ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵙⵉⵅⴼ ⵜⴰⵙⵎⵓⵏⵉ ⵏ ⵜⵙⵇⵇⵉⵎⵜ ⵜⴰⵎⴰⵜⵜⴰⵢⵜ ⵏ ⵓⵎⵙⴰⵡⴰⵍ ⴰⵏⴰⵎⵓⵏ

• ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵙⵉⵅⴼ ⵜⴰⵙⵎⵓⵏⵉ ⵏ ⵜⵙⵇⵇⵉⵎⵜ ⵜⴰⵎⴰⵜⵜⴰⵢⵜ ⵏ ⵓⵎⵙⴰⵡⴰⵍ ⴰⵏⴰⵎⵓⵏ
• ⴰⵙⴳⵎⴹ ⵖⴼ ⵓⵏⵇⵇⵉⵙ ⵏ ⵓⵎⵙⴰⵙⴰ ⴳⵔ 2022 ⴷ 2024;
• ⴰⵙⵙⴳⵎⴹ ⵖⴼ ⵜⵏⵜⵜⴰⵎⵜ ⵜⴰⵏⴰⵎⵓⵔⵜ ⵏ ⵓⵎⵙⴰⵡⴰⵍ ⴰⵏⴰⵎⵓⵏ; ⵉⴼⴼⵖ ⵓⵎⵙⴰⵡⴰⵍ ⴰⵏⴰⵎⵓⵏ ⵙ ⵜⴳⵔⵓⵎⵎⴰ ⵏ ⵓⵙⵖⵡⴰⵏ ⴳⵉⵙⵏ ⴰⵙⵉⵍⵉⵢ ⵏ ⵓⵡⵜⵜⵓ ⴰⵏⴰⴷⴷⴰⵢ ⵏ ⵜⵖⵔⴰⴷ

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵄⴰⵣⵉⵣ ⴰⵅⵏⵓⵛ ⴰⴽⴷ ⵉⴷ ⵎⴰⵙⵙ ⵉⵏⴼⵍⴰⵙ ⴷ ⵉⵎⴰⵔⴰⵜⵏ ⵉⵎⴰⵜⴰⵢⵏ ⵏ ⵜⵏⴰⵎⵎⴰⵙⵉⵏ ⵜⵉⵏⵎⴰⵍⵍⴰⵏⵉⵏ ⴰⴽⴽⵯ ⵉⵜⵜⵓⴳⵏⵙⴻⵙ ⵏⵖ ⵉⵎⴰⵔⴰⵜⵏ ⵏⵏⵙⵏ, ⵉⴷ ⵎⴰⵙⵙ ; ⵍⵎⵉⵍⵓⴷⵉ ⵎⵓⵅⴰⵔⵉⵇ ⴰⵏⴼⵍⵓⵙ ⴰⵎⴰⵜⴰⵢ ⵏ ⵡⴰⵎⵓⵏ ⴰⵎⵖⵔⵉⴱⵉ ⵏ ⵜⵡⵓⵔⵉⵏ, ⵏⵏⵉⵄⴰⵎ ⵎⵢⴰⵔⴰ ⴰⵎⴰⵔⴰ ⴰⵎⴰⵜⴰⵢ ⵏ ⵡⴰⵎⵓⵏ ⴰⵎⴰⵜⴰⵢ ⵏ ⵉⵎⵙⵡⵓⵔⵉⵜⵏ ⴳ ⵍⵎⵖⵔⵉⴱ, ⴷ ⵅⴰⵍⵉⴷ ⵍⵄⴰⵍⴰⵎⵉ ⵍⵀⵡⵉⵔ ⴷ ⴱⵓⵛⵜⵜⴰ ⴱⵓⵅⴰⵍⴼⴰ ⵉⴳⵏⵙⴰⵙ ⵏ ⵜⴽⵓⵏⴼⵉⴷⵉⵔⴰⵍⵉⵜ ⵜⴰⴷⵉⵎⵓⴽⵔⴰⵜⵉⵜ ⵏ ⵜⵡⵓⵔⵉⵏ ⴷ ⵛⴰⴽⵉⴱ ⵍⵄⵍⵊ ⴰⵏⵙⵙⵉⵅⴼ ⵏ ⵡⴰⵎⵓⵏ ⴰⵎⴰⵜⴰⵢ ⵏ ⵜⵎⵙⵙⵏⵜⴰⵢ ⵏ ⵍⵎⵖⵔⵉⴱ, ⴷ ⵎⵓⵃⵎⵎⴰⴷ ⵍⵄⵎⵎⵓⵔⵉ ⴰⵏⵙⵙⵉⵅⴼ ⵏ ⵜⴽⵓⵏⴼⵉⴷⵉⵔⴰⵍⵉⵜ ⵜⴰⵎⵖⵔⵉⴱⵉⵜ ⵏ ⵜⴼⵍⵍⴰⵃⵜ ⴷ ⵜⴳⵎⵉ ⵜⴰⴼⴰⵔⴰⵏⵜ, ⵜⴰⵙⵎⵓⵏⵉ ⵏ ⵜⵙⵇⵇⵉⵎⵜ ⵜⴰⵎⴰⵜⵜⴰⵢⵜ ⵏ ⵓⵎⵙⴰⵡⴰⵍ ⴰⵏⴰⵎⵓⵏ, ⴰⵙⵙ ⵏ 30 ⵉⴱⵔⵉⵔ 2022 ⴳ ⵡⴰⵏⵙⴰ ⵏ ⵜⵏⵙⵙⵉⵅⴼⵜ ⴳ ⵕⵕⴱⴰⵟ.
ⵍⵍⴰⵏ ⴳ ⵜⵙⵎⵓⵏⵉ ⴰⴷ ⵉⴳⵎⴰⵎⵏ ⵏ ⵜⵏⴱⴰⴹⵜ ⵉⴷ ⵎⴰⵙⵙ ⴷ ⵉⴷ ⵎⴰⵙⵙ : ⵏⴰⴷⵢⴰ ⴼⵜⵜⴰⵃ ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵓⵥⵕⴼ, ⵢⵓⵏⵙ ⵙⴽⴽⵓⵔⵉ ⴰⵎⴰⵡⵙⴰⵙ ⵏ ⵓⵙⵉⴷⴼ ⴷ ⵜⵎⵙⵙⵏⵜⵉⵜ ⵜⴰⵎⵥⵥⵢⴰⵏⵜ ⴷ ⵓⵙⵡⵓⵔⵉ ⴷ ⵜⵙⵓⴳⴰⵔ, ⴷ ⴼⴰⵡⵣⵉ ⵍⵇⵊⵄ ⴰⵎⴰⵡⵙⴰⵙ ⴰⵎⴰⵔⵉ ⵖⴼ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵓⵥⵕⴼ ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵜⵍⵜ, ⴷ ⵖⵉⵜⴰ ⵎⵣⵡⴰⵔ ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⵖⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵎⴰⵜⵜⵉ ⴰⵎⵓⵟⵟⵓⵏ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ.

ⵜⴻⵜⵜⵓⵥⵎⵉ ⴷ ⵜⵙⵎⵓⵏⵉ ⴰⴷ ⵓ ⵓⵙⵔⴳⵓ ⵏ ⵜⵙⵓⵜⵍⵜ ⵏ ⵉⴱⵔⵉⵔ ⵏ ⵓⵎⵙⴰⵡⴰⵍ ⴰⵏⴰⵎⵓⵏ, ⵉⵎⵉⵍ ⵜⵥⵎⵍⵉ ⵙ ⵜⴼⵉⴳⵍⴰ ⵏ ⵓⵙⴳⵎⴹ ⵖⴼ ⵓⵏⵇⵇⵉⵙ ⵏ ⵓⵎⵙⴰⵙⴰ 28 ⵕⵎⴹⴰⵏ 1443, ⵍⵍⵉ ⵉⴳⴰⵏ ⴰⵎⵣⵡⴰⵔⵓ ⴳ ⵡⴰⵏⴰⵡ ⵏⵏⵙ, ⴳ ⵓⵙⴰⵜⴰⵍ ⵏ ⵓⵙⵏⵜⵉ ⵏ ⵜⵎⴰⵣⵉⵔⵜ ⵏⵏⵖ ⴳ ⵓⵣⵣⴳⵉⵔ ⵏ ⵉⵙⴳⵓⵎⵏ ⵏ ⵓⵣⵓⵔⵜ ⴰⵎⴰⵢⵏⵓ ⵏ ⵜⴳⵎⵉ ⵍⵍⵉ ⵎⵉ ⵉⴼⴽⴰ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵄⵎⵎⴰⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵢⴰⵡⵙ ⵜ ⴰⵏⵏⵓⵕⵥⵎ ⵏⵏⵙ ⵉⵕⵡⴰⵏ.

