ⵉⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵎⴹⴰⴽⴰⵕⵏ ⴰⴽⴷ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵍⴱⴰⵏⴽ ⴰⴳⵔⴰⵖⵍⴰⵏ ⵏ ⵜⵙⴳⴰ ⵏ ⵜⴰⴳⵓⵜ ⵜⴰⵏⵎⵎⴰⵙⵜ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ

ⵉⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵡⴰⵢⵏⴰⵙ ⴳ ⵕⵕⴱⴰⵟ ⵉⵎⴹⴰⴽⴰⵕⵏ ⴰⴽⴷ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵍⴱⴰⵏⴽ ⴰⴳⵔⴰⵖⵍⴰⵏ ⵏ ⵜⵙⴳⴰ ⵏ ⵜⴰⴳⵓⵜ ⵜⴰⵏⵎⵎⴰⵙⵜ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ ⵎⴰⵙⵙ ⵓⵙⵎⴰⵏ ⴹⵢⵓⵏ Ousmane Dione, ⵉⵡⵉⵏ ⴷ ⴳ ⵓⴳⵔⴰⵡ ⵅⴼ ⵜⵖⵔⴰⵙⵉⵏ ⵓⵙⴷⵓⵙ ⵏ ⵉⴷⵔⴰⵡⵏ ⴷ ⵓⵎⵢⴰⵡⴰⵙ ⴰⵙⵜⵕⴰⵜⵉⵊⵉ ⵏⴳⵔ ⵍⵎⵖⵔⵉⴱ ⴷ ⵜⵔⴰⴱⴱⵓⵜ ⵏ ⵍⴱⴰⵏⴽ ⴰⴳⵔⴰⵖⵍⴰⵏ.
ⵉⴳⴰ ⴰⵡⴷ ⵓⴳⵔⴰⵡ ⴰⴷ ⵢⴰⵏ ⵓⵣⵎⵣⵣⵓ ⵍⵍⵉⵖ ⵏⵏ ⵓⴳⴳⴰⵏ ⵙ ⵉⵙⴳⴳⴷⵏ ⵉⵎⴰⴷⴷⴰⵙⵏ ⵍⵍⵉ ⵜⴳⴳⴰ ⵜⵏⴱⴰⴹⵜ ⵙ ⵓⵙⵡⵓⴷⴷⵓ ⵏ ⵜⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⴷ ⵓⵙⵙⴰⴳⵯ ⵙ ⵜⵓⴳⵜ ⵏ ⵉⵖⴰⵡⴰⵙⵏ ⵍⵍⵉ ⵢⵓⵙⵉⵏ ⵉⵎⵙⴰⵙⴰⵏ ⴳ ⵉⴷⴰⵎⵙⴰⵏ ⵉⵅⴰⵜⵔⵏ ⴷ ⵓⵙⴷⵓⵙ ⵏ ⵜⴷⴰⵎⵙⴰ ⵜⴰⵏⴰⵎⵓⵔⵜ. 
ⵉⵙⵎⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜⴳ ⵓⴳⵔⴰⵡ ⴰⴷ ⵍⴱⴰⵏⴽ ⴰⴳⵔⴰⵖⵍⴰⵏ ⴼ ⵜⵎⴳⴳⵉⵢⵉⵏ ⵍⵍⵉ ⵉⵜⵜⴳⴳⴰ ⴳ ⵜⵡⵉⵙⵉ ⵏ ⵉⵚⵏⴼⴰⵕⵏ ⵏ ⵜⴳⵎⵎⵉ ⴳ ⵜⵎⴰⵣⵉⵔⵜ ⵏⵏⵖ ⵍⵍⵉ ⵉⵎⵙⴰⵙⴰⵏ ⴷ ⵉⵙⵉⵣⵡⵉⵔⵏ ⵍⵍⵉ ⴷ ⵉⴷⴷⴰⵏ ⴳ ⵓⵖⴰⵡⴰⵙ ⵓⵏⴱⵉⴹ, ⴷ ⵓⵏⵏⵓⵕⵥⵎ ⵏ ⵓⴳⴳⵓⵔⴰ ⵏ ⵜⵎⵔⵙⵍⵜ ⵜⴰⵥⵕⴼⴰⵏⵜ ⵜⴰⴳⵔⴰⵖⵍⴰⵏⵜ ⵅⴼ ⵜⵓⴳⵜ ⵏ ⵉⵚⵏⴼⴰⵕⵏ ⵉⵏⴰⵎⵓⵔⵏ ⵉⵥⵉⵍⵏ ⵍⵍⵉ ⵅⴼ ⵜⵎⵎⴰⵖ ⵜⵏⴱⴰⴹⵜ ⴰⴷ ⵜⵏ ⵜⵙⵓⴳⴳⵣ ⵙ ⵓⵎⵙⴰⵙⴰ ⴷ ⵉⵥⵉⵕ ⴰⴳⵍⴷⴰⵏ ⵉⴼⴰⵡⵏ.
