ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⵙⵓⵜⵍⵜ ⵜⵉⵙ ⵙⵎⵎⵓⵙⵜ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵙⵙⴰⵔⵓⵜⵏ
- ⴰⵙⵖⵥⵏ ⵏ 27 ⵏ ⵓⵙⵏⵜⵉ ⵏ ⵓⵎⵙⵙⴰⵔⵓ ⴳ ⵉⴳⵔ ⵉⵎⵥⵍⵉ ⵙ ⵡⴰⵜⵉⴳ ⵏ 7,7 ⵎⵍⵢⴰⵕ ⵏ ⴷⴷⵔⵀⵎ ⵍⵍⵉ ⵔⴰⴷ ⵉⵙⴽⵔ ⵎⴰ ⵉⵜⵜⴳⴳⴰⵏ 7.200 ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ ⵡⴰⵔ ⵜⵓⵙⵔⵉⴷⵜ ;
- ⴰⵙⵖⵥⵏ ⵏ ⵢⴰⵏ ⵓⵙⵏⵜⵉ ⴳ ⵓⵏⴳⵔⴰⵡ ⵏ ⵜⵡⵉⵙⵉ ⵉⵥⵍⵉⵏ ⵍⵍⵉ ⵉⵙⵡⵓⴷⴷⵓⵏ ⵉⵙⵏⵜⴰⵢ ⵉⴳⴰⵏ ⵉⵙⵜⵕⴰⵜⵉⵊⵉⵏ ⵙ ⵡⴰⵜⵉⴳ ⵏ ⵎⴰ ⵉⵜⵜⴳⴰⵏ 12.8 ⵏ ⵎⵍⵢⴰⵕ ⵏ ⴷⴷⵔⵀⵎ, ⵍⵍⵉ ⵔⴰⴷ ⵉⵙⴽⵔ ⴰⵡⴷ ⵎⴰ ⵉⵜⵜⴳⴳⴰⵏ 17.600 ⵏ ⵜⵡⵓⵔⵉ ⵜⵓⵙⵔⴷⵜ ⴷ ⵜⴰⵔⵓⵙⵔⵉⴷⵜ ;
- ⵉⵙⵏⵜⴰⵢ ⵅⴼ ⵉⵍⵍⴰ ⵓⵙⵖⵥⵏ ⵥⵍⵉⵏ ⵙ 19 ⵏ ⵜⵎⵏⴰⴹⵜ ⴷ 7 ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ ;
- ⴰⵙⵡⵓⴷⴷⵓ ⵏ ⵢⴰⵏ ⵓⵙⵏⵜⵉ ⴰⵙⵜⵕⴰⵜⵉⵊⵉ ⵉⵥⵍⵉⵏ ⵙ ⵡⴰⵙⵙⴰⵢ ⴰⵎⵥⵥⴰⵕⵓⵕ ;
- ⵥⵍⵉⵏ ⵉⵙⵏⵜⴰⵢ ⵍⵍⵉ ⵅⴼ ⵉⵍⵍⴰ ⵓⵙⵖⵥⵏ ⵙ 21 ⵏ ⵜⵎⵏⴰⴹⵜ ⴷ 9 ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ ;
- 89 % ⵏ ⵉⵙⵙⴰⵔⵓⵜⵏ ⵍⵍⵉ ⵅⴼ ⵉⵍⵍⴰ ⵓⵙⵖⵥⵏ ⵅⴼ ⵓⵏⴳⵔⴰⵡ ⵏ ⵜⵡⵉⵙⵉ ⵜⴰⵎⴰⵜⴰⵢⵜ ⵏ ⵓⵙⵙⴰⵔⵓ ⵔⴰⴷ ⵜⵏ ⵙⴽⵔⵏⵜ ⵜⵎⵙⵙⵏⵜⴰⵢ ⵜⵎⵖⵔⵉⴱⵉⵢⵉⵏ.
