ⵉⵙⵏⵜⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵢⴰⵜ ⵜⵙⵓⵜⵍⵜ ⵜⴰⵎⴰⵢⵏⵓⵜ ⵏ ⵓⵙⴰⵡⴰⵍ ⴰⵏⴰⵎⵓⵏ
ⴰⵙⵙ ⵏ ⵓⵙⵉⵏⴰⵙ 26 ⵎⴰⵕⵚ 2024, ⵜⵜⵓⵙⵏⵜⴰ ⵜⵙⵓⵜⵍⵜ ⵜⴰⵎⴰⵢⵏⵓⵜ ⵏ ⵓⵙⴰⵡⴰⵍ ⴰⵏⴰⵎⵓⵏ ⴷⴷⴰⵡ ⵜⴰⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵍⵍⵉⵖ ⵜⵃⴰⴹⵕ ⵎⴰⵙⵙⴰ ⵜⴰⵎⵡⴰⵙⴰⵙ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⴷ ⵓⵎⵡⵙⴰⵙ ⵏ ⵓⵙⵉⴷⴼ ⴰⴷⴰⵎⵙⴰⵏ ⴷ ⵜⵎⵙⵙⵏⵜⴰⵢ ⵎⵥⵥⵉⵏ ⴷ ⵓⵙⵡⵓⵔⵉ ⴷ ⵜⵎⵙⵓⴳⴰⵔ ⴷ ⵓⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷⵓⴱⴰⵕⵍⵎⴰⵏ ⴰⵎⵙⵉⵡⵍ ⵏ ⵜⵏⴱⴰⴹⵜ ⴷ ⵜⵎⴰⵡⵙⴰⵙⵜ ⵜⴰⵎⴰⵔⵉⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵓⵜⵜⵉ ⴰⵎⴰⵟⵟⵓⵏ ⴷ ⵓⵙⴳⴷⴷ ⵏ ⵜⵎⵙⵙⵓⴳⵓⵔⵜ.
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵙⵙ ⴰⴷ ⵢⴰⵏ ⵓⴽⴰⴱⴰⵕ ⵜⴰⵎⵓⵏⵜ ⵜⵎⴰⵖⵔⵉⴱⵉⵜ ⵏ ⵓⵙⵡⵓⵔⵉ (UMT) ⵙ ⵜⵏⵙⵙⵉⵅⴼⵜ ⵏ ⵓⵏⴼⵍⵓⵙ ⴰⵎⴰⵜⴰⵢ ⵎⴰⵙⵙ ⵍⵎⵉⵍⵓⴷⵉ ⵍⵎⵅⴰⵕⵉⵇ. ⵉⵡⵉⵏ ⵖ ⵓⴳⵔⴰⵡ ⴰⴷ ⴼ ⵡⴰⴷⴷⴰⴷⵏ ⵉⵥⵉⵍⵏ ⵍⵍⵉⵖ ⵉⵍⵍⴰ ⵓⵎⴹⴽⴰⵕ ⵉⴷⵓⵙⵏ ⵅⴼ ⵜⵓⴳⵜ ⵏ ⵉⵚⵏⴼⴰⵕⵏ ⵏ ⵓⵙⴳⴷⴷ ⵍⵍⵉ ⵜⴳⴳⴰ ⵜⵏⴱⴰⴹⵜ ⵖ ⵓⵙⵡⵓⴷⴷⵓ ⵏ ⵜⴰⵔⴰⵔⴰⵜⵉⵏ ⵏ ⵜⵉⴳⵍⴷⴰⵏⵉⵏ ⵢⵓⵜⵜⵓⵢⵏ ⴷ ⵓⵎⵛⴰⵛⴽⴰ ⴼ ⵓⴹⴼⵉⵔ ⵏ ⵜⵡⵓⵔⵉ ⴷ ⵓⵙⵡⵉⵏⴳⵎ ⵉⵜⵜⵓⵛⵕⴰⴽⵏ ⵃⵎⴰ ⴰⴷ ⵢⵉⵍⵉ ⵓⴼⵙⵙⴰⵢ ⵏ ⵉⵏⴰⵥⴰⵕⵏ ⵉⵏⴰⵎⵓⵏⵏ ⵣⵓⵏ ⴷ ⴰⵙⴳⴷⴷ ⵏ ⵉⵖⴰⵡⴰⵙⵏ ⵏ ⵜⴰⵏⴰⴼⵜ ⵍⵍⵉ ⵔⴰⴷ ⵜⵣⵓⴳⴳⵣ ⵜⵏⴱⴰⴹⵜ ⴰⵙⴳⴳⵯⴰⵙ ⴰⴷ.
