ⵢⵓⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵕⵥⵥⵓⵎ ⵏ ⵜⵙⵓⵜⵍⵜ ⵜⵉⵙⵙ ⵙⵏⴰⵜ ⵏ ⵓⵎⵙⴰⵡⴰⵍ ⴰⵏⴰⵎⵓⵏ

ⵉⴱⴷⴰ ⴰⵙⵙ ⵏ ⵓⴽⵕⴰⵙ 14 ⵛⵓⵜⴰⵏⴱⵉⵔ 2022, ⵓⵙⵔⵙ ⵇⵉⵙⵙ ⵙⵉⵏ ⵏ ⵜⵙⵓⵜⴰⵍ ⵏ ⵓⵎⵙⴰⵡⴰⵍ ⴰⵏⴰⵎⵓⵏ, ⵎⵉ ⵉⵖⵔⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⵙ ⵓⴷⵔⴰⵡ ⵏ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ ⵍⵄⴰⵍⴰⵡⵉ ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵉⵥⵕⴼ, ⴷ ⵎⴰⵙⵙ ⵛⴰⴽⵉⴱ ⴱⵏⵎⵓⵙⴰ ⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ  ⴰⵎⵏⵣⵓ ⴷ ⵜⵓⵏⵏⵓⵏⵜ, ⴷ ⵎⴰⵙⵙ ⵢⵓⵏⵙ ⵙⵙⴽⴽⵓⵔⵉ ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜ ⵜⴰⵥⵥⵢⴰⵏⵜ ⴷ ⵓⵙⵡⵓⵔⵉ ⴷ ⵜⵙⵓⴳⴰⵔ, ⴷ ⵎⴰⵙⵙ ⴼⴰⵡⵣⵉ ⵍⵇⵊⵄ ⴰⵎⴰⵡⵙⴰⵙ ⴰⵎⴰⵔⵉ ⵖⴼ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵓⵥⵕⴼ ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵜⵍⵜ, ⴷ ⵎⴰⵙⵙ ⵎⵚⵟⴰⴼⴰ ⴱⴰⵢⵜⵜⴰⵙ ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵉⵎⵢⴰⵙⵙⴰⵜⵏ ⴰⴽⴷ ⵓⴱⵕⵍⴰⵎⴰⵏ - ⴰⵎⵙⵙⵉⵡⵍ ⵙ ⵢⵉⵙⵎ ⵏ ⵜⵏⴱⴰⴹⵜ, ⴷ ⵎⴰⵙⵙⴰ ⵖⵉⵜⴰ ⵎⵥⵡⴰⵕ, ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⵖⵔ ⵓⵏⵙⵙⵉⵛⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵎⴰⵜⵜⵉ ⴰⵎⵓⵟⵟⵓⵏ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ.
