ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵎⴰⵡⵙⴰⵙ ⴰⵎⵣⵡⴰⵔⵓ ⵏ ⵀⴰⵏⵖⴰⵕⵢⴰ
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⵉⴹⴳⴰⵎ ⴰⵙⵉⵎⵡⴰⵙ 12 ⵉⴱⵔⵉⵔ 2024 ⴳ ⵎⵕⵕⴰⴽⴽⵯⵛ, ⵉⴽⵏⵉ ⵏⵏⵙ ⵣⵖ ⵀⴰⵏⵖⴰⵕⵢⴰ ⵎⴰⵙⵙ ⴼⵉⴽⵜⵓⵕ ⵓⵕⵓⴱⴰⵏⵏ ⵍⵍⵉ ⴷ ⵉⴳⴰⵏ ⵢⴰⵜ ⵜⵔⵣⵣⵉⴼⵜ ⵙ ⵜⴳⵍⴷⵉⵜ.
ⴹⵕⴰⵜ ⵍⵍⵉⵖ ⵙⵙⵉⵎⵖⵓⵔⵏ ⵙ ⵜⵣⴷⴰⵢⵉⵏ ⵏⴳⵔ ⵍⵎⵖⵔⵉⴱ ⴷ ⵀⴰⵏⵖⴰⵕⵢⴰ ⵍⵍⵉ ⴱⴰⵀⵔⴰ ⵉⴱⵓⵖⵍⴰⵏ ⴳ ⵉⵙⴳⴳⵯⴰⵙⵏ ⴰⴷ ⵉⵣⵔⵉⵏ, ⵙ ⵜⵡⵉⵙⵉ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵉⵙⵔⵏⵓ ⵔⴱⴱⵉ, ⵖ ⵜⵍⵍⴰ ⵜⵎⵏⴰⵡⴰⵢⵜ ⴳ ⵜⵎⴰⴷⵔⵉⵡⵉⵏ ⵏ ⵓⵎⵢⴰⵡⴰⵙ ⴷ ⵜⵎⵉⵣⴰⵔ ⵏ ⵡⴰⵎⵓⵏ ⵓⵕⵓⴱⴱⴰ, ⵎⴹⴰⴽⴰⵕⵏ ⵙ ⵙⵉⵏ, ⴳ ⵓⴳⵔⴰⵡ ⴰⴷ, ⵅⴼ ⵡⴰⵜⵉⴳ ⵏ ⵓⵙⵖⵓⴷⵓ ⴷ ⵓⵙⵏⴼⵍ ⵏ ⵓⵎⵢⴰⵡⴰⵙ ⴰⴷⴰⵎⵙⴰⵏ ⴳⵔ ⵙⵏⴰⵜ ⵜⵎⵉⵣⴰⵔ, ⵙⴰⵍⵀⴰⵡⴰⵏ ⴰⴽⴽⵯ ⵍⵍⵉⵖ ⵉⴳⴰ ⵍⵎⵖⵔⵉⴱ ⵜⴰⵎⴰⵣⵉⵔⵜ ⵜⴰⵎⵣⵡⴰⵔⵓⵜ ⵏ ⵓⵎⵢⴰⵡⴰⵙ ⴰⵙⵖⵏⵣⵉ ⵖⵔ ⵀⴰⵏⵖⴰⵕⵢⴰ ⴳ ⵉⴼⵔⵉⵇⵢⴰ, ⵍⵍⵉⵖ ⵍⵎⴽⵎ ⵓⵙⵏⴼⵍ ⴰⵙⵖⵏⵣⵉ ⵎⴰ ⵉⵜⵜⴳⴰⵏ 4,1 ⵎⵍⵢⴰⵕ ⵏ ⴷⴷⵔⵀⵎ(382 ⵎⵍⵢⵓⵏ ⵏ ⵓⵕⵓ) ⴳ ⵓⵙⴳⴳⵯⴰⵙ 2022, ⵉⵍⴽⵎ ⵓⵙⵢⴰⴼⴰ ⵎⴰ ⵉⵜⵜⴳⴰⵏ 25% ⵉⴳ ⵜ ⵏⵎⵙⴰⵙⴰ ⴷ ⵓⵙⴳⴳⵯⴰⵙ ⵏ 2021.
