ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴷⴰ ⵉⵙⵏⵓⴱⵊⵓ ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⴷ ⵜⵎⴰⵡⵙⴰⵙⵜ ⵏ ⵜⵎⵢⴰⵇⵇⴰⵉⵏ ⵏ ⴱⵕⵕⴰ ⴳ ⵜⴳⴷⵓⴷⴰⵏⵜ ⵏ ⴽⵓⵍⵓⵎⴱⵢⴰ
ⵉⵙⴱⵔⵔⴽ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵡⴰⵙⵙ ⵏ ⵓⴽⵡⴰⵙ 28 ⴽⵜⵓⴱⵕ 2021 ⴳ ⵓⴷⵖⴰⵔ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ, ⵎⴰⵙⵙⴰ ⵎⴰⵔⵜⴰ ⵍⵓⵙⵢⴰ ⵔⴰⵎⵉⵔⵣ Marta Lucia Ramirez
ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⴷ ⵜⵎⴰⵡⵙⴰⵏⵜ ⵏ ⵜⵣⴷⴰⵢⵉⵏ ⵏ ⴱⵕⵕⴰ ⴳ ⵜⴳⴷⵓⴷⴰⵏⵜ ⵏ ⴽⵓⵍⵓⵎⴱⵢⴰ, ⵏⵏⴰ ⵉⵙⵙⴽⵔⵏ ⵢⴰⵏ ⵓⵔⵣⴰⴼ ⵓⵏⵚⵉⴱ ⵉ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵜⵣⴷⴰⵢⵉⵏ ⵏ ⵜⵉⴷⴷⵓⴽⵍⴰ ⴷ ⵓⵎⵢⴰⵡⴰⵙ ⵏⵏⴰ ⵉⵙⵎⴰⵏⵏ ⵜⵉⵎⵉⵣⴰⵔ.
ⴳ ⵓⵏⵎⵓⴳⴳⴰⵔ ⴰⴷ ⵙⵙⵓⵍⵖⵏ ⵜⵙⴳⴳⵉⵡⵉⵏ ⵙ ⵙⵏⴰⵜ ⵙ ⵓⵙⵡⵉⵔ ⵉⵖⵓⴷⴰⵏ ⵏ ⵜⵣⴷⴰⵢⵉⵏ ⵏ ⵜⵉⴷⴷⵓⴽⵍⴰ ⵏⵏⴰ ⵉⵙⵎⴰⵏⵏ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⴽⵓⵍⵓⵎⴱⵢⴰ, ⵏⵏⴰ ⵉⵙⴼⵉⵔⵙ ⵓⵎⵙⴰⵡⴰⵍ ⴰⵙⵔⵜⴰⵏ ⵉⵙⴷⵉⵏ ⵉⵜⵜⵓⵚⴽⴰⵏ, ⴷ ⵓⵎⵙⴰⵙⴰ ⵏ ⵜⴰⵏⵏⴰⵢⵉⵏ ⴳ ⵎⴰⴷ ⵉⵥⵍⵉⵏ ⵙ ⴽⵉⴳⴰⵏ ⵏ ⵜⵎⵏⵜⵉⵍⵉⵏ ⵜⵉⵏⵎⵏⴰⴹⵉⵏ ⴷ ⵜⵎⴰⴹⵍⴰⵏⵉⵏ ⵏⵏⴰ ⴷⴰⵔ ⴰⵙⵙⴰⵡⵀⵎⵎⴰ ⵉⵛⵛⴰⵔⵏ, ⵓⵍⴰ ⴰⵃⵟⵟⵓ ⵏ ⵜⵎⵉⵣⴰⵔ ⵅⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵢⴼⴼⵓⵙ- ⴰⵢⴼⴼⵓⵙ.