ⵜⵇⵇⵏ ⵜⵏⴱⴰⴹⵜ ⵙⴳ ⵎⴰ ⴰⵢ ⴷ ⵜⵓⵙⵉ ⵜⴰⵎⴰⵙⴰⵢⵜ ⴳ ⵓⵎⵙⴰⵙⴰ ⴰⴽⴷ ⵓⵙⵡⴰⵍⴰⵜⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵚⵕ ⵕⴱⴱⵉ, ⵉⴷⴷⵖ ⵉⴳⴰ ⵓⵙⵎⵉⵏ ⵏ ⵉⵎⵙⵡⵓⵔⵉⵜⵏ ⵉⵎⵖⵔⵉⴱⵉⵢⵏ ⴰⵎⵛⵛⵔⴽ ⴳ ⵜⵣⵎⵎⴰⵔ ⵜⵉⵏⴰⵎⵓⵔⵉⵏ ⵜⵉⵏⴰⵎⵓⵏⵉⵏ ⴳ ⵓⵙⵙⵏⵜⵉ ⵏ ⵜⵔⵙⴰⵍ ⵏ ⵓⵡⴰⵏⴽ ⵉⵏⴰⵎⵓⵏⵏ, ⵖⴼ ⵓⵕⵥⵥⵓⵎ ⵏ ⵓⵎⵙⴰⵡⴰⵍ ⴰⴷⵖⵔⵉ ⴰⵏⵉⵍⴰⵡ ⴰⴽⴷ ⵉⵏⵎⵓⵍⵍⴰ, ⴳ ⵓⵙⴰⵜⵉ ⵏ ⵓⵥⵓⵥⴹ ⵏⵏⵙ ⵛⴼ ⵓⵙⴷⵓⵙ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⵜⴰⴱⵖⵓⵔⵜ ⴳ ⵢⵉⴳⵔ ⵏ ⵓⵎⵙⴰⵡⴰⵍ ⴰⵏⴰⵎⵓⵏ, ⵉⵎⵉⵍ ⵉⴼⴽⴰ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵙⵏⵜⵉ ⵏ ⵜⵙⵓⵜⵍⵜ ⴰⴷ ⴳ ⵜⵎⵓⵏⵉⵜⵉⵏ ⵏⵏⵙ ⴰⴽⴷ ⵜⵏⴰⵎⵎⴰⵙⵉⵏ ⵜⵉⵏⵎⴰⵍⵍⴰⵜⵉⵏ ⴰⴽⴽⵯ ⵉⵜⵜⵓⴳⵏⵙⴻⵙ ⴷ ⵡⴰⵎⵓⵏ ⴰⵎⴰⵜⴰⵢ ⵏ ⵜⵎⵙⵙⵏⵜⴰⵢ ⵏ ⵍⵎⵖⵔⵉⴱ ⵓⵙⵙⴰⵏ ⵏ 24 ⴷ 25 ⴱⵕⴰⵢⵕ 2022.
ⴷⴼⴼⵉⵔ ⵏ ⵉⵙⴷⴷⵉⵜⵏ ⵏ ⵜⵙⵎⵓⵏⵉⵡⵉⵏ ⵜⵉⵎⴽⵕⴰⴹ ⵉⵙⵙⵓⴷⴰⵏ ⴳ ⵓⵙⵡⵉⵔ ⵏ ⵜⵙⵇⵇⵉⵎⵉⵏ ⴷ ⵉⴼⴼⵖⵏ ⵙⴳ ⵜⵙⵇⵇⵉⵎⵉⵏ ⵜⵉⵏⴰⴼⵍⵍⴰⵜⵉⵏ ⵏ ⵓⵎⵙⴰⵡⴰⵍ ⴰⵏⴰⵎⵓⵏ, ⵉⵍⵍⴰ ⵡⴰⵡⴰⵍ ⵖⴼ ⵜⵏⵇⵇⵉⵙⵜ ⵏ ⵢⵉⴳⵔ ⵓⵙⵍⵉⴳ ⴷ ⵜⵓⵣⵔⵉⴼⵉⵏ ⵏ ⵜⵡⵓⵔⵉ ⴷ ⵜⵙⵇⵇⵉⵎⵜ ⵏ ⵓⵙⵎⵔⵙⵍ ⴷ ⵜⵙⵇⵇⵉⵎⵜ ⵏ ⵢⵉⴳⵔ ⴰⴳⴷⵓⴷⴰⵏ ⴷ ⵜⵙⵇⵇⵉⵎⵜ ⵉⵛⵛⴰⵔⵏ, ⵙ ⵜⵓⵍⵍⵓⵖⵜ ⵏ ⵜⵉⵔⴰⵔ ⵜⴰⵎⴳⵔⴰⵡⵜ ⵏ ⵉⴼⵔⴷⵉⵙⵏ ⵏ ⵓⵎⵙⴰⵡⴰⵍ, ⴷ ⵓⵎⵔⴰⵔⴰ ⵏ ⵡⴰⵡⴰⵍ ⵓⵎⵏⵉⴳ ⵏ ⵜⵏⴱⴰⴹⵜ ⴰⴽⴷ ⵜⵎⵙⵙⴽⵜⴰⵜ ⵜⵉⵎⵙⵓⵜⵓⵔⵉⵏ ⵏ ⵉⵎⵛⵛⵔⴽⵏ ⵉⵏⴰⵎⵓⵏⵏ, ⴷ ⵜⵉⵔⴰⵔ ⵉⵡⵔⵏ ⵏ ⵓⵙⵎⵓⵔⵙ ⵏ ⵜⵙⵓⵜⵍⵜ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⴷ ⵜⵉⴽⴽⵉ ⵏⵏⵙ ⵜⴰⴷⵉⵏⴰⵎⵉⵜ ⵜⴰⵎⴰⵢⵏⵓⵜ, ⵉⵙⴽⴰⵏ ⵖⴼ ⵓⵎⵢⴰⵡⴰⵍ ⴳⵔ ⵡⴰⵏⵏⴰⵍ ⵏ ⵜⵔⵙⴰⵍ ⵏ ⵓⵡⴰⵏⴽ ⴰⵏⴰⵎⵓⵏ ⴷ ⵓⵙⴷⵓⵙ ⵏ ⵓⵏⵎⵣⵉⵣⵡⵔ ⵏ ⵓⵥⵟⵟⴰ ⴰⴷⵎⵙⴰⵏ ⴰⵏⴰⵎⵓⵔ.
