ⴰⵏⵙⵙⵉⵅⴼ ⵏ ⵜⵏⴱⴰⴹⵜ: ⴰⵔⵣⴰⴼ ⵏ ⵜⵎⵏⴰⴹⵜ ⵏ "ⵟⴰⵏⵊⴰ ⵜⵉⵟⵡⴰⵏ ⵍⵃⵓⵙⵉⵎⴰ" "ⵜⴷⴷⵓⵔ ⴷ ⵜⵎⵓⵔⵙ"
ⵉⵏⵏⴰ ⵡⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⵎⴰⵙ ⴰⵔⵣⴰⴼ ⵍⵍⵉ ⵢⵙⴽⵔ ⴳ ⵉⵅⴼ ⵏ ⵢⴰⵏ ⵓⴽⴰⴱⴰⵕ ⴰⵎⴰⵡⵙⴰⵙ ⴳ ⵜⴰⵎⵎ ⵏ ⵉⵎⴰⵍⵍⴰⵙ ⵉⵣⵔⵉⵏ ⴳ ⵜⵎⵏⴰⴹⵜ ⵏ ⵟⴰⵏⵊⴰ ⵜⵉⵟⵡⴰⵏ ⵍⵃⵓⵙⵉⵎⴰ "ⵉⴷⴷⵓⵔ ⴷ ⵉⵎⵓⵔⵙⵏ".
ⵉⴼⵔⴰ ⵢⵏⵏⴰ ⵎⴰⵙⵙ ⵍⵄⵜⵎⴰⵏⵉ ⴳ ⵢⴰⵜ ⵜⵙⴳⵓⵔⵉ ⵏ ⵓⵕⵥⵥⵓⵎ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵍⵍⵉ ⵢⵎⴰⵏⵏ ⴰⵙⵙ ⵏ ⵓⴽⵡⴰⵙ ⴰⴷ, ⵎⴰⵙ ⴰⵎⵙⴰⵡⴰⵍ ⵉⵜⵜⵓⵙⴽⴰⵔⵏ ⴳ ⵓⵙⴰⵜⵉ ⵏ ⵓⵔⵣⴰⴼ ⴰⴷ ⵉⴳⴰ ⴰⵎⵓⵣⵣⵓ, ⴷ ⵉⵎⵍⴰ ⵜⵉⵎⵓⴽⵔⵉⵙⵉⵏ ⵏ ⵜⵎⵏⴰⴹⵜ ⴷ ⵜⵉⵎⵢⴰⴳⴰⵔⵉⵏ ⵉⵍⵍⴰⵏ ⴳ ⵓⴳⵏⵙ ⵏⵏⵙ, ⵍⵍⵓⵎⴰⵏ ⵎⵎⴰ ⵢⵣⵍⵉⵏ ⵜⵉⵏⴰⴼⵓⵜⵉⵏ ⵜⵉⵏⴰⵎⵓⵏⵉⵏ ⴷ ⴰⴷⵔ ⵏ ⵜⵙⴳⵉⵡⵉⵏ ⵍⵍⵉ ⵢⵍⵍⴰⵏ ⴳⵔ ⵉⵥⵍⴰⵢⵏ ⵍⵍⵉ ⵢⴳⴳⵓⴳⵏ ⴷ ⵓⵔ ⵜⵏ ⵍⴽⵉⵎⵏ ⵉⴱⵔⴷⴰⵏ ⴷ ⵉⴷⵔⵓⵙⵏ ⵏ ⵜⵏⴰⴼⵓⵜⵉⵏ ⵏ ⵜⴷⵓⵙⵉ ⴷ ⵏ ⵓⵙⵍⵎⴷ.
ⵉⵙⴷⴷⵉⴷ ⵎⴰⵙⵙ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴳ ⵓⵙⴰⵜⵉ ⴷⵖ, ⵜⵉⵔⴰⵜ ⵏⵏⵙ ⵎⵔⴰ ⴰⴷ ⵉⵙⵙⵣⵔⵉ ⵜⵉⵎⵢⴰⴳⴰⵔⵉⵏ ⴰⴷ, ''ⴰⵛⴽⵓ ⵏⵡⵓⵔⵉ ⵎⵔⴰ ⴰⴷ ⵟⵟⴼⵏⵜ ⵜⵙⴳⵉⵡⵉⵏ ⵏ ⵜⵎⵏⴰⴹⵜ ⵜⵉⵍⴽⴰⵎⵏ ⵏ ⵜⵎⵔⵏⵉⵡⵜ ⵍⵍⵉ ⴳⵉⵜⵏ ⵉⵍⵍⴰⵏ", ⵉⵙⵓⵍ ⵉⵏⵏⴰ ⵎⴰⵙ ⵜⵎⵏⴰⴹⵜ ⵜⴼⵓⵍⴽⵉ ⴷ ⵜⵉⵍⴰⵍⵜ ⵏⵏⵙ ⴳ ⵜⴷⵎⵙⴰ ⵜⴰⵏⴰⵎⵓⵔⵜ ⴷ ⵜⴰⴷⵔⴰⵡⵜ ⵏⵏⵙ ⴳ ⵜⵢⴰⴼⵓⵜ ⵏ ⵓⴳⵏⵙⵓ ⴰⵎⵙⴰⵔⵉ ⴰⵔ ⵉⵜⵣⴰⵢⴰⴷ ⴽⵔⴰ ⵢⴳⴰⵜ ⴰⵙⵙ ⴷ ⵓⵙⴳⴳⵯⴰⵙ.
