵍⵉ ⵢⴼⵙⵔⵏ ⵖⵉⵍ ⴰⴷ ⴷⴰⵜ ⵏ ⵓⴱⵕⵍⴰⵎⴰⵏ ⵎⵔⴰ ⴰⴷ ⵉⵜⵜⵓⵎⴹⴰⴽⴰⵕ ⴷ ⴰⴷ ⵉⵜⵜⵓⵙⵜⴰⵢ.
ⵉⴼⵔⴰ ⵢⵏⵏⴰ ⵎⴰⵙⵙ ⵍⵄⵜⵎⴰⵏⵉ ⴳ ⵓⵕⵥⵥⵓⵎ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ, ⵎⴰⵙ ⵉⵟⵟⵓⵏⵏ ⵉⵍⵍⴰⵏ ⴳ ⵓⵙⵏⵜⵉ ⴰⵣⵕⴼⴰⵏ ⵎⵍⴰⵏ « ⵜⵎⵣⵡⵓⵔⴰ ⵍⵍⵉ ⵢⵜⵜⵓⴼⴽⴰⵏ ⵉ ⵢⴳⵔⵏ ⵉⵏⴰⵎⵓⵏⵏ, ⵍⵍⵉ ⵢⵍⵍⴰⵏ ⴳ ⴰⵏⵙⴰ ⴰⵎⵣⵡⴰⵔⵓ ⵏⵏⵙⵏ ⴰⵙⵍⵎⴷ ⴷ ⵜⴰⴷⵓⵙⵉ ⴷ ⵜⵡⵓⵔⵉ ⴷ ⴰⵔⴰⵢ ⴰⵏⴰⵎⵓⵏ ».
ⵉⵙⵏⵉⵎⴰⵍ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴷ ⵉⵥⴹⵕ ⵓⵙⵏⵜⵉ ⴰⴷ ⵉⴷⵃⵓ ⵉⴳⵔ ⴰⴷⵎⵙⴰⵏ ⴳ ⵜⴳⵍⴷⵉⵜ, ⴷ ⴰⴷ ⵉⵔⴰⵔ ⵅⴼ ⵎⵛⵜⴰ ⵏ ⵉⵙⵙⴰⵔⵏ ⵉⵏⴰⵎⵓⵏⵏ, ⵍⵍⵓⵎⵏ ⴳ ⵓⵙⵍⵎⴷ ⴷ ⵜⴰⴷⵓⵙⵉ ⴷ ⵜⵡⵓⵔⵉ ⴷ ⴰⵔⴰⵢ ⴰⵏⴰⵎⵓⵏ, ⵉⵔⵏⵓ ⵢⵏⵏⴰ ⵎⴰⵙ ⵜⴼⴽⴰ ⵜⵏⴱⴰⴹⵜ, ⴳ ⴰⴽⴽⵯ ⵉⴳⵔⵏ ⵏⵏⵙ, ⵜⵓⴳⴳⵓⵣ ⵏⵏⵙ ⵉⵎⵇⵕⴰⵏ ⴰⴼ ⴰⴷ ⵜⵙⵔⵙ ⵉⵏⴹⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵉⵍⵍⴰⵏ ⴳ ⵎⵏⵏⴰⵡ ⵏ ⵉⵏⴰⵡⵏ ⵢⴰⵜⵓⵢⵢⵏ ⵉⴳⴳⵯⵔⴰⵏ, ⵍⵍⵉ ⵢⴼⴽⴰⵏ ⴰⵏⵙⴰ ⴰⵎⵣⵡⴰⵔⵓ ⵉ ⵢⴳⵔ ⴰⵏⴰⵎⵓⵏ.
(ⵎⴰⴱ ⴰⵎⴰⵣⵉⵖ)