ⵙ ⵜⵓⵍⵍⵓⵖⵜ ⵏ ⵢⵉⵎⴰⵏ ⵉⵏⴰⵎⵓⵔⵏ ⵎⵇⵇⵓⵔⵏ ⴷ ⵓⴼⵔⴰⴽ ⵏ ⵓⵎⵙⴰⵙⴰ ⴰⵏⴰⴼⵍⵍⴰ ⴷ ⵜⵉⴽⴽⵉ ⵜⵓⵎⵏⵉⴳⵜ ⵏ ⵜⵏⴰⵎⵎⴰⵙⵉⵏ ⵜⵉⵏⵎⴰⵍⵍⴰⵏⵉⵏ ⴰⴽⴽⵯ ⵉⵜⵜⵓⴳⵏⵙⴻⵙⵏ ⴷ ⵡⴰⵎⵓⵏ ⴰⵎⴰⵜⴰⵢ ⵏ ⵜⵎⵙⵏⵜⴰⵢ ⵏ ⵍⵎⵖⵔⵉⴱ ⴷ ⵜⴽⵓⵏⴼⵉⴷⵉⵔⴰⵍⵉⵜ ⵜⵎⴰⵖⵔⵉⴱⵉⵜ ⵏ ⵜⴼⵍⵍⴰⵃⵜ ⴷ ⵜⴳⵎⵉ ⵜⴰⴼⴰⵔⴰⵏⵜ, ⴷ ⵓⵙⵃⵉⴹⵕ ⵏ ⵡⴰⴷⴷⴰⴷ ⴰⴷⵎⵙⴰⵏ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ, ⵜⴼⴼⵖ ⵜⵙⵓⵜⵍⵜ ⴰⴷ ⵙ ⵓⵎⵙⴰⵙⴰ ⵏ ⵉⴼⵔⴷⵉⵙⵏ ⵙ ⴽⵕⴰⴹ ⴷ ⵓⵙⴳⵎⴹ ⵏ ⵓⵏⵡⵡⵉⵙ ⵏ ⵓⵎⵙⴰⵙⴰ ⵏ ⵜⴼⵔⴽⵜ ⴳⵔ 2022 ⴷ 2024.
ⵢⵓⵎⴰ ⵓⵎⵙⴰⵙⴰ ⴰⴷ ⵜⴰⴳⵔⵓⵎⵎⴰ ⵏ ⵉⵙⵖⵡⴰⵏ ⴳⵉⵙⵏ ⵙ ⵡⵓⴷⵎ ⴰⵎⵥⵍⴰⵢ ⴰⵙⴰⵍⵉ ⵏ ⵓⵇⵜⵜⵓ ⴰⵏⴰⴷⴷⴰⵢ ⵏ ⵜⵖⵔⴰⴷ ⴳ ⵢⵉⴳⵔⴰⵏ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⴷ ⵜⵡⵓⵔⵉⵡⵉⵏ ⵙ ⵓⵙⵖⵍ ⵏ 10% ⵖⴼ ⵙⵉⵏ ⵉⵙⴳⴳⵯⴰⵙⵏ, ⴷ ⵓⵙⵢⵉⵡⵏ ⴰⵙⴽⵯⴼⵍⴰⵏ ⵏ ⵓⵡⵜⵜⵓ ⴰⵏⴰⴷⴷⴰⵢ ⵓⵍⴳⵉⵏ ⵏ ⵜⵖⵔⴰⴷ ⴳⵔ ⵢⵉⴳⵔⴰⵏ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⴷ ⵜⴰⵣⵣⵓⵍⵉⵏ ⵜⵉⵍⴻⵍⵍⴰ ⴷ ⵢⵉⴳⵔ ⴰⵏⴼⵍⴰⵃ, ⴷ ⵓⵙⵉⵍⵉⵢ ⵏ ⵜⵖⵔⴰⴷ ⴳ ⵢⵉⴳⵔ ⵓⵙⵍⵉⴳ ⴰⵎⴰⵜⴰⵢ ⵏ 3500 ⴷⵔⵀⵎ ⵉⵣⴷⴷⵉⴳⵏ, ⵙ ⵜⵔⵏⵉ ⵏ ⵡⵓⴽⵓⵙ ⵏ ⵜⵙⴽⴰⵍⴰ ⵜⵉⵙⵙ ⵙⴰⵜ ⵉ ⵉⵎⵙⵡⵓⵔⵉⵜⵏ ⵉⵍⵍⴰⵏ ⵏ ⵜⵙⵇⵇⵉⵎⵜ ⵏ ⵉⵎⴰⵡⴰⵙⵏ ⵉⵎⵙⵙⵓⴳⵓⵔⵏ ⴷ ⵉⵎⴰⵡⴰⵙⵏ ⵉⵜⵉⵇⵏⵉⵢⵏ ⴷ ⵓⵙⵉⵍⵉⵢ ⵏ ⵏ ⵓⵙⵖⵍ ⵏ ⵓⵙⵉⵍⵉⵢ ⴳ ⵜⵙⴽⵯⴼⵍⵜ ⵙⴳ 33% ⴰⵔ 36%, ⴷ ⵉⵙⵉⵍⵉⵢ ⵏ ⵉⵎⵢⴰⵔⴰⵣⵏ ⵉⵡⵊⴰⵏⵏ ⵏ ⵡⴰⵔⵔⴰⵡ ⵡⵉⵙⵙ ⴽⴽⵓⵥ ⴷ ⵡⵉⵙⵙ ⵙⵎⵎⵓⵙ ⴷ ⵡⵉⵙⵙ ⵚⴹⵉⵚ ⴳ ⵢⵉⴳⵔⴰⵏ ⴰⴳⴷⵓⴷⴰⵏ ⴷ ⵡⵓⵙⵍⵉⴳ.
