ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⴳⴰ ⵢⴰⵏ ⵓⵙⴷⴷⵉ ⵏ ⵉⴳⵔⴰⵡⵏ ⴰⴽⴷ ⵉⵣⵣⵓⵍⴰⵏⵏ ⵏ ⵢⵉⴳⵔ ⴰⴼⵍⵍⴰⵃⴰⵏ

ⵉⵙⵏⴰⵎⴰⵍⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙⴰ ⵏ ⵓⵙⵉⵎⵡⴰⵙ ⴳ ⵕⵕⴱⴰⵟ, ⴰⵙⴷⴷⵉ ⵏ ⵉⴳⵔⴰⵡⵏ ⴰⴽⴷ ⵉⴳⵏⵙⴻⵙⵏ ⵏ ⵜⴽⵓⵏⴼⵉⴷⵕⴰⵍⵉⵢⵜ ⵜⴰⵎⵖⵔⴰⴱⵉⵢⵜ ⵏ ⵜⴼⵍⵍⴰⵃⵜ ⴷ ⵜⴳⵎⵉ ⵜⴰⴼⴰⵔⴰⵏⴰⵜ(COMADER), ⴷ ⵉⵙⴳⵏⵙⴻⵙ ⵏ ⵜⴼⵉⴷⵕⴰⵍⵉⵢⵜ ⵜⴰⴳⵔⵣⵓⵍⵍⴰⵏⵜ ⵜⴰⵎⵖⵔⴰⴱⵉⵢⵜ ⵏ ⵏ ⵓⴼⴰⵔⵙ ⴷ ⵓⵙⵉⴼⴹ ⵉⵛⴰⴽⴰⵏ ⴷ ⵉⴳⵓⵎⵎⴰ(FIFEL), ⴷ ⴻⵏⵙⵙⵉⵅⴼⵏ ⵏ ⵜⵎⵚⵕⵉⵢⵜ ⵏ ⵜⴼⵍⵍⴰⵃⵜ, ⵙ ⵜⵉⵍⵉⵜ ⵏ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵓⵥⵕⴼ, ⴷ ⵎⴰⵙⵙ ⵎⵓⵃⵎⵎⴰⴷ ⵚⴰⴷⵉⵇⵉ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⵏⴰⴼⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⴷ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⴰⵎⴰⵍⴰⵍ ⵖⵓⵔ ⵜⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵉⵥⵕⴼ, ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵜⵍⵜ.
ⵜⵜⵓⵥⵍⴰⵢⵏ ⵉⴳⵔⴰⵡⵏ ⴰⴷ ⵉ ⵓⵎⵙⴳⴷⴰⵍ ⵏ ⵢⴰⵜ ⵜⵎⵓⵜⵜⴻⵔⵜ ⵏ ⵉⵎⵔⵙⵉⵜⵏ ⵉⵣⴷⵉⵏ ⴷ ⵜⵖⴰⵔⵙⵜ ⵏ ⵡⴰⵍⴰⵙ ⵏ ⵓⵎⵢⴰⵙ ⵉ ⵉⵙⴷⴷⵉⵜⵏ ⵏ ⵓⴼⴰⵔⵙ ⴳ ⵓⵙⴰⵜⵉ ⴰⵙⵜⵔⴰⵜⵉⵊⵉⵢ “ ⵜⴰⵙⵓⵍⵜ ⵜⴰⵣⴳⵣⴰⵡⵜ”,ⵏⵏⴰ ⵉⴹⵉⵚⵏ ⵙ ⵓⵣⵏⵏⴼ ⵏ ⵉⵙⴰⴷⴰⴼⵏ ⵉⴼⵍⵍⴰⵃⵏⴻⵏ, ⴷ ⵙ ⵜⵎⵏⵜⵉⵍⵜ ⵏ ⵜⴰⵖⴰⵔⵜ ⴷ ⵜⵏⵓⵟⵟⴰⴼ ⵏ ⵓⵎⴷⵊⴰ ⴷ ⴰⵡⴷ ⵉⵎⵏⵖⵉ ⵏ ⵔⵓⵙⵉⵢⵢⴰ ⴷ ⵓⴽⵕⴰⵏⵉⵢⴰ, ⵉⵎⴽⵉⵏⵏⴰ ⵉⵜⵜⵓⵢⴰⵎⴰ ⵙ ⵉⴼⵙⵙⴰⵢⵏ ⵉⵥⴹⴰⵕⵏ ⴰⴷ ⵉⵣⵣⵉⵣⴷⵔ ⴰⵜⵉⴳ ⵏ ⵉⴼⴰⵔⵙⵏ ⵉⴼⵍⵍⴰⵃⵏⵏ, ⴷ ⵓⵙⴰⵍⴰⵢ ⴳ ⵓⵙⵡⵉⵔ ⵏ ⵓⵎⵓⵏⴰ ⴰⵙⵓⵍⴰⵏ ⵉ ⵓⴳⴰⴷⴰⵣ ⴰⵏⴰⵎⵓⵔ.
ⵉⵏⵏⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵉⴳⵔⴰⵡⵏ ⴰⴷ, ⵉⵣⵣⵓⵍⴰⵏⵏ ⵉⵡⵉⵣ ⵅⴼ ⵓⵎⵓⵏⴰ ⴰⵙⵓⵍⴰⵏ  ⵓⴳⴰⴷⴰⵣ ⴰⵏⴰⵎⵓⵔ ⵙ ⵉⵢⴰⴼⵓⵜⵏ ⵉⴼⵍⵍⴰⵃⴰⵏⴻⵏ ⴷ ⵓⵥⵓⵥⵜ ⵅⴼ ⵜⵓⴳⴳⵓⵥⵜ ⵏ ⵓⵎⵢⴰⵙ ⵏ ⵉⵙⴷⴷⵉⵜⵏ ⵏ ⵓⴼⴰⵔⵙ ⴼⴰⴷ ⴰⴷ ⵢⵉⵍⵉ ⵓⴹⴰⴽⴰⵍ ⵏ ⵏ ⵓⴳⵊⴳⵊ ⵏ ⵉⵢⴰⴼⵓⵜⵏ ⵙ ⵡⴰⵢⵉⴳ ⴷ ⵢⵓⵙⴰⵏ, ⴷ ⵓⵙⴼⵙⵉⵙ  ⵙⴳ ⵓⵣⵏⵏⴼ ⵏ ⵡⴰⵜⵉⴳⵏ ⵅⴼ ⵉⵏⵎⵓⵔⴰⵏ, ⵉⵙⴷⴷⵉⴷ ⵎⴰⵙⴷ ⵜⴰⵏⴱⴰⴹⵜ ⵙ ⵓⵊⵎⵉⵍ ⵏ ⵉⵎⵉⴽⴰⵏⵉⵣⵎ ⵏ ⵓⴹⴼⴼⵓⵕ ⴰⴽⴷ ⵉⵣⵣⵓⵍⴰⵏⵏ, ⵉⴳⴰ ⴰⵎⵢⴰⵙ ⵊⴰⵔ ⵓⵙⵉⴼⴹ ⴷ ⵓⵎⵓⵏⴰ ⵏ ⵓⴳⴰⴷⴰⵣ ⴰⵏⴰⵎⵓⵔ.
 

ⵉⵙⴼⵇⵇⴱ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵙ ⵜⵉⵏⴷⵉ ⵓⵙⵎⵏⵍⵍⵉ ⵏ ⵉⵙⵡⵓⴷⴷⵓⵜⵏ ⵉⵙⵓⴳⴰⵎ ⵏ ⵡⴰⵎⴰⵏ ⴷ ⵓⵔⴻⵣⵣⵓ ⵏ ⵉⴼⵙⵙⴰⵢⵏ ⵉⵙⵍⵍⵡⵉⵜⵏ ⴳ ⵓⵢⴰ, ⵉⵙⴷⴷⵉⴷ ⵎⴰⵙⴷ ⵉⴳⵔⴰⵏ ⵉⵏⴱⴹⴰⵏ ⵜⵜⴳⴳⴰⵏ ⵜⵉⵣⵎⵎⴰⵔ ⵏⵏⵙ ⵅⴼ ⵓⵙⴷⴷⵔⴼ ⵏ ⵉⵙⵖⵏⵓⵜⵏ ⵏ ⵓⵙⵙⵉⵣⴷⴳ ⵏ ⵡⴰⵎⴰⵏ ⵃⵓⵎⴰ ⴰⴷ ⵜⵣⵔⵉ ⵜⴰⵙⵙⴰⵙⵜ ⵏ ⵡⴰⵎⴰⵏ.
