ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵢⴰⵏ ⵓⴽⴰⴱⴰⵕ ⵏ ⵜⴰⵎⵓⵏⵜ ⵜⴰⵎⴰⵜⴰⵢⵜ ⵏ ⵉⵎⵙⵡⵓⵔⵉⵜⵏ ⴳ ⵍⵎⵖⵔⵉⴱ ⴳ ⵜⵙⵓⵜⵍⵜ ⵜⴰⵎⴰⵢⵏⵓⵜ ⵏ ⵓⵙⴰⵡⴰⵍ ⴰⵏⴰⵎⵓⵏ

ⵉⴹⴼⴰⵕ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵜⵓⵜ ⵏ ⵉⴳⵔⴰⵡⵏ ⵏ ⵜⵙⵓⵜⵍⵜ ⵜⴰⵎⴰⵢⵏⵓⵜ ⵏ ⵓⵙⴰⵡⴰⵍ ⴰⵏⴰⵎⵓⵏ ⴷⴷⴰⵡ ⵜⴰⵏⵙⵙⵉⵅⴼⵜ ⵍⵍⵉⵖ ⵉⵙⵏⵓⴱⴱⴳ ⴰⵙⵙ ⵏ ⴰⴽⵕⴰⵙ 27 ⵎⴰⵕⵚ 2024 ⵢⴰⵏ ⵓⴽⴰⴱⴰⵕ  ⵏ ⵜⴰⵎⵓⵏⵜ ⵜⴰⵎⴰⵜⴰⵢⵜ ⵏ ⵉⵎⵙⵡⵓⵔⵉⵜⵏ ⴳ ⵍⵎⵖⵔⵉⴱ (UGTM) ⵙ ⵜⵏⵙⵙⵉⵅⴼⵜ ⵏ ⵓⵎⵔⴰ ⴰⵎⴰⵜⴰⵢ ⵎⴰⵙⵙ ⵏⵏⵉⵄⴰⵎ ⵎⵢⴰⵕⴰ, ⵍⵍⵉⵖ ⵜⵃⴰⴹⵕ ⵎⴰⵙⵙⴰ ⵜⴰⵎⵡⴰⵙⴰⵙ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⴷ ⵓⵎⵡⵙⴰⵙ ⵏ ⵓⵙⵉⴷⴼ ⴰⴷⴰⵎⵙⴰⵏ ⴷ ⵜⵎⵙⵙⵏⵜⴰⵢ ⵎⵥⵥⵉⵏ ⴷ ⵓⵙⵡⵓⵔⵉ ⴷ ⵜⵎⵙⵓⴳⴰⵔ ⴷ ⵜⵎⴰⵡⴰⵙⴰⵙⵜ ⵜⴰⵎⵉⵔⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵓⵜⵜⵓ ⴰⵎⴰⵟⵟⵓⵏ ⴷ ⵜⵎⵙⵙⵓⴳⴰⵓⵔⵜ ⴷ ⵓⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷⵓⴱⴰⵕⵍⵎⴰⵏ.
ⵜⴳⴰ ⵜⵙⵓⵜⵍⵜ ⴰⴷ ⵜⴰⵎⴰⵢⵏⵓⵜ ⵏ ⵓⵙⴰⵡⴰⵍ ⴰⵏⴰⵎⵓⵏ ⵢⴰⵜ ⵜⵉⵣⵉ ⵏ ⵓⵎⴹⴰⴽⴰⵕ ⵅ ⵓⵙⵓⵜⵔⵏ ⵏ ⵉⵎⵙⵡⵓⵔⵉⵜⵏ. ⵜⵙⴷⴷⵉⴷ ⴰⵡⴷ ⵜⵏⴱⴰⴹⵜ ⵅⴼ ⵜⵅⵓⵔⵉ ⵉⵜⵜⵓⵛⵔⴰⴽⵏ ⴷ ⵜⵎⴰⵙⴰⵢⵜ ⴷ ⵉⵎⴷⵔⴰⵡⵏ ⵏⵏⵙ ⵉⵏⴰⵎⵓⵏⵏ ⴷ ⵉⴷⴰⵎⵙⴰⵏⵏ, ⵖ ⵜⵖⵔⴰⵙⵜ ⵏ ⵓⵙⵎⵔⵙⵍ ⵓⵏⵎⵙⴰⵡⴰⵍ ⴰⵏⴰⵎⵓⵏ ⵍⵍⵉⵖ ⵜⵓⵍⵍ ⵜⵏⴱⴰⴹⵜ ⵙ ⵓⵙⵡⵉⵔ ⵏ ⵜⵖⵔⴰⵙⵜ ⵜⴰⵙⵜⵔⴰⵜⵉⵊⵉⵜ ⵙ ⵓⵙⵡⵓⴷⴷⵓ ⵏ ⵉⵥⵉⵕ ⴰⴳⵍⴷⴰⵏ ⵢⴰⵜⵜⵓⵢⵏ.
