ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⵙⵉⵎⵡⴰⵙ 27 ⵢⵓⵍⵢⵓⵣ2022
ⵜⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵡⴰⵙ 27 ⵜⴼⴰⵙⴽⴰ 1443, ⵉⵎⵙⴰⵙⴰⵏ ⴰⴽⴷ 27 ⵢⵓⵍⵢⵓ 2022, ⴰⴳⵔⴰⵡ ⵏⵏⵙ ⵏ ⵉⵎⴰⵍⴰⵙⵙ, ⵙ ⵜⵜⵉⵇⵏⵉⵢⵜ ⵏ ⵓⵎⵢⴰⵡⴰⴹ ⵉⵎⵥⵕⵉ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵓⵙⵜⴰⵢⵏ ⵉ ⵓⵙⵎⵏⵉⴷ ⵏ ⵓⵙⴽⴰⵏ ⴰⵏⴳⵔⴰⵏ, ⴷ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵖⵣⵏ ⵅⴼ ⵜⵓⴳⴳⵜ ⵏ ⵉⵙⵏⴼⴰⵔⵏ ⵏ ⵉⴹⵕⵉⵚⵏ ⵉⵣⵔⴼⴰⵏⵏ, ⴷ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⴷ ⵢⵓⵙⵏ ⴳ ⵢⵉⵎⵉⵔ 92 ⴳ ⵓⴷⵓⵙⵜⵓⵔ.
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ
- ⵙⴳ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.564 ⵉⵇⵇⵏ ⵖⵔ ⵓⵙⵖⵣⴼ ⵏ ⵜⵉⵣⵉ ⵏ ⵡⴰⴷⴷⴰⴷ ⴰⵎⵓⴳⵣ ⴰⴷⵓⵙⴰⵏ ⴳ ⵎⴰⵕⵕⴰ ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⵉ ⵓⵎⵏⴰⵍⴰ ⵏ ⵜⴰⴷⵓⵢⵜ ⵏ ⵓⴼⵉⵔⵓⵙ ⵏ ⴽⵓⵕⵓⵏⴰ-ⴽⵓⴼⵉⴷ 19, ⵉⵙⵏⴽⴷ ⵜ ⵎⴰⵙⵙ ⵄⴱⴷⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵜⴳⵯⵏⵙⴰⵏⵜ.
- ⴹⴰⵕⴰⵙ, ⵉⵎⵎⵓⵜⵜⵉ ⵓⵙⵇⵇⵉⵎ ⵏ ⵜⵏⴰⴱⴹⵜ ⵖⵔ ⵓⵎⵔⴰⵔⴰ ⴰⵡⴰⵍ ⴷ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.472 ⵏ ⵓⵙⴽⴰⵔ ⵙ ⵓⵣⵔⴼ ⵓⵟⵟⵓⵏ 80.21 ⵉ ⵜⵉⴳⴳⵉ ⵏ ⵡⴰⵔⵔⴰ ⴰⵏⴰⵎⵓⵔ ⴰⵏⴼⵍⴰⵃ, ⵉⵙⵏⴽⴷ ⵜ ⵎⴰⵙⵙ ⵎⵓⵃⵎⵎⴰⴷ ⵚⵉⴷⵇⵉ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵢ ⴷ ⵜⴳⵯⵎⴰⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ.
- ⵉⵙⵙⵓⴷⵓ ⵓⵙⵇⵇⵉⵎ ⵏ ⵜⵏⴱⴰⴹⵜ ⴳ ⵜⵡⵓⵔⵉⵡⵉⵏ ⵏⵏⵙ ⵙ ⵓⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.447 ⵙ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵎⵕⵚⵓⵎ ⵓⵟⵟⵓⵏ 2.12.293 (ⵢⵓⵍⵢⵓ 2012) ⵙ ⵓⵙⵡⵜⵜⵓ ⵏ ⵜⵎⴰⵎⴽⵉⵏ ⵏ ⵓⴱⵟⵟⵓ ⵏ ⵡⴰⵏⵏⴰⵍ ⵉⵜⵜⵓⴼⴽⴰⵏ ⵉ ⵉⴽⴰⴱⴰⵕⵏ ⵉⵙⵔⵜⴰⵏⵏ ⴷ ⵜⴱⵔⵉⴷⵉⵏ ⵏ ⵓⵇⵕⴹ ⵏⵏⵙ, ⴹⴰⵕⵜ ⵓⴹⴼⴼⵓⵕ ⵏ ⵜⵣⵔⴰⵡⵜ ⵏⵏⵙ ⵙ ⵎⵉⵏ ⴷ ⵢⵓⵡⵉ ⵓⵖⵜⴰⵙ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵜⵜⵓⴳⴰⵏ ⴳ ⵓⵙⴰⴽⵓⴷ ⵏ 23 ⵢⵓⵏⵢⵓ 2022.
ⵉⵔⴳⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴷ ⵉⵎⵉⵔ 92 ⴳ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ, ⵉⵢⵢⵓⵙⵎⴰⵍ:
- ⵎⴰⵙⵙ ⵢⵓⵏⵙ ⵉⴷⵔⵉⵙⵉ ⵇⵉⵟⵓⵏⵉ, ⴷ ⴰⵏⵎⵀⴰⵍⵉ ⵉⵙⵓⴳⴰⵎⵏ ⴷ ⵓⴼⵔⵔⵣ ⴳ ⵜⵎⵀⵍⴰ ⵜⴰⵎⴰⵜⵓⵜ ⵏ ⵉⵔⴳⴰⵢⵏ.
- ⴳ ⵜⵎⴰⵡⴰⵙⵜ ⵏ ⵓⵙⵎⵓⵜⵜⴳ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵥⴽⴰⵡ ⴷ ⵜⵣⴷⵓⵖⵜ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵜⴻⵜⵜⵓⵙⵎⴰⵍ:
- ⵎⴰⵙⵙⴰ ⵣⵀⵕⴰ ⵙⵙⴰⵀⵉ, ⴷ ⵜⴰⵏⵎⵀⴰⵍⵜ ⵉ ⵜⵙⵏⵓⵔⴰⵢⵜ ⵜⴰⵖⵔⴰⵎⴰⵏⵜ ⵏ ⵚⵚⵡⵉⵕⴰ.
- ⴳⵜⵎⴰⵡⴰⵙⵜ ⵏ ⵓⵎⵢⴰⵡⴰⵙ ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵜⴰⵡⵊⴰ , ⵜⴻⵜⵜⵓⵙⵎⴰⵍ:
- ⵎⴰⵙⵙⴰ ⵙⴰⵍⵎⴰⵜⵜⴰⵣⵉ, ⴷ ⵜⴰⵏⵎⵀⴰⵍⵜ ⵉ ⵜⵎⵏⵀⵍⴰ ⵏ ⵜⵎⵟⵟⵓⴹⵜ.