ⵉⵎⴽⵉⵍⵍⵉ ⵉⵜⵜⵓⵖⵜⵙ ⵓⵙⵓⴳⴳⵣ ⵏ ⵜⴼⴰⴷⴰ ⵏ ⵓⵙⴰⵃⴰ ⵙⴳ ⵜⵏⴰⴼⵓⵜ ⵏ ⵜⴰⵡⵙⵔⵜ ⵙⴳ 3.240 ⵏ ⵡⴰⵙⵙ ⵏ ⵓⴷⵔⴰⵡ ⴰⵔ 1320 ⵏ ⵡⴰⵙⵙ, ⴷ ⵓⵎⴽⴽⵏ ⵏ ⵓⵏⵙⴼⵍⴰⵙ ⴰⵎⴰⵡⴰⴹ ⴰⵡⵜⵜⵓ ⵏ ⵓⵡⵜⴰⵢ ⵏ ⵜⵏⴰⴼⵓⵜ ⵉⵍⴰⵏ ⴳ ⵜⴰⴷⵔⵙⵉ 1320 ⵏ ⵡⴰⵙⵙ ⵙⴳ ⵓⴷⵔⴰⵡ ⵏ ⵓⵙⵓⵖⵓⵍ ⵏ ⵉⴷⵔⴰⵡⵏ ⵏ ⵜⵖⵔⴰⴷ ⴷ ⴷⵔⴰⵡⵏ ⵏ ⵉⵎⵙⵡⵓⵔⵉ, ⵙ ⵜⵉⵔⵏⵉ ⵏ ⵓⵎⴽⴽⵏ ⵏ ⵓⵏⵙⴼⵍⴰⵙ ⵙⴳ ⵜⴰⵏⴰⴼⵜ ⵏ ⵜⴰⵡⵙⵔⵜ, ⴱⵍⴰ ⴰⵙⵙⵉⵟⵟⵏ ⵏ ⵡⴰⴷⴷⴰⴷ ⵍⵍⵉ ⴳ ⵓⵔ ⵢⵓⵎⵉⵥ ⵜⵉⵖⵔⴰⴷ ⵏⵖ ⴳⵉⵙ ⵓⵎⵥⵏ ⵜⵉⵖⵔⴰⴷ ⵓⵔ ⵉⵎⵉⴷⵏ.
ⵉⵎⴽⵉⵍⵍⵓⵉ ⵉⵙⵡⵓⵔⵉ ⵓⵡⴰⵏⴽ ⴰⴷ ⵉⵙⵙⵏⴽⴷ ⴰⴼⵙⴰⵔ, ⵖⴼ ⵉⵙⵓⵟⵟⵏ ⵏⵏⵙ, ⵉⵜⵜⵓⵎⵓⵏ ⴳ ⵓⵙⵓⴳⴳⵣ ⵏ ⵡⴰⵜⵉⴳ ⵏ ⵜⵖⵔⴰⴷ ⵜⵓⵙⵍⵉⴳⵉⵏ ⵉⵥⵍⵉⵏ ⵙ ⵉⵎⵙⵡⵓⵔⵉⵜⵏ ⴷ ⵜⵎⵙⵡⵓⵔⵉⵜⵉⵏ ⴷ ⵜⴳⵎⵎⴰ ⵖⴼ ⵓⵎⵙⵡⵓⵔⵉⵜⵏ ⵏⵏⵙⵏ, ⵙ ⵓⵙⵙⵔⵇⴱ ⵏ ⵜⵎⵖⴰⵔⵉⵏ ⵜⵉⵎⵙⵡⵓⵔⵉⵜⵉⵏ ⵜⵏⵎⵙⵡⵓⵔⵉⵜⵉⵏ ⴳ ⵓⵍⵜⴰⵖ ⴳ ⵓⴳⴰⴷⴰⵣ ⵏ ⵜⵡⵓⵔⵉ ⴷ ⵓⵙⵉⵍⵉⵢ ⵏ ⵓⵙⵖⵍ ⵏ ⵜⵉⵍⴰⵍ ⵏⵏⵙⵏ ⵜⵉⴷⵎⵙⴰⵏⵉⵏ.
