ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⴱⵔⵔⴽ ⵜⴰⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵜⵎⵙⵙⵓⵔⵜ ⵓⵕⴰⴽⵍ

ⵉⵙⴱⵔⵔⴽ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⵙⵉⵏⴰⵙ 16 ⵎⴰⵢⵢⵓ 2022 ⴳ ⵕⴱⴰⴹ, ⵎⴰⵙⵙⴰ ⵚⴼⵕⴰ ⴽⴰⵜⵙ, ⵜⴰⵏⵙⵙⵉⵅⴼⵜ ⵜⴰⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵜⴰⵙⵙⵓⵔⵜ ⵓⵕⴰⴽⵍ 
ORACLE  Corporation, ⵏⵏⴰ ⵉⵜⵜⵡⴰⴳⴳⵏ 16 ⴷ 17 ⵎⴰⵢⵢⵓ, ⴳ ⵜⵉⴽⴽⵍⵜ ⵜⴰⵎⵣⵡⴰⵔⵓⵜ ⵉ ⵍⵎⵖⵔⵉⴱ, ⵓⵍⴰ ⵉⴼⵔⵉⵇⵇⵢⴰ. 
ⵉⵙⵙⴽⵔ ⴰⵏⵎⵓⴳⴳⴰⵔ ⴰⴽⴷ ⵢⵉⵍⵉ ⵏ ⵓⵎⴰⵡⵙⴰⵙ  ⴰⵎⴰⵍⴰⵍ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵏⵏⴰ ⵉⵥⵍⵉⵏ ⵙ  ⵙ ⵓⵙⵖⵍⵍⴰ ⴷ ⵜⵏⵎⵓⴳⴳⴰⵔⵜ  ⴷ ⵓⵙⵜⴰⵍ ⵏ ⵜⵙⵔⵜⴰⵏⵉⵏ, ⵎⴰⵙⵙ ⵎⵓⵃⵙⵉⵏ ⵊⴰⵣⵓⵍⵉ. 
ⵉⴳⴰ ⵓⵏⵎⵓⴳⴳⴰⵔ ⵢⴰⵏ ⵓⵎⵡⴰⵊⴱ ⵏ ⵓⵎⵔⴰⵔⴰ ⴷ ⵓⵎⵢⴰⵡⴰⵙ ⴳ ⵢⵉⴳⵔ ⵏ ⵉⵙⵖⵍⵍⴰⵜⵏ ⴳⵔ ⵜⴳⵍⴷⵉⵜ ⴷ ⵜⴰⵛⵛⵓⵔⵜ, ⵓⵍⴰ ⴰⵙⵙⵉⵡⵍ ⵅⴼ  ⵉⵙⵖⵏⵓⵜⵏ ⵏⵏⴰ ⵉⵣⴷⵉⵏ ⵙ  ⵓⵙⵙⴳⵎⵉ ⴳ ⵍⵎⵖⵔⵉⴱ, ⵓⵍⴰ ⴰⵔⵥⵥⵓⵎ ⴰⵎⵣⵡⴰⵔⵓ “ⴰⵏⴰⵔⴰⵎ ⵓⵕⵉⴽⴰⵍ ORACLE LAB” , ⴷ ⵏⵜⵜⴰ ⵢⴰⵜ ⵜⴳⵣⵣⵓⵎⵜ ⵏ ⵓⵔⵣⵣⵓ ⴷ ⵓⵙⴷⵓⵙ ⵉⴹⴼⴰⵕⵏ ⵉ ⵜⴰⵙⵙⵓⵔⵜ. 
ⵉⴳⴰ ⵡⴰⵎⵎⴰⵙ ⴰⴷ  ⵉⵥⵍⵉⵏ ⵙ  ⵓⵔⵣⵣⵓ ⴷ ⵓⵙⴱⵓⵖⵍⵍⵓ ⵏⵏⴰ ⵇⴰⴷ ⵢⵉⵍⵉⵏ ⴳ ⴱⴰⵔⴽ ⴽⴰⵣⴰ ⵏⵉⵔⵛⵓⵔ ⴳ ⴷⴷⴰⵔⴱⵉⴷⴰ, ⴰⵎⵣⵡⴰⵔⵓ ⴳ ⵡⴰⵏⴰⵡ ⵏⵏⵙ ⴳ ⵉⴼⵔⵉⵇⵇⵢⴰ. 
ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⵢⴷⴷⵖ ⵏ ⵓⵙⴳⵔⴰⵡ ⵜⵉⵣⵎⵎⴰⵔ ⵏⵏⴰ ⵉⵜⴳⴳⴰ ⵍⵎⵖⵔⵉⴱ, ⴳ ⵓⵎⴰⵍⵓ ⵏ ⵏⴰⵔⴰ ⵉⴼⴰⵡⵏ ⵏ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⵕⴱⴱⵉ ⴰⴷ  ⵢⴰⵊⵊ, ⵏⵏⴰ ⵢⵓⵊⵊⴰⵏ ⵍⵎⵖⵔⵉⴱ ⴰⴷ ⵉⵙⵏⴼⵍ ⵙ ⵓⵙⴷⵓⵙ  ⵏ ⵜⵎⵔⵙⴰⵍ ⵜⵉⴷⵎⵙⴰⵏⵉⵏ ⴷ ⵜⴷⵉⵎⵓⵇⵕⴰⵜⵉⵢⵉⵏ ⴷ ⵜⴳⴷⵓⴷⴰⵏⵉⵏ, ⴷ ⵜⵉⴳⴳⵉ ⵏ ⵓⵏⴰⴳⵔⴰⵡ ⴷ  ⵓⵏⵎⵉⵍⴰ ⵏ ⵜⵡⵓⵔⵉ ⵉⵥⵍⵉⵏ ⵙ  ⵓⵙⵍⵍⵡⵉ ⴷ ⵓⵔⵣⵣⵓ ⴷ ⵓⴱⵓⵖⵍⵍⵓ.