ⵎⴰⵙⵙ ⵄⴰⵣⵉⵣ ⴰⵅⵏⵓⵛ : ⵔⴰⴷ ⵏⵙⵙⵏⵜⵉ ⵉⵎⵛⴰⵡⴰⵔⵏ ⴰⴽⴷ ⵉⴽⴰⴱⴰⵕⵏ ⵉⵙⵔⵜⴰⵏⵏ ⵃⵎⴰ ⴰⴷ ⵏⵙⴽⵓ ⵜⵓⴳⵜ ⵜⵓⵏⴱⵉⴹⵜ ⵉⵎⵙⴰⵙⴰⵏ ⵜⵎⵢⴰⵎⴰⵥ
ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⵍⵏ ⵉⵜⵜⵓⵙⵎⴰⴳⵍⵏ ⴰⴷ ⵜⵜ ⵉⵙⴱⴷⴷ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⵎⴰⵙ ⵔⴰⴷ ⵉⴱⴷⵓ ⵉⵎⵛⴰⵡⴰⵔⵏ ⴰⴽⴷ ⵉⴽⴰⴱⴰⵕⵏ ⵉⵙⵔⵜⴰⵏ ⴰⴷ ⵉⵙⴽⵓ ⵜⵓⴳⵜ ⵜⵓⵏⴱⵉⴹⵜ ⵉⵎⵙⴰⵙⴰⵏ ⵜⵎⵢⴰⵎⴰⵥ ⵉⵍⴰⵏ ⵉⵖⴰⵡⴰⵙⵏ ⵉⵎⵢⴰⴷⴰⵙⵏ.
ⵉⵔⵏⵓ ⵎⴰⵙⵙ ⵄⴰⵣⵉⵣ ⴰⵅⵏⵓⵙ ⴳ ⵜⴰⵙⴳⵓⵔⵉ ⵏⵏⵙ ⵉ ⵜⵖⵎⵙⴰ ⴷⴼⴼⵉⵔ ⵎⴰ ⴰⵢ ⴷ ⵉⵜⵜⵓⵙⵎⴰⵍ, ⴰⵙⵙ ⴰ ⴰⵙⵉⵎⵡⴰⵙ, ⵙⵖⵓⵔ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰ ⵡⵉⵙⵙ ⵚⴹⵉⵚ ⴰⴷ ⵉⴳ ⴰⵏⵙⵙⵉⵅⴼ ⵏ ⵜⵏⴱⴰⴹⵜⵏ ⵉⵙⵎⴰⴳⵍ ⵜ ⴰⴷ ⵉⵙⵙⵉⵍⵖ ⵜⴰⵏⴱⴰⴹⵜ ⵜⴰⵎⴰⵢⵏⵓⵜ “ ⵔⴰⴷ ⵏⴱⴷⵓ ⵙⴳ ⴷⵖⵉ ⵉⵎⵛⴰⵡⴰⵔⵏ ⴰⴽⴷ ⵉⴽⴰⴱⴰⵔⵏ ⵉⵙⵔⵜⴰⵏⵏ ⵍⵍⵉ ⵏ ⵏⵥⴹⴰⵕ ⴰⴷ ⵉⴷⵙⵏ ⵏⵎⵙⵉⵙⵉ ⴳ ⵉⵎⴰⵍ, ⵃⵎⴰ ⴰⴷ ⵏⵙⴱⴷⴷ ⵜⵓⴳⵜ ⵉⵎⵢⴰⵎⴰⵥⵏ ⵜⵎⵙⵉⵙⵉ ⵜⵉⵍⵉ ⵉⵖⴰⵡⴰⵙⵏ ⵉⵎⵢⴰⴷⴰⵙⵏ.”
ⵉⵙⴰⵡⵍ ⵎⴰⵙⵙ ⴰⵅⵏⵓⵛ ⵖⴼ ⵓⵙⵉⵜⵎ ⵏⵏⵙ ⴰⴷ ⵜⵓⵍⴰ ⵜⵏⴱⴰⴹⵜ ⴰⴷ ‘ ⵉⴳⵎⴰⵎⵏ ⵉⵍⵍⴰⵏ ⴳ ⵓⵙⵡⵉⵔ, ⴰⴷ ⵣⵣⴳⵔⵏ ⵜⵉⵙⵜⵔⴰⵜⵉⵊⵉⵢⵉⵏ ⵜⵉⴽⵙⵡⴰⵜⵉⵏ ⵏ ⴱⴰⴱ ⵏ ⵡⵓⴷⴷⵓⵔ ⴷ ⵉⵖⴰⵡⴰⵙⵏ ⵓⵏⴱⵉⴹⵏ.
ⴳ ⵜⵙⴳⴰ ⵢⴰⴹⵏ, ⵉⵏⵏⴰ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⴰⴱⵓⵔⵣ ⵏⵏⵙ ⴷ ⵜⵓⵎⵔⵜ ⵏⵏⵙ ⵙ ⵓⵙⵏⵓⴱⴳ ⴰⴳⵍⴷⴰⵏⵍⵍⵉ ⴰⵙ ⵉⵜⵜⵓⴳⴰⵏ, ⵉⵙⵙⵏⵜⵎ “ ⵉⴳⴰ ⵉ ⵡⵉⴷⴷⵓⵔ ⵢⵉⵍⵉ ⵉ ⵎⴰⵕⵕⴰ ⵉⴳⵎⴰⵏ ⵏ ⵓⴽⴰⴱⴰⵕ ⴷ ⵇⵇⴰⵃ ⵉⵎⵖⵔⴰⴱⵉⵢⵏ, ⵜⴳ ⴰⵖ ⵜⴼⵍⵙⵜ ⵏ ⵓⴳⵍⵍⵉⴷ ⵜⴰⵎⴰⵙⴰⵢⵜ ⵎⵇⵇⵓⵔⵏ ⵏⴼⵔⴽ ⵙⵉⵙ”.