ⵎⴰⵕⵕⴰ ⴰⵎⵎⴰⵥⵏ ⴰⴷ, ⵜⵜⵓⵔⵏⴰⵏ ⵉ ⵉⵎⵙⴰⵙⴰⵜⵏ ⵍⵍⵉ ⵉⵜⵜⵓⴳⵎⴹⵏ ⴳ ⵓⵙⴰⵜⵉ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⴳ ⵓⵙⵡⵉⵔ ⵏ ⵢⵉⴳⵔⴰⵏ ⵏ ⵜⴷⵓⵙⵉ ⴷ ⵓⵙⴳⵎⵉ ⴰⵏⴰⵎⵓⵔ, ⵍⵍⵉ ⵢⵓⵎⴰⵏ ⴰⵎⵎⴰⵥⵏ ⵉⵙⵜⴰⵡⵀⵎⵎⴰⵏ ⵉ ⵓⵙⴰⵃⴰ ⵏ ⵎⵙⵡⵓⵔⵉⵜⵏ ⴳ ⵢⵉⴳⵔⴰⵏ ⴰⴷ, ⵙ ⵜⵓⵍⵍⵓⵖⵜ ⵏ ⵜⵎⴳⴳⵉⵢⵉⵏ ⵍⵍⵉ ⵙ ⵜⵓⵙⵉ ⵜⵏⴱⴰⴹⵜ ⴳ ⵓⵙⴰⵜⵉ ⵏ ⵓⵎⵔⴰⵔⴰ ⴰⴽⴷ ⵜⴰⴷⴰⵄⵉⵢⴰⵜ ⵏ ⵡⴰⴷⴷⴰⴷ ⵓⵙⵍⵉⴷ ⴷ ⵉⴽⴽⴰⵏ ⴰⵙⵓⴷⵓ ⵏ ⵜⴼⵔⴽⵜ ⵏ ⵓⵙⵓⵊⵊⵉ ⴰⴷⵎⵙⴰⵏ ⴹⴰⵕⵜ ⵓⴱⴰⵢⵢⵓⵕ ⴷ ⵡⴰⴷⴷⴰ ⵏ ⵓⵏⵇⵡⵉ ⵉⵎⵔⴰⵢⵏ ⴷ ⵉⵙⵏⴼⵍⵏ ⵏ ⵡⴰⵜⵉⴳⵏ ⵏ ⵜⵎⵜⴰ ⵜⵉⵎⵣⵡⵓⵔⴰ ⵏ ⵉⵙⴽⵯⵎⴰⴹ ⴳ ⵓⴳⴰⴷⴰⵣ ⴰⴳⵔⴰⵖⵍⴰⵏ ⵉ ⵓⵙⴰⵃⴰ ⵏ ⵢⵉⴳⵔⴰⵏ ⵉⵜⵜⵓⴹⵕⵕⴰⵏ, ⴷ ⵓⵙⵉⵍⵉⵢ ⵏ ⵡⴰⵜⵉⴳ ⵏ ⵡⴰⵏⵏⴰⵍ ⵓⵙⵔⵉⴷ ⵉ ⵜⵎⵜⵜⴰ ⵜⵉⴷⵙⵍⴰⵏⵉⵏ ⵙ ⵓⵥⵍⴰⵢ ⵉⵎⵏⴷⵉ ⴷ ⵓⵙⵓⴽⴽⵯⴰⵔ ⴷ ⵓⴳⴰⵣ ⴰⴱⵓⵜⴰⵏ ⴷ ⵡⴰⵜⵉⴳ ⵏ ⵜⵔⵉⵙⵉⵏⵜⵉ ⵉ ⵓⴹⵎⴰⵏ ⵏ ⵓⵙⵙⵕⵚⵓ ⵏ ⵡⴰⵔⵉⴳⵏ ⴷ ⵓⴼⵔⴰⴳ ⵉ ⵜⵣⵎⵔⵜ ⵏ ⵜⵎⴰⵙⴰⵖⵜ ⵏ ⵜⵏⵎⵓⵔⵉⵏ ⴷ ⵉⵏⵎⵓⵔⴰⵏ.