ⵙⴰⵡⵍⵏ ⵅⴼ ⵓⵙⵓⵊⴷ ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵜⵙⵓⵜⵍⵜ ⵜⵉⵙ ⵙⵎⵎⵓⵙⵜ ⵏ ⵜⵙⵇⵇⵉⵎⵜ ⵜⴰⴷⴰⵎⵙⴰⵏⵜ ⵜⴰⵎⴷⵔⴰⵡⵜ ⵜⴰⵎⵖⵔⵉⴱⵉⵜ-ⵜⵀⵏⵖⴰⵕⵉⵜ ⴳ ⴽⵜⵓⴱⵔ 2024 ⵙ ⵜⵎⵍⴷⴰ ⵏ ⵓⵙⴼⵓⴳⵍⵓ ⵏ ⵙⵏⴰⵜ ⵜⵎⵉⵣⴰⵔ ⵍⵍⵉⵖ ⵣⵔⵉⵏ 65 ⵏ ⵓⵙⴳⴳⵯⴰⵙ ⵏ ⵜⵣⴷⴰⵢⵉⵏ ⵜⵉⴷⵉⴱⵍⵓⵎⴰⵙⵉⵏ. ⵖⵉⴽⵍⵍⵉ ⵉⵖⵔⴰ ⵎⴰⵙⵙ ⴼⵉⴽⵜⵓⵕ ⴰⵕⵓⴱⴰⵏ ⵉ ⵎⴰⵙⵙ ⴰⵏⵙⵙⵉⵅⴼⵜ ⵏ ⵜⵏⴱⴰⴹⵜ ⴰⴷ ⵉⴳ ⵢⴰⵜ ⵜⵔⵣⵣⵉⴼⵜ ⵏ ⵜⵡⵓⵔⵉ ⵏⵉ ⵜⵎⴰⵣⵉⵔⵜ ⵏ ⵀⴰⵏⵖⴰⵕⵢⴰ.
ⵉⴳⴰ ⵓⴳⵔⴰⵡ ⴰⴷ ⵢⴰⵜ ⵜⵉⵣⵉ ⵍⵍⵉ ⵎⴹⴰⴽⴰⵕⵏ ⵅⴼ ⵜⵓⴳⵜ ⵏ ⵜⵖⴰⵡⵙⵉⵡⵉⵏ ⵏ ⵜⵉⵙⴳⴳⴰⵡⴰⵏⵉⵏ ⴷ ⵜⴳⵔⴰⵖⵍⴰⵏⵉⵏ, ⴷ ⵓⵔⵣⵣⵓ ⵅⴼ ⵜⴱⵔⵉⴷⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵙⴱⵓⵖⵍⵓ ⵏ ⵓⵎⵢⴰⵡⴰⵙ ⵏⴳⵔ ⵜⵎⵉⵣⴰⵔⵜ ⵙⵏⴰⵜ ⴳ ⵉⵙⵡⵉⵔⵏ ⴰⴽⴽⵯ. ⵢⵉⵍⵉ ⴰⵡⴷ ⵓⵙⵖⵓⴷⵓ ⵏ ⵓⵎⵙⴰⵙⴰ ⵏ ⵜⴰⵏⵏⴰⵢⵉⵏ ⵏ ⵜⵎⵉⵣⴰⵔ ⵙ ⵙⵏⴰⵜ ⴼ ⵜⵓⴳⵜ ⵏ ⵉⵙⴷⴰⵡⵏ ⴷ ⵜⵙⵓⵎⴰⵔ ⵜⵉⴳⵔⴰⵖⵍⴰⵏⵉⵏ.
