ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 05 ⵉⵏⵏⴰⵢⵔ 2023
ⵜⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵡⴰⵙ 12 ⴳ ⵓⵜⴼⴼⴰⵙ ⵉⵣⵡⴰⵔⵏ 1444, ⵉⵎⵙⴰⵙⴰⵏ ⴰⴽⴷ 05 ⵉⵏⵏⴰⵢⵔ 2023, ⴰⴳⵔⴰⵡ ⵏ ⵜⵏⴱⴰⴹⵜ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵓⵙⵜⴰⵢⵏ ⵉ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵖⵣⵏ ⵅⴼ ⵜⵓⴳⴳⵜ ⵏ ⵉⵙⵏⴼⴰⵔⵏ ⵏ ⵉⴹⵕⵉⵚⵏ ⵉⵣⵔⴼⴰⵏⵏ, ⴷ ⵉⴱⴷⴷⵉ ⵅⴼ ⵓⵎⵢⴰⵇⵇⴰⵏ ⴰⴳⵔⴰⵖⵍⴰⵏ, ⴷ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⴷ ⵢⵓⵙⵏ ⴳ ⵢⵉⵎⵉⵔ 92 ⴳ ⵓⴷⵓⵙⵜⵓⵔ.
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ
- ⴳ ⵜⵉⵣⵡⵓⵔⵉ ⵏ ⵓⴳⵔⴰⵡ ⴰⴷ, ⵉⵎⵔⴰⵔⴰ ⵓⵙⵇⴰⵎⵓ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.867 ⵏ ⵓⵎⵙⴰⵙⴰ ⵅⴼ ⵓⵍⴳⴰⵎ ⵏ ⵓⵙⴽⵓ ⴰⵎⴰⵜⴰⵢ ⵉⵙⵡⵜⵜⴰⵏ ⵉⵙⴼⵔⵏ ⵏ ⵓⵙⴽⵓ ⵉⵙⵖⵍⵏ ⴷ ⵓⵙⵖⵏⴰⵏ ⵉⵥⵍⵉⵏ ⵙ ⵜⵎⵔⵙⴰⵍ ⵏ ⵓⵣⴷⵓⵖ ⴰⵎⴰⵍⵍⴰⵢ ⴷ ⵜⵙⴽⵔⵉⵡⵜ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵉ ⵉⵙⴼⵔⵏ ⵏ ⵓⵙⴽⵓ ⵉⵥⵍⵉⵏ ⵙ ⵜⵎⵔⵙⴰⵍ ⵏ ⵉⵙⴷⵓⵣⵏ ⵉⵎⴰⵍⵍⴰⵢⵏ, ⵜⵙⵏⴽⴷ ⵜ ⵎⴰⵙⵙⴰ ⴼⴰⵟⵉⵎⴰⵣⵀⵔⴰ ⵍⵎⵏⵚⵓⵕⵉ, ⵜⴰⵎⴰⵡⵙⴰⵙⵜ ⵏ ⵓⵙⵎⵓⵜⵜⴳ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵥⴽⴰⵡ ⴷ ⵓⵣⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ.
- ⴷⴼⴼⵔ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.191 ⵉⵇⵇⵏ ⵖⵔ ⵜⵡⵓⵔⵉⵡⵉⵏ ⵡⴰⵙⵙⴰⵢ ⵏ ⵢⵉⴳⵏⵏⴰ , ⵉⵙⵏⴽⴷ ⵜ ⵎⴰⵙⵙ ⵄⴱⴷ ⵊⵊⵍⵉⵍ, ⴰⵎⵡⵙⴰⵙ ⵏ ⵡⴰⵙⵙⴰⵢ ⴷ ⵜⵍⵓⵊⵉⵙⵜⵉⵜ.