ⵉⵍⵍⴰ ⵓⵎⵙⴰⵙⴰ ⵖⴼ ⵡⴰⵀⵉⵍ ⵏ ⵓⵙⵓⴼⵖ ⵏ ⵓⵙⵍⴳⵏ ⴰⵎⵙⵙⵓⴷⵙ ⵄⵥⵍⵉⵏ ⵙ ⵜⴼⴰⴷⵉⵡⵉⵏ ⵏ ⵜⵎⵀⵍⵜ ⵏ ⵓⵣⵔⴼ ⵏ ⵜⵙⴰⵍⴰⴳ ⴷ ⵓⵣⵣⵔⴰⵢ ⵏ ⴽⵔⴰ ⵏ ⵜⵓⵎⴰⵢⵉⵏ ⵏ ⵓⵙⵍⴳⵏ ⵏ ⵜⵡⵓⵔⵉ ⴷ ⵓⵙⵍⴳⵏ ⵉⵥⵍⵉⵏ ⵙ ⵉⵏⵎⵓⵍⵍⴰ ⵉⵣⵣⵓⵍⴰⵏⵏ ⴷ ⵓⵣⵣⵔⴰⵢ ⵏ ⵉⵙⵍⴳⵏⵏ ⵉⵎⵙⵙⵓⴷⵙⵏ ⵏ ⵉⵙⵜⴰⵢⵏ ⵉⵣⵣⵓⵍⴰⵏⵏ, ⴷ ⵓⵎⵙⴰⵙⴰ ⴰⴽⴷ ⵜⵖⴰⵔⴰⵙⵜ ⵍⵍⵉ ⵙ ⵜⵓⵙⵉ ⵜⵙⵇⵇⵉⵎⵜ ⵉⵜⵜⵓⴳⴰⵏ ⵙ ⵜⵏⵜⵜⴰⵎⵜ ⵜⴰⵏⴰⵎⵓⵔⵜ ⵏ ⵓⵎⵙⴰⵡⴰⵍ ⴰⵏⴰⵎⵓⵏ, ⵍⵍⵉ ⵉⴳⴰⵏ ⴰⵙⴰⵢⵔⴰⵔ ⴰⵎⵓⴼⴰⵢ ⵏ ⵓⵎⵙⴳⴷⴰⵍ ⵏ ⵡⴰⵣⵣⵔⴰⴼⵏ ⵏ ⵜⵡⵓⵔⵉ ⴷ ⵓⵙⵡⵓⵜⵜⵓ ⵏ ⵉⵙⵏⴼⵍⵏ.
ⴳ ⵜⴳⴰ ⵢⴰⴹⵏⵉⵏ, ⵜⵥⵍⵉ ⵜⵙⵓⵜⵍⵜ ⴰⴷ, ⵙ ⵓⵙⴳⵎⴹ ⵏ ⵉⴼⵔⴷⵉⵙⵏ ⵙ ⴽⵕⴰⴹ ⵖⴼ ⵜⵏⵜⵜⴰⵎⵜ ⵜⴰⵏⴰⵎⵉⵔⵜ ⵏ ⵓⵎⵙⴰⵡⴰⵍ ⴰⵏⴰⵎⵓⵏ, ⵙ ⵜⵔⴰⵔⵉⵜ ⵖⴼ ⵓⵙⵓⵜⵔ ⴰⵏⴰⵎⵓⵏ ⵏ ⵓⵙⵎⵔⵙⵍ ⵏ ⵓⵎⵙⴰⵡⴰⵍ ⴰⵏⴰⵎⵓⵏ, ⵃⵎⴰ ⴰⴷ ⵉ=ⵢⵉⵍⵉ ⵓⵙⴷⵓⵙ ⵏ ⵡⴰⵎⵎⴰⵥⵏ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴷ ⵜⵉⴼⵉ ⵏ ⵡⴰⵎⵎⴰⴽⵏ ⵉⴷⴷⴰⵏ ⴰⴷ ⵉⴽⴽⵙ ⵜⵉⵏⵇⵇⴰⴹ ⵏ ⵙⵎⵓⴷⵔⵓⵙ ⵏⵏⵙ ⵙ ⵍⴰⵡⴰⵏ ⴰⴽⴽⵯ ⴳ ⵓⵙⵡⵉⵔ ⵏ ⵉⵣⵣⴳⵉⵔ ⵏ ⵉⵎⵙⴰⵙⴰⵜⵏ, ⴷ ⵓⵙⴼⵍⵙ ⵏ ⵜⵙⵓⵍⴰⵏⵜ ⴷ ⵓⵙⵙⵓⴷⵙ.
 

ⵔⴰⴷ ⵜⴰⵡⵙ ⵜⵉⵔⵎⵉⵜ ⴰⴷ ⵓⵔ ⵊⵊⵓⵏ ⵉⴽⴽⵉⵏ, ⴳ ⵓⵙⵡⵓⴷⴷⵓ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⵎⵉ ⴳⴳⵓⵜⵏ ⵉⵙⵡⵉⵔⵏ, ⵙ ⵓⵙⴽⵓⵜⵜ ⵖⴼ ⵜⵙⴰⵖⵓⵍⵜ ⵏ ⵓⵙⴳⴳⵯⴰⵙ ⴰⵏⴰⵎⵓⵏ ⴳ ⵓⵎⵙⴰⵙⴰ ⴰⴽⴷ ⵜⵖⴰⵔⴰⵙⵜ ⵉⴼⴰⵡⵏ ⴷ ⵜⵙⵓⵜⵍⵜ ⵏ ⵉⵏⵎⵓⵇⵇⴰⵔⵏ ⵓⵏⵖⵉⴷⵏ ⴷ ⵜⵎⵍⴰⵍⵉⵏ ⵉⵜⵜⵓⵙⵡⵜⵜⴰⵏ ⵉ ⵉⵏⴳⵎⴰⵎⵏ ⵎⵢⴰⵏⴰⵡⵏⵉⵏ ⴼⴷ ⵉⴼⴼⵖⵏ ⵙⴳ ⵜⵙⵇⵇⵉⵎⵜ ⵜⴰⵎⴰⵜⵜⴰⵢⵜ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⴷ ⵡⴰⵎⵎⴰⴽⵏ ⵉⵜⵜⵓⴳⴰⵏ ⴳ ⵓⵙⴰⵜⵉⵏ ⵏ ⵓⵙⵍⴳⵏ ⵏ ⵜⵡⵓⵔⵉ, ⴰⴽⴷ ⵓⵏⵏⴱⴹ ⵉⵕⵡⴰⵏ ⵉ ⵓⴹⵎⴰⵏ ⵏ ⵓⵎⵙⵎⴰⴷ ⴷ ⵓⵎⵎⵔⵡⵙ ⴳ ⵡⴰⵎⵎⴰⴽⵏ ⵎⵢⴰⵏⴰⵡⵏⵉⵏ.