ⴰⵎⵓⵏⵜ ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ ⵙⵏⴰⵜ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⵜⵎⴰⴷⴷⴰⵙⵉⵏ ⵜⵉⵏⵎⴰⵍⵍⴰⵏⵉⵏ ⵉⵜⵜⵓⴳⵏⵙⴻⵙ ⵓⴳⴳⴰⵔ : ⴰⵎⵓⵏ ⴰⵎⵖⵔⵓⴱⵓ ⵏ ⵜⵡⵓⵔⵉ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⴰⵏⴼⵍⵓⵙ ⴰⵎⴰⵜⴰⵢ ⵍⵎⵓⵍⵓⴷⵉ ⵎⵓⵅⴰⵔⵉⵇ, ⴷ ⵡⴰⵎⵓⵏ ⴰⵎⴰⵜⴰⵢ ⵏ ⵉⵎⵙⵡⵓⵔⵉⵜⵏ ⴳ ⵍⵎⵖⵔⵉⴱ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙⴰ ⵅⴰⴷⵉⵊⴰ ⵣⵓⵎⵉ, ⴷ ⵜⴽⵓⵏⴼⵉⴷⵉⵔⴰⵍⵉⵜ ⵜⴰⴷⵓⵎⵓⴽⵔⴰⵜⵉⵜ ⵏ ⵜⵡⵓⵔⵉ ⵙ ⵜⵏⵙⵙⵉⵅⴼⵜ ⵏ ⵉⵎⴰⵔⴰⵏ ⵏ ⵓⵎⴰⵔⴰ ⴰⵎⴰⵜⴰⵢ ⵎⴰⵙⵙ ⵍⵄⴰⵍⴰⵎⵉ ⵍⵀⵡⵉⵔ, ⴷ ⵎⴰⵙⵙ ⴱⵓⵛⵜⵜⴰ ⴱⵓⵅⴰⵍⴼⴰ, ⴷ ⵓⴽⴰⴱⴰⵕ ⵏ ⵡⴰⵎⵓⵏ ⴰⵎⴰⵜⴰⵢ ⵏ ⵜⵎⵙⵙⵏⴰⵜⴰⵢ ⵏ ⵍⵎⵖⵔⵉⴱ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⴰⵏⵙⵙⵉⵅⴼ ⵛⴰⴽⵉⴱ ⵍⵄⵍⵊ, ⴷ ⵓⴽⴰⴱⴰⵕ ⵏ ⵜⴽⵓⵏⴼⵉⴷⵉⵔⴰⵍⵉⵜ  ⵜⴰⵎⵖⵔⵉⴱⵉⵜ ⵏ ⵜⴼⵍⵍⴰⵃⵜ ⵜⴰⴼⴰⵔⴰⵏⵜ (ⴽⵓⵎⴰⴷⵉⵔ) ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵎⵓⵃⵎⵎⴰⴷ ⵍⵄⵎⵎⵓⵔⵉ.
ⴳ ⵜⵙⵓⵜⵍⵜ ⴰⴷ, ⵍⵍⵉ ⵉⵜⵜⵓⴳⴰⵏ ⴰⵙⵙ ⴰ ⴳ ⵡⴰⵏⵙⴰ ⵏ ⵜⵏⵙⵙⵉⵅⴼⵜ ⴳ ⵕⵕⴱⴰⵟ, ⵉⵍⵍⴰ ⵓⵎⵙⴰⵙⴰ ⵖⴼ ⵓⵙⵉⵍⵖ ⵏ ⵜⵙⵇⵇⵉⵎⵉⵏ ⵉⵛⵛⴰⵔⵏ ⵏ ⵓⵙⵎⴽⵍ ⵏ ⵡⴰⴷⴷⴰⴷ ⴰⵎⵉⵔⴰⵏ, ⴷ ⵓⵎⵍⵙⴰⵙⴰ ⴰⴽⴷ ⵡⴰⵀⵉⵍ ⵉⵜⵜⵓⵙⵖⴰⵡⵙⴰⵏ ⴳ ⵓⵎⵙⴰⵙⴰ ⵏ 30 ⵉⴱⵔⵉⵔ 2022, ⵉⵀⵎⵎⴰⵏ ⵙ ⵓⵥⵍⴰⵢ ⴰⵣⵣⵔⴰⵢ ⵏ ⵉⵙⵍⴳⵏⵏ ⵏ ⵉⵔⴳⴰⵢⵏ ⵖⴼ ⵜⵖⵔⴰⴷ, ⴷ ⵓⵎⵓⴽⵏ ⵏ ⵓⵏⴳⵔⴰⵡⵏ ⵏ ⵜⴰⵏⴰⴼⵜ, ⴷ ⵡⴰⵍⴰⵙ ⵏ ⵓⵙⴽⵡⵓ ⴳ ⵜⵓⴳⵜ ⵏ ⵉⵙⵍⴳⵏⵏ ⵏ ⵜⵡⵓⵔⵉ. ⵙ ⵜⵉⵔⵏⵉ ⵏ ⵓⵙⵔⵓⵙ ⵏ ⵓⵙⵓⵍⴼ ⵉⵛⵛⴰⵔⵏ ⵉ ⵓⵙⵔⵓⵙ ⵏ ⵓⵙⴳⵔⴰⵡ ⴰⵏⴰⵎⵓⵔ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⴷ ⵜⴽⴰⴷⵉⵎⵉⵜ ⵏ ⵓⵙⵎⵓⵜⵜⴳ ⴳ ⵢⵉⴳⵔ ⵏ ⵜⵡⵓⵔⵉ ⴷ ⵓⵙⵡⵓⵔⵉ ⴷ ⵓⵏⵣⵡⵉ ⴰⵏⴰⵎⵓⵏ, ⵉⴷⴷⵖ ⴳⴰⵏ ⵉⵎⴰⵙⵙⵏ ⵏ ⵓⴹⴼⴰⵕ ⵏ ⵓⵙⵎⵔⵙⵍ ⵏ ⵓⵎⵙⴰⵡⴰⵍ ⴰⵏⴰⵎⵓⵏ.
