ⵉⴱⵔⵔⴽ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵙ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵎⴰⴷⴷⴰⵙⵜ ⵏ ⵜⵡⵓⵔⵉ ⵜⴰⴳⵔⴰⵖⵍⴰⵏⵜ
ⵉⴱⵔⵔⴽ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⵣⵅⵏⵏⵓⵛ, ⴰⵙⵙ ⵏ ⴰⵙⵉⵏⴰⵙ ⴳ ⵕⵕⴱⴰⵟ, ⵏⵜⵜⴰⵏ ⴷ ⵓⵎⴰⵡⵙⴰⵙ ⵏ ⵓⵙⵉⴷⴼ ⴰⴷⴰⵎⵙⴰⵏ ⴷ ⴷ ⵜⵎⵙⵏⵜⴰⵢⵜ ⵎⵥⵥⵉⵏ ⴷ ⵜⵎⵙⵙⵓⴳⴰⵔ ⵙ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵎⴰⴷⴷⴰⵙⵜ ⵏ ⵜⵡⵓⵔⵉ ⵜⴰⴳⵔⴰⵖⵍⴰⵏⵜ ⵎⴰⵙⵙ ⴳⵉⵍⴱⵉⵔⵜ ⵀⵓⵏⴳⵓⴱⵓ Gilbert Houngbo ⵍⵍⵉ ⵉⵙⴽⵔⵏ ⵢⴰⵜ ⵜⵔⵣⵉⴼⵜ ⵜⴰⵎⵣⴰⵡⵔⵓⵜ ⵙ ⵜⴳⵍⴷⵉⵜ ⵣⵖ ⵍⵍⵉⵖ ⵉⵍⵍⴰ ⵖ ⵜⵏⵙⵙⵉⵅⴼⵜ ⵏ ⵜⵎⴰⴷⴷⴰⵙⵜ ⵏ ⵜⵎⵜⵜⴰ ⵉⵎⵓⵏ. ⵉⴷⴷⴰⵏ ⵓⵍⵎⵓⵇⵇⴰⵔ ⴰⴷ ⴳ ⵜⵉⵔⵉⵜ ⵜⴰⵎⴷⵔⴰⵡⵜ ⵏ ⵓⵙⵖⵓⴷⵓ ⵏ ⵓⵎⵢⴰⵡⴰⵙ ⴳⵏⴳⵔ ⵍⵎⵖⵔⵉⴱ ⴷ ⵜⵎⴰⴷⴷⴰⵙⵜ ⵏ ⵜⵡⵓⵔⵉ ⵜⴰⴳⵔⴰⵖⵍⴰⵏⵜ, ⴹⴰⵕⴰⵜ ⵍⵍⵉⵖ ⴷⵓⵙⵉⵏⵜ ⵜⵣⴷⴰⵢⵉⵏ ⴷ ⵓⵎⵙⴰⵙ ⵉⵛⵛⴰⵔⵏ.
ⵉⵡⵉ ⴷ ⵎⴰⵙⵙ ⴰⵏⵙⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⴳⵔⴰⵡ ⵅⴼ ⵜⵓⴳⵜ ⵏ ⵓⵙⴳⴷⴷⵏ ⵉⵜⵜⵓⵙⴽⴰⵔⵏ ⴳ ⵜⵎⴰⵣⵉⵔⵜ ⵏⵏⵖ ⴷⴷⴰⵡ ⵜⵎⵎⵓⵖⵔⴰ ⵉⴷⵓⵙⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵙⵔⵏⵓ ⵔⴱⴱⵉ, ⵙⵍⴰⵀⴰⵡ ⵏⵏ ⴰⴽⴽⵯ ⴰⵢⵍⵍⵉ ⵉⵥⵍⵉⵏ ⵙ ⵡⴰⵔⴰⵢ ⴰⵏⴰⵎⵓⵏ ⴷ ⵓⵙⵓⴳⴳⵣ ⵏ ⵉⵖⴰⵡⴰⵙⵏ ⵉⵎⴰⴷⴷⴰⵙⵏ ⴷ ⵓⵙⴷⴷⵔ ⵏ ⵓⵙⵡⵓⵔⵉ ⵉⵙⵢⴰⴼⵓⵏ ⴷ ⵓⵙⴽⴰⵔ ⵏ ⵜⵡⵓⵔⵉⵡⵉⵏ ⵉⵥⵉⵍⵏ.