ⵙ ⵜⴼⵍⵙⵜ ⴳ ⵜⵎⵍⴰⵍⵉⵏ ⵜⵉⴽⵙⵡⴰⵜⵉⵏ ⵍⵍⵉ ⵉⴳⴰⵏ ⵜⵉⵏ ⵜⵎⴰⴷⴷⴰⵙⵉⵏ ⵜⵉⵏⵎⴰⵍⵍⴰⵏⵉⵏ, ⵍⵍⵉ ⵉⴳⴰⵏ ⴰⵎⵛⵛⵔⴽ ⴰⴷⵙⵍⴰⵏ, ⵔⴰⴷ ⵉⵜⵜⵓⴳ, ⵉ ⵜⵉⴽⴽⵍⵜ ⵉⵣⵡⴰⵔⵏ, ⵡⴰⵎⵎⴰⴽ ⵏ ⵓⴹⴼⴰⵕ ⵏ ⵓⵙⵎⵔⵙⵍ, ⵉⵍⵍⴰ ⵡⴰⵡⴰⵍ ⵖⴼ ⵓⵏⴳⵔⴰⵡ ⴰⵏⴰⵎⵓⵔ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⵍⵍⵉ ⵉⴳⴰⵏ ⴰⵙⴰⵢⵔⴰⵔ ⵏ ⵓⴳⵣⴰⵢ ⵏ ⵜⵎⴽⵕⴰⴹⵜ ⴷ ⵓⵙⴱⴰⵔⴰⵡ ⵏ ⵓⴷⵡⴰⵙ ⴰⵎⵙⵙⵜⵎⵔ ⵢⵉⵍⵉ ⵜⴰⵎⵙⴽⵉⵔⵜ ⵏ ⵓⵎⵓⵢⴷ ⴰⵏⴰⵎⵓⵏ ⴷ ⵓⵙⵢⴰⴼⵓ ⵏ ⵜⵎⴰⵜⴰⵔⵉⵏ ⴷ ⵓⴹⴼⴰⵔ ⴷ ⵓⵙⴷⵖⵢⴰ ⵏ ⵜⵎⵓⵛⴰⵢ ⴷ ⵓⵣⴷⴰⵢ ⵏ ⵓⵙⵎⵓⵜⵜⴳ ⵏ ⵉⵏⵇⵇⵉⵙⵏ ⴰⵙⴳⵯⵙⴰⵏⵏ ⵖⴼ ⵓⵏⵣⵡⵉ ⴰⵏⴰⵎⵓⵏ. ⵙ ⵜⵔⵏⵉ ⵏ ⵓⵙⵔⵓⵙ ⵏ ⵜⴽⴰⴷⵉⵎⵉⵜ ⵏ ⵓⵙⵎⵓⵜⵜⴳ ⴳ ⵢⵉⴳⵔ ⵏ ⵜⵡⵓⵔⵉ ⴷ ⵓⵙⵡⵓⵔⵉ ⵏ ⵓⵏⵣⵡⵉ ⵏ ⵓⵙⵙⴰⵔ ⵃⵎⴰ ⴰⴷ ⴰⵍⵉⵏⵜ ⵜⵣⵎⵎⴰⵔ ⵏ ⵉⵎⴳⴳⴰⵢⵏ ⴳ ⵢⵉⴳⵔ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⴷ ⵜⵙⵎⵉⵔⵉⵜ ⵜⴰⵎⵎⴳⵔⴰⵡⵜ ⵏ ⵡⴰⵎⵎⴰⴽⵏ ⵉⵎⵏⴼⵍⵏ ⵉ ⵓⴼⵙⵙⴰⵢ ⴷ ⵓⵙⵡⵓⴷⴷⵓ ⵏ ⵉⵎⵏⵣⴰⵖ ⴷ ⵜⵏⴳⵔⵜ ⵜⴰⵏⴰⵎⵓⵏⵜ.