ⵉⵙⴷⴷⵉⵙ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰ ⵙ ⴷ ⴰⵙⵏⵜⵉ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⴰⵔ ⵉⵙⴱⴰⵢⴰⵏ ⴰⵜⵉⴳ ⵍⵍⵉ ⵜⴼⴽⴰ ⵜⵏⴱⴰⴹⵜ ⵉ ⵓⵎⵙⵡⴰⵍ ⴰⵏⴰⵎⵓⵏ ⴷ ⵡⴰⵎⵎⴰⵙⵏ ⵏ ⵓⵎⵎⵓⵍⵉⵜⵏ ⴷ ⵜⴰⵎⵓⵏⵜ ⵏ ⵜⵎⵙⵙⵏⵜⴰⵢ ⵏ ⵍⵎⵖⵔⵉⴱ ⵖ ⵜⵖⵔⴰⵙⵜ ⵏ ⵓⵙⴷⵓⵙ ⵏ ⵉⵏⴱⴷⴰⴷⵏ ⵏ ⵡⴰⵏⴽ ⴰⵏⴰⵎⵓⵏ ⴷ ⵜⵡⵉⵙⵉ ⵏ ⵓⵙⴷⵓⵙ ⵏ ⵜⴷⵉⵏⴰⵎⵉⵜ ⵏ ⵜⴷⴰⵎⴰⵙⴰⵏⵜ ⵏ ⵜⵎⴰⵣⵉⵔⵜ ⵏⵏⵖ ⵙ ⵢⴰⵜ ⵜⴰⵖⴰⵔⴰⵙⵜ ⵏ ⵜⵛⵛⵓⵔⴽⴰ ⴷ ⵉⵙⵕⵚⴰⵏ ⵜⵓⴷⵔⵉⵡⵉⵏ ⵉⴷⴷⵔⵏ ⵏⴳⵔ ⵜⴰⵏⴱⴰⴹⵜ ⴷ ⵉⵎⵔⴰⵡⵏ ⵉⵏⴰⵎⵓⵏⵏ ⴷ ⵉⴷⴰⵎⵙⴰⵏⵏ.
ⵉⵙⴼⵔⵙ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⵜⴰⵢⴰⴼⵓⵜ ⵜⴰⵏⴰⵎⵓⵏⵜ ⵏ ⵜⵏⴱⴰⴹⵜ ⵎⴰ ⵙ ⵜⴱⵓⵖⵍⴰ ⵙⵍⴰⵀⵡⴰⵏ ⴰⴽⴽⵯ ⵍⵍⵉⵖ ⵜⵎⵓⵔⵙ ⵜⵏⴱⴰⴹⵜ ⵖ ⵓⵏⵏⵓⵕⵥⵎ ⵏ ⵓⵎⵙⴰⵡⴰⵍ ⴰⵎⴰⵙⴰⵢ ⴷ ⵡⴰⵎⵎⴰⵙⵏ ⵏ ⵉⵏⵎⵎⵓⵍⴰ ⵍⵍⵉ ⵉⵙⴷⵓⵙⵏ ⴰⴷⴷⴰⴷ ⴰⵎⵜⵜⴰⵏ ⵉⵎⵡⵓⵔⵉⵜⵏ ⵖ ⵜⵓⴳⵜ ⵏ ⵉⴳⵔⴰⵏ ⴷ ⵓⴼⵓⴽⴽⵓ ⵏ ⵎⴰⵏⵏⴰⵡ ⵉⵙⴷⴰⵡⵏ ⵉⵎⵥⵍⵉⵏ ⵍⵍⵉ ⵉⴱⵉⴷⵏ ⵎⵏⵛⴽ ⴰ ⵢⴰⴷ.
ⵉⵇⵇⴰⵏ ⴰⴷ ⵏⵙⴽⵜⵉ ⵎⴰⵙ ⴷ ⴰⴳⵔⴰⵡ ⵍⵍⵉ ⵉⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵓⴽⴰⴱⴰⵕ ⵏ ⵜⴰⵎⵓⵏⵜ ⵜⴰⵎⵖⵔⵉⴱⴱⵉ ⵏ ⵓⵙⵡⵓⵔⵉ (UMT) ⵔⴰⴷ ⵜ ⴷ ⴹⴼⵉⵕⵏ ⵎⴰⵏⵏⴰⵡ ⵏ ⵉⴳⵔⴰⵡⵏ ⵖ ⵡⴰⵏⵙⴰ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵖ ⵉⵎⴰⵍⴰⵙⵙ ⴰⴷ ⵏⵉⵜ, ⵍⵍⵉⵖ ⵔⴰⴷ ⵢⵉⵍⵉ ⵓⵙⵏⵓⴱⴳ ⵏ ⵢⴰⵏ ⵓⴽⴰⴱⴰⵕ ⵏ ⵜⴰⵎⵓⵏⵜ ⵜⴰⵎⴰⵜⴰⵢⵜ ⵏ ⵉⵎⵙⵓⵡⵓⵔⵉⵜⵏ ⵖ ⵍⵎⵖⵔⵉⴱ (UGTM) ⴷ ⵜⴽⵓⴼⵉⴷⴰⵔⵉⵍⵉⵜ ⵜⴰⴷⵉⵎⵓⵇⵕⵟⵉⵜ ⵏ ⵓⵙⵡⵓⵔⵉ (CDT) ⴷ ⵜⵎⴰⵓⵏⵜ ⵜⴰⵎⴰⵜⴰⵢⵜⵏ ⵜⵎⵙⵙⵏⵜⴰⵢ ⵏ ⵜⵎⵖⵔⵉⴱ (CGEM).
