ⵉⵜⵜⵓⴳ ⵓⴳⵔⴰⵡ ⵏ ⵜⵙⵇⵇⵉⵎⵜ ⵉⵙⵙⴰⵔⵓⵜⵏ ⴳ ⵜⵙⵓⵜⵍⵜ ⵏⵏⵙ ⵜⵉⵙ 82 ⴷ ⵓⴳⵔⴰⵡ ⵡⵉⵙ ⵜⴰⵎ ⵏ ⵜⵙⵇⵇⵉⵎⵜ ⵜⴰⵎⴰⵡⴰⵙⵜ ⵉ ⵜⵏⴰⵔⴰ ⵉⵜⵜⵓⵙⵎⴰⴳⵍⵏ ⵙ ⵓⵣⵣⵔⴰⵢ ⵅⴼ ⵏ ⵉⵎⵙⵙⴰⵔⵓⵜⵏ
- ⴰⵙⵖⵣⵏ ⵅⴼ 5 ⵏ ⵜⵎⵢⴰⵇⵇⴰⵏⵉⵏ ⴷ ⵉⵎⴹⴼⵓⵕⵏ ⵏ ⵜⵎⵢⴰⵇⵇⴰⵏⵉⵏ ⵏ ⵉⵙⵏⴼⴰⵔⵏ ⵉⵙⵙⴰⵔⵓⵜⵏ ⵙ ⵡⴰⵜⵜⵢⵏ ⵏ 4 ⵎⵍⵢⴰⵕ ⴷⵔⵀⵎ
- ⴷ ⵜⴰⵙⴽⵔⵉⵡⵜ ⵏ 756 ⵏ ⵓⵎⵓⵔ ⵏ ⵜⵡⵓⵔⵉ ⴷ ⵉⴽⴽⴰⵏ ⴰⴱⵔⵉⴷ.
- ⵜⴰⵙⵇⵇⴰⵎⵓⵜ ⵜⴰⵎⴰⵡⴰⵙⵜ ⵜⴰⵎⴰⵡⴰⵙⵜ ⵏ ⵜⵏⴰⵔⴰ, ⵜⵣⵣⵔⵉ ⵅⴼ 22 ⵏ ⵓⵙⴰⵜⵓⵔ ⵙⵏⴽⴷⵏ ⵉⵎⵙⵙⴰⵔⵓⵜⵏ
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵓⵙⵉⵏⴰⵙ ⵢⵓⵏⵢⵓ 2021 ⴳ ⵕⵕⴱⴰⵟ, ⴰⴳⵔⴰⵡ ⵏ ⵜⵙⵇⵇⵉⵎⵜ ⵉⵙⵙⴰⵔⵓⵜⵏ ⴳ ⵜⵙⵓⵜⵍⵜ ⵏⵏⵙ ⵜⵉⵙ ⵜⴰⵎⵔⴰⵡⵜ ⴷ ⵙⵏⴰⵜ, ⵍⵍⵉ ⵉⴷⵔⴰ ⵎⴰⵙⵙ ⵎⵓⵃⵎⵎⴰⴷ ⵃⵊⵡⵉ, ⴰⵏⴼⵍⵓⵙ ⴰⵎⴰⵜⵓ ⵏ ⵜⵏⴱⴰⴹⵜ, ⴷ ⵎⴰⵙⵙⴰ ⵏⴰⴷⵉⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⵜⴷⴰⵎⵙⴰ ⴷ ⵜⵥⵕⴼⵜ, ⴷ ⵎⴰⵙⵙ ⵏⵉⵣⴰⵕ ⴱⴰⵔⴰⴽⴰ, ⴰⵎⴰⵡⵙⴰⵙ ⵏ ⵓⵎⴰⵡⴰ ⴷ ⵡⴰⵎⴰⵏ, ⴷ ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ, ⴷ ⵎⴰⵙⵙ ⵢⵓⵏⵙ ⵙⵙⴽⵓⵔⵉ, ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜⵉⵏ ⵜⵉⵎⵥⵥⵢⴰⵏⵉⵏ ⴷ ⵓⵙⵡⵓⵔⵉ ⴷ ⵜⵙⵓⴳⴳⴰⵔ, ⴷ ⵎⴰⵙⵙ ⵕⵉⵢⴰⴹ ⵎⵣⵡⴰⵔ, ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ, ⴷ ⵎⴰⵙⵙⴰ ⵍⴰⵢⵍⴰ ⴱⵏ ⵄⵍⵉ, ⵜⴰⵎⴰⵡⵙⴰⵙⵜ ⵏ ⵓⵎⵎⴰⵜⵜⵉ ⴰⵣⵎⵔⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ, ⴷ ⵎⴰⵙⵙ ⵎⵓⵃⵎⵎⴰⴷ ⵎⵀⴷⵉ ⴱⵏⵙⵄⵉⴷ, ⴰⵎⴰⵡⵙⴰⵙ ⵏ ⵜⵄⵓⵔⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⴷ ⵎⴰⵙⵙ ⵎⵓⵃⵙⵉⵏ ⵊⴰⵣⵓⵍⵉ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵙⵙⴰⵔⵓ ⴷ ⵜⵎⵙⴰⴳⴰⵔⵜ ⴷ ⵓⵙⵜⴰⵍ ⵏ ⵜⵙⵔⵜⵉⵜⵉⵏ ⵜⵉⴳⴷⵓⴷⴰⵏⵉⵏ, ⴷ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ, ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵜⴰⵍⵜ.
ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵙ ⵓⵣⵎⵓⵣⵣⵓ ⴰⴷ ⵅⴼ ⵜⵉⵏⵉⴷ ⵏ ⵓⵙⴷⵓⵙ ⵏ ⵜⴷⵉⵏⴰⵎⵉⵜ ⵉⵙⵙⴰⵔⵓⵜⵏ ⴰⴼⴰⴷ ⴰⴷ ⵢⵉⵍⵉ ⵢⵉⵡⴹ ⵖⵔ ⵉⵡⵜⵜⴰⵙⵏ ⵏ ⵜⵏⴽⵔⴰ ⵜⴰⴷⵎⵙⴰⵏⵜ, ⴷ ⵜⵙⴽⵔⵉⵡⵜ ⵏ ⵉⵎⵓⵔⵏ ⵏ ⵜⵡⵓⵔⵉ ⵉⴱⴷⴷⴰⵏ, ⴷ ⵜⵉⴳⴳⵉ ⵏ ⵡⴰⵜⵉⴳ ⴰⵎⵔⵏⵉⵡ.
ⵢⴰⵍⵙ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴰⴱⴰⴹⵜ ⴰⵙⴷⴷⵉⴷ ⴷⵉ ⵎⴰⵏ ⴰⵢⴰ, ⵎⴰⵙ ⴷ ⵉⵇⵇⴰⵏ ⴰⴷ ⵜⵉⵍⵉ ⵜⵙⵃⴹⴰⵡⵜ ⵏ ⵓⵣⵣⵉⴳⵣ ⵢⴰⵜⵜⵓⵢⵏ ⵏ ⵓⵙⵖⵣⵏ ⵅⴼ ⵜⵎⵢⴰⵇⵇⴰⵏⵉⵏ ⵏ ⵓⵙⵙⴰⵔⵓ, ⴰⴼⴰⴷ ⴰⴷ ⵎⵙⴰⵙⴰⵏⵜ ⴷ ⴰⴽⴷ ⵓⵣⵎⵣ ⴰⵎⵙⵙⵏⵜⴰⵢ, ⴷ ⵜⵎⵔⴰⵔⵓⵜ ⵙ ⵜⵍⵖⴰ ⵢⵓⴼⵏ ⵉ ⵉⵏⴰⵔⵓⵣⵏ ⵏ ⵉⵎⵙⵖⵍⵍⴰⵜⵏ ⵉⵎⵖⵔⴰⴱⵉⵢⵏ ⴷ ⵉⵎⵣⵣⵉⵜⵏ.