ⵉⵕⵥⵎ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⴳⵔⴰⵡ ⵏⵏⵙ, ⵙ ⵉⵎⴷⵉⵡⴰⵍⵏ ⴰⴽⴷ ⵉⴳⵎⴰⵎⵏ ⵏ ⵓⵙⵉⵔⴰ ⵏ ⵜⴽⵓⵏⴼⵉⴷⵕⴰⵍⵉⵢⵜ ⵜⴰⵎⵖⵔⴰⴱⵉⵢⵜ ⵏ ⵜⴼⵍⵍⴰⵃⵜ ⴷ ⵓⵙⴳⵎⵉ ⴰⵙⵓⵏⴰⵏ 
( COMADER), ⵏⵏⴰ ⴳ ⵜⵙⴷⴷⵉⴷ ⵅⴼ ⵜⵎⵙⵉⵔⵜ ⵏ ⵜⴱⴰⴹⵜ ⵙ ⵓⵙⴷⵓⵙ ⴷ ⵓⵙⵏⴰⵍ ⵏ ⵉⵣⵣⵓⵍⴰⵏⵏ, ⴷ ⵜⵉⴳⴳⵉ ⵏⵏⵙⵏ ⴳ ⵡⴰⵎⵎⴰⵙ ⵏ ⵓⵎⴹⴰⴽⴰⵕ ⵏ ⵓⵙⴱⵓⵖⵍⵓ ⵏ ⵜⴼⵍⵍⴰⵃⵜ ⵜⴰⵏⴰⵎⵓⵔⵜ ⴷ ⵓⵙⴳⵎⵉ ⵏ ⵓⵎⴰⴹⴰⵍ ⴰⵙⵓⵏⴰⵏ, ⵉⵎⴽⵉⵏⵏⴰ ⵉⵜⵜⵓⵎⴷⵉⵡⵍ ⵅⴼ ⵜⵏⵎⴰⵔⵉⵏ ⵏⵏⴰ ⵉⵜⵜⵓⵙⵡⴰⵍⴰⵏ ⵉ ⵜⴼⵍⵍⴰⵃⵜ ⵜⴰⵏⴰⵎⵓⵔⵜ, ⵍⵓⵎⵏ ⴰⵙⵙⵉⴳⴳ ⴰⵎⵙⴰⴷⵓⵔ, ⴷ ⵓⵙⵙⵅⵙⵔ ⵏ ⵡⴰⵎⴰⵏ, ⴷ ⵡⴰⵍⴰⵢ ⵏ ⵡⴰⵜⵉⴳ, ⴷ ⵓⵎⵓⵏⴰ ⵏ ⵓⴳⴰⴷⴰⵣ ⴰⵏⴰⵎⵓⵔ, ⴷ ⵓⵙⵓⵍⴰⵏ ⵏ ⵜⴼⵍⵍⴰⵃⵜ ⵜⴰⵎⵖⵔⴰⴱⵉⵢⵜ,  ⴷ ⴰⵡⴷ ⴰⵙⵖⵓⴷⵓ ⵏ ⵜⵓⴷⵔⵜ ⵏ ⵉⴼⵍⵍⴰⵃⵏ.