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵃⴰⵣⵉⵣ ⴰⵅⵏⵏⵓⵛ ⴰⵙⵙ ⵏ ⵓⴽⴰⵡⴰⵙ 04 ⵢⵓⵏⵢⵓ 2024 ⵜⴰⵙⵓⵜⵍⵜ ⵜⵉⵙ ⵙⵎⵎⵓⵙⵜ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵙⵙⴰⵔⵓⵜⵏ ⵍⵍⵉ ⵉⵜⵜⵓⵙⴽⴰⵔⵏ ⵙ ⵜⵏⴰⵜⵜⴰⵎⵜ ⵏ ⵓⵙⵙⴰⵔⵓ ⴰⵎⴰⵢⵏⵓ ⵍⵍⵉ ⵉⵍⵍⴰ ⵓⵙⵡⵓⴷⴷⵓ ⵏⵏⵙ ⵣⵖ ⵍⵍⵉⵖ ⴷ ⵉⴼⴼⴰⵖ ⴳ ⵎⴰⵕⵙ 2023, ⵖⵎⴽⵍⵍⵉ ⴷ ⵉⴷⴷⴰⵏ ⴳ ⵜⵖⵍⴰⴼ ⵢⴰⵜⵜⵓⵢⵏⵉⵏ ⵏ ⵓⴳⵍⵍⵉⴷ ⴰⴷ ⵜ ⵉⵙⵔⵏⵓ ⵔⴱⴱⵉ.
ⵜⵙⵖⵥⵏ ⵜⵙⵇⵇⵉⵎⵜ ⵜⴰⵏⵎⵓⵔⵜ ⵏ ⵉⵙⵙⴰⵔⵓⵜⵏ 22 ⵏ ⵓⵙⵏⵜⵉ ⵏ ⵜⵎⵢⴰⵇⵇⴰⵏⵉⵏ ⴷ 5 ⵜⵣⴷⴰⵢⵉⵏ ⵏ ⵜⵎⵢⴰⵇⵇⴰⵏⵉⵏ ⴳ ⵓⵏⴳⵔⴰⵡ ⵏ ⵜⵡⵉⵙⵉ ⵜⴰⵎⴰⵜⴰⵢⵜ ⵏ ⵓⵙⵙⴰⵔⵓ. ⵔⴰⴷ ⵡⴰⵜⵉⴳ ⴰⵙⵙⵓⵔⴰⵏ ⵏ 27 ⵉⵙⵏⴼⴰⵕⵏ ⵍⵍⵉ ⵅⴼ ⵉⵍⵍⴰ ⵓⵙⵖⵥⵏ ⵎⴰ ⵉⵜⵜⴳⴰⵏ 7,7 ⵎⵍⵢⴰⵕ ⵏ ⴷⴷⵔⵀⵎ, ⵍⵍⵉ ⵔⴰⴷ ⵉⵙⴽⵔ ⵎⴰ ⵉⵜⵜⴳⴳⴰⵏ 7.000 ⵏ ⵜⵡⵓⵔⵉ ⵜⵓⵙⵔⴷⵜ ⴷ ⵜⴰⵔⵓⵙⵔⵉⴷⵜ, ⵖ ⵉⵍⵍⴰ 5.300 ⵏ ⵜⵡⵓⵔⵉ ⵜⵓⵙⵔⴷⵜ ⴷ 1.700 ⵏ ⵜⵡⵓⵔⵉ ⵜⴰⵔⵓⵙⵔⵉⴷⵜ.
ⵜⵙⵖⵏ ⴰⵡⴷ ⵜⵙⵇⵇⵉⵎⵜ ⵅⴼ ⵢⴰⵏ ⵓⵙⵏⵜⵉ ⴳ ⵓⵏⴳⵔⴰⵡ ⵏ ⵜⵡⵉⵙⵉ ⵉⵥⵍⵉⵏ ⵍⵍⵉ ⵉⵙⵡⵓⴷⴷⵓⵏ ⵉⵙⵏⵜⴰⵢ ⵉⴳⴰⵏ ⵉⵙⵜⵕⴰⵜⵉⵊⵉⵏ ⵙ ⵡⴰⵜⵉⴳ ⵏ ⵎⴰ ⵉⵜⵜⴳⴰⵏ 12.8 ⵏ ⵎⵍⵢⴰⵕ ⵏ ⴷⴷⵔⵀⵎ, ⵍⵍⵉ ⵔⴰⴷ ⵢⴰⵡⵙ ⴳ ⵡⴰⵙⵙⴰⵢ ⴰⵎⵥⵥⴰⵕⵓⵕ ⴳ ⵜⵙⴳⴰ ⵏ ⵕⵕⴱⴰⵟ ⵙⵍⴰ ⵍⵇⵇⵏⵉⵟⵕⴰ, ⵔⴰⴷ ⵉⵙⴽⵔ ⴰⵡⴷ ⵎⴰ ⵉⵜⵜⴳⴳⴰⵏ 17.600 ⵏ ⵜⵡⵓⵔⵉ ⵜⵓⵙⵔⴷⵜ ⴷ ⵜⴰⵔⵓⵙⵔⵉⴷⵜ.
