ⵜⴰⵙⴳⵓⵔⵉ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵖⴼ ⵢⵉⵏⴰⵡ ⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵙ ⵓⵣⵎⵣⵣⵓ ⵏ ⵓⴽⵜⵜⴰⵢ ⵏ ⵜⵡⴰⴷⴰ ⵜⴰⵣⴳⵣⴰⵡⵜ
ⵉⵥⵍⵉ ⵢⵉⵏⴰⵡ ⴰⵎⴰⵜⵜⴰⵢ ⵍⵍⵉ ⵉⵙⵙⴽⵔ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⵙ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵢⴰⵡⵙ ⵜ ⴰⵙⵙ ⵏ ⵓⵚⵉⴹⵢⴰⵙ 6 ⵏⵓⵡⴰⵏⴱⵉⵔ ⵙ ⵓⵣⵎⵣⵣⵓ ⵏ ⵜⵡⴰⴷⴰ ⵜⴰⵣⴳⵣⴰⵡⵜ, ⵣⵓⵏⴷ ⵖⵉⴽⵍⵍⵉ ⴱⴷⴷⴰ ⵙ ⵓⴼⴰⵡ ⴷ ⵓⴼⵔⵔⵣ ⴷ ⵓⴽⵕⴰⵥ ⵉⵎⴽⵉⵏⵏⴰ ⵉⵥⵍⵉ ⵙ ⵢⵉⵎⴰⵏ ⵓⵎⵏⵉⴳⵏ ⴷ ⵓⵙⵏⵉⵍⴰ ⵖⴼ ⵉⵎⴰⵍ.
ⵉⵏⴰⵡ ⴰⴳⵍⴷⴰⵏ ⴰⵎⴰⵜⵜⴰⵢ ⵉⵙⵔⵙ ⵜⵉⵏⵇⵇⴰⴹ ⵖⴼ ⵉⵙⴽⴽⵉⵍⵏ ⴳ ⵓⵢⵍⵍⵉ ⵉⵥⵍⵉⵏ ⵙ ⵉⵎⴰⵢⵏⵓⵜⵏ ⵏ ⵓⵙⴷⴰⵡ ⵏ ⵜⴰⵎⵓⵏⵜ ⵏⵏⵖ ⵜⴰⵏⴰⴽⴰⵍⵜ ⵉⵙⵙⵏⵜⵎ ⵉ ⵡⵉⵍⵍⴰ ⵢⵓⵙⵔⵏ ⴰⵏⵜⵜⴰⵎ ⵉⵙ ⵓⵔ ⴷⴰ ⵜⵜⵎⴷⵉⵡⵉⵍ ⵍⵎⵖⵔⵉⴱ ⵖⴼ ⵜⵏⵣⵔⵓⴼⵜ ⵏⵏⵙ ⵎⴰⵛⴰ ⴷⴰ ⵉⵔⵣⵣⵓ ⴰⴼⵙⵙⴰⵢ ⵉ ⵓⵎⵎⵏⵣⵖ ⴰⴷ ⵉⵜⵜⵓⴳⴰⵏ.
ⴰⴱⵔⵉⴷ ⴰⴷ ⵉⵜⵜⴰⴼⴰ ⴰⴽⵡ ⵡⴰⴽⵓⴷ ⵓⴳⴳⴰ ⵔ ⵏ ⵡⴰⵏⵏⴰⵍ ⴷ ⵡⴰⵡⵡⴰⵙ ⴳ ⵓⵙⵡⵉⵔ ⴰⵎⴰⴹⵍⴰⵏ.
ⵉⵎⴽⵉⵏⵏⴰ ⵉⵙⵙⴽⵜⵉ ⵓⴳⵍⵍⵉⴷ ⵙ ⵡⴰⵎⵎⴰⵥⵏ ⵉⴷⵉⴱⵍⵓⵎⴰⵙⵉⵢⵏ ⵉⴷⵙⵍⴰⵏⵏ ⵍⵍⵉ ⵉⵙⵍⵍⵡⴰ ⵉⵙⵙⵏⵜⵎ ⵉⵔ ⵜⵏⵏⵉ ⵜⴷⵉⵏⴰⵎⵉⵜ ⴰⴷ ⴰⴷ ⵜⴱⴷⴷ.
ⵉⵙⴰⵡⵍ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵖⴼ ⵓⵙⴷⴷⵉ ⵏ ⵜⴳⵎⵉ ⴳ ⵜⵏⵣⵔⵓⴼⵜ ⵜⴰⵎⴱⵔⴰⴱⵉⵜ ⴷ ⵢⵉⴳⴳⵉⵜⵏ ⵏ ⵜⴳⵎⵉ ⵉⵜⵜⵓⴳⴰⵏ ⴳ ⵜⵙⴳⴳⵯⵉⵏ ⵏ ⵉⴼⴼⵓⵙ ⵍⵍⵉ ⵢⴰⵖⵓⵍⵏ ⵙ ⵜⵓⵍⵍⵓⵖⵜ ⵖⴼ ⵜⵓⴷⵔⵜ ⵜⴰⴽⵓⵢⴰⵙⵜ ⵏ ⵉⵎⵣⴷⴰⵖ ⵏⵏⵙ.