ⴼⴼⵉⵔ ⴰⵙ, ⵉⵎⵙⴳⵔⴰⵡ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵄⴰⵣⵉⵣ ⴰⵅⵏⵓⵛ, ⴰⴽⴷ ⵉⴳⵎⴰⵎⵏ ⵏ ⵜⴼⵉⴷⵕⴰⵍⵉⵢⵜ ⵜⴰⴳⵔⵣⵣⵓⵍⴰⵏⵜ ⵜⴰⵎⵖⵔⴰⴱⵉⵢⵜ ⵉ ⵓⵙⵢⴰⴼⵓ ⴷ ⵓⵙⵉⴼⴹ ⵉⵛⴰⴽⴰⵏ ⴷ ⵉⴳⵓⵎⵎⴰ(FIFEL),ⵉⵜⵜⵓⵎⴹⴰⴽⴰⵕ ⴰⴽⴷ ⵉⵏⵙⵙⵉⵅⴼⵏ ⵏ ⵉⵎⵚⵕⵉⵢⵏ ⵏ ⵜⴼⵍⵍⴰⵃⵜ, ⵉⵜⵜⵓⵙⵎⴰⵢⵏⵓ ⵓⵙⴷⴷⵉⴷ ⵎⴰⵙⴷ ⴰⵙⴰⵡⵔ ⴰⴳⵍⴷⴰⵏ ⵉ ⵓⵙⵎⴰⵜⴰ ⵏ ⵓⵃⵟⵟⵓ ⴰⵏⴰⵎⵓⵏ, ⵉⴳⴰ ⵙⴳ ⵜⵔⵙⴰⵍ ⵜⵉⵙⵓⵍⴰⵏⵉⵏ ⵜⵉⵙⵜⵔⴰⵜⵉⵊⵉⵢⵉⵏ ⵏ ⵜⴼⵍⵍⴰⵃⵜ “ ⵜⴰⵙⵓⵜⴰ ⵜⴰⵣⴳⵣⴰⵡⵜ” ⵏⵏⴰ ⵉⵡⵛⴰⵏ ⴰⵏⵀⵍⵍⴰ ⴰⵅⴰⵜⴰⵔ ⵉ ⵓⴼⴳⴰⵏ ⴳ ⵓⵎⵏⵉⴷ ⵏ ⵓⵙⴷⵓⵙ ⵏ ⵜⴰⴳⴳⴰⵢⵜ ⵜⴰⴼⵍⵍⴰⵃⴰⵏⵜ ⵜⴰⵏⴰⵎⵎⴰⵙⵜ, ⴷ ⵢⵓⵡⵙ ⴰⵡⴷ ⴳ ⵓⵙⵖⵓⴷⵓ ⵏ ⵜⵓⴷⵔⵜ ⵏ ⵉⵎⵣⴷⴰⵖ ⵏ ⵓⵎⴰⴹⴰⵍ ⴰⵎⴰⵙⵙⵓⵏ , 
ⵖⵜⵜⵙⵏ ⵉⵎⴰⵜⴰⵜⵏ ⵜⵉⴳⴳⵉ ⵏ ⵉⴳⵔⴰⵡⵏ ⴷ ⵢⵓⵙⵉⵏ, ⴼⴰⴷ ⴰⴷ ⴹⴼⵓⵕⵏ  ⴰⵎⵓⵙⵙⵓ ⵏ ⵓⵎⵓⵏⴰ ⴰⵙⵓⵍⴰⵏ ⵉ ⵓⴳⴰⴷⴰⵣ ⴰⵏⴰⵎⵓⵔ ⵙ ⵉⵙⵢⴰⴼⵓⵜⵏ ⵉⴼⵍⵍⴰⵃⴰⵏⵏ, ⴷ ⵓⵙⵡⵓⵔⵉ ⵅⴼ ⵓⵙⵙⵉⵍⵢ ⵏ ⵓⵙⴽⴰⵏ ⵏ ⵉⵙⵢⴰⴼⵓⵜⵏ ⵉⴼⵍⵍⴰⵃⴰⵏ ⴷ ⵓⵣⵉⵣⴷⵔ ⵏ ⵡⴰⵜⵉⴳ ⵏ ⵉⵏⴰⴽⵛⴰⵎⵏ ⵉⴼⵍⴰⵃⵏ .