ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴷⴰ ⵉⵙⴱⵔⵔⴰⴽ ⴰⴽⴰⴱⴰⵕ ⵏ ⵓⵙⵇⵇⵉⵎ ⵏ ⵜⵏⵎⴰⵀⵍⴰ ⵏ ⵜⵔⴰⴱⴱⵓⵜ ⵏ ⵍⴱⴰⵏⴽ ⴰⵎⴰⴹⵍⴰⵏ

ⵉⵙⴱⵔⵔⴽ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⴽⵡⴰⵙ 9 ⵢⵓⵏⵢⵓ 2022 ⴳ ⵓⵙⴰⴳⵓⵔ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⴳ ⵕⵕⴱⴰⴹ, ⵢⴰⵏ ⵓⴽⴰⴱⴰⵕ  ⵙⴳ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵜⵏⵎⴰⵀⵍⴰ ⵏ ⵜⵔⴰⴱⴱⵓⵜ ⵏ ⵍⴱⴰⵏⴽ ⴰⵎⴰⴹⵍⴰⵏ, ⵏⵏⴰ ⵉⵙⵙⴽⴰⵔⵏ ⴰⵔⵣⴰⴼ ⵓⵏⵚⵉⴱ ⴳ ⵍⵎⵖⵔⵉⴱ. 
ⵉⴳⴰ ⵓⵏⵎⵓⵇⵇⴰⵔ ⵢⴰⵏ ⵓⵎⵡⴰⵊⴱ ⵏ ⵉⴱⴷⴷⵉ ⵅⴼ  ⵡⵓⴷⴷⵓⵏ ⵜⵓⵛⵛⵓⵔⵜ ⵏⵏⴰ ⵉⵣⴷⵉⵏ ⵍⵎⵖⵔⵉⴱ ⴷ ⵜⵔⴰⴱⴱⵓⵜ ⵏ ⵍⴱⴰⵏⴽ ⴰⵎⴰⴹⵍⴰⵏ, ⴷ ⵜⵖⴰⵔⴰⵙⵉⵏ ⵏ ⵓⵙⴷⵓⵙ ⵏⵏⵙ ⴷ ⵓⴱⵓⵖⵍⵍⵓ , ⵉⴳ ⴰⵡⴷ ⵢⴰⵜ ⵜⵎⵍⴷⴰ ⵏ ⵓⵎⵔⴰⵔⴰ ⵅⴼ ⵜⴱⴱⴰⵢⴹⴰⵔⵉⵏ ⵏⵏⴰ ⵉⵍⵍⴰⵏ  ⵎⵏⵉⴷ ⵏ ⵜⴷⵎⵙⵉⵡⵉⵏ ⵜⵉⵎⴰⴹⵍⴰⵏⵉⵏ, ⴰⵢⴷⴷⵖ ⵉⵜⵜⵓⵙⴰⵜⵜⴰⵢ ⵡⴰⵜⵉⴳ ⵏ  ⵓⴼⵓⴽⵜⵉ ⴷ ⵍⵖⵍⴰ ⵏ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ ⵜⵉⴳⵊⴷⴰⵏⵉⵏ ⴳ ⵓⴳⴰⴷⴰⵣ ⴰⵎⴰⴹⵍⴰⵏ. 