ⴷ ⵓⵢⴰ ⵀⵉⵎⴰ ⵖⵉⴽⵍⵍⵉ ⵙ ⵉⵏⵏⴰ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵉⵜⵜⵓⵙⵍⵍⵡ ⵙ ⵜⵓⵍⵍⵓⵖⵜ ⵏ ⵉⵎⴷⵔⴰⵡⵏ ⵉⴳⵔⴰⵖⵍⴰⵏⵏ ⵉⴷⵖⵔⵉⵢⵏ ⴷ ⵢⵉⴳⵔ ⵓⵙⵍⵉⴳ ⴰⵎⵖⵔⴰⴱⵉ ⴰⵏⴰⵎⵓⵔ ⵍⵍⵉ ⵉⵙⵡⵓⵔⵉⵏ ⵙ ⵎⴰⴷ ⴰⴽⴽⵯ ⵉⵍⴰ ⴰⴷ ⵢⵓⵎⵓ ⴳ ⵜⴳⵎⵉ ⴰⴷ ⵓⵔⴰⵔ ⵜⵉⵙⴳⴳⵯⵉⵏ ⵏ ⵉⴼⴼⵓⵙ ⴰⴳ ⴳⵉⵏⵜ ⵉⴳⵊⴷⵉ ⵓⵍⴷⵉⵢ ⵏ ⵓⵙⵙⴰⵔⵓ ⴷ ⵓⵙⴱⵓⵖⵍⵓ ⴰⴷⵎⵙⴰⵏ.
ⴳ ⵜⵙⴳⴰ ⵏ ⵎⴰⵕⵕⴰ ⵎⴰⵏ ⴰⵢⴰ, ⵉⵇⵇⴰⵏ ⴷ ⴰⴷ ⵏⴱⴷⴷ ⵖⴼ ⵜⴱⵔⴰⵜ ⵍⵉ ⵓⵣⵏⵏ ⵉⵏⵎⵓⵔⴰⵏ ⵉⵎⵖⵔⴰⴱⵉⵢⵏ ⴳ ⵜⵎⵏⴰⴹⵉⵏ ⵏⵏⵖ ⵜⵉⵙⵃⵕⴰⵡⵉⵢⵉⵏ ⴳ ⵉⵙⵜⴰⵢⵏ ⵏ 8 ⵛⵓⵜⴰⵏⴱⵉⵔ 2021 ⵍⵍⵉ ⵢⵓⵎⴰⵏⵏ ⴳ ⵓⴷⵔⴰⵡ ⵉⵎⵇⵇⵓⵔⵏ ⴳ ⵜⵎⵏⴰⴹⵉⵏ ⵙ ⴽⵕⴰⴹⵜ.
ⵉⴳⴰ ⵓⵢⴰ ⵜⴰⵎⵔⴰⵔⵓⵜ ⵖⴼ ⵉⵛⵏⴳⴰ ⵏ ⵜⴰⵎⵓⵏⵜ ⵏⵏⵖ ⵜⴰⵏⴰⴽⴰⵍⵜ ⴰⵔ ⵉⵜⵜⴱⴱⵉ ⴰⵡⴰⵍ ⵖⴼ ⵉⴳⵏⵙⴰⵙ ⵓⵣⵔⵉⴼⵏ ⵉ ⵉⵏⵎⵓⵔⴰⵏ ⴳ ⵜⵎⵏⴰⴹⵉⵏ ⵜⵉⵚⵃⵕⴰⵡⵉⵢⵉⵏ ⴳ ⵜⵓⴳⴳⵓⴳⵜ ⵖⴳ ⵜⴽⵔⴽⴰⵙ ⵏ ⵡⴰⵏⴼⴰⵜⵏ ⴷ ⵉⵛⵏⴳⴰ.
ⵍⵎⵖⵔⵉⴱ ⴷ ⴰⵡⴰⵏⴽ ⴰⵎⴰⵙⴰⵢ ⵉⵜⵜⵡⵇⵇⴰⵔⵏ ⵉⵙⵖⵓⵏⵏ ⵏⵏⵙ ⵉⴳⵔⴰⵖⵍⴰⵏⵏ ⴰⵔ ⵉⵜⵜⴰⵎⵥ ⴳ ⵙⵙⵍⴰⵎⵜ ⴰⵔ ⵉⵜⵜⴷⴷⵓ ⴳ ⵉⴱⵔⴷⴰⵏ ⵉⴷⵉⴱⵍⵓⵎⴰⵙⵉⵢⵏ ⴳ ⵓⵎⵣⴰⵖ ⵖⴼ ⵜⵏⵣⵔⵓⴼⵜ ⵏⵏⵙ.
ⵓⵔ ⵏⵏⵉⵖ ⴰⴷ ⵇⴳⵍⵖ ⴰⵣⵎⵣⵣⵓ ⴱⵍⴰ ⴰⴷ ⴱⴷⵔⵖ ⵉⵙⵙⵉⵔⵖⵓⴷⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵉⵖⵔⴼⴰⵏ ⵉⵎⵖⴰⵔⴱⵉⵢⵏ ⵙ ⵜⵓⵍⵍⵓⵖⵜ ⴷ ⵓⵙⵙⵕⵙⵓ ⵉⴳⴰⵏ ⵜⴰⴱⵔⴰⵜ ⵉⴷⵓⵙⵏ ⵉⵙⵙⵏⵜⴰⵎⵏ ⴰⵏⵣⴳⵓⵎ ⵏ ⵍⵎⵖⵔⵉⴱ ⵖⴼ ⵜⴰⵎⵓⵏⵜ ⵏ ⵉⵖⵔⴼⴰⵏ ⵏ ⵜⵎⵏⴰⴹⵜ ⴷ ⵎⴰⴷ ⵜⵓⴽⵍⴰⵍ ⵏ ⵓⵙⴱⵓⵖⵍⵓ ⵏ ⵡⴰⴷⴷⴰⵏ ⵏⵏⵙ.
