ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⵉⵙⴱⵔⵔⴽ ⵎⴰⵙⵙ ⵄⴰⴷⵉⵍ ⵍⴼⴰⵇⵉⵔ ⴷ ⵎⴰⵙⵙ ⵙⵉⴱⴰⵙⵜⵢⴰⵏ ⵉⴱⵉⵍ

ⵉⵙⴱⵔⵔⴽ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ , ⴰⵙⵙ ⵏ  ⵓⴽⵡⴰⵙ 10 ⵛⵓⵜⴰⵏⴱⵉⵔ 2022, ⵉⵎⵓⵏ ⴰⴽⴷ ⵎⴰⵙⵙⴰ ⴼⴰⵟⵉⵎⴰ ⵣⵣⴰⵀⵔⴰ ⵄⵎⵎⵓⵔ, ⵜⴰⵎⴰⵡⵙⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵎⴳⵓⵔⵉ ⵜⴰⵣⴰⵢⴽⵓⵜ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵓⵎⵢⴰⵡⴰⵙ ⴷ ⵎⴰⵙⵙ ⴰⵎⵏⴱⴰⴹ ⵄⴰⴷⵉⵍ ⵍⴼⴰⵇⵉⵔ ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵉⵔⴰ ⴰⵏⴰⵎⵓⵔ ⴰⵎⵖⵔⵉⴱⵉⵢ ⵏ ⵜⵎⴰⵍⵍⴰⵢⵜ, ⵎⴰⵙⵙ ⵙⵉⴱⴰⵙⵜⵢⴰⵏ ⵉⴱⵉⵍ, ⵏⵏⴰ ⵇⴰⴷ ⵢⴰⵎⵥⵏ ⵙⴳ ⵡⴰⵙⵙ ⴰⵎⵣⵡⴰⵔⵓ ⴳ ⴽⵜⵓⴱⵕ ⵏⵏⴰ ⴷ ⵢⵓⵙⴰⵏ ⴰⴷⵖⴰⵔ ⵏ ⵓⵏⵙⵙⵉⵅⴼ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵔⴰⴱⴱⵓⵜ  TUI ⵜⴰⵍⴰⵍⵎⴰⵏⵉⵢⵜ ⵏⵏⴰ ⵉⵙⵡⵓⵔⵉⵏ ⴳ ⵢⵉⴳⵔ ⵏ ⵜⵎⴰⵍⵍⴰⵢⵜ ⴷ ⵉⵎⵓⴷⴷⵓⵜⵏ ⴷ ⵓⵙⵏⵖⵍ ⵏ ⵓⵊⵏⵏⴰ. 
ⵉⴳⴰ ⵓⵏⵎⵓⵇⵇⴰⵔ ⴰⴷ ⵢⴰⵜ ⵜⵎⵍⴷⴰ ⵏ ⵓⵎⵔⴰⵔⴰ ⵏ ⵡⵓⴷⵎⴰⵡⵏ ⵏ ⵜⵓⵛⵛⵓⵔⵜ ⵉⵎⵢⴰⵏⴰⵡⵏ ⴷ ⵓⵎⵢⴰⵡⴰⵙ ⴳⵔ ⵜⵎⴰⵡⴰⵙⵜⵏ ⵜⵎⴰⵍⵍⴰⵢⵜ ⴷ ⵜⵎⴳⵓⵔⵉ ⵜⴰⵣⴰⵢⴽⵓⵜ ⴷ ⵜⴷⴰⵎⵙⴰ ⵜⴰⵏⴰⵎⵓⵔⵜ ⴷ ⵓⵎⵢⴰⵡⴰⵙ, ⴰⵎⵎⴰⵙ ⵏ ⵓⵙⵉⵔⴰ ⴰⵎⵖⵔⵉⴱⵉⵢ ⵏ ⵜⵎⴰⵍⵍⴰⵢⵜ, ⴷ ⵜⵔⴰⴱⴱⵓⵜ TUI , ⵓⵍⴰ ⴰⵙⴷⵓⵙ ⵏ ⵉⵎⵡⴰⵊⴱⵏ ⵏ ⵓⵙⵖⵍⵍⴰ ⵏ ⵜⵔⴰⴱⴱⵓⵜ ⵜⴰⵍⴰⵍⵎⴰⵏⵉⵢⵜ ⴳ ⵜⴳⵍⴷⵉⵢⵜ. 