ⴰⵏⵙⵙⵉⵅⴼ ⵏ ⵜⵏⴱⴰⴷⵜ ⵉⵙⵙⵏⵜⵉ, ⴰⵏⵇⵇⵉⵙ ⵏ ⵜⴳⴷⵉⴷⴰⵏⵜ ⵏ ⴽⵄⵍⵓⵎⴱⵢⴰ ⴳ ⵜⵉⴽⴽⵉ ⵏ ⵜⵏⵎⵎⴰⵍⵉⵏ ⵏⵏⵙ ⵉ ⵓⵎⵙⵇⴰⴷ ⵏ ⵜⵎⴰⵣⵉⵔⵜ ⵏⵏⵙ ⴰⵎⴰⵢⵢⵓⵏⵓ ⴳ ⵕⵕⴱⴰⴹ, ⵃⵎⴰ ⴰⴷ ⵙⵙⵉⵖⵣⵉⴼⵏ ⵏ ⵓⵏⵍⵍⵓⵎⵜ ⴰⵇⵓⵏⵙⵓⵍⵉⵢ ⵏ ⵜⵎⵙⵇⴰⴷⵜ ⵏ ⴽⵓⵍⵓⵎⴱⵢⴰ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵇⵇⴰⵃ ⵜⴰⴳⵍⴷⵉⵜ ⵏ ⵍⵎⵖⵔⵉⴱ. ⵎⴽⵉⵏⵏⴰ ⵙⵙⵉⵡⵍⵏⵜ ⵜⵙⴳⴳⵉⵡⵉⵏ ⵙ ⵙⵏⴰⵜ ⵉⵎⴰⵍ ⵏ ⵜⵓⵙⵙⵓⵔⵉⵏ ⵉⵙⵙⴰⵡⵀⵎⵎⴰⵏ ⵏⵏⴰ ⴰⴽⴽⴰⵏ ⵡⴰⵏⵙⵉⵡⵏ ⵉⵙⵜⵔⴰⵜⵉⵊⵉⵢⵏ ⵏ ⴽⵓ ⵜⴰⵎⴰⵣⵉⵔⵜ, ⵣⵓⵏⴷ ⵙⵏⴰⵜ ⵜⵡⵓⵔⴰ ⴳ ⵓⵎⵏⵥⴰⵡ ⴰⵢⵉⴼⵔⵉⵇⵉⵢ, ⴷ ⵓⵎⴰⴹⴰⵍ ⴰⵙⵔⵖⵉⵏⵉⵢ ⴷ ⵓⵕⵓⴱⴱⴰ ⴳ ⵢⴰⵜ ⵜⵙⴳⴰ, ⴷ ⴰⵎⵔⵉⴽⴰ ⵜⴰⵍⴰⵜⵉⵏⵉⵢⵜ ⴷ ⵍⴽⴰⵔⴰⵢⴱⵉ ⴳ ⵜⵙⴳⴰ ⵏⵏⵉⴹⵏ.
ⵙⴷⵉⴷⴷⵏ ⵜⵙⴳⴳⵉⵡⵉⵏ ⴳ ⵓⵏⵎⵓⴳⴳⴰⵔ ⴰⴷ ⵅⴼ ⵜⵉⵔⵉⵜ ⵉⵛⵛⴰⵔⵏ ⵏ ⵓⵣⴷⴰⵢ ⴷ ⵓⵙⴷⵓⵙ ⴰⴷⵉⵏⴰⵎⵉⵢ ⵏⵏⴰ ⵉⵙⴼⵉⵔⵙⵏ ⵜⵉⵣⴷⴰⵢⵉⵏ ⵜⵉⵙⵉⵏⴰⵏⵉⵏ ⴳ ⵜⵙⴳⴳⵉⵡⵉⵏ ⵙ ⵓⵎⴰⵜⴰ, ⵙⵍⴰⵡⴰⵏ ⴰⴽⴽⵯ ⴳ ⵓⵙⴳⵉⴷⵢ ⵏ ⵉⵙⵏⴱⴰⴷⴷⴰⵍⵏ ⵏ ⵉⵔⵣⴰⴼⵏ ⴳⵔ ⵉⵙⴱⴷⴰⴷⵏ, ⴷ ⵜⵣⵎⵎⴰⵔ ⵅⴼ ⵓⵣⴷⴰⵢ ⵏ ⵉⵛⴰⵡⵕⵏ ⵉⵙⵔⵜⴰⵏⵏ ⵉⵙⵉⵏⴰⵏⵏ, ⴷ ⵓⵙⵎⵎⵣⴷⴰⵢ ⴳ ⵜⴼⵓⴳⵍⵉⵡⵉⵏ ⵜⵉⵎⴰⴹⵍⴰⵏⵉⵏ ⵉⵎⵢⴰⵏⴰⵡⵏ.
