ⵉⵙⵏⵓⴱⴱⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵏ ⴼⵕⴰⵏⵙⴰ ⵎⴰⵙⵙ ⵊⵉⵕⴰⵕ ⵍⴰⵕⵜⵛⴰⵕ
ⵉⵙⵏⵓⴱⴱⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⵏⵜⵜⴰ ⴷ ⵓⵎⴰⵔⵉ ⵉⵜⵜⵓⵙⵎⴰⴳⵍⵏ ⵙ ⵜⵣⴷⴰⵢⵉⵏ ⴷ ⵓⵏⴱⴰⵕⵍⵎⴰⵏ ⴰⵎⵙⵙⵉⵡⵍ ⵏ ⵜⵏⴱⴰⴹⵜ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵏ ⴼⵕⴰⵏⵙⴰ ⵎⴰⵙⵙ ⵊⵉⵕⴰⵕ ⵍⴰⵕⵜⵛⵉ ⵍⵍⵉ ⴷ ⵉⴳⴰⵏ ⵢⴰⵜ ⵜⵔⵣⵣⵉⴼⵜ ⵏ ⵜⵡⵓⵔⵉ ⵙ ⵍⵎⵖⵔⵉ ⵍⵍⵉⵖ ⵔⴰⴷ ⵉⴽⴽ ⴰⵡⴷ ⵜⴰⵎⴷⵉⵏⵜ ⵏ ⵍⵄⵢⵓⵏ ⵃⵎⴰ ⴰⴷ ⵏⵏ ⵢⴰⴳⴳ ⵙ ⵉⵚⵏⴼⴰⵕⵏ ⴷ ⵉⵖⴰⵡⴰⵙⵏ ⵏ ⵜⴳⵎⵉ ⵍⵍⵉ ⵉⵍⵍⴰⵏ ⴳ ⵜⵎⵏⴰⴹⵉⵏ ⵏ ⵉⴼⴼⵓⵙ ⵏ ⵜⴳⵎⵍⴷⵉⵜ ⵙ ⵜⵉⵏⵏⵓⴱⴹⴰ ⵉⵅⴰⵜⵔⵏ ⵏ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.
ⵉⵙⵎⵖⵔⵏ ⴳ ⵓⴳⵔⴰⵡ ⴰⴷ ⵙ ⵓⴱⴷⴷⴰⴷ ⵏ ⴼⵕⴰⵏⵙⴰ ⵎⴰ ⵙ ⵜⴳⴰ ⵜⵏⵣⵔⵓⴼⵜ ⵜⵉⵏ ⵍⵎⵖⵔⵉⴱ ⵍⵍⵉ ⵅⴼ ⵉⵍⵍⴰ ⵓⵙⴷⴷⵉⴷ ⴹⵕⴰⵜ ⵜⴰⵔⵣⵣⵉⴼⵜ ⵏ ⵡⴰⵏⴽ ⵍⵍⵉ ⵉⵙⴽⵔ ⵓⵏⵙⵙⵉⵅⴼ ⵏ ⵜⴳⴷⵓⴷⴷⴰⵏⵜ ⵏ ⴼⵕⴰⵏⵙⴰ, ⵎⴰⵙⵙ ⵉⵎⴰⵏⵢⵓⵍ ⵎⴰⴽⵕⵓⵏ ⵉ ⵜⵎⴰⵣⵉⵔⵜ ⵏⵏⵖ ⴳ ⴽⵟⵓⴱⵕ 2024, ⵍⵍⵉⵖ ⴰⵙ ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵃⴼⴹ ⵕⴱⴱⵉ. ⵜⴰⵔⵣⵣⵉⴼⵜ ⴰⴷ ⵍⵍⵉⵖ ⵙⵔⵙⵏ ⵜⵉⵔⵙⴰⵍ ⵏ ⵓⵎⵎⵓⵜⵉ ⵏ ⵜⴷⵔⴰⵡⵜ ⴷ ⵓⵎⵢⴰⵡⴰⵙ ⵙ ⵢⴰⵏ ⵓⵙⵡⵉⵔ ⵏ "ⵓⴷⵔⴰⵡ ⵉⵎⵥⵍⵉⵢ ⵉⴷⵓⵙⵏ" ⵏⴳⵔ ⵜⵎⵉⵣⴰⵔ ⵙ ⵙⵏⴰⵜ.
ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⴱⴰⴹⵜ ⵎⴰ ⵙ ⵉⴳⴰ ⵓⵙⵡⵉⵔ ⴰⴷ ⴰⵎⴰⵢⵏⵓ ⵏ ⵓⵎⵢⴰⵡⴰⵙ ⵍⵍⵉ ⵅⴼ ⴱⵉⴷⵏ ⵉⵏⵎⵖⵓⵔⵏ ⵏ ⵜⵎⵉⵣⴰⵔ ⵙ ⵙⵏⴰⵜ ⵢⴰⵏ ⵓⵥⵎⵎⴰⵥⵍ ⵎⵇⵇⵓⵔⵏ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏⴳⵔ ⵍⵎⵖⵔⵉⴱ ⴷ ⴼⵕⴰⵏⵙⴰ ⵍⵍⵉⵖ ⵔⴰⴷ ⴰⵡⵙⵏ ⴰⴽⴽⵯ ⵉⴳⵔⴰⵏ ⵉⵎⴰⵡⵙⴰⵙⵏ ⴳ ⵓⵙⵖⵓⴷⵓ ⴷ ⵓⵙⵎⵓⵜⵜⴳ ⵏ ⵜⵡⵉⵙⵉ ⴳ ⵓⵙⵡⵉⵔ ⴰⵙⵉⵏⵔⴰⵏ ⴷ ⵓⵙⴳⴰⵡⴰⵏ ⴷ ⵓⴳⵔⴰⵖⵍⴰⵏ.
ⵔⴰⴷ ⵜⴰⵡⵙ ⵜⵔⵣⵣⵉⴼⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵉ ⵜⵎⴰⵣⵉⵔⵜ ⵏⵏⵖ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⵏⴳⵔ ⵜⵎⵔⵙⴰⵍ ⵏ ⵓⵣⵔⵔⴰⴼ ⵏ ⵜⵎⵉⵣⴰⵔ ⵙ ⵙⵏⴰⵜ ⴷ ⵓⵙⵖⵓⴷⵓ ⵏ ⵜⵉⴷⴷⵓⴽⵍⴰ ⴷ ⵓⵎⵢⴰⵡⴰⵙ ⵏⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⴼⵕⴰⵏⵙⴰ.
ⵉⵃⴰⴹⵕ ⴳ ⵓⴳⵔⴰⵡ ⴰⴷ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⵉⴷⴷⵓⴽⵍⴰ ⵏ ⵍⵎⵖⵔⵉⴱ ⴷ ⴼⵕⴰⵏⵙⴰ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵎⴰⵙⵙ ⴽⵉⵔⵙⵜⵢⴰⵏ ⴽⴰⵎⴱⵓⵏ ⴷ ⵓⵎⴰⵔⵉ ⵏⵏⵙ ⵀⵉⵔⴼⵉ ⵎⴰⵔⵉⵙⴰⵏ ⴷ ⵎⴰⵙⵙⴰ ⴽⴰⵕⵉⵏ ⴼⵉⵔⵉ ⴷ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴷ ⵜⴳⴳⴰⵍⵉⵏ ⵜⵉⵍⴰⴼⵉⵏ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵎⴰⵙⵙ ⵙⵉⴷⵔⵉⴽ ⴱⵉⵕⴰⵏ ⴷ ⵓⵎⵙⵇⵇⴰⴷ ⵏ ⴼⵕⴰⵏⵙⴰ ⵉⵍⵍⴰⵏⴳ ⵕⵕⴱⴰⵟ ⵎⴰⵙⵙ ⴽⵔⵉⵙⵜⵓⴼ ⵍⵓⴽⵕⵜⵉ.
