ⵢⴰⵎⵓ ⵓⴽⴰⴱⴰⵕ ⴰⵎⵖⵔⴰⴱⵉ ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ 26 ⵏ ⵓⴳⵔⴰⵡ ⵉⴼⵔⴷⵉⵙⵏ ⴳ ⵓⵎⵙⴰⵙⴰ ⵏ ⵜⵎⵜⵜⴰ ⵉⵎⵓⵏⵏ ⵉⵙⵓⵜⴰⵢ ⵖⴼ ⵓⵙⵏⴼⵍ ⵏ ⵓⵏⵡⵣⵉ (COP 26)

ⵢⴰⵎⵓ ⵓⴽⴰⴱⴰⵕ ⴰⵎⵖⵔⴰⴱⵉ ⵢⴰⵜⵜⵓⵢⵏ ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ ⵙⵉⵡⵔⴰⵡ ⴷ ⵚⴹⵉⵚⵜ ⵏ ⵓⴳⵔⴰⵡ ⵏ ⵉⴼⵔⴷⵉⵙⵏ ⴳ ⵓⵎⵙⴰⵙⴰ ⵏ ⵜⵎⵜⵜⴰ ⵉⵎⵓⵏⵏ ⵉⵙⵓⵜⴰⵢ ⵖⴼ ⵓⵏⵙⴼⵍ ⵏ ⵓⵏⵣⵡⵉ (COP 26), ⵍⵍⵉ ⵉⵍⵍⴰⵏ ⴳ ⵜⵖⵔⵎⵜ ⵏ ⴳⵍⴰⴽⵙⵓ ⴳ ⵙⴽⵓⵟⵍⴰⴹⴰ ⵙⴳ 1 ⴰⵔ 12 ⵏⵓⵡⴰⵏⴱⵉⵔ 2021.
ⵜⵥⵍⵉ ⵜⵖⵉⵎⵉⵜ ⵏ ⵓⵏⵏⵓⵕⵥⵎ ⵏ ⵜⵙⵓⵜⵍⵜ ⵜⵉⵙⵙ ⵙⵉⵎⵔⴰⵡ ⴷ ⵚⴹⵉⵚⵜ ⵏ ⵓⴳⵔⴰⵡⵏ ⵙ ⵢⵉⵏⴰⵡ ⴰⴳⵍⴷⴰⵏ ⴰⵎⴰⵜⵜⴰⵢ ⵢⵓⵣⵏ ⵜ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵉ ⵉⵎⴷⵔⴰⵡⵏ, ⵉⵖⵔ ⵜ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ.
ⵉⴳⵣⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵢⴳⵔⴰⵡ ⴰⴷ, ⵎⴰⵙⵙ ⴰⵏⵙⵙⵉⵛⴼ ⵏ ⵜⵏⴱⴰⴹⵜ, ⵍⵍⵉ ⵉⵙⵙⵉⵅⴼⵏ ⴰⴽⴰⴱⴰⵕ ⴰⵎⵖⵔⴰⴱⵉ ⵍⵍⵉ ⵢⵓⵎⴰⵏ ⵎⵓⵃⵎⵎⴰⴷ ⵚⴰⴹⵉⵇⵉ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⴷ ⵎⴰⵙⵙⴰ ⵍⴰⵢⵍⴰ ⴱⵏ ⵄⵍⵉ, ⵜⴰⵎⴰⵡⵙⴰⵙⵜ ⵏ ⵓⵎⵎⴰⵜⵜⵉ ⴰⵏⵥⴹⴰⵕ ⴷ ⵜⴳⵎⵉ ⵜⴰⵙⵓⵍⴰⵏⵜ.