ⵜⵣⵔⵓ ⵜⵙⵇⵇⵉⵎⵜ ⵏ ⵉⵙⵙⴰⵔⵓⵜⵏ ⵜⵙⵖⵣⵏ ⴳ ⵜⵙⵓⵜⵍⵜ ⵏⵏⵙ ⵉⵙ 82 , 5 ⵏ ⵜⵎⵢⴰⵇⵇⴰⵏⵉⵏ ⴷ ⴷ ⵓⵎⴹⴼⵓⵕⵏ ⵏ ⵜⵎⵢⴰⵇⵇⴰⵏⵉⵏ ⵏ ⵉⵙⵏⴼⴰⵔⵏ ⵏ ⵉⵎⵙⵙⴰⵔⵓⵜⵏ, ⵙ ⵡⴰⵜⵉⴳ ⵏ 3,96 ⵎⵍⵢⴰⵕ ⴷⵔⵀⵎ, ⵏⵏⴰ ⵉⴷⴷⴰⵏ ⴰⴷ ⵉⵙⴽⵔ 756 ⵏ ⵓⵎⵓⵔ ⵏ ⵜⵡⵓⵔⵉ ⵓⵙⵔⵉⴷ ⴷ ⵡⴰⵔⵓⵙⵔⵉⴷ.
ⵢⵓⵙ ⴷ ⵢⵉⴳⵔ ⵏ ⵜⵣⵎⵔⵜ ⵜⴰⵎⵙⵎⴰⵢⵏⵓⵜ ⴳ ⵓⵎⵣⵡⴰⵔⵓ ⵏ ⵢⵉⴳⵔⴰⵏ ⴰⴷ ⵙ 75% ⵙⴳ ⵡⴰⵜⵉⴳ ⵉⵙⵙⴰⵔⵓⵜⵏ, ⵉⴹⴼⵓⵕ ⵜ ⵉⴷ ⵡⴰⵙⵙⴰⵢ
ⵙ ⵜⴳⵎⵉⴹⵉ ⵏ 25%.ⴳⴰⵏ ⵉⵙⵏⴼⴰⵔ ⵉⵜⵜⵓⵙⵖⴰⵡⵙⵏ ⵉⴷ ⴱⵓ ⵜⴷⴳⴰⵔⵜ ⵜⵉⵎⵣⵣⵉⵜ ⵉⵛⵛⴰⵔⵏ, ⵍⵍⵉ ⵉⵜⵜⵓⵙⵏⴽⴰⴷⵏ ⴳ ⵓⴳⵔⴰⵡ, ⴰⵣⴳⵏ ⵉⵍⴰⵍⵏ ⵙⴳ ⵉⵙⵙⴰⵔⵓⵜⵏ ⴷ ⵉⴽⴽⴰⵏ ⴰⴱⵔⵉⴷ, ⵙ ⵡⴰⵜⵜⴰⵢⵏ ⵏ 3 ⵎⵍⵢⴰⵕⴷⵔⵀⵎ, ⵎⴰⴽⴰ ⵢⵓⵡⴹ ⵡⴰⵜⵉⴳ ⵏ ⵉⵜⴳⴰⵔⵏ ⵉⵏⴰⵎⵓⵔⵏ ⵓⴳⴳⴰⵔ ⵏ 973 ⵎⵍⵢⵓⵏ ⴷⵔⵀⵎ.
ⴳ ⵜⴳⵉⵔⴰ ⵏ ⵓⴳⵔⴰ ⴰⴷ, ⵉⵜⵜⵓⵙⴳⵎⴹ ⵅⴼ ⵜⵎⵢⴰⵇⵇⴰⵏⵉⵏ ⴷ ⵉⵎⴹⴼⵓⵕⵏ ⵏ 13 ⵜⵎⵢⴰⵇⵇⴰⵏⵉⵏ ⵅⴼ ⵜⵙⵖⵣⵏ ⵜⵙⵇⵇⵉⵎⵜ ⵏ ⵉⵙⵙⴰⵔⵓⵜⵏ ⵓⵟⵟⵓⵏ 81 ⵉⵜⵜⵓⴳⵏ ⴳ 23 ⵏⵓⵡⴰⵏⵏⴱⵉⵔ 2021, ⴷ ⵜⵎⵢⴰⵇⵇⴰⵏⵉⵏ ⴷ ⵉⵎⴹⴼⵓⵕⵏ ⵏ 5 ⵏ ⵜⵎⵢⴰⵇⵇⴰⵏⵉⵏ ⵅⴼ ⵜⵙⵖⵣⵏ ⵜⵙⵇⵇⵉⵎⵜ ⴳ ⵓⴳⵔⴰⵡ ⵏⵏⵙ ⵡⵉⵙ 82 ⵏ ⵡⴰⵙⵙ ⵏ ⵓⵙⵉⵏⴰⵙ.
