ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 10 ⵏⵓⵡⴰⵏⵏⴱⵉⵔ 2022
ⵜⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵡⴰⵙ 15 ⴳ ⵉⵏⴹⴼⵕ ⵏ ⵜⵔⵡⴰⵢⵉⵏ 1444, ⵉⵎⵙⴰⵙⴰⵏ ⴰⴽⴷ 10 ⵏⵓⵡⴰⵏⵏⴱⵉⵔ 2022, ⴰⴳⵔⴰⵡ ⵏ ⵜⵏⴱⴰⴹⵜ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵓⵙⵜⴰⵢⵏ ⵉ ⵉ ⵓⵙⵎⵏⵉⴷ ⵏ ⵓⴼⵙⴰⵔ ⵏ ⴰⵏⵉⴳⵔⴰⵏ ⵅⴼ ⵜⴽⴰⵕⴹⴰ ⵜⴰⴱⵔⴷⴰⵏⵜ 2022- 2026 ⵉ ⵜⵉⵏⵎⵍ ⵜⴰⴳⴷⵓⴷⴰⵏⵜ ⵎⵎ ⵜⵙⵎⴽⵜⴰ ⵉ ⵎⴰⵕⵕⴰ; ⴷ ⵉ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵖⵣⵏ ⵅⴼ ⵜⵓⴳⴳⵜ ⵏ ⵉⵙⵏⴼⴰⵔⵏ ⵏ ⵉⴹⵕⵉⵚⵏ ⵉⵣⵔⴼⴰⵏⵏ, ⴷ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⴷ ⵢⵓⵙⵏ ⴳ ⵢⵉⵎⵉⵔ 92 ⴳ ⵓⴷⵓⵙⵜⵓⵔ.
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ
- ⴷⴼⴼⵔ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.255 ⴷ ⵢⵓⵡⵉⵏ ⵜⴰⵙⴽⵔⵉⵡⵜ ⵙ ⵉⵏⴱⴰⴹⵏ ⵏ ⵓⵣⵔⴼ ⵓⵟⵟⵓⵏ 65.00 ⴷ ⵜⵓⴳⵔⵉⵡⵜ ⵓⵙⴰⴳⴳⵯ ⴰⴷⵓⵙⴰⵏ ⴰⴷⵙⵍⴰⵏ , ⵜⵙⵏⴽⴷ ⵜ ⵎⴰⵙⵙⴰ ⵏⴰⴷⵉⵢⴰ ⴼⵜⵜⴰⵃ, ⵜⴰⵎⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
- ⴳ ⵎⵉⵏ ⵉⵇⵇⵏ ⵖⵔ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.581 ⵏ ⵓⵙⵡⵜⵜⵓ ⵏ ⵜⴼⴰⴷⵉⵡⵉⵏ ⴷ ⵜⵎⴰⵎⴽⵉⵏ ⵏ ⵓⵙⵎⵎⴰⵍ ⵏ ⵉⴳⵏⵙⴰⵙ ⵏ ⵓⵡⴰⵏⴽ ⴳ ⵉⵎⴰⵙⵙⵏ ⵏ ⵓⵎⵙⴰⵡⴰⴹ ⵉ ⵜⵎⵔⵙⴰⵍⵉⵏ ⴷ ⵜⵎⵙⵙⵏⵜⵉⵜⵉⵏ ⵜⵉⴳⴷⵓⴷⴰⵏⵉⵏ ⴷ ⵡⴰⵜⵉⴳⵏ ⴷ ⵜⵎⴰⵎⴽⵉⵏ ⵏ ⵓⴼⵔⵔⵓ ⵏ ⵡⴰⵔⵔⴰⵣⵏ ⴰⵙⵏ ⵉⵜⵜⵓⴼⴽⴰⵏ, ⴷ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.582 ⵉⵙⵡⵜⵜⵓⵏ ⵜⵉⴼⴰⴷⵉⵡⵉⵏ ⵏ ⴷ ⵜⵎⴰⵎⴽⵉⵏ ⵏ ⵓⵙⵎⵎⴰⵍ ⵏ ⵉⴳⵎⴰⵎⵏ ⵉⵙⵉⵎⴰⵏⵏ ⴳ ⵉⵎⴰⵙⵙⵏ ⵉⵎⵙⴰⵡⴰⴹ ⵉ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⴷ ⵡⴰⵜⵉⴳⵏ ⴷⵜⵎⴰⵎⴽⵉⵏ ⵏ ⵓⴼⵔⵔⵓ ⵏ ⵡⴰⵔⵔⴰⵣⵏ ⴰⵙⵏ ⵉⵜⵜⵓⴼⴽⴰⵏ, ⴷ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.191 ⵉⵇⵇⵏ ⵖⵔ ⵜⵡⵓⵔⵉⵡⵉⵏ ⵏ ⵡⴰⵙⵙⴰⵢ ⵏ ⵢⵉⴳⵏⵏⴰ, ⵜⵜⵓⵙⵓⵜⵔⵏ ⵉ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⴽⴽⵍⵜ ⵏⵏⵉⴹⵏ.
ⵉⵔⴳⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴷ ⵉⵎⵉⵔ 92 ⴳ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉⵢ ⴷ ⵉⵎⵖⵔⴰⴱⵉⵢⵏ ⵏ ⴱⵕⵕⴰ -ⵉⴳⵔ ⵏ ⵉⵎⵖⵔⴰⴱⵉⵢ ⵏ ⴱⵕⵕⴰ, ⵉⵜⵜⵓⵙⵎⴰⵍ:
- ⵎⴰⵙⵙ ⵎⵓⵍⴰⵢ ⵙⵎⴰⵄⵉⵍ ⵍⵎⵖⴰⵔⵉ ⵍⵎⵕⴱⴹ, ⴷ ⴰⵎⴰⵔⵉ ⴰⵎⴰⵜⴰⵢ;
- ⴳ ⵜⵎⴰⵡⴰⵙⵜ ⵏ ⵡⴰⵙⵙⴰⵢ ⴷ ⵜⵍⵓⵊⵉⵙⵜⵉⵜ - ⵉⴳⵔ ⵏ ⵡⴰⵙⵙⴰⵢ, ⵉⵜⵜⵓⵙⵎⴰⵍ:
- ⵎⴰⵙⵙ ⵅⴰⵍⵉⴷ ⵛⵛⵔⵇⴰⵡⵉ, ⴷ ⴰⵎⴰⵔⵉ ⴰⵎⴰⵜⴰⵢ;
- ⴳ ⵜⵎⴰⵡⴰⵙⵜ ⵏ ⵓⵙⴳⵎⵉ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ-ⵉⴳⵔ ⵏ ⵓⵙⴳⵎⵉ ⴰⵏⴰⵎⵓⵔ, ⵉⵜⵜⵓⵙⵎⴰⵍ:
- ⵎⴰⵙⵙ ⴼⵓⴰⴷ ⵛⴰⴼⵉⵇⵉ, ⴷ ⴰⵎⴳⴳⵉⵡⵙ ⴰⵎⴰⵜⴰⵢ ⵉⵜⵜⵓⵙⵎⴰⴳⵍⵏ ⵙ ⵜⵖⴰⵡⵙⵉⵡⵉⵏ ⵜⵉⵙⴳⵎⴰⵏⵉⵏ;
- ⴳ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⵉⵜⵜⵓⵙⵎⴰⵍ:
- ⵎⴰⵙⵙ ⵍⵃⵊⵓⴱ ⵍⵃⵔⴰⵛ, ⴷ ⴰⵏⵎⵀⴰⵍ ⵉ ⵓⵙⵉⵔⴰ ⴰⵏⵎⵏⴰⴹ ⵉ ⵓⵙⵙⴰⵔⵓ ⴰⵏⴼⵍⴰⵃ ⵏ ⵓⵖⵍⵍⵓⵢ;
- ⵎⴰⵙⵙ ⵄⴰⵣⵉⵣ ⴱⵍⵓⵟⵉ, ⴷ ⴰⵏⵎⵀⴰⵍ ⵉ ⵓⵙⵉⵔⴰ ⴰⵏⵎⵏⴰⴹ ⵏ ⵓⵙⵙⴰⵔⵓ ⴰⵏⴼⵍⴰⵃ ⵏ ⵍⵍⵓⴽⵓⵙ;
- ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴼⵍⵍⴰ ⴷ ⵓⵔⵣⵣⵓ ⴰⵎⵙⵙⵏⴰⵏ ⴷ ⵓⵙⵏⴼⵍⵓⵍ, ⵉⵜⵜⵓⵙⵎⴰⵍ:
- ⵎⴰⵙⵙ ⵎⵚⵟⴰⴼⴰ ⴷⴷⵢⴰⵏⵉ, ⴷ ⴰⵏⴱⴷⴰⴷ ⵉ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⴷ ⵜⵜⵉⵇⵏⵉⵢⵉⵏ ⴳ ⵟⴰⵏⵊⴰ;
- ⵎⴰⵙⵙ ⴽⴰⵎⴰⵍ ⵔⵔⴽⵍⴰⵡⵉ, ⴷ ⴰⵏⵎⵀⴰⵍ ⵉ ⵜⵉⵏⵎⵍ ⵜⴰⵏⴰⵎⵓⵔⵜ ⵉ ⵜⵎⴰⵙⵙⴰⵏⵉⵏ ⵜⵓⵙⵏⵉⵙⵉⵏ ⴳ ⵜⵉⵟⵡⴰⵏ.
