ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⴱⵔⵔⴽ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵍⴱⴰⵏⴽ ⴰⵎⴰⴹⵍⴰⵏ
ⵉⵙⴱⵔⵔⴽ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⴽⵕⴰⵙ 23 ⵎⴰⵕⵚ 2022, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵍⴱⵏⴽ ⴰⵎⴰⴹⵍⴰⵏ, ⵎⴰⵙⵙ ⴷⴰⴼⵉⴷ ⵎⴰⵍⴱⴰⵙ, ⵏⵏⴰ ⵉⵙⵙⴽⵔⵏ ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⵉ ⵍⵎⵖⵔⵉⴱ.
ⵉⵍⵍⴰ ⴳ ⵓⵏⵎⵓⴳⴳⴰⵔ ⴰⴷ ⵙⴳ ⵜⵙⴳⴰ ⵏ ⵍⵎⵖⵔⵉⴱ ⵎⴰⵙⵙⴰ ⵏⴰⴷⵢⴰ ⴼⵜⵜⵃ ⵜⴰⵎⵡⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ, ⵜⵎⵓⵏ ⴽⴷ ⵎⴰⵙⵙⴰ ⴼⵓⵣⵉⵢⵢⴰ ⵣⵄⴱⵓⵍ ⵜⴰⵏⵎⵀⴰⵍⵜ ⵏ ⵓⵙⴱⴰⵢⵏⵓ ⴷ ⵜⵥⵕⴼⵜ ⵏ ⴱⵕⵕⴰ ⵏⵏⴰ ⵉⴹⴼⴰⵕⵏ ⵉ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ, ⴷ ⵜⵔⴰⴱⴱⵓⵜ ⵏ ⵍⴱⵏⴽ ⴰⵎⴰⴹⵍⴰⵏ ⵎⴰⵙⵙ ⴱⵍⵃⴰⵊ ⴼⴰⵔⵉⴷ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏⴰ ⵉⵥⵍⵉⵏ ⵙ ⵓⴷⵖⴰⵔ ⵏ ⵓⵏⵇⴰⵔ ⴰⵏⴰⵎⵎⴰⵙ ⴷ ⵓⴳⴰⴼⴰⵢ ⵏ ⴰⴼⵔⵉⵇⵇⵢⴰ, ⴷ ⵎⴰⵙⵙ ⵊⵉⵙⴽⵓ ⵀⵉⵛⵍ ⴰⵏⵎⵀⴰⵍ ⴰⵏⵎⵏⴰⴹ ⵏ ⵍⴱⵏⴽ ⴰⵎⴰⴹⵍⴰⵏ ⴷ ⵓⴷⵡⴰⵍ ⵏ ⵜⵣⴷⴷⵓⵖⵜ ⴷ ⵓⵙⵙⴳⵎⵉ, ⴷ ⵎⴰⵙⵙ ⴽⵣⴰⴼⵢⵉ ⵔⵉⵍ ⴰⵏⵎⵀⴰⵍ ⵏ ⵜⵎⵙⵙⵓⵔⵜ ⵜⵓⵥⵕⵉⴼⵜ ⵜⴰⵎⴰⴹⵍⴰⵏⵜ.
ⵉⴳⴰ ⵓⵏⵎⵓⴳⴳⴰⵔ ⵏⵏⴰ ⵉⵍⵍⴰⵏ ⴳ ⵓⴷⵖⴰⵔ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⴳ ⵕⴱⴰⴹ, ⵢⴰⵏ ⵓⵎⵡⴰⵊⴱ ⵏ ⵓⵚⵍⵍⵟ ⵏ ⵜⵉⴼⴰⵡⵜ ⵅⴼ ⵡⵓⴷⴷⵓⵔ ⵏ ⵜⵓⵛⵛⵓⵔⵜ ⵏⵏⴰ ⵉⵣⴷⵉⵏ ⵍⵎⵖⵔⵉⴱ ⴷ ⵜⵔⴰⴱⴱⵓⵜ ⵏ ⵍⴱⵏⴽ ⴰⵎⴰⴹⵍⴰⵏ, ⴷ ⵢⴰⵜ ⵜⵎⵍⴷⴰ ⵏ ⵓⵙⴼⵙⵔ ⵏ ⵜⵎⵎⴰⴽⵉⵏ ⵏ ⵓⵙⵜⴰⵍ ⵏⵏⵙⵏⵜ ⴷ ⵓⵙⴱⵓⵖⵍⵍⵓ ⵏⵏⵙⵏⵜ; ⴷ ⵜⴰⵎⵓⵏⵜ ⴰⴽⴷ ⵜⵙⵜⵔⴰⵜⵉⵊⵢⵉⵏ ⴷ ⵉⵖⴰⵡⴰⵙⵏ ⵉⵙⵙⴰⵡⵀⵎⵎⴰⵏ ⵏⵏⴰ ⵉⵙⵔⵙ ⵍⵎⵖⵔⵉⴱ ⴷⴷⴰⵡ ⵏ ⵓⵙⵏⴰⵔⴰ ⵏ ⵉⴼⵓⵍⴽⵉⵏ ⴱⴰⴱ ⵏ ⵜⵎⴰⴳⴰⵔⵜ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵕⴱⴱⵉ ⴰⴷ ⵜ ⵢⴰⴷⵊ, ⴷ ⴰⵡⴷ ⵢⵉⵍⵉ ⵓⵎⵔⴰⵔⴰ ⵅⴼ ⵓⵣⵎⵣ ⴰⵎⴰⴹⵍⴰⵏ ⵏⵏⴰ ⵉⵜⵜⵡⴰⵙⵙⴰⵏ ⵏ ⵜⵎⵙⵙⵏⵜⵉⵜⵉⵏ ⵏⵏⴰ ⵉⴽⴽⴰⵜⵏ ⴰⴷ ⵉⵔⵣⵣⵓ ⵏ ⵓⴱⵓⵖⵍⵍⵓ ⴰⴷⵎⵙⴰⵏ ⴷ ⵡⵓⴼⵓⵖ ⵙⴳ ⵉⴷⵔⵉⵣⵏ ⵏ ⵜⵎⴰⴹⵓⵏⵜ ⵏ ⴽⵓⵕⵓⵏⴰ ⴷ ⵜⴰⴹⴹⴰⵏⴳⴰⵜ ⵏ ⵢⵉⵍⵢ ⵏ ⵉⵜⵉⴳⵏ ⵏ ⵜⵖⴰⵡⵙⵉⵡⵉⵏ ⵜⵉⵎⵣⵡⵓⵔⴰ ⴳ ⵓⵎⴰⴹⴰⵍ.