ⴳ ⵓⴳⵔⴰⵡ ⴰⴷ ⵉⵙⵙⴼⵙⵔ    ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵜⵉⵙⵜⵔⴰⵜⵉⵊⵉⵢⵉⵏ ⴷ ⵉⵖⴰⵡⴰⵙⵏ ⵏⵏⴰ ⵎⵉ ⵉⵔⵣⵎ ⵍⵎⵖⵔⵉⴱ ⴷⴷⴰⵡ ⵏ ⵜⵏⴰⵔⴰ  ⵉⵖⵓⴷⴰⵏ ⵏ ⴱⴰⴱ ⵏ ⵜⵎⴰⴳⴰⵔⵜ, ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ  ⵕⴱⴱⵉ ⴰⴷ ⵜ ⵢⴰⴷⵊ, ⵉⵙⴷⴷⵉⴷ ⵎⴰⵙⴷ ⵜⴰⵏⴱⴰⴹⵜ  ⵜⵓⴳⴳⵓⵣⵜ ⵎⵇⵇⴰⵔ ⵍⵍⴰⵏ ⵉⵎⵍⵉⵍⵍⵉⵏ ⵉⴷⵎⵙⴰⵏⵏ ⵉⵎⴰⴹⵍⴰⵏⵏ  ⴳ ⵓⵙⵎⵎⵓⴷ ⵏ ⵉⵙⵖⵏⵓⵜⵏ ⵏ ⵓⵙⵖⵓⴷⵓⵜⵏ ⵏ ⵓⵥⵟⵟⴰ  ⴷ ⵓⵙⵙⵎⵔⵙ ⵏⵏⵙ ⵏ ⵡⴰⴽⵓⴷ, ⵎⴽⵉⵏⵏⴰ ⵢⵓⵍⵢ ⵓⵇⵓⴷⴷⵉ ⵏ ⵉⵙⵖⵍⵍⴰⵜⵏ ⵉⴳⴷⵓⴷⴰⵏ,  ⵎⴽⵉⵏⵏⴰ ⵉⵍⵍⴰ ⵓⵙⴷⵓⵙ  ⵏ ⵉⵖⴰⵡⴰⵙⵏ ⵉⵏⴰⵎⵓⵏⵏ ⵙⵡⴰ ⴳ ⵢⵉⴳⵔ ⵏ ⵜⴷⵓⵙⵉ ⵏⵖ ⴰⵙⵙⵍⵎⴷ ⵏⵖ ⴰⵃⵟⵟⵓ ⴰⴳⴷⵓⴷⴰⵏ, ⴷ ⵓⵥⵍⴰⵢ ⵏ ⵓⵙⴷⵓⵙ  ⵏ ⵓⵃⵟⵟⵓ ⵅⴼ ⵜⵣⵎⵔⵜ ⵏ ⵜⵎⵙⵓⵅⵜ ⵏ ⵉⵏⵎⵓⵔⴰ ⴳ ⵜⵉⵣⵉ ⵏ ⵓⵖⵍⴰⵢ ⵏ ⴽⵉⴳⴰⵏ ⵏ ⵉⵜⵉⴳⵏ ⵏ ⵜⵖⴰⵡⵙⵉⵡⵉⵏ ⵜⵉⵎⵣⵡⵓⵔⴰ ⴳ ⵓⵙⵡⵉⵔ ⴰⵎⴰⴹⵍⴰⵏ. 

ⵜⵙⵙⵔⵖⵓⴷ ⵎⴰⵙⵙⴰ ⴰⴷⵔⵉⵢⴰⵏⴰⴽⵓⵍⴳⵍⴻⵔ ⵜⴰⵏⵎⵀⴰⵍⵜ ⵜⵓⵣⵣⴳⵉⵔⵜ  ⵏ ⵍⵡⵉⵍⴰⵢⴰⵜ ⵜⵉⵏⴰⵎⵓⵏⵉⵏ ⵏ ⵎⵉⵔⵉⴽⴰⵏ ⴳ ⵓⵙⵇⵇⵉⵎ ⵏ ⵜⵏⵎⵀⴰⵍⵜ ⵏ ⵍⴱⴰⵏⴽ ⴰⵎⴰⴹⵍⴰⵏ ⴳ ⵍⵎⵖⵔⵉⴱ ⴳ  ⵓⵇⵓⴷⴷⵉ  ⵏ ⵜⵓⵚⴽⵉⵡⵉⵏ ⵜⵉⵎⴰⵣⴷⴰⵔⵉⵏ ⵏⵏⴰ ⵉⵜⵜⵓⵚⴽⴰⵏ ⴳ ⵙⵉⵎⵔⴰⵡ ⵏ ⵉⵙⴳⴳⵯⴰⵙⵏ ⵉⵎⴳⴳⵓⵔⴰ, ⵙⵙⵉⵡⵍⵏ ⵅⴼ ⴰⵡⴷ ⵜⴷⵉⵏⴰⵎⵉⵢⵜ ⴷ ⵉⵙⵏⴼⵍⵓⵍⵏ, ⵏⵏⴰ ⵜⵙⵙⵏ ⵜⴷⴰⵎⵙⴰ ⵜⴰⵎⵖⵔⵉⴱⵉⵢⵜ. ⵜⵙⵙⵏⵜⵉ ⵎⴰⵙⴷ ⵍⵎⵖⵔⵉⴱ ⵉⵥⴹⴰⵕ  ⴳ ⵜⵎⴰⴹⵓⵏⵜ ⵏ ⴽⵓⵕⵓⵏⴰ ⵙ ⵢⴰⵜ ⵜⵎⴰⵎⴽⵜ ⵉⵖⵓⴷⴰⵏ ⴰⴷ ⵉⵇⵇⵙ ⵎⵏⵉⴷ  ⵏ ⵓⴼⴰⵢⵔⵓⵙ ⴰⴷ  ⵉ ⵉⵎⵖⵔⴰⴱⵉⵢⵏ ⵙ ⵢⴰⵏ ⵡⵓⵟⵟⵓⵏ ⴰⵎⵇⵇⵔⴰⵏ. 