ⵉⴱⴰⵢⵏ ⴷ ⵎⴰ ⵙ ⴷ ⵉⵙⵏⵜⴰⵢ ⵅⴼ ⵉⵍⵍⴰ ⵓⵙⵖⵥⵏ ⴳ ⵜⵙⵓⵜⵍⵜ ⵜⵉⵙ ⵙⵎⵎⵓⵙⵜ ⵏ ⵜⵙⵇⵇⵎⵜ ⵜⴰⵏⴰⵎⵓⵔⵜ ⵏ ⵉⵙⵙⴰⵔⵓⵜⵏ ⵎⴰ ⵙ 89% ⵏ ⵉⵙⵙⴰⵔⵓⵜⵏ ⴰⴷ ⴳⴰⵏ ⴳ ⵓⵏⴳⵔⴰⵡ ⵏ ⵜⵡⵉⵙⵉ ⵜⴰⵎⴰⵜⴰⵢⵜ ⵏ ⵓⵙⵙⴰⵔⵓ ⵍⵍⵉ ⵔⴰⴷ ⵙⴽⵔⵏ ⵜⵎⵙⵙⵏⵜⴰⵢ ⵜⵎⵖⵔⵉⴱⵢⵉⵏ. ⵖⵉⴽⵍⵍⵉ ⵥⵍⵉⵏ ⵉⵙⵏⵜⴰⵢ ⵅⴼ ⵉⵍⵍⴰ ⵓⵙⵖⵥⵏ ⵥⵍⵉⵏ ⵙ 19 ⵏ ⵜⵎⵏⴰⴹⵜ ⴷ 7 ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ.
ⵜⴰⵎⴳⵓⵔⵉ ⵏ ⵜⴰⴽⵉⵎⴰⵡⵉⵏ ⴷ ⵜⴰⵍⵍⵉ ⵜⵜ ⵉⵔⵡⴰⵙⵏ ⴰⴷ ⵉⴳⴳⵓⵜⵏ ⵖ ⵉⵙⵏⵜⴰⵢ ⵉⵙⵙⴰⵔⵓⵜⵏ ⵅⴼ ⵉⵍⵍⴰ ⵓⵙⵖⵥⵏ ⵍⵍⵉ ⵉⴳⴰⵏ 56 % ⵏ ⵓⵇⵇⴰⵕⵉⴹ ⵍⵍⵉ ⵉⵜⵜⵓⴼⴽⴰⵏ ⵉ ⵢⵉⵙⵏⵜⴰⵢ ⴰⴷ, ⵜⴹⴼⴰⵔ ⵜ ⵉⴷ ⵜⴰⵎⴳⵓⵔⵉ ⵏ ⵜⵀⵉⵔⴰ ⵙ 7% ⴷ ⵉⵎⴰⵜⵜⵉⵡⵏ ⵏ ⵜⵓⵚⴽⴰ ⵙ 6%, ⴰⵢⵍⵍⵉ ⵉⵖⴰⵎⴰⵏ ⵉⵥⵍⵉⵏ ⵙ ⵉⴳⵔⴰⵏ ⵢⴰⴹⵏⵉⵏ ⵖ ⵜⵍⵍⴰ ⵜⴰⵎⴳⵓⵔⵉ ⵏ ⵓⵜⵜⵛⵉ ⵙ 4 % ⴷ ⵜⴷⵓⵙⵉ ⴷ ⵓⵙⴳⵎⵉ ⵉⵛⴰⴽⴰⵏ ⵏ ⵢⵉⵍ ⴷ ⵉⵃⵕⵓⵢⵏ ⴷ ⵜⵎⴳⵓⵔⵉ ⵏ ⵜⴰⵢⵍⴰⵍⵉⵏ ⴷ ⵍⴱⵢⵓⵜⵉⴽⵓⵍⵓⵊⵉⵢⴰ ⵙ 1% ⵉ ⴽⵓ ⵉⴳⵔ.