ⴳ ⵓⵙⵡⵉⵔ ⴰⵏⴳⵔⴰⵏ, ⵜⵙⵙⵉⵜⴳ ⵜⵏⴱⴰⴹⵜ ⵏ ⵜⵏⴰⵎⵎⴰⵙⵉⵏ ⵜⵉⵏⵎⴰⵍⵍⴰⵏⵉⵏ ⴰⵣⵉⴳⴳⵣ ⵏ ⵓⵎⵙⴰⵡⴰⵍ ⴰⵏⴳⵔⴰⵏⵏ ⵓⵙⵍⵎⴷ , ⵙⵙⵏⵜⵎⵏⵜ ⴰⵣⵓⵛⵛⵍ ⵏ ⵡⴰⵣⵣⴰⵣ ⵏ ⵜⵙⵎⵓⵏⴰⵢ ⴳⵔ ⵜⵎⴰⵡⴰⵙⵜ ⵉⵜⵜⵓⵎⴰⴳⵍⵏ ⴷ ⵉⵏⵎⵓⵍⵍⴰ ⵉⵙⴳⵔⴰⵏⵏ ⵏ ⵓⵙⵍⵎⴷ  ⵉⵜⵜⵓⴳⵏⵙⴻⵙ ⵓⴳⴳⴰⵔ ⴳ ⵓⵙⴽⴽⵉⵏ ⵏ ⵓⵙⵍⴳⵏ ⴰⴷⵙⵍⴰⵏ ⴰⵎⵢⵉⵡⵉⵏ ⵏ ⵜⵎⵖⴰⵔⵉⵏ ⴷ ⵉⵔⴳⴰⵣⵏ ⵏ ⵓⵙⵍⵎⴷ , ⵃⵎⴰ ⴰⴷ ⵉⵎⴷ ⴷ ⵓⵣⵎⵣ ⵉⴷⵜⵜⴰⵏ ⵢⵉⵍⵉ ⴳ ⵜⵓⵎⴰⵢⵉⵏ ⵉⵍⴰ ⴰⴷⵔⵉⵣ ⴰⵥⵕⴼⴰⵏ ⴳ ⵓⵙⵍⴳⵏ ⴰⵥⵕⴼⴰⵏ ⵏ ⵓⵙⴳⴳⵯⴰⵙ 2023.
ⵜⴷⴷⴰ ⴷ ⵜⵙⵓⵜⵍⵜ ⴰⴷ ⴳ ⵓⵙⴰⵜⵉ ⵏ ⵜⵓⴱⴷⴷⴰ ⵏ ⵜⵏⴱⴰⴹⵜ ⵖⴼ ⵓⵙⵎⵀⵍ ⵏ ⵜⴰⵏⵏⴰⵢⵜ ⵜⴰⴳⵍⴷⴰⵏⵜ ⵜⴰⵎⴰⵜⵜⴰⵢⵜ ⵉⵡⴰⵜⵙⵏ ⴰⵙⵎⵔⵙⵍ ⵏ ⵓⵎⵙⴰⵡⴰⵍ ⴰⵏⴰⵎⵓⵏ, ⴷ ⵓⵙⵉⵍⵉⵢ ⵏⵙⵏⵙ ⵙ ⵜⵙⴽⵯⴼⵍⵜ ⵏ ⵓⴼⵔⴰⵏ ⴰⵙⵜⵔⴰⵜⵉⵊⵉ, ⵉⵎⵉⵍ ⵜⵓⵙⵉ ⵜⴰⵙⵏⵜⴰⵢⵜ ⵙⴳ ⵎⴰⴷ ⵜⵜⵓⵙⵎⵎⴰ ⵙ ⴰⵙⴽⵓ ⵏ ⵜⴷⵔⴰⵡⵉⵏ ⵉⴷⵓⵙⵏ ⴰⴽⴷ ⵜⵔⵓⴱⴱⴰ ⵜⵉⵏⴰⵎⵓⵏⵉⵏ, ⵃⵎⴰ ⴰⴷ ⵜⵙⵔⵙ ⵜⵓⵔⵙⴰⵎ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⴰⴷⵖⵔⵉ ⵓⵍⴳⵉⵏ, ⴷ ⵓⵙⵓⴼⵓ ⵙ ⵎⴰⵕⵕⴰ ⵉⵙⵖⵡⴰⵏ ⵉⵏⴰⵎⵓⵏⵏ ⵉⵍⵍⴰⵏ ⴳ ⵓⵖⴰⵡⴰⵙ ⵓⵏⴱⵉⴹ.