ⴳ ⵓⵏⵎⵓⵇⵇⴰⵔ ⴰⴷ ⵉⵙⵙⵉⵡⵍ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵅⴼ ⵜⵣⵎⵎⴰⵔ ⵏⵏⴰ ⵉⵜⴳⴳⴰ ⵍⵎⵖⵔⵉⴱ, ⵡⵉⵏⵏⴰ ⵉⵜⵜⵓⴹⵕⵕⴰⵏ ⴳ ⵓⵣⵎⵣ ⵏ ⵜⵎⴰⴹⵓⵏⵜ, ⵙ ⴽⵉⴳⴰⵏ ⵏ ⵉⵎⴳⴳⵉⵜⵏ ⵏ ⵓⵙⵓⵊⵊⵉ, ⵎⴰⵏ ⴰⵢⴰ ⴰⴷ ⵢⵓⵊⵊⴰⵏ ⵉⴳⵔ ⵏ ⵜⵎⴰⵍⵍⴰⵢⵜ ⴰⴷ ⵉⵔⴰⵔ ⵜⴰⴷⵓⵙⵉ  ⵏⵏⵙ, ⴰⵢⴷⴷⵖ ⵉⵙⴱⵔⵔⴽ ⵍⵎⵖⵔⵉⴱ ⴳ ⵡⴰⵢⵢⵓⵔ ⵏ ⵢⵓⵏⵢⵓ ⴷ ⵡⵉⵏ ⵢⵓⵍⵢⵓⵣ 2022 ⴷⴰⵔ 3.2 ⵏ ⵉⴷ ⵎⵍⵢⵓⵏ ⵏ ⵓⵎⴰⵍⵍⴰⵢ, ⵎⴽⵉⵏⵏⴰ ⴷ ⵉⵙⵙⵡⵔⵔⵉ ⵢⵉⴳⵔ ⵏ ⵜⵎⴰⵍⵍⴰⵢⵜ 100 ⴳ  100 ⵏ ⵉⵎⴰⵍⵍⴰⵢⵏ ⵏⵏⴰ ⵉⵜⵜⵔⵣⴰⴼⵏ ⵍⵎⵖⵔⵉⴱ ⵙ ⵓⵙⵎⵣⴰⵣⴰⵍ ⴰⴽⴷ ⵜⵉⵣⵉ ⵍⵍⵉⵖ ⵏ 2019, ⵖⵉⴽⴰⵏⵏ ⴰⴷ ⵉⴳⴰ ⵍⵃⴰⵍ ⴳ ⵓⵙⵏⵖⵍ ⵏ ⵢⵉⴳⵏⵏⴰ ⵏⵏⴰ ⴷ ⵉⵔⵓⵔⴰⵏ ⵜⴰⴷⵓⵙⵉ ⵏⵏⵙ ⵉⵎⵉⴽ ⵙ ⵉⵎⵉⴽ. 
ⵙⴳ ⵜⵙⴳⴰ ⵏⵏⵙ ⵢⵓⵍⵙ ⵎⴰⵙⵙ ⵙⵉⴱⴰⵙⵜⵢⴰⵏ ⵉⴱⵉⵍ ⵜⴰⵎⵢⵉⵎⴰⵏⵜ ⵏⵏⵙ ⵎⵇⵇⵓⵔⵏ ⵏ ⵜⵔⴰⴱⴱⵓⵜ TUI ⴳ ⵍⵎⵖⵔⵉⴱ ⵣⵓⵏⴷ ⵢⴰⵜ ⵍⵇⴱⵍⵜ ⵏ ⵜⴳⵍⴷⵉⵜ.  
ⵉⵍⴰⵇ ⴰⴷ ⵉⵜⵜⵡⴰⴱⴷⴰⵔ ⵎⴰⵙⴷ ⵜⴰⵔⴰⴱⴱⵓⵜ ⵏ TUI  ⵜⴰⵎⵣⵡⴰⵔⵜ ⵜⴰⵎⴰⴹⵍⴰⵏⵜ  ⴳ ⵢⵉⴳⵔ ⵏ ⵓⴼⵊⵊⴻⵊ ⴷ ⵜⵎⴰⵍⵍⴰⵢⵜ ⴷ ⵓⵎⵓⴷⴷⵓ, ⵏⵏⴰ ⴷⴰⵔ ⵢⴰⵜ ⵜⴰⵙⴷⴷⵉ ⵏ ⵉⵙⵏⵙⵓⵜⵏ ⴷ  ⵜⵙⵏⵓⵔⴰⵢⵜ ⵏ ⵉⵎⵓⴷⴷⵓⵜⵏ ⴷ ⵜⵎⵙⵙⵏⵜⵉⵜⵉⵏ ⵏ ⵢⵉⴳⵏⵏⴰ, ⴷⴰⵔⵙ ⴽⵉⴳⴰⵏ ⵏ ⵉⵙⵖⵍⵍⴰⵜⵏ ⴳ ⵢⵉⴳⵔ ⵏ ⵜⵎⴰⵍⵍⴰⵢⵜ ⴳ ⵍⵎⵖⵔⵉⴱ.