ⵉⵙⴷⴷⵉⴷ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴳ ⵓⴳⵔⴰⵡ ⴰⴷ ⴼ ⵡⴰⵜⵉⴳ ⴰⵏⴰⵎⵎⴰⵙ ⵏ ⵜⵡⵓⵊⴰ ⴷ ⵉⵎⵙⵡⵓⵔⵉⵜⵏ ⴷ ⵜⵎⴳⴳⵉⵢⵉⵏ ⵍⵍⵉ ⵜⴳⴳⴰ ⵜⵏⴱⴰⴹⵜ ⵍⵍⵉⵖ ⵜⵓⵍⵍ ⵜⵏⴱⴰⴹⵜ ⵖ ⵜⵖⵔⴰⴷ ⵏ ⵜⵓⴳⵜ ⵏ ⵉⵎⵙⵡⵓⵔⵉⵜⵏ ⴹⵕⴰⵜ ⵜⵉⵙⵓⵜⵍⵉⵏ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⵍⵍⵉⵖ ⵜⵓⵍⵍ ⵖ ⵡⴰⵜⵉⴳ ⵏ ⵜⵖⵔⴰⴷ ⵉⴷⵔⵓⵙⵏ (SMIG) ⴷ ⵓⵙⵙⵓⴳⵜ ⵖ ⵜⵖⵔⴰⴷ ⵏ ⵉⴳⵔ ⴰⵏⴼⵍⴰⵃ (SMAG).
ⵖ ⵓⵎⴹⴰⴽⴰⵕ ⵍⵍⵉⵖ ⵜⵍⵍⴰ ⵢⴰⵜ ⵜⵎⴰⵙⴰⵢⵜ, ⵉⵡⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰ ⵙ ⴳⴰⵏ ⵓⴽⴽⵓⵙⵏ ⵉⵏⴰⵎⵓⵏ ⴰⴷ ⵍⵍⵉ ⵙ ⵜⵥⴹⴰⵕ ⵜⵏⴱⴰⴹⵜ ⴰⴷ ⵜⵏ ⵜⵙⴽⵔ ⴰⵔ ⵉⵙⴱⴰⵢ ⵜⴰⵔⵉⵜ ⵉⴷⵓⵙⵏ ⴷ ⵓⵙⵔⵇⴱ ⴰⵙⵔⵜⴰⵏ ⵏ ⵜⵏⴱⴰⴹⵜ ⵃⵎⴰ ⴰⴷ ⵜⵔⴰⵔ ⵉ ⵉⵙⵓⵜⵔⵏ ⵏ ⵉⵎⵙⵓⵡⵓⵔⵉⵜⵏ ⴷ ⴰⵔ ⵜⵉⵔⵉⵜ ⵏ ⵉⵍⵍⴰⵏ ⴰⵡⴷ ⴷⴰⵔ ⵜⵉⵏⴰⵎⵎⴰⵙⵉⵏ ⵉⵎⵎⵓⵍⴰ.
ⵉⵇⵇⴰⵏ ⴰⴷ ⵏⵙⴽⵜⵉ ⵎⴰ ⵙ ⴷ ⵜⴱⴷⴰ ⵜⵙⵓⵜⵍⵜ ⵏ ⵓⵎⵙⵡⴰⵍ ⴰⵏⴰⵎⵓⵏ ⵉⴹⴳⴰⵎ ⵏ ⵓⵙⵉⵏⴰⵙ ⵙ ⵢⴰⵏ ⵓⴳⵔⴰⵡ ⵍⵍⵉ ⵉⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵓⴽⴰⴱⴰⵕ ⵏ ⵜⴰⵎⵓⵏⵜ ⵜⴰⵎⵖⵔⵉⴱⴱⵉ ⵏ ⵓⵙⵡⵓⵔⵉ (UMT). ⵔⴰⴷ ⵜ ⴷ ⵙⵓⵍ ⴹⴼⵉⵕⵏ ⵎⴰⵏⵏⴰⵡ ⵏ ⵉⴳⵔⴰⵡⵏ ⵢⴰⴹⵏⵉⵏ  ⵙ ⵢⴰⵏ ⵓⴳⵔⴰⵡ ⴷ ⵜⴽⵓⴼⵉⴷⴰⵔⵉⵍⵉⵜ ⵜⴰⴷⵉⵎⵓⵇⵕⵟⵉⵜ ⵏ ⵓⵙⵡⵓⵔⵉ (CDT) ⴷ ⵜⵎⴰⵓⵏⵜ ⵜⴰⵎⴰⵜⴰⵢⵜⵏ ⵜⵎⵙⵙⵏⵜⴰⵢ ⵏ ⵜⵎⵖⵔⵉⴱ (CGEM).