 

ⵜⵙⵓⴼⴰ ⵜⵏⴱⴰⴹⵜ ⵙ ⵓⵙⵖⴰⵡⵏ ⵏⵏⵙ ⵉⵎⵣⵡⵓⵔⴰ, ⵉⵎⵉⴽ ⵜⵙⵙⵏⵜⴰ ⵙⴳ ⵡⴰⵢⵢⵓⵔ ⵏ ⵛⵓⵜⴰⵏⴱⵉⵔ ⵉⵣⵔⵉⵏ ⴳ ⵓⵣⵓⴳⴳⵣ ⵏ ⵉⵙⵓⴼⵓⵖⵏ ⵏ ⵓⵎⵙⴰⵡⴰⵍ ⴰⵏⴰⵎⵓⵏ, ⵙ ⵓⵙⵉⵍⵉⵜ ⵓⵙⵔⵉⴷ ⵏ ⵓⵙⵖⵍ ⵙ 5% ⴳ ⵓⵡⵜⵜⵓ ⴰⵏⴰⴷⴷⴰⵢ ⵏ ⵜⵖⵔⴰⴷ ⴳ ⵢⵉⴳⵔⴰⵏ ⵏ ⵜⵎⴳⵓⵔⵉ ⴷ ⵜⴱⴱⴰⴱⵜ ⴷ ⵜⴰⵣⵣⵓⵍⵉⵏ ⵜⵉⵍⴻⵍⵍⴰ  (SMIG), ⴷ ⵙ ⵓⵙⵖⵍ ⵏ 10 % ⴳ ⵢⵉⴳⵔ ⴰⵏⴼⵍⴰⵃ (SMAG). 
ⴳ ⵓⵙⴰⵜⵉ ⵏ ⵓⵎⵓⴽⵏ ⴷ ⵉⵏⴳⵔⴰⵡⵏ ⵏ ⵜⴰⵏⴰⴼⵜ, ⵙ ⵓⵙⵡⵓⵔⵉ ⵏ ⵉⵙⵓⴼⵓⵖⵏ ⵏ ⵓⵎⵙⴰⵙⴰ ⵏ 30 ⵉⴱⵔⵉⵔ 2022, ⵔⵅⴷⵎ ⵜⵏⴱⴰⴹⵜ ⵖⴼ ⵓⴼⵏⴰⵥ ⵏ ⵜⴼⴰⴷⵉⵡⵉⵏ ⵏ ⵓⵙⴰⵃⴰ ⵙⴳ ⵓⵙⴰⴷⵓⵔ ⵏ ⵜⴰⵡⵙⵔⵜ ⵙⴳ 3.240 ⵏ ⵡⴰⵙⵙ ⵙ 1.320 ⵏ ⵡⴰⵙⵙ ⵏ ⵓⵛⵔⴰⴽ, ⵙⴳ ⵓⵙⵙⵓⵖⵍ ⵏ ⵜⵉⵔⵎⵜ ⵏ ⵓⵛⵔⴰⴽ ⵏ ⵜⵖⵔⴰⴷ ⴷ ⵉⵛⵔⴰⴽⵏ ⵏ ⵓⵎⵙⵡⵓⵔⵉ. ⵏⵏⵉⴳ ⵓⵙⵉⵍⵉⵢ ⵏ ⵜⵉⵏⴷⵉ ⵏ ⵉⵎⵢⴰⵔⴰⵣⵏ ⵉⵇⵊⴰⵏⵏ ⴳ ⵢⵉⴳⵔⴰⵏ ⴰⴳⴷⵓⴷⴰⵏ ⴷ ⵡⵓⵙⵍⵉⴳ ⴷ ⵓⵡⵜⵜⵓ ⴰⵏⴰⴷⴷⴰⵢ ⵏ ⵜⵖⵔⴰⴷ ⴳ ⵢⵉⴳⵔ ⴰⴳⴷⵓⴷⴰⵏ ⴰⴷ ⵢⴰⵡⴹ 3500 