ⵉⴳⴰ ⵉⴳⵔ ⵏ ⵜⵎⴳⵓⵔⵉ ⵏ ⵜⵀⵉⵔⴰ ⵉⴳⵔ ⴰⵎⵣⵡⴰⵔⵓ ⴳ ⵓⵟⵟⵓⵏ ⵏ ⵜⵡⵓⵔⵉⵡⵉⵏ ⵍⵍⵉ ⵔⴰⴷ ⵉⵜⵜⵓⵙⴽⵉⵔ ⵙ ⵜⵡⵉⵙⵉ ⵏ ⵉⵙⵏⵜⴰⵢ ⵍⵍⵉ ⴼ ⵉⵍⵍⴰ ⵓⵙⵖⵥⵏ ⴳ ⵓⵏⴳⵔⴰⵡ ⵏ ⵜⵡⵉⵙⵉ ⵜⴰⵎⴰⵜⴰⵢⵜ ⵏ ⵓⵙⵙⴰⵔⵓ, ⵔⴰⴷ ⵢⵉⵍⵉ ⴳ ⵉⴳⵔⴰ ⴰⴷ ⵎⴰ ⵉⵜⵜⴳⴳⴰⵏ 30% ⵏ ⵜⵡⵓⵔⵉ, ⵉⴹⴼⴰⵔ ⵜ ⵉⴷ ⵉⴳⵔ ⵏ ⵜⵎⴰⵍⵍⴰⵢⵜ ⵙ ⵎⴰ ⵉⵜⴳⴳⴰⵏ 21 % ⴷ ⵜⵎⴳⵓⵔⵉ ⵉⵃⵕⵓⵢⵏ ⵙ 16%
ⵉⵡⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴳ ⵓⴳⵔⴰⵡ ⴰⴷ ⵎⴰ ⵙ ⴷ ⵜⵡⵉⵙⵉ ⵏ ⵓⵙⵙⴰⵔⵓ ⵉⵥⵍⵉⵏ ⴷ ⵓⵙⴽⴰⵔ ⵜⵡⵓⵔⵉⵡⵉⵏ ⴳⴰⵏ ⴳ ⵜⵖⴰⵡⵙⵉⵡⵉⵏ ⵍⵍⵉ ⵜⵣⵣⵡⴰⵔ ⵜⵏⴱⴰⴹⵜ ⴳ ⵜⵡⵓⵔⵉ ⵏⵏⵙ ⵍⵍⵉ ⵜⴳⴳⴰ ⴷ ⵉⵎⴷⵔⴰⵡⵏ ⵃⵎⴰ ⴰⴷ ⴱⴷⴷⴰ ⵜⴷⴷⵔ ⵜⴷⵉⵎⴰⵏⵉⵜ ⴰⴷ ⴳ ⵜⵖⴰⵔⴰⵙⵜ ⵏ ⵜⵏⵜⵜⴰⵎⵜ ⵏ ⵓⵙⵙⴰⵔⵓ ⴰⵎⴰⵢⵏⵓ ⵍⵍⵉ ⴷ ⵉⴷⴷⴰⵏ ⵙ ⵓⵙⵎⵎⵓⴷ ⵏ ⵜⴰⵔⴰⵜⵉⵏ ⵜⵉⴳⴷⵓⴷⵏⵉⵏ ⵢⴰⵜⵜⵓⵏ.
ⵜⴷⴷⴰ ⴷ ⵜⴰⵙⵓⵜⵍⵜ ⴰⴷ ⵍⵍⵉ ⵉⴳⴰⵏ ⵜⵉⵙ ⴽⵕⴰⴹⵜ ⵏ ⵜⵙⵇⵇⵉⵎⵜ ⵜⴰⵏⵎⵓⵔⵜ ⵏ ⵉⵙⵙⴰⵔⵓⵜⵏ ⴳ ⵓⵙⴳⴳⵯⴰⵙ ⵏ 2024 ⵃⵎⴰ ⴰⴷ ⵜⴼⵔⵔⵣ ⵜⴰⴷⵉⵏⴰⵎⵉⵜ ⵉⵍⵍⴰⵏ ⴳ ⵉⴳⵔ ⵏ ⵓⵙⵙⴰⵔⵓ ⵉⵥⵍⵉⵏ ⴳ ⵜⴳⵍⴷⵉⵜ ⴷ ⴰⵔ ⵜⵎⵎⴰⵍⴰ ⴰⵡⴷ ⵜⵓⵙⵓⵔⵜ ⵜⵓⵎⵏⵉⴳⵜ ⵍⵍⵉ ⵜⵙⴽⵔ ⵜⵏⵜⵜⴰⵎⵜ ⵜⴰⵎⴰⵢⵏⵓⵜ ⵏ ⵓⵙⵙⴰⵔⵓ.