ⴰⵎⵓⵏ ⴳ ⵜⵓⵏⵖⵉⵍⵜ ⵜⵉⵙⵙ ⵙⵉⵎⵔⴰⵡ ⴷ ⵚⴹⵉⵚⵜ ⵏ ⵓⴳⵔⴰⵡ, ⵎⵏⵏⴰⵡ ⵏ ⵉⵎⴰⵡⴰⵢⵏ ⵉⵡⴰⵏⴽⵏ, ⴷ ⵉⵏⵙⵙⵉⵅⴼⵏ ⵏ ⵜⵏⴱⴰⴹⵉⵏ, ⴷ ⵉⵏⵙⵙⵉⵅⴼⵏ ⵏ ⵜⵎⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ, ⴷ ⵉⵏⵙⵙⵉⵅⴼⵏ ⵏ ⵜⵎⵙⵙⵓⵔⵉⵏ  ⵜⵉⵎⴰⴹⵍⴰⵏⵉⵏ ⵜⵉⵎⵇⵇⵔⴰⵏⵉⵏ, ⴷ ⵉⵎⵓⵣⴰⵢⵏ ⴷ ⵉⴽⴰⴷⵉⵎⵉⵢⵏ ⴷ ⵉⴳⵏⵙⴰⵙ ⵏ ⵡⴰⵎⵓⵏ ⵓⵖⵔⵉⵎ ⴷ ⵉⵏⵎⵓⵔⴰⵏ. ⵡⴰⵜⵙ ⵓⴳⵔⴰⵡ ⴰⴷ ⴰⵙⵓⴷⵙ ⵏ ⵓⵙⵖⵓⵏ ⵏ ⵓⵏⴳⵔⴰⵡ ⴰⵎⴰⴹⵍⴰⵏ ⴳ ⵓⵙⴱⴷⴷⵉ ⵏ ⵉⵎⵉⵣⵉⵜⵏ ⵉⵅⴰⵜⴰⵔⵏ ⵍⵍⵉ ⵉⵜⵜⵙⴷⴷⵉⴷⵏ ⵉⵎⴰⵍ ⵏ ⵜⵉⴼⴼⵓⴳⵏⴰ, ⴷ ⵓⵙⵎⵓⵏ ⵏ ⵜⵣⵎⵎⴰⵔ ⵏ ⵇⵇⴰⵃ ⵉⴼⵔⴷⵉⵏ ⵢⴰⵎⵓⵏ, ⵃⵎⴰ ⴰⴷ ⵙⵖⴰⵡⵍⵏ ⴰⵣⵓⴳⴳⵣ ⵏ ⵉⵡⵜⵜⴰⵙ ⵏ ⵓⵎⵙⴰⵙⴰ ⵏ ⴱⴰⵔⵉⵣ ⴷ ⵓⵎⵙⴰⵙⴰ ⵏ ⵜⵎⵜⵜⴰ ⵉⵎⵓⵏⵏ ⵉⵙⵓⵜⴰⵢ ⵖⴼ ⵓⵙⵏⴼⵍ ⵏ ⵓⵏⵡⵣⵡⵉ.
ⴳⴰⵏⵜ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⴷ ⴰⵣⵎⵣⵣⵓ ⴰⴷ ⵉⵙⵏⴽ ⴽⵎⵖⵔⵉⴱ ⵜⴰⵣⴱⵔⵜ ⵏⵏⵙ ⵉⵜⵜⵓⵙⵡⵜⵜⴰⵏ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⵙⵙⵉⴼⵙⵓⵙ ⵏ ⵏ ⵡⴰⴳⴰⵣ ⵢⵓⴷⵔⵏ, ⵍⵍⵉ ⵎⵉ ⵉⵜⵜⵓⴳⴰ ⵓⵙⴷⵖⵉ ⴳ ⵉⴷⵉⵔ ⵏ 2020, ⵓⵍⴰ ⴰⵙⴼⵙⵔ ⵏ ⵜⵙⵔⵜⵉⵜⵉⵏ ⴷ ⵜⵙⵜⵔⴰⵜⵉⵊⵉⵏ ⵜⵉⵎⴰⴳⴳⵓⵎⵉⵏ ⵍⵍⵉ ⵉⵙⵙⵏⵜⴰ ⵍⵎⵖⵔⵉⴱ ⵙ ⵓⵎⵓⵔⵙ, ⵙ ⵜⵏⴰⵔⴰ ⵜⴰⵎⵉⵖⵉⵙⵜ ⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵥⵕ ⵕⴱⴱⵉ, ⵃⵎⴰ ⴰⴷ ⵜⵜⵓⵙⵏⵜⵉ ⵜⴳⵎⵉ ⵜⴰⵙⵓⵍⴰⵏⵜ, ⴰⵙⵙⵔⵇⴱ ⵏ ⵓⵎⵎⴰⵜⵜⵉ ⴰⵏⵥⴹⴰⵕ, ⴰⵏⵏⴰⵍ ⵏ ⵜⴻⵜⵉⴽⵏⵓⵍⵓⵊⵉ ⵜⴰⵎⵣⴷⴰⴳⵜ, ⴰⵙⴷⵓⵙ ⵏ ⵓⴱⵣⴰⵔ ⴰⵎⴳⴳⴰⵢ ⵏ ⵜⴳⵍⴷⵉⵜ ⴳ ⵜⵣⵎⵎⴰⵔ ⵜⵉⴳⵔⴰⵖⵍⴰⵏⵉⵏ ⴳ ⵢⵉⴳⵔ ⴰⴷ ⴳ ⵓⵎⵙⴰⵙⴰ ⵏ ⵉⵙⵖⵡⴰⵏ ⵉⴳⵔⴰⵖⵍⴰⵏⵏ ⵏ ⵜⴳⵍⴷⵉⵜ.