ⵜⵙⵙⵉⵡⵍ ⵜⵏⵎⵀⴰⵍⵜ ⵜⴰⵣⴳⵔⴰⵏⵜⴳ ⵍⵡⵉⵍⴰⵢⴰⵜ ⵜⵉⵏⴰⵎⵓⵏⵉⵏ ⵏ ⵎⵉⵔⵉⴽⴰⵏ ⴳ ⵓⵙⵇⵇⵉⵎ ⵏ ⵜⵏⵎⴰⵀⵍⴰ ⵏ ⵍⴱⴰⵏⴽ ⴰⵎⴰⴹⵍⴰⵏ ⵅⴼ ⵓⵙⵙⵉⵎⵖⵔ ⵏⵏⵙ ⵉ ⵜⵣⵎⵎⴰⵔ ⵏⵏⴰ ⵉⵜⴳⴳⴰ ⵍⵎⵖⵔⵉⴱ ⴳ ⵓⵙⴱⴷⴷ ⵏ ⵉⵔⵡⴰⵢⵏ ⵉⴷⵎⵙⴰⵏ ⵉⵎⴰⴹⵍⴰⵏ, ⵜⵙⵏⵉⵎⵎⵔ ⴰⵡⴷ ⵜⵉⵖⵜⴰⵙⵉⵏ ⵏⵏⴰ ⵜⵙⵙⴽⵔ ⵜⴳⵍⴷⵉⵜ ⴳ ⵓⵎⵏⵉⴷ ⴰⴷ. ⵎⴽⵉⵏⵏⴰ ⵜⵙⵏⵉⵎⵎⵉⵔ ⵜⵉⵣⵎⵎⴰⵔ ⵏ ⵍⵎⵖⵔⵉⴱ  ⴳ ⵎⴰⴷ ⵉⵥⵍⵉⵏ ⵙ ⵜⵏⴽⵔⴰ ⵏ ⵉⵙⵓⴳⴰⵎ ⵉⵏⴼⴳⴰⵏ ⴳ ⵢⵉⴳⵔ ⴰⴷⵓⵙⴰⵏ, ⵓⵍⴰ ⴰⵙⵖⵓⴷⵓ ⵏ ⵜⵏⵎⵀⵍⴰ ⵜⴰⴳⴷⵓⴷⴰⵏⵜ. 
ⵜⵙⵏⵏⵉⵎⵎⵔ ⵍⵎⵖⵔⵉⴱ ⵙ ⵜⵎⵍⴷⴰ ⴰⴷ  ⴰⵢⴷⴷⵖ ⵜⵙⵙⴽⵔ ⵉⵏⵎⵓⵇⵇⴰⵔⵏ ⴰⴷ ⵉⵙⴳⵯⵙⴰⵏⵏ ⵏ ⵍⴱⴰⵏⴽ ⴰⵎⴰⴹⵍⴰⵏ ⴷ ⵓⴼⵔⵉⴽ ⵏ ⵜⵥⵕⴼⵜ ⵜⴰⵎⴰⴹⵍⴰⵏⵜ ⵏⵏⴰ ⵇⴰⴷ ⵉⵜⵜⵓⵙⵏⵎⴰⵍⴰ ⴳ ⵎⵕⵕⴰⴽⵛ ⴳ ⴽⵜⵓⴱⵕ 2023