ⵉⵏⵏⴰ ⴰⵡⴷ ⵓⵏⵙⵙⵉⵅⴼ ⵏ ⵜⵏⴰⴱⴰⴹⵜ ⵎⴰ ⵙ ⵜⴳⴳⴰ ⵜⵎⴰⵣⵉⵔⵜ ⵏⵏⵖ ⵖ ⵙⵉⵏ ⵉⵙⴳⴳⵯⴰⵙⵏ ⴰⴷ ⵉⵣⵔⵉⵏ ⴰⵙⵎⵔⵙⵍ ⵏ ⵓⵎⵙⴰⵡⵍ ⴰⵏⴰⵎⵓⵏ ⴰⵢⵍⵍⵉⵖ ⵉⴳⴰ ⵢⴰⵏ ⵉⵎⵉⵙ ⵏ ⵏ ⵓⵙⵢⴰⴼⵓ ⴷ ⵉⵙⴳⴳⴷⵏ, ⵖⵉⴽⴰⵏⵏ ⴰ ⴼ ⵜⵙⵢⴰⴼⴰ ⵜⵏⴱⴰⴹⵜ ⴳ ⵜⵡⵓⵔⵉ ⵏⵏⵙ ⵏ ⵡⴰⵎⵎⴰⵙⵏⵏ ⵉⵎⵓⵍⵍⴰ ⴷ ⵜⵎⴰⴷⴷⴰⵙⵉⵏ ⴷ ⵜⵎⵙⵎⵓⵏⵉⵏ ⵜⵉⵣⵣⵓⵍⴰⵏⵉⵏ ⵏⵉⵎⵙⵡⵓⵔⵉⵜⵏ, ⵢⵉⵍⵉ ⴰⵡⴷ ⵓⵙⴳⵎⴹ ⵏ ⵓⵎⵙⴰⵙⴰ ⵏ ⵜⵙⵓⵜⵍⵜ ⵏ ⵉⴱⵔⵉⵔ 2024, ⵖⴰⵢⵍⵍⵉ ⵔⴰⴷ ⵉⵙⵖⵓⴷⵓ ⵜⵉⵖⵔⴰⴷ ⵏ ⵉⵎⵙⵜⴰⵖⵏ ⴷ ⵉⵎⵙⵡⵓⵔⵉⵜⵏ, ⵢⵉⵍⵉ ⴰⵡⴷ ⵓⵙⵏⴼⵍ ⵏ ⵜⵓⴳⵜ ⵏ ⵉⵙⵏⴼⴰⵕⵏ ⵉⴷⴷⴰⵏ ⴳ ⵜⵖⴰⵔⴰⵙⵜ ⵏ ⵓⵙⴳⴳⴷ ⵖ ⵖⴰⵢⵍⵍⵉ ⵉⵥⵍⵉⵏ ⵙ ⵓⵣⵣⵔⴼ ⵙⵔⵙ ⵉⵥⵍⵉⵏ ⵉⵎⵙⴰⵙ ⴷ ⵓⴷⵓⵙⵜⵓⵔ ⴷ ⵉⵙⵣⵣⵔⴼⵏ ⵉⴳⵔⴰⵖⵍⴰⵏⵏ ⴳ ⵉⴳⵔ ⴰⴷⵙ ⵢⴰⵜ ⵜⵖⴰⵔⴰⵙⵜ ⵏ ⵏ ⵜⵎⴷⵔⴰⵡⵜ ⴷ ⵉⵎⴷⵔⴰⵡⵜ ⵉⵏⴰⵎⵓⵏⵏ ⴷ ⵉⴷⴰⵎⵙⴰⵏⵏ.