ⴳ ⵓⵏⵎⵓⴳⴳⴰⵔ ⴰⴷ, ⵉⵙⵙⵉⵍⵖ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⵙⵡⵉⵔ ⵏ ⵜⵎⵇⵇⴰⵏⵜ ⵜⴰⵙⵜⵔⴰⵜⵉⵊⵉⵢⵜ ⵏⵏⴰ ⵉⵣⴷⵉⵏ ⴳⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵍⴱⵏⴽ ⴰⵎⴰⴹⵍⴰⵏ, ⵏⵏⴰ ⵉⴽⴽⴰⵜⵏ ⴰⴷ ⵉⵙⴷⵓⵙ ⵉⵎⵓⵏ ⴰⴽⴷ ⵓⵙⵙⴳⵎⵉ ⴰⴷⵎⵙⴰⵏ ⴷ ⵓⴳⴷⵓⴷⴰⵏ ⵏⵏⴰ ⵉⵙⵙⵏ ⵍⵎⵖⵔⵉⴱ, ⵉⵙⵙⴼⵙⵔ ⴽⵉⴳⴰⵏ ⵏ ⵉⵙⴰⵡⵔⵏ ⵏ ⵓⵥⵟⵟⴰ ⴷ ⵉⵙⵖⵓⴷⵓⵜⵏ ⵏⵏⴰ ⵉⵜⵜⵓⵢⴰⵏⵏⴰⵢⵏ ⴳ ⵜⴳⵍⴷⵉⵜ. ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⴷ ⵜⵄⵡⵡⵍ ⵜⵏⴱⴰⴹⵜ ⵅⴼ ⴰⴷ ⵜⵣⴷⵉ ⴰⵣⵣⴳⴰⵔ ⵏ ⴽⵉⴳⴰⵏ ⵏ ⵜⵎⴳⴳⵉⵜⵉⵏ ⵏⵏⴰ ⵉⴽⴽⴰⵜⵏ ⴰⴷ ⵜⵙⴱⴷⴷ ⵙⴳ ⵉⴷⵔⵉⵣⵏ ⵏ ⴽⵓⵕⵓⵏⴰ, ⴷ ⵓⵙⵙⵔⵇⴱ ⵏ ⵓⵙⵖⵍⵍⴰ ⴰⵎⵥⵍⴰⵢ, ⴷ ⵓⵔⵣⵣⵓ ⵏ ⵓⵙⵖⵍⵍⴰ ⴰⴷⵎⵙⴰⵏ.
ⵙⴳ ⵜⵙⴳⴰ ⵏⵏⵙ ⵢⵓⵍⵙ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵍⴱⵏⴽ ⴰⵎⴰⴹⵍⴰⵏ ⴰⵙⵖⴰⵏ ⵏ ⵜⵔⴰⴱⴱⵓⵜ ⴳ ⵓⵙⴷⵓⵙ ⴷ ⵜⴰⵎⵓⵏⵜ ⴰⴽⴷ ⵜⴰⵙⴳⵎⴰⵏⵜ ⴷ ⵜⴷⴰⵎⵙⴰⵏⵜ ⴷ ⵜⵏⴰⵎⵓⵏⵜ ⵏⵏⴰ ⵉⵙⵙⵏ ⵍⵎⵖⵔⵉⴱ, ⵉⵙⴷⴷⵉⴷ ⵎⴰⵙⴷ ⵜⴰⴳⵍⴷⵉⵜ ⴷⴰⵔⵙ ⵜⵉⵣⵎⵎⴰⵔ ⵉⵙⵙⴰⵡⵀⵎⵎⴰⵏ ⵙⴳ ⵉⴷⵔⵉⵣⵏ ⵏ ⵜⴰⵙⵙⴰⵙⵜ ⵍⵍⵉ ⵉⵍⵍⴰⵏ ⴳ ⵜⵎⴰⴹⵓⵏⵜ ⵏ ⴽⵓⵕⵓⵏⴰ.
ⵉⵍⴰⵇ ⴰⴷ ⵏⴱⴷⵔ ⵎⴰⵙⴷ ⵍⵎⵖⵔⵉⴱ ⵢⴰⵎⵓ ⴳ ⵍⴱⵏⴽ ⴰⵎⴰⴹⵍⴰⵏ ⴳ ⵓⴱⵔⵉⵍ ⵙⴳ ⵓⵙⴳⴳⵯⴰⵙ ⵏ 1958, ⴰⵢⴷⴷⵖ ⴷⴰⵔⵙ ⵜⵍⵍⴰ ⵜⵖⴹⴼⵜ ⵜⴰⵎⵇⵇⵔⴰⵏⵜ ⵙⴳ 1962 ⴰⵔ ⴰⵙⵙⴰ ⵙⴳ ⵉⵙⵏⴼⴰⵔⵏ ⴷ ⵉⵙⵖⵉⵡⵙⵏ.
