ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⴱⵔⵔⴽ ⵊⵉⵔⴷ ⵎⵓⵍⵔ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵎⴰⴷⴷⴰⵙⵜ ⵏ ⵜⴳⴳⴰⵢⵉⵏ ⵜⴰⵏⴰⵎⵓⵏⵜ ⵉ ⵓⵙⵙⴳⵎⵉ ⵏ ⵜⵎⴳⵓⵔⵉ
ⵉⵙⴱⵔⵔⴽ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⵙⵉⵏⴰⵙ 16 ⵎⴰⵢⵢⵓ 2022 ⴳ ⵕⴱⴰⴹ , ⵎⴰⵙⵙ ⵊⵉⵔⴷ ⵎⵓⵍⵔ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵎⴷⴷⴰⵙⵜ ⵏ ⵜⴳⴳⴰⵢⵉⵏ ⵜⴰⵏⴰⵎⵓⵏⵜ ⵏ ⵓⵙⵙⴳⵎⵉ ⵏ ⵜⵎⴳⵓⵔⵉ, ⵏⵏⴰ ⵉⵙⵙⴽⵔⵏ ⵢⴰⵏ ⵓⵔⵣⴰⴼ ⵉ ⵍⵎⵖⵔⵉⴱ.
ⵉⴳⴰ ⵓⵏⵎⵓⴳⴳⴰⵔ ⴰⴷ, ⵏⵏⴰ ⵉⵜⵜⵓⴳⴰⵏ ⵙ ⵢⵉⵍⵉ ⵏ ⵉⵙⵎⴷⵢⴰⵜⵏ ⵏ ⵜⵙⵏⵓⵔⴰⵢⵜ ⵏ ⵜⴰⴳⴳⴰⵢⵜ ⵜⴰⵏⴰⵎⵓⵏⵜ , ⵢⴰⵏ ⵓⵎⵡⴰⵊⴱ ⵏ ⵓⵎⵔⴰⵔⴰ ⵅⴼ ⵜⴰⵙⵙⵓⵔⵜ ⵉⴳⴳⵓⵜⵏ ⴷ ⵉⵎⵢⴰⵏⴰⵡⵏ ⵏⵏⴰ ⵉⵣⴷⵉⵏ ⵜⴰⴳⵍⴷⵉⵜ ⴷ ⵜⵎⴰⴷⴷⴰⵙⵜ ⵏ ⵜⴰⴳⴳⴰⵢⵉⵏ ⵜⵉⵏⴰⵎⵓⵏⵉⵏ ⵏ ⵓⵙⵙⴳⵎⵉ ⴷ ⵜⵎⴳⵓⵔⵉ, ⵓⵍⴰ ⴰⵙⴷⵓⵙ ⵏ ⵜⴰⵛⵛⵓⵔⵜ ⵜⴰⵙⵜⵔⴰⵜⵉⵊⵉⵢⵜ ⵏⵏⴰ ⵉⵍⵍⴰⵏ ⴳⵔ ⵜⵙⴳⴳⵉⵡⵉⵏ ⵙⵙⵉⵏ, ⴰⴷ ⴰⴷ ⴰⵙ ⵜⵜⵓⴼⴽⴰ ⵢⴰⵏ ⵓⴷⵃⵃⵓⵢ ⴰⵎⴰⵢⵢⵓⵏⵓ ⵃⵎⴰ ⴰⴷ ⵉⵣⵎⵔ ⵍⵎⵖⵔⵉⴱ ⴰⴷ ⵉⵚⵚⵕⵚⵓ ⵣⵓⵏⴷ ⵢⴰⵜ ⵜⴷⴰⴱⵓⵜ ⵉ ⵓⵙⵏⵖⵍ ⴷ ⵜⴰⵜⵉⴽⵏⵓⵍⵓⵊⵉⵢⵜ ⴷ ⵓⵙⴷⵓⵙ ⵏ ⵜⵣⵎⵎⴰⵔ ⵏⵏⵙ ⴳ ⵢⵉⴳⵔ ⵏ ⵜⵎⴳⵓⵔⵉ.
ⴰⵢⴷⴷⵖ ⵏ ⵓⵏⵎⵓⴳⴳⴰⵔ ⵉⴳⴰ ⴰⵡⴷ ⵢⴰⵏ ⵓⵎⵡⴰⵊⴱ ⵏ ⵓⵎⴱⴰⴷⴷⴰⵍ ⴷ ⵉⵙⵡⵓⵜⵓⵜⵏ ⴷ ⵉⵥⵍⴰⵢⵏ ⵢⴰⴹⵏ ⵏ ⵓⵎⵢⴰⵡⴰⵙ ⴳⵔ ⵍⵎⵖⵔⵉⴱ ⴷ ⵜⵎⴰⴷⴷⴰⵙⵜ ⵏ ⵜⴰⴳⴳⴰⵢⵉⵏ ⵜⵉⵏⴰⵎⵓⵏⵉⵏ ⵜⵎⴳⵓⵔⵉ, ⴰⴷ ⵙⴷⵓⵙⵏ ⴰⴱⵔⵉⴷ ⵏ ⵏ ⵜⵎⴳⵓⵔⵓ ⵏ ⵜⵏⴱⴰⴹⵜ, ⵏⵏⴰ ⵉⵙⵙⴰⵡⵀⵎⵎⴰⵏ ⴽⵉⴳⴰⵏ ⵏ ⵉⴳⵔⴰⵏ ⵉⵙⵜⵔⴰⵜⵉⵊⵉⵢⵏ ⵣⵓⵏⴷ: ⵜⵉⵎⴳⵓⵔⵉⵡⵉⵏ ⵏ ⵡⵓⵜⵜⵛⵉ, ⵜⴰⵙⴱⴱⴰⴱⵜ ⵜⴰⵍⵉⵍⵉⴽⵜⵔⵓⵏⵉⵢⵜ, ⵜⴰⵎⴳⵓⵔⵉ 4.0, ⴷ ⵜⴷⴰⵎⵙⴰ ⵜⴰⵡⵔⴰⵔⵔⴰⵢⵜ, ⴷ ⵓⵙⵡⵓⴷⴷⵓ ⵏ ⵡⴰⵔⵔⴰⵙ, ⴷ ⵓⵣⵎⴰⵔ ⵏ ⵜⵎⴳⵓⵔⵉ, ⴷ ⵓⵎⵢⴰⵡⴰⵙ ⵏ ⵉⴼⴼⵓⵙ- ⵉⴼⴼⵓⵙ.
