ⵓⵖⴰⵡⴰⵙ ⴰⵏⴰⵎⵓⵔ ⵏ ⵜⵊⴰⵡⵜ ⵙ ⵡⴰⵎⴰⵏ ⵏ ⵜⵉⵙⵙⵉ ⴷ ⵡⴰⵎⴰⵏ ⵏ ⵉⵙⵡⵉ 2020-2027
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵏ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⵙⵉⵏⴰⵙ ⵢⴰⵏ ⵓⴳⵔⴰⵡ ⵏ ⵜⵙⵇⵇⵉⵎⵜ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵜⵊⴰⵡⵜ ⵙ ⵡⴰⵎⴰⵏ ⵏ ⵜⵉⵙⵙⵉ ⴷ ⵡⴰⵎⴰⵏ ⵏ ⵉⵙⵡⵉ 2020-2027. ⵥⵍⵉⵏ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⴷ ⵙ ⵓⵙⴷⵓⵙ ⵏ ⵜⴷⵉⵏⴰⵎⵉⵜ ⵏ ⵓⵣⵣⵓⴳⴳⵯⵣ ⵏ ⵓⵖⴰⵡⴰⵙ ⴰⴷ ⴷ ⵓⵙⵏⴼⵍ ⵏ ⵜⵓⴳⵜ ⵏ ⵉⴳⵔⴰⵏ ⵙ ⵜⵖⴰⵔⴰⵙⵜ ⵏ ⵓⵖⴰⵡⵍ ⵖ ⵜⵍⵍⴰ ⵜⴰⵣⵣⴰⵣⵜ ⵏ ⵓⵙⴽⴰⵔ ⵏ ⵔⵓⴳⵜ ⵏ ⵉⵙⵙⴰⵔⵓⵜⵏ ⵏ ⵓⵖⴰⵡⵍ ⵍⵍⵉ ⵙ ⴷ ⵉⵇⵇⴰⵏ ⴰⴷ ⵜⵜⵓⵙⴽⵉⵔⵉⵏⵜ ⴳ ⵉⴳⵔ ⵏ ⵡⴰⵎⴰⵏ, ⵖⵉⴽⵍⵍⵉ ⵉⵍⵍⴰ ⵓⵎⴰⴹⴰⴽⴰⵕ ⵅⴼ ⵜⵖⴰⵡⵙⵉⵡⵉⵏ ⵏ ⵓⵙⵉⵣⵡⵔ ⵍⵍⵉ ⴷ ⵉⴷⴷⴰⵏ ⴳ ⵉⵏⵏⴰⵡ ⵏ ⵓⴳⵍⵍⵉⴷ ⵢⴰⵜⵜⵓⵢⵏ ⵙ ⵜⵎⵍⴷⴰ ⵏ ⵓⵙⴽⵜⵉ ⵡⵉⵙ ⵙⵉⵎⵔⴰⵡ ⴷ ⵙⵎⵎⵓⵙ ⵏ ⵜⴼⵓⴳⵍⴰ ⵏ ⵍⵄⵕⵛ.
ⴳ ⵓⵎⵣⵡⴰⵔⵓ ⵏ ⵓⴳⵔⴰⵡ ⴰⴷ, ⵉⵙⴽⵜⵉ ⴷ ⵎⴰⵙⵙ ⴰⵏⵙⵙⵉⵅⴼ ⵜⵏⴱⴰⴹⵜ ⵙ ⵜⵏⵏⴰⵢⵉⵏ ⵍⵍⵉ ⴷ ⵉⴷⴷⴰⵏ ⴳ ⵉⵏⵏⴰⵡ ⵢⴰⵜⵜⵓⵢⵏ ⵏ ⵓⴳⵍⵍⵉⴷ ⵍⵍⵉⵖ ⵉⵙⵔⵙ ⵜⵉⵎⴰⵜⴰⵔⵉⵏ ⵎⵇⵇⵓⵔⵏⵉⵏ ⵉⵥⵍⵉⵏ ⵙ ⵜⵎⵓⴽⵔⵉⵙⵜ ⵏ ⵡⴰⵎⴰⵏ ⴷ ⵜⵖⵓⵔⵉ ⵏ ⴱⴰⴱ ⵏ ⵡⴰⴷⴷⵓⵔ ⴼⴰⴷ ⴰⴷ ⵢⵉⵍⵉ ⵓⵙⵏⴼⵍ ⵓⵙⵔⵉⴷ ⵏ ⵉⵎⴰⵙⵙⵏ ⵏ ⵜⵙⵔⵜⵉⵜ ⵜⴰⵏⴰⵎⵓⵔⵜ ⵏ ⵡⴰⵎⴰⵏ, ⴷ ⵓⵙⴽⴰⵔ ⵏ ⵜⵓⴳⵜ ⵏ ⵉⵖⴰⵡⴰⵙⵏ ⵢⵓⵇⵇⵔⵏ ⵜⵉⵣⵉ ⵉⵜⵜⴰⵡⵙⴰⵏ ⴱⵍⴰ ⵢⵉⵍⵍⴰ ⴽⵔⴰ ⵏ ⵓⵙⴹⴼⵕ.