ⴷⵔⵀⵎ, ⴷ ⵡⵓⴽⵓⵙ ⵙ ⵜⵙⴽⴰⵍⴰ ⵜⵉⵙⵙ 7, ⴷ ⵓⵙⵉⵍⵉⵢ ⵏ ⵡⵓⵟⵟⵓⵏ ⵏ ⵙ=ⵓⵙⵉⵍⵉⵢ ⴳ ⵜⵙⴽⵯⴼⵍⵜ ⵙ 36% ⵉ ⵉⵎⵙⵡⵓⵔⵉⵜⵏ, ⴷ ⵜⵎⴳⴳⵉⵢⵉⵏ ⵢⴰⴹⵏ ⵉⵡⴰⵜⵙⵏ ⴰⵙⵖⵓⴷⵓ ⵏ ⵡⴰⴷⴷⴰⴷ ⵏ ⵉⴷ ⴱⵓ ⵜⵖⵔⴰⴷ ⴳ ⵜⵉⴳⵔⴰⵏ ⴰⴳⴷⵓⴷⴰⵏ ⴷ ⵡⵓⵙⵍⵉⴳ.
ⵏⵏⵉⴳ ⵏ ⵓⵙⵓⴼⵓ ⵏ ⵜⵏⴱⴰⴹⵜ ⵙ ⵎⴰⵕⵕⴰ ⵉⵙⵖⵡⴰⵏ ⵏⵏⵙ ⵉⵍⵍⴰⵏ ⴳ ⵓⵎⵙⴰⵙⴰ ⵏ 30 ⵉⴱⵔⵉⵔ 2022,ⵜⵓⵙⵉ ⴰⵙⵙ ⵏ ⵓⵙⵉⵎⵡⴰⵙ 9 ⵛⵓⵜⴰⵏⴱⵉⵔ 2022, ⵜⴰⵙⵏⵜⴰⵢⵜ ⵏ ⵓⵙⵔⴰⵔⴰ ⴰⴽⵡ ⵓⵙⵜⵓⵔⵏ ⴷ ⵉⵙⵎⵎⵜⵔⵏ ⵏ ⵜⵏⴰⵎⵎⴰⵙⵉⵏ ⵜⵉⵏⵎⴰⵍⵍⴰⵏⵉⵏ, ⵙ ⵓⵣⵎⵣⵣⵓ ⵏ ⵓⵙⵇⵇⵉⵎ ⴰⵎⵙⵙⵓⴳⵓⵔ ⵏ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ, ⵙ ⵜⵔⵏⵉ ⵏ ⵉⵙⴰⴷⵓⵔⵏ ⵉ ⵓⵙⴰⵃⴰ ⵏ ⵉⵎⵏⴰⴼⴰⵜⵏ ⴳ ⵢⵉⴳⵔ ⵓⵙⵍⵉⴳ, ⵍⵍⵉ ⵢⵓⵎⵥⵏ ⵜⴰⵏⴰⴼⵜ ⵙ ⵙⵓⵙⴰⴽⵓⴷ ⵏ 31 ⴷⵓⵊⴰⵏⴱⵉⵔ 201, ⵙ ⵓⵙⵖⵍ ⵏ 5%, ⴰⴽⴷ ⵓⵡⵜⵜⵓ ⴰⵏⴰⴷⴷⴰⵢ ⵉⵍⴽⵎⵏ 100 ⴷⵔⵀⵎⵍ ⵉ ⵡⴰⵢⵢⵓⵔ ⵙ ⵓⴷⵔⵉⵙ ⴰⵎⴰⴱⵖⵓⵍ ⵙⴳ ⵓⵎⵏⵣⵓ ⵏ ⵉⵏⵏⴰⵢⵔ 2020.