ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵔⵣⵣⵓ ⴰⴽⴷ ⵓⴽⴰⴱⴰⵔ ⵏ ⵓⴽⵓⵏⴳⵔⵉⵙ ⴰⵎⴰⵔⵉⴽⴰⵏⵉ

ⵉⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⴰ ⵏ ⵓⵙⵉⵎⵡⴰⵙ 13 ⵉⵏⵏⴰⵢⵔ ⴳ ⵡⴰⵏⵙⴰ ⵏ ⵜⵏⵙⵙⵅⴼⵜ ⵏ ⵜⵏⴱⴰⴹⵜ ⴳ ⵕⵕⴱⴰⵟ, ⵉⵎⴷⵉⵡⵉⵍⵏ ⴰⴽⴷ ⵓⴽⴰⴱⴰⵔ ⴰⵎⴰⵔⵉⴽⴰⵏⵉ ⵢⵓⵎⴰⵏ 7 ⵏ ⵉⴳⵎⴰⵎⵏ ⵏ ⵓⴽⵓⵏⴳⵔⵉⵙ, ⵙⴳ ⵉⴽⴰⴱⴰⵔⵏ ⴰⴷⵉⵎⵓⴽⵔⴰⵜⵉ ⴷ ⵓⴳⴷⵓⴷⴰⵏ.
ⵍⵍⴰⵏ ⵉⵎⴷⵉⵡⴰⵍ, ⴰⵙⵙⵏⵜⵎ ⵖⴼ ⵉⵎⵢⴰⵙⵙⴰⵜⵏ ⵓⵙⵍⵉⴷⵏ ⵍⵍⵉ ⵉⵣⴷⵉⵏ ⵍⵎⵖⵔⵉⴱ ⴷ ⵉⵡⴰⵏⴽⵏ ⵉⵎⵓⵏⵏ, ⵉⵙⴽⴰⵏ ⵖⴳ ⵜⵓⵛⵛⵔⴽⴰ ⵜⴰⵎⵓⴳⴳⵓⵎⵜ ⵉⵎⵢⴰⵏⴰⵡⵏ, ⴷ ⵉⵎⵏⵜⴰⵡⵏ ⴷ ⵓⵎⵣⵔⵓⵢ  ⴷ ⵜⵉⵏⴷⵉⵜⵉⵏ ⵉⵛⵛⴰⵔⵏ, ⵉⵎⵙⴰⵙⴰⵏ ⴰⴽⴷ ⵜⴰⵏⵏⴰⵢⵜ ⵜⴰⵏⴰⴼⴰⵡⵜ ⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ. ⴳ ⵓⵎⵙⴰⴳⴰⵔ ⴰⴷ, ⵉⵙⵙⵏⵜⵎ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙ ⵜⵜⵓⴳⴰⵏ ⵉⵎⵢⴰⵙⵙⴰⵜⵏ ⴳⵔ ⵙⵏⴰⵜ ⵜⵎⵉⵣⴰⵔ ⴰ ⵖⴼ ⵜⵔⵙⴰⵍ, ⴳ ⵉⵍⵍⴰ ⵣⵡⴰⵔ ⵓⴼⵔⴷⵉⵙ ⴰⵙⵔⵜⴰⵏ ⴰⴷⵉⴱⵍⵓⵎⴰⵙⵉ, ⴳ ⵓⵎⵙⵡⴰⵍ ⴰⵙⵜⵔⴰⵜⵉⵊⵉ ⴳⵔ ⵙⵏⴰⵜ ⵜⵎⵉⵣⴰⵔ ⴰ ⴷ ⵓⵣⴷⴰⵢ ⵏ ⵜⴰⵏⵏⴰⵢⵉⵏ ⵏⵏⵙⵏ ⴳ ⵎⴰ ⵉⵥⵍⵉⵏ ⵙ ⵜⵓⴳⵜ ⵏ ⵜⵎⵏⵜⵉⵍⵉⵏ ⵜⵉⴳⵔⴰⵖⵍⴰⵏⵉⵏ, ⵙ ⵍⴰⵡⴰⵏ ⴰⴽⴽⵯ ⵉⵙ ⵎⵓⵔⵙⵏ ⵉⵎⵙⴰⵙⴰⵜⵏ ⵏ ⴰⴱⵔⴰⵀⴰⵎⴰ ⵏⵏⴰ ⴳ ⵉⴽⵛⵎ ⵍⵎⵖⵔⵉⴱ, ⵎⵓⵔⵙⵜⵏ ⴳ ⵓⵙⵡⵉⵔ ⴰⴷⵉⴱⵍⵓⵎⴰⵙⵉ ⵉⵙⵙⵏⵜⴰⵏ ⵜⴰⴼⵔⴽⵜ ⵜⴰⵎⴰⵢⵢⵓⵏⵓⵜ ⵏ ⵜⵏⴼⵔⵓⵜ ⴷ ⵓⵙⵙⵕⵚⵓ. ⵉⵎⴽⵉⵍⵍⵉ ⵉⴱⴷⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵎⵢⴰⵡⴰⵙ ⵏ ⵜⵏⴼⵔⵓⵜ ⴷ ⵓⵏⵙⵔⴷⴰⵙ ⵉⵙⵜⴰⵡⵀⵎⵎⴰⵏ ⵍⵍⵉ ⵉⵍⵍⴰⵏ ⴳⵔ ⵙⵏⴰⵜ ⵜⵎⵉⵣⴰⵔ ⴰ ⴳ ⵢⵉⴳⵔ ⵏ ⵓⵙⴱⴷⴷ ⵏ ⵓⴱⵔⵙⵉⵡⴷ ⴷ  ⵓⴱⴽⴽⵉⴹ ⵜⴰⵎⴰⴷⴷⴰⵙⵜ.
ⵉⵙⴼⴰⵡ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⴳ ⵓⵙⴰⵜⴰⵍ ⴰⴷ ⵏⵉⵜ, ⵎⴰⵙ ⵢⵉⵡⵙ ⵓⵎⵙⴰⵙⴰ ⵏ ⵓⵙⵏⴼⵍ ⵉⵍⴻⵍⵍⵉ ⴳ ⵡⵓⵏⵓⴹ ⵏ ⵜⵉⴷⴷⵉ ⵏ ⵉⵙⵏⴼⵍⵏ ⵉⵢⵓⴳⴰⵏⵏ ⴽⴽⵓⵥⵜ ⵏ ⵜⵉⴽⴽⴰⵍ ⵙⴳ ⵓⵙⴳⵎⴹ ⵏⵏⵙ, ⵉⵎⵉⵍ ⵜⵎⵎⵓⵜⵜⵉ ⵙⴳ ⵎⵍⵢⴰⵔ ⴷ ⵓⵣⴳⵏ ⵙ ⵡⵓⴳⴳⴰⵔ ⵏ ⵙⵎⵎⵓⵙ ⵎⵍⵢⴰⵔ ⴷⵓⵍⴰⵔ ⵏ ⵉⵙⵏⴼⵍⵏ ⵉⵏⵙⴱⴰⴱⵏ, ⵉⵏⵄⵜ ⵉⵙ ⵜⵖⵉⵢ ⵜⴳⵍⴷⵉⵜ ⵜⴰⵎⵖⵔⴰⴱⵉⵜ ⴰⴷ ⴰⴷ ⵜⵓⵔⴰⵔ ⵜⴰⵎⵍⴰⵍⵜ ⵏ ⵜⵅⵔⵙⵜ ⵏ ⵡⴰⵡⴰⴹ, ⵉ ⵉⵙⵙⴰⵔⵓⵜⵏ ⵉⵎⴰⵔⵉⴽⴰⵏⵉⵢⵏ ⴳ ⵓⵎⵏⵡ ⵏ ⵉⴼⵔⵉⵇⵉⵢⴰ.