ⵉⵃⴰⴹⵕ ⴳ ⵓⴳⵔⴰⵡ ⴰⴷ ⵎⴰⵙⵙ ⵏⵉⵥⴰⵕ ⴱⴰⵔⴽⴰ ⴰⵎⴰⵡⵙⴰⵙ ⵏ ⵓⵇⵡⵡⵓⵎ ⴷ ⵡⴰⵎⴰⵏ ⴷ ⵎⴰⵙⵙⴰ ⴼⴰⵟⵉⵎⴰ ⵣⵣⴰⵀⵔⴰ ⵍⵎⵏⵚⵓⵕⵉ ⵜⴰⵎⴰⵡⵙⴰⵙⵜ ⵏ ⵓⵎⵙⴰⵙ ⵏ ⵡⴰⴽⴰⵍ ⴰⵏⵎⵓⵔ ⴷ ⵜⵖⵔⵎⴰ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ ⴷ ⵎⴰⵙⵙ ⵢⵓⵏⵙ ⵙⴽⴽⵓⵔⵉ ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⴰⵎⵙⴰⵏ ⴷ ⵜⵎⵙⵙⵏⵜⴰⵢ ⵎⵣⵣⵉⵏ ⴷ ⵓⵙⵡⵓⵔⵉ ⴷ ⵜⵎⵙⵙⵓⴳⴰⵔ ⴷ ⵎⴰⵙⵙ ⵕⵢⴰⴹ ⵎⵣⵣⵓⵔ ⴰⵎⴰⵡⵙⴰⵙ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⴷ ⵎⴰⵙⵙⴰ ⴼⵟⵉⵎⴰ ⵣⵣⵀⵕⴰ ⵄⵎⵎⵓⵔ ⵜⴰⵎⴰⵡⵙⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵏⵉⴹⵉ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵜⵡⵉⵣⵉ ⴷ ⵎⴰⵙⵙ ⵄⴱⴷⵍⵍⴰⵜⵉⴼ ⵎⵉⵕⴰⵡⵉ ⴰⵎⴰⵡⵙⴰⵙ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ ⴷ ⵎⴰⵙⵙⴰ ⵍⴰⵢⵍⴰ ⴱⵏⵄⵍⵉ ⵜⴰⵎⴰⵡⴰⵙⴰⵙⵜ ⵏ ⵓⵎⵓⵜⵜⵉ ⴰⵥⵕⴼⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ ⴷ ⵎⴰⵙⵙ ⵎⵓⵃⵙⵉⵏ ⵊⴰⵣⵓⵍⵉ ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵥⵍⵉⵏ ⵙ ⵓⵙⵙⴰⵔⵓ ⴷ ⵓⵎⵙⴰⵙⴰ ⵏ ⵜⵙⵔⵜⴰⵢ ⵜⵉⴳⴷⵓⴷⵏⵉⵏ ⴷ ⵎⴰⵙⵙ ⴼⴰⵡⵣⵉ ⵍⵇⵊⵄ ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵜⴰⵎⴰⵡⵙⴰⵙⵜ ⵏ ⵜⵥⵕⴼⵜ ⵉⵥⵍⵉⵏ ⵙ ⵜⵎⵙⴰⵙⵍⵜ ⴷ ⵎⴰⵙⵙⴰ, ⵉⵃⴰⴹⵕ ⴰⵡⴷ ⵎⴰⵙⵙ ⵄⴰⵍⵉ ⵚⴰⴷⵉⵇⵉ ⴰⵎⵏⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵜⴳⵎⵉ ⵏ ⵉⵙⵙⴰⵔⵓⵜⵏ ⴷ ⵉⵚⴰⴼⴰⴹⵏ.