ⴳ ⵜⵙⴳⴰ ⵏⵙ, ⵢⵉⵡⵉ ⴷ ⵎⴰⵙⵙ ⴳⵉⵍⴱⵉⵔⵜ ⵀⵓⵏⴳⵓⴱⵓ ⵎⴰ ⵉⵎⵙⴰⵙⴰⵏⵜ ⵜⵉⵣⵡⵉⵔⵉⵏ ⵏ ⵜⵏⴱⴰⴹⵜ ⵜⴰⵎⵖⵔⵉⴱⵉⵜ ⴷ ⵜⵉⵏ ⵜⵎⴰⴷⴷⴰⵙⵜ ⵏ ⵜⵓⵡⵓⵔⵉ ⵜⴰⴳⵔⴰⵖⵍⴰⵏⵜ, ⵉⵏⵏⴰ ⴰⵡⴷ ⵎⴰⵙ ⵉⴳⴰ ⵓⵍⵎⵇⵇⴰⵔ ⴰⴷ ⵢⴰⵜ ⵜⵉⵣⵉ ⵍⵍⵉ ⵖ ⵏⵏ ⵏⵓⴳⴳⴰ ⵡⴼ ⵜⵡⵓⵔⵉ ⴷ ⵉⵖⴰⵡⴰⵙⵏ ⵍⵍⵉ ⵜⴳⴳⴰ ⵜⴰⵏⴱⴰⴹⵜ ⴳ 30ⵏ ⵡⴰⵢⵢⵓⵔ ⴰⴷ ⵉⵣⵔⵉⵏ. ⵉⵏⵏⴰ ⴰⵡⴷ ⵎⴰ ⵙ ⵉⵍⵍⴰ ⵓⵎⵙⴰⵡⴰⵍ ⵅⴼ ⵉⵙⵏⴼⴰⵕⵏ ⵏ ⵉⵎⴰⵍ ⵍⵍⵉ ⵔⴰⴷ ⵜⵙⴽⵔ ⵜⵏⴱⴰⴹⵜ ⵖⵉⵍⵍⴰ ⵓⵙⴳⴳⴷ ⵏ ⵉⴼⵇⵇⵉⵇⵏ ⵏ ⵜⴰⵏⴰⴼⵜ ⴷ ⵓⵙⵏⴼⵍ ⵏ ⵉⵣⵣⵔⴼⵏ ⵉⵥⵍⵉⵏ ⵙ ⵓⵙⵡⵓⵔⵉ.
ⵉⵏⵏⴰ ⴰⵡⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵎⴰⴷⴷⴰⵙⵜ ⵏ ⵜⵡⵓⵔⵉ ⵜⴰⴳⵔⴰⵖⵍⴰⵏⵜ ⵎⴰ ⵜⵖⵓⴷⴰ ⵜⵡⵓⵔⵉ ⵍⵍⵉ ⵜⴳⴳⴰ ⵜⴳⵍⴷⵉⵜ ⴳ ⵓⵙⵓⵣⵣⵔ ⵏ ⵉⵙⵏⴼⴰⵕⵏ ⵏ ⵡⴰⵏⴽ ⴰⵏⴰⵎⵓⵏ, ⵉⴳ ⵜⴰⵖⵓⵔⵉ ⵉ ⵍⵎⵖⵔⵉⴱ ⴰⴷ ⵉⴽⵛⵎ ⵙ ⵓⵏⵎⵎⵓⵍⵉ ⴰⴳⵔⴰⵖⵍⴰⵏ ⵏ ⵜⵣⵔⴼⵜ ⵜⴰⵏⴰⵎⵓⵏⵜ ⴷ ⵜⵙⵏⵜⴰⵢⵜ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵓⵎⵓⵏ ⵉⵥⵍⵉⵏ ⵙ ⵜⵡⵉⵙⵉ « ⴰⵙⵖⴰⵡⵍ ⴰⴳⵔⴰⵖⵍⴰⵏ ⵉⵥⵍⵉⵏ ⵙ ⵜⵡⵓⵔⵉⵡⵉⵏ ⴷ ⵡⴰⵔⴰⵢ ⴰⵏⵎⵓⵏⵃⵎⴰ ⴰⴷ ⵢⵉⵍⵉ ⵢⴰⵏ ⵓⵎⵓⵜⵜⵉ ⵉⵣⵔⴼⵏ.
ⵙⴰⵡⵍⵏ ⴰⵡⴷ ⵙⵉⵏ ⵜⵙⵏ ⵅⴼ ⵉⵡⵜⵜⴰⵙⵏ ⵏ ⵜⵎⵎⵜⴰ ⵉⵎⵓⵏ ⴳ ⵎⴰ ⵉⵥⵍⵉⵏ ⵜⴳⵎⵉ ⵜⴰⵙⵓⵍⴰⵏⵜ ⵃⵎⴰ ⴰⴷ ⵢⵉⵍⵉⵏⵜ ⵜⵡⵓⵔⵉⵡⵉⵏ ⵉⵥⵉⵍⵏ, ⵢⵉⵍⵉ ⴰⵡⴷ ⵓⴼⵔⴰ ⴷ ⵜⵎⵎⵉ ⵜⵜⴰⵄⴰⴷⴷⵓ ⴳ ⵉⴷⵖⴰⵔⵏ ⵏ ⵜⵡⵓⵔⵉ ⴷ ⵓⵙⵖⵓⴷⵓ ⵏ ⵉⵙⵉⵎⵙⵏ ⵉⴳⵔⴰⵖⵍⴰⵏ ⵍⵍⵉ ⵜⵙⵖⵥⵏ ⵜⴳⵍⴷⵉⵜ.