 

ⵖⵉⴽⵍⵍⵉ ⵙⴰⵡⵍⵏ ⵙ ⵙⵉⵏ ⵅⴼ ⵉⴳⵔⴰⵏ ⵍⵍⵉ ⵉⵔⴰ ⵍⴱⴰⵏⴽ ⴰⴳⵔⴰⵖⵍⴰⵏ ⴰⴷ ⵜⵏ ⵉⴹⴼⵉⵕ ⴳ ⵜⴳⵍⴷⵉⵜ ⵖ ⵜⵍⵍⴰ ⵜⵏⴽⵔⴰ ⵙ ⵓⵙⵡⵓⵔⵉ ⴷ ⵓⴼⵔⴰ ⵏ ⵡⴰⵎⴰⵏ ⴷ ⵓⴱⴷⴷⴰⴷ ⵎⵏⵉⴷ ⵉⵙⵏⴼⴰⵍ ⵏ ⵓⵏⵣⵡⵉ ⴷ ⵓⵎⵓⵜⵜⵉ ⴰⵎⴰⵟⵟⵓⵏ ⴷ ⵜⵔⵡⵉ ⵜⴰⵥⴹⴰⵕⴰⵏⵜ ⴷ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵜⵡⵉⵙⵉ ⵏ ⵉⵖⴰⵡⴰⵙⵏ ⵉⵥⵍⵉⵏ ⵙ ⵓⴷⴳⴰⵔ ⴰⵏⴼⴳⴰⵏ. 
ⵉⴳⴰ ⴰⵡⴷ ⵓⴳⵔⴰⵡ ⴰⴷ ⵢⴰⵜ ⵜⵉⵣⵉ ⵍⵍⵉⵖ ⵙⴰⵡⵍⵏ ⵅⴼ ⵉⵎⵏⵉⴷⵏ ⵏ ⵓⵔⴷⴰⵡ ⴷ ⵓⵎⵢⴰⵡⴰⵙ ⴳ ⵓⴹⴼⴼⵉⵕ ⵏ ⵍⴱⴰⵏⴽ ⴰⴳⵔⴰⵖⵍⴰⵏ ⵉ ⵉⵚⵏⴼⴰⵕⵏ ⵍⵍⵉ ⵔⴰⴷ ⵉⵜⵜⵓⵙⴽⵉⵔ ⴳ ⵓⵙⵙⵓⵊⴷ ⵏ ⵜⴳⵍⴷⵉⵜ ⵉ ⵉⵎⵓⵙⵙⵓⵜⵏ ⵉⴳⵔⴰⵖⵍⴰⵏ ⵉⵅⴰⵜⵔⵏ, ⵙⵍⴰⵀⵡⴰⵏ ⴰⴽⴽ ⵜⵉⵍⵍⵉ ⵉⵣⴷⵉⵏ ⴷ ⵜⵓⵚⴽⵉⵡⵉⵏ ⵜⵉⵏⴰⴷⴰⵡⵉⵏ ⴷ ⵓⵥⵟⵟⴰ ⵏ ⵡⴰⵙⵙⴰⵢⵏ.
ⵉⵇⵇⴰⵏ ⴰⴷ ⵏⵙⴽⵜⵉ ⵎⴰ ⵙ ⵜⵍⵍⴰ ⵢⴰⵜ ⵜⵣⴷⴰⵢⵜ ⵏⴳⵔ ⵍⵎⵖⵔⵉⴱ ⴷ ⵜⵔⴰⴱⴱⵉⵓⵜ ⵏ ⵍⴱⵏⴽ ⴰⴳⵔⵖⵍⴰⵏ ⵣⵣⵖ ⵏ ⵓⵙⴳⴳⵯⴰⵙ ⵏ 1960, ⵣⵣⵖ ⵜⵉⵣⵉ ⴰⵏⵏ ⵉⵜⵜⵓⴽⴰ 27,12 ⵎⵍⵢⴰⵕ ⵏ ⵓⴹⵓⵍⴰⵕ ⵍⵍⵉ ⵉⵡⵙⵏ ⵉ ⵉⵚⵏⴼⴰⵕⵏ ⴳ ⵜⵓⴳⵜ ⵏ ⵉⴳⵔⴰⵏ ⴳ ⵜⴳⵍⴷⵉⵜ.