ⵉⵙⵏⴱⴳⵉ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵍⵡⴰⵍⵉ ⵏ ⵍⴱⴰⵏⴽ ⵍⵎⵖⵔⵉⴱ
ⵉⵙⵏⴱⴳⵉ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⴽⵕⴰⵙ 22 ⴱⵕⴰⵢⵕ 2023 ⴳ ⵓⵙⵖⵉⵎ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⴳ ⵕⵕⴱⴰⵟ, ⵎⴰⵙⵙ ⴱⴷⵍⵟⵉⴼ ⵍⵊⴰⵡⴰⵀⴰⵕⵉ ⴷ ⵡⴰⵍⵉ ⴱⴰⵏⴽ ⵍⵎⵖⵔⵉⴱ.
ⵉⴳⴰ ⵉⴳⵔⴰⵡ ⴰⴷ ⴰⵙⵓⵍⴼ ⵉ ⵉⴱⴷⴷⵉ ⵅⴼ ⵓⵙⵓⵔⵙ ⴰⴷⵎⵙⴰⵏ ⴷ ⵉⵇⴰⵕⵉⴹⵏ ⴷ ⵜⵥⵕⴼⵜ ⴳ ⵍⵎⵖⵔⵉⴱ ⴳ ⵓⵙⴳⴳⵯⴰⵙ ⴰⴷ, ⴷ ⵜⵎⵙⴰⵔⵉⵏ ⵜⵉⴷⵙⵍⴰⵏⵉⵏ ⵍⵍⵉ ⵉⵟⵟⵓⵚⵏ ⵜⴰⴷⵎⵙⴰ ⵜⴰⵏⴰⵎⵓⵔⵜ ⴳ ⵜⵉⵣⵉ ⴰⴷ ⵉⴳⴳⵔⴰⵏ. ⵎⴽⵉⵏⵏⴰ ⵙⴽⵏⵏ ⵙ ⵙⵉⵏⵏ ⵏⵏⵙⵏ ⴳ ⵓⵏⵎⵓⵇⵇⴰⵔ ⵏⵏⵙⵏⵜⵉⵎⴳⴳⵉⵜⵉⵏ ⵏ ⵜⵏⴱⴰⴹⵟ ⵍⵍⵉ ⵜⵙⵙⵏⵜⵉ, ⴷ ⵜⵉⴳⴳⵉ ⵉ ⵜⵏⵎⵎⴰⵍⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ, ⵉ ⵓⵎⵏⴰⵍⴰ ⵏ ⵜⵉⵣⵉ ⴰⴷ ⵍⵍⵉ ⵉⵜⵜⵡⴰⵙⵙⵏ ⵙ ⵓⵏⴰⵖⵉⵣ ⵏ ⴽⵓⴼⵉⴷ 19, ⴷ ⵉⵙⵏⴼⵍⵏ ⵏ ⵓⵏⵣⵡⵉ, ⴷ ⴰⵡⴷ ⵉⴳⵔⵓⵔⵙⵏ ⵉⵊⵢⵓⵙⵔⵜⴰⵏⵏ ⵜⵜⴰⴼ ⴰⴷ ⵢⵉⵍⵉ ⵓⵙⴷⵓⵢ ⴰⴷⵎⵙⴰⵏ ⴷ ⵓⵃⵟⵟⵓ ⵏ ⵉⵎⵢⴰⵙⵏ ⵉⵎⴰⴽⵔⵓ ⴷⵎⵙⴰⵏⵏ, ⴷ ⴰⵡⴷ ⵉⵎⵔⵙⵉ ⵏ ⵜⵙⵓⵍⴰⵏⵜ ⴷ ⵓⵙⵍⵡⵉⵖ ⵏ ⵜⵎⵀⴰⵍⵉⵏ ⴰⴳⵯⵏⵙ ⵏ ⵓⴳⴰⴷⴰⵣ ⴰⵏⴰⵎⵓⵔ.
ⴰⴷ ⵏⵙⵙⴽⵜⵉ ⵎⴰⵙ ⴷ ⵜⵓⴳⴳⵜ ⵏ ⵜⵎⵔⵙⴰⵍ ⵜⵉⴳⵔⴰⵖⵍⴰⵏⵉⵏ ⴷ ⵜⵎⵔⵙⴰⵍ ⵏ ⵓⵙⵏⵇⵟ ⵙⵙⵉⵜⴳⵏⵜ ⵙ ⵓⵙⵍⵡⵉⵖ ⵏ ⵜⴷⴰⵎⵙⴰ ⵜⴰⵏⴰⵎⵓⵔⵜ, ⵍⵍⵉ ⵉⴱⴷⴷⴰⵏ ⵅⴼ ⵜⵔⵙⴰⵍ ⵉⴷⵓⵙⵏ, ⵎⴽⵉⵏⵏⴰ ⵙⵙⵉⵜⴳⵏⵜ ⵙ ⵉⵙⵡⵓⴷⴷⵓⵜⵏ ⵍⵍⵉ ⵜⴳⴰ ⵜⵏⴱⴰⴹⵜ ⵎⴰ ⵔⴰⴷ ⴰⴷ ⵜⴰⵡⴹ ⴰⴱⵓⵖⵍⵓ ⵏ ⵜⴷⴰⵎⵙⴰ ⵜⴰⵖⵣⵓⵔⴰⵏⵜ, ⴷ ⵓⵣⵉⵣⴷⵔ ⵏ ⵓⴳⴰⵎⵎⵉ ⵏ ⵓⵎⵢⴰⵙ ⴷ ⵜⵙⵉⴹⵏⵜ ⵉⵍⵍⴰⵏ ⵙ ⵜⵍⵖⴰ ⵜⴰⴼⵔⴽⴰⵏⵜ, ⴷ ⵓⵣⵉⵣⴷⵔ ⵏ ⵓⵏⴰⵖⵉⵣ ⵏ ⵡⴰⴷⴷⴰⴷ ⴰⴳⵔⴰⵖⵍⴰⵏ ⵅⴼ ⵜⴷⵎⵙⴰ ⵜⴰⵏⴰⵎⵓⵔⵜ.