ⵉⵙⵙⵉⵜⴳ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵜⵙⴳⴰ ⵢⴰⴹⵏⵉⵏ, ⵜⵉⵕⵡⵉ ⵏ ⵓⵖⴰⵡⴰⵙ ⴰⵎⴰⵔⵉⴽⴰⵏⵉⵢ ⵉⵜⵜⵓⴳⴰⵏ ⵉ ⵓⵙⵏⴰⵍ ⵏ ⵜⴳⵎⵉ ⵜⴰⴷⵎⵙⴰⵏⵜ ⴳ ⵍⵎⵖⵔⵉⴱ, ⴳ ⵓⵙⵡⵉⵔ ⵏ ⵜⵓⴳⵜ ⵏ ⵢⵉⴳⵔⴰⵏ ⵉⵙⵜⴰⵡⵀⵎⵎⴰⵏ, ⵉⵖⴹⴼ ⵙ ⵙⵏⴰⵜ ⵜⵏⵜⵜⴰⵎⵉⵏ ⵉⵜⵜⵓⴳⴰⵏ ⴳⵔ ⵍⵎⵖⵔⵉⴱ ⵖⵓⵔ ⵜⵎⵔⵙⵍⵜ ⵏ ⴰⵙⴷⵏ ⵏ ⵜⵏⵥⵕⵜ ⵏ ⵢⵉⴼⴹ  ⵉⴳⴰⵏ ⵙⵉⵏ ⵉⵣⵓⵔⵜⵏ ⵏ ⵓⵎⵓⵔⵙ, ⵙ ⵢⵉⴹⵉⵚ ⵓⵎⵏⵉⴳ ⵍⵍⵉ ⵓⵊⵊⴰⵏ ⵖⴼ ⵉⵎⵣⴷⴰⵏ ⵉⴷⵖⵔⴰⵏⵏ. ⵉⵙⴰⵡⵍ ⴰⵡⴷ ⵖⴼ ⵖⴼ ⵓⵙⵓⵏⴼⵓ ⵏⵏⵙ ⴳ ⵓⵢⵏⵏⴰ ⵉⵥⵍⵉⵏ ⵙ ⵡⴰⵍⴰⵢ ⵏ ⵜⵏⵜⵜⴰⵎⵜ ⵜⵉⵙⵙ ⵙⵏⴰⵜ, ⵍⵍⵉ ⵉⵙⴳⵔⴰⵏ ⴳ 31 ⵎⴰⵕⵚ 2023, ⵉⵣⵔⵉⵔⵉⴳ ⴰⵙⵖⵍ ⵏ ⵓⵙⵖⵓⵏ ⵍⵍⵉ ⵉⵣⵔⵉⵏ 93 ⴳ ⵜⵉⴳⵎⵉⴹⵉ, ⵢⴰⴷⵙ ⵓⵙⵖⵍ ⵏ ⵜⵉⴳⴳⵉ 78 ⴳ ⵜⵉⴳⵎⵉⴹⵉ.
ⵙⵃⴰⴹⵔⵏ ⴷ ⵙⵉⵏ ⵉⴼⵔⴷⵉⵙⵏ ⴰ ⴳ ⵉⵎⴷⵉⵡⵉⵍⵏ ⴰⴷ, ⵉⵎⵙⴰⵙⴰⵜⵏ ⵄⵢⵓⴳⴰⵏⵏ ⴳ ⵢⵉⴳⵔ ⴰⴷⵍⵙⴰⵏ, ⵍⵍⵉ ⵢⴰⵎⵓⵏ ⴳ ⵓⵙⵖⵏⵓ ⵏ ⵓⵎⵙⵔⵎⴰⵙ ⴳ ⵓⵙⵡⵉⵔ ⴰⵏⴼⴳⴰⵏ ⴳⵔ ⵉⵎⴰⵏⴽⵏ ⵉⵎⵓⵏⵏ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵉⵎⴷⵏⴰⵏⵏ ⵏⵏⵙⵏ. ⵉⵎⴽⵉⵏⵏⴰ ⵙⴰⵡⵍⵏ ⵖⴼ ⵓⵥⵓⵥⴹ ⵏⵏⵙⵏ ⴰⴷ ⴰⴼⵉⵏ ⵜⵉⵖⴰⵔⴰⵙⵉⵏ ⵙ ⵙⵉⵏ, ⵏ ⵓⵙⵙⵓⴷⵓ ⴳ ⵓⴱⵔⵉⴷ ⵏ ⵓⵎⵢⴰⵡⴰⵙ ⵉⵍⴰⵏ ⵜⴰⵢⴰⴼⵓⵜ.