ⴷⴼⴼⵔⵙ ⵉⵙⵙⵉⵅⴼ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴳⵔⴰⵡ ⵡⵉⵙ ⵜⴰⵎ ⵏ ⵜⵙⵇⵇⵉⵎⵜ ⵜⴰⵎⴰⵡⴰⵙⵜ ⵏ ⵜⵏⴰⵔⴰ ⵉⵜⵜⵓⴳⵏ ⵙ ⵎⵉⵏ ⴷ ⵢⵓⵙⵏ ⴳ ⵓⵣⵔⴼ ⵓⵟⵟⵓⵏ 47.18 ⵉⵇⵇⵏ ⵖⵔ ⵓⵙⵖⵓⴷⵓ ⵏ ⵡⴰⵎⴰⵙⵏ ⵉⵏⵎⵏⴰⴹⵏ ⵏ ⵓⵙⵙⴰⵔⵓ ⴷ ⵜⵉⴳⴳⵉ ⵏ ⵜⵙⵇⵇⵉⵎⵜⵉⵏ ⵏ ⵜⵉⵏⵎⵏⴰⴹⵉⵏ ⵉⵎⵓⵏⵏ ⵉ ⵓⵙⵙⴰⵔⵓ, ⵉⵥⵍⵉⵏ ⵙ ⵓⵔⴰⵄⴰ ⴳ ⵉⵙⴰⵜⵓⵔⵏ ⵉⵜⵜⵓⵙⵏⴽⴷⵏ ⵏ ⵉⵎⵙⵙⴰⵔⵓⵜⵏ ⴳ ⵜⵖⵜⴰⵙⵉⵏ ⵏ ⵜⵙⵇⵇⵉⵎⵜⵉⵏ ⵜⵉⵏⵎⵏⴰⴹⵉⵏ ⵉⵎⵓⵏⵏ ⵉ ⵓⵙⵙⴰⵔⵓ.
ⵜⵣⵔⵓ ⵜⵙⵇⵇⵉⵎⵜ ⵜⴰⵎⴰⵡⴰⵙⵜ ⵏ ⵜⵏⴰⵔⴰ ⴳ ⵓⴳⵔⴰⵡ ⴰⴷ, ⵉⵜⵜⵓⴳⵏ ⵙ ⵢⵉⵍⵉ ⵏ ⵉⵎⴰⵡⵙⴰⵙⵏ ⴷ ⵓⵏⴳⵙⴰⵙ ⵏ ⵢⵉⴳⵔⴰⵏ ⵏ ⵉⵎⵡⴰⵎⴰⵙⵏ ⵉⵜⵜⵓⵙⵏⴰⵎⴽⵏ, ⵣⵣⵔⵉⵏ ⵅⴼ ⵎⴰⵢⴷ ⵉⵜⵜⴳⵏ 22 ⵏ ⵓⵙⴰⵜⵓⵔ ⵉⵜⵜⵓⵙⵏⴽⴷⵏ ⵙⴳ ⵉⵎⵙⵙⴰⵔⵓⵜⵏ ⵣⵣⴰⵜ ⵜⵙⵇⵇⵉⵎⵜ ⴰⴷ, ⴳ ⵓⵙⴰⵜⵉ ⵏ ⵜⵓⵎⴰⵢⵜ ⵏ ⵜⵎⵜⵜⴰ 37 ⵙⴳ ⵓⵣⵔⴼ ⵓⵟⵟⵓⵏ 47.18 ⵏⵏⴰ ⵢⴰⴷ ⵉⵜⵜⵓⴱⴷⴰⵔⵏ.