ⵙ ⵖⵎⴽⵍⵍⵉ ⴷ ⵉⴷⴷⴰⵏ ⴳ ⵜⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ, ⵉⵏⵏⴰ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⵎⴰ ⵙ ⵔⴰⴷ ⵜⵎⵎⴰⵖ ⵜⵏⴱⴰⴹⵜ ⵖ ⵓⵣⵓⴳⴳⵯⵣ ⵉⵛⵏⴰⵏ ⵏ ⵉⴼⵔⴷⵉⵙⵏ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵡⴰⵎⴰⵏ ⵏ ⵜⵉⵙⵙⵉ ⴷ ⵡⴰⵎⴰⵏ ⵏ ⵉⵙⵡⵉ, ⵃⵎⴰ ⴰⴷ ⵢⵉⵍⵉ ⵓⵙⵡⵓⴷⴷⵓ ⴰⴽⴽⵯ ⵏ ⵉⵙⵏⴼⴰⵕⵏ ⵙ ⵜⴰⵣⵣⴰⵣⵜ ⴷ ⵓⵙⴷⵓⵙ ⵍⵍⵉ ⵙ ⵉⵇⵇⴰⵏ, ⴰⵡⴷ ⴰⴷ ⵉⵍⴽⵎ ⵉⵡⵜⵜⴰⵙⵏ ⵉⴳ ⵜⵜⵎⵉ ⵉ ⵜⴰⵙⵙⴰⵙⵜ ⵏ ⵡⴰⵎⴰⵏ ⵙ ⵜⵖⴰⵔⴰⵙⵜ ⵍⵍⵉ ⵉⵏⵏⵓⵔⵣ ⴱⴰⴱ ⵏ ⵡⴰⴷⴷⵓⵔ ⴰⴷ ⵉⵏⵚⵕ ⵔⴱⴱⵉ.
ⵖⵉⴽⵍⵍⵉ ⵢⵓⵚⵚⴰ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵎⴷⵔⴰⵡⵏ ⵉⵎⴰⵡⵙⴰⵙⵏ ⴳ ⵜⵎⵓⴽⵔⵉⵙⵜ ⴰⴷ ⵏ ⵡⴰⵎⴰⵏ ⴰⴷ ⵙⵉⴳⵓⵜⵏ ⴳ ⵉⵙⵙⴰⵔⵓⵜⵏ ⵉⵥⵍⵉⵏ ⵙ ⵡⴰⵎⴰⵏ ⵢⵉⵍⵉ ⵓⵙⵡⵓⴷⴷⵓ ⵏⵏⵙⵏ ⴳ ⵢⴰⵜ ⵜⵉⵣⵉ ⵉⵜⵜⴰⵡⵙⵙⴰⵏ, ⵉⵏⵏⴰ ⴰⵡⴷ ⵎⴰ ⵙ ⵔⴰⴷ ⵜⵙⵙⵉⴳⵓⵜ ⵜⵙⵇⵇⵉⵎⵜ ⵏ ⵜⵊⴰⵡⵜ ⴳ ⵉⴳⵔⴰⵡⵏ ⵃⵎⴰ ⴰⴷ ⵜⴹⴼⵉⵔ ⴰⵙⵡⵓⴷⴷⵓ ⴷ ⵓⵣⵣⵓⴳⵣ ⵏ ⵜⵓⴳⵜ ⵏ ⵉⵖⴰⵡⴰⵙⵏ ⵉⵜⵜⴰⵡⵙⵔⴰⵙⵏ.
ⵉⵃⴰⴹⵕ ⵖ ⵓⴳⵔⴰⵡ ⴰⴷ ⵎⴰⵙⵙ ⵄⴰⴱⴷ ⵍⵡⴰⴼⵉ ⵍⴼⵜⵉⵜ ⴰⵎⴰⵡⵙⴰⵙ ⵏ ⵓⴳⵯⵏⵙ ⴷ ⵎⴰⵙⵙ ⵏⵉⵥⴰⵕ ⴱⴰⵔⴰⴽⴰ ⴰⵎⴰⵡⵙⴰⵙ ⵏ ⵓⵇⵇⵡⵓⵎ ⴷⵡⴰⵎⴰⵏ ⴷ ⵎⵓⵃⵎⵎⴰⴷ ⵚⴰⴷⵉⵇⵉ ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ.