- ⵉⵎⵎⴰⵜⵜⵉ ⵓⵙⵇⵇⵉⵎ ⵏ ⵜⵏⴱⴰⴹⵜ ⴳ ⵜⵡⵓⵔⵉⵡⵉⵏ ⵏⵏⵙ, ⵖⵔ ⵓⵎⴷⵉⵡⴰⵍ ⴷ ⵢⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.874 ⵙ ⵓⵙⵡⵜⵜⵓ ⵏ ⵜⵡⵓⵔⵉⵡⵉⵏ ⴷ ⵓⵙⵏⵎⴰⵍⴰ ⵏ ⵢⵉⴳⵔ ⵏ ⵜⵄⵓⵔⵔⵎⴰ, ⵉⵙⵏⴽⴷ ⵜ ⵎⴰⵙⵙ ⵎⵓⵃⵎⵎⴰⴷ ⵍⵎⵀⴷⵉ ⴱⵏ ⵙⵄⵉⴷ, ⴰⵎⴰⵡⵙⴰⵙ ⵏ ⵜⵄⵓⵔⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ.
ⵉⵙⵙⵓⴷⵓ ⵓⵙⵇⵇⵉⵎ ⵏ ⵜⵏⴱⴰⴹⵜ ⴳ ⵜⵡⵓⵔⵉⵡⵉⵏ ⵏⵏⵙ ⵙ ⵉⴱⴷⴷⵉ ⵅⴼ ⵓⵎⵢⴰⵇⵇⴰⵏ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵡⴰⵎⵎⴰⵙ ⴰⴳⵔⴰⵖⵍⴰⵏ ⵏ ⵓⵙⴱⵓⵖⵍⵓ ⵏ ⵜⵙⵔⵜⴰⵢ ⵏ ⵓⵣⵡⴰⴳ ⵙ ⵜⵉⴳⴳⵉ ⵏ ⵜⴳⵏⵙⴰⵙⵜ ⵉ ⵡⴰⵎⵎⴰⵙ ⴰⴳⵔⴰⵖⵍⴰⵏ ⵉ ⵓⵙⴱⵓⵖⵍⵓ ⵏ ⵜⵙⵔⵜⴰⵢ ⵏ ⵓⵣⵡⴰⴳ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵉⵜⵜⵓⵙⴳⵎⴹⵏ ⴳ ⵕⵕⴱⴰⵟ ⴳ 10 ⵏⵓⵡⴰⵏⴱⵉⵔ 2022, ⴷ ⵓⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 59.22 ⵅⴼ ⵉⵍⵍⴰ ⵓⵎⵙⴰⵙⴰ ⵏ ⵓⵎⵢⴰⵇⵇⴰⵏ ⵉⵜⵜⵓⴱⴷⴰⵔⵏ, ⵉⵙⵏⴽⴷ ⵜⵏ ⵎⴰⵙⵙ ⵎⵚⵟⴰⴼⴰ ⴱⴰⵢⵜⵜⴰⵙ, ⴰⵎⴰⵡⵙⴰⵙ ⵉⴳⴰⵏ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵓⵙⵎⴰⴳⵍⵏ ⵙ ⵜⵎⵢⴰⵇⵇⴰⵏⵉⵏ ⴰⴽⴷ ⵓⴱⵕⵍⴰⵎⴰⵏ, ⴰⵎⵙⵉⵡⵍ ⵓⵏⵚⵉⴱ ⵙ ⵢⵉⵙⵎ ⵏ ⵜⵏⴱⴰⴹⵜⴳ ⵓⴷⵖⴰⵔ ⵏ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉⵢ ⴷ ⵉⵎⵖⴰⵔⴱⴰⵉⵢⵏ ⵏ ⴱⵕⵕⴰ.
ⵉⵔⴳⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴷ ⵉⵎⵉⵔ 92 ⴳ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ - ⵉⴳⵔ ⵏ ⵓⵙⴳⵎⵉ ⴰⵏⴰⵎⵓⵔ, ⵉⵜⵜⵓⵙⵎⵍ:
- ⵎⴰⵙⵙ ⵎⵓⵍⴰⵢ ⵢⵓⵙⵙⴼ ⵍⴰⵣⵀⴰⵔⵉ, ⴷ ⴰⵏⵎⵀⴰⵍ ⵏ ⵓⵙⵜⴰⵍ ⴷ ⵓⵙⵏⵎⴰⵍⴰ ⵏ ⵜⵓⴷⵔⵜ ⵜⴰⵏⵎⵍⴰⵏⵜ ⴷ ⵉⵙⵎⵓⵜⵜⴳⵏ ⵉⵛⵛⴰⵔⵏ ⴳⵔ ⵜⴳⴰⴷⵉⵎⵉⵢⵉⵏ;
- ⴳ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⴷ ⵜⵓⵏⵏⵓⵏⵜ- ⵉⴳⵔ ⵏ ⵜⵓⵏⵏⵓⵏⵜ, ⵉⵜⵜⵓⵙⵎⵍ:
- ⵎⴰⵙⵙ ⵢⵓⵙⴼ ⴱⵍⵇⴰⵙⵎⵉ, ⴷ ⴰⵏⵙⵙⵉⵅⴼ ⵏ ⵏ ⵜⵎⵙⵙⵓⴳⵓⵜ ⵜⴰⵎⴳⵔⴰⵡⵜ ⵏ ⵜⵎⵙⵙⵓⵔⵜ ⵜⴰⵏⴰⵎⵓⵔⵜ ⵏ ⵜⵉⴳⴳⵉ ⵏ ⵉⴱⴰⵔⴰⵣⵏ ⴷ ⵓⵙⵡⵓⴷⴷⵓ ⵏⵏⵙⵏ (SONARGES) ;
- ⴳ ⵜⵎⵡⴰⵙⵜ ⵏ ⵜⴼⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷⵡⴰⵎⴰⵏ ⴷ ⵜⴰⴳⴰⵏⵉⵏ- ⵉⴳⵔ ⵏ ⵡⴰⵎⴰⵏ ⴷ ⵜⴰⴳⴰⵏⵉⵏ, ⵉⵜⵜⵓⵙⵎⴰⵍ:
- ⵎⴰⵙⵙ ⵎⵓⵃⵎⵎⴰⴷ ⵄⴰⴽⴼ, ⴷ ⴰⵏⵎⵀⴰⵍ ⵉ ⵜⵎⵔⵙⵍⵜ ⵏ ⵜⵏⴽⵔⴰⵙ ⵜⵡⵓⵔⵡⵉⵏ ⵜⵉⵏⴰⵎⵓⵏⵉⵏ ⴷ ⵜⴷⵍⵙⴰⵏⵉⵏ ⵉ ⵉⵎⵙⵖⴰⵏⵏ ⵏ ⵢⵉⴳⵔ ⵏⵡⴰⵎⴰⵏ ⴷ ⵜⴰⴳⴰⵏⵉⵏ;
- ⴳ ⵢⵉⴳⵔ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ-ⵉⴳⵔ ⵏ ⵜⴼⵍⵍⴰⵃⵜ, ⵉⵜⵜⵓⵙⵎⴰⵍ:
- ⵎⴰⵙⵙ ⵄⴱⴷⵍⵄⵣⵉⵣ ⴰⵢⵜ ⵎⴱⴰⵔⴽ, ⴷ ⴰⵏⵎⵀⴰⵍ ⵏ ⵓⵙⵉⵔⴰ ⴰⵏⵎⵏⴰⴹ ⵉ ⵓⵙⵙⴰⵔⵓ ⴰⵏⴼⵍⴰⵃ ⴳ ⵡⴰⵔⵣⴰⵣⴰⵜ;
- ⴳ ⵜⵎⴰⵡⴰⵙⵜ ⵏ ⵡⴰⵙⵙⴰⵢ ⴷ ⵜⵍⵓⵊⵉⵙⵜⵉⵜ, ⵉⵜⵜⵓⵙⵎⴰⵍ:
- ⵎⴰⵙⵙ ⵎⵓⵃⵎⵎⴰⴷ ⴱⵓⵔⵉⴳ, ⴷ ⴰⵏⵎⵀⴰⵍ ⵉ ⵓⵙⵉⵏⴰⴳ ⴰⵏⴰⴼⵍⵍⴰ ⵉ ⵜⵖⵓⵔⵉⵡⵉⵏ ⵏ ⵢⵉⵍⵍ;
- ⵎⴰⵙⵙ ⵎⵓⵃⵎⵎⴰⴷ ⵍⵓⴼⵉⵇ, ⴷ ⴰⵏⵎⵀⴰⵍ ⵉ ⵜⴳⴰⴷⵉⵎⵉⵜ ⵏ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⵜⴰⴳⵔⴰⵖⵍⴰⵏⵜ ⵏ ⵡⴰⵢⵍⴰⵍ ⵓⵖⵔⵉⵎ.
