ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵓⵏⴼⵍⵓⵙ ⴰⵎⴰⵜⴰⵢ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴷ ⵜⴳⵎⵉ ⵜⴰⴷⴰⵎⵙⴰⵏⵜ (OCDE)
ⵉⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴰⵙⵙ ⵏ ⵓⴽⵕⴰⵙ ⴳ ⵕⵕⴱⴰⵟ ⵉⵎⵙⴳⴷⴰⵍⵏ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴷ ⵜⴳⵎⵉ ⵜⴰⴷⴰⵎⵙⴰⵏⵜ (OCDE), ⵎⴰⵙⵙ ⵎⴰⵜⵢⴰⵙ ⴽⵓⵕⵎⴰⵏ ⵍⵍⵉⵖ ⵙⵙⵉⵎⵖⵓⵔⵏ ⵙ ⵓⵎⵢⴰⵡⴰⵙ ⵉⴷⴷⵔⵏ ⵉⵖⵓⴷⴰⵏ ⵍⵍⵉ ⵉⵣⴷⵉⵏ ⵜⴰⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⵎⴰⴷⴷⴰⵙⵜ ⵜⴳⵔⴰⵖⴰⵍⴰⵏⵜ.
ⵉⵡⵉⵏ ⴷ ⵖ ⵉⵎⴹⴰⴽⴰⵕⵏ ⵅⴼ ⵜⵓⴳⵜ ⵏ ⵜⵖⴰⵡⵙⵉⵡⵉⵏ ⵖ ⵉⵍⵍⴰ ⵓⵙⵎⴰⵍ ⵏ ⵜⴳⵉⵔⴰ ⵏ ⵓⵖⴰⵡⴰⵙ ⵏ ⵜⵎⵓⵔⵜ ⵡⵉⵙ ⵙⵉⵏ ⵍⵍⵉ ⵉⵙⵎⵓⵏ ⵏⴳⵔ ⵍⵎⵖⵔⵉⴱ ⴷ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴷ ⵜⴳⵎⵉ ⵜⴰⴷⵓⵙⴰⵏⵜ
ⵖ ⵉⵍⵍⴰ ⵓⵙⵖⵓⴷⵓ ⵏ ⵓⴹⴼⵉⵔ ⴷ ⵓⵎⵢⴰⵡⴰⵙ ⴳ ⵓⵙⵓⴳⴳⵣ ⵏ ⵜⵓⴳⵜ ⵏ ⵉⵙⴳⴳⴷⵏ ⵉⴷⵓⵙⵏ ⵉⵥⵍⵉⵏ ⵙ ⵜⵏⵓⴱⴹⴰ ⵜⴰⴳⴷⵓⴷⴰⵏⵜ ⴷ ⵜⴷⴰⵎⵙⴰ ⴷ ⵓⵙⵙⴰⵔⵓ ⴷ ⵓⵙⵉⴷⴼ ⴰⵏⴰⵎⵓⵏ ⴰⵡⴷ ⴷ ⵜⴳⵎⵉ ⵜⴰⵙⴳⴰⵡⴰⵏⵜ, ⵙ ⵜⵖⴰⵔⴰⵙⵜ ⵏ ⵓⵙⵙⵓⴳⵜ ⵏ ⵜⵙⵏⵙⵉⵡⵉⵏ ⵉⵥⵉⵍⵏⵣⵖ ⵖⵓⵔ ⵜⵎⴰⴷⴷⴰⵙⵜ.
ⵉⵙⴽⵜⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⴳⵔⴰⵡ ⴰⴷ ⵉⵙⵏⴼⵍⵏ ⵉⵏⴰⵎⵓⵏⵏ ⴷ ⵉⴷⴰⵎⵙⴰⵏⵏ ⵢⴰⵜⵜⵢⵓⵏ ⵍⵍⵉ ⵜⴳⴰ ⵜⵎⴰⵣⵉⵔⵜ ⵏⵏⵖ ⴷⴷⴰⵡ ⵜⵉⵍⴰⵍ ⴷ ⵜⵉⵏⵏⵓⴱⴹⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵚⵕ ⵔⴱⴱⵉ, ⵍⵍⵉ ⵢⵓⵊⵊⴰⵏ ⵍⵎⵖⵔⵉⴱ ⴰⴷ ⵉⴳ ⵢⴰⵏ ⵡⴰⴳⴳⴰⴹ ⴰⴷⴰⵎⵙⴰⵏ ⵍⵍⵉ ⵢⴰⵜⵜⵓⵢⵏ ⴳ ⵜⵙⴳⴰ ⵢⴰⴷ ⵙ ⵜⵖⴰⵔⴰⵙⵜ ⵏ ⵜⵙⵜⵕⴰⵜⵉⵊⵉⵏ ⵜⵉⵎⴰⴳⴳⵓⵎⵏ ⴳ ⵜⵓⴳⵜ ⵏ ⵉⴳⵔⴰⵏ ⴷⴰⵔ ⵉⵎⴰⵍ ⵉⵥⵉⵍⵏ ⵣⵓⵏ ⴷ ⵜⵉⵥⴹⴰⵕⵉⵏ ⵉⵜⵜⵓⵙⵎⴰⵢⵏⵓⵏ ⴷ ⵓⵀⵉⴷⵕⵓⵊⵉⵏ ⴰⵣⴳⵣⴰ ⴷ ⵜⵎⴳⵓⵔⵉ ⵏ ⵜⵀⵉⵔⴰ ⴷ ⵜⴰⵢⵍⴰⵏⵉⵏ.
ⵖⵉⴽⵍⵍⵉ ⵉⵙⵙⵉⵎⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵜⵉⵢⴰⴼⵓⵜⵉⵏ ⵉⵥⵉⵍⵏ ⵏ ⵜⵖⵓⵔⵉ ⵜⴰⵎⵣⵡⴰⵔⵓⵜ ⵍⵍⵉ ⵜⵙⴽⵔ ⵜⴰⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴷ ⵜⴳⵎⵉ ⵜⴰⴷⴰⵎⵙⴰⵏⵜ ⵅⴼ ⵍⵎⵖⵔⵉⴱ ⵉⵥⵍⵉⵏ ⵙ ⵓⵙⵎⵏⵉⴷ ⵏ ⵏ ⵡⴰⴷⴷⴰⴷ ⴰⴷⴰⵎⵙⴰⵏ ⵏ ⵜⴳⵍⴷⵉⵜ, ⵍⵍⵉ ⴼ ⵉⵙⴰⵡⵍ ⵎⴰⵙⵙ ⵎⴰⵜⵢⴰⵙ ⴽⵓⵕⵎⴰⵏ ⵖ ⵉⵎⴹⴰⴽⴰⵕⵏ ⴰⴷ. ⵙ ⵜⵎⵍⴷⴰ ⵢⴰⴷ, ⵉⵡⵉⵏ ⴷ ⵙ ⵙⵉⵏ ⵎⴰ ⵙ ⵔⴰⴷ ⵢⵉⵍⵉ ⵓⵙⵡⵓⴷⴷⵓ ⵏ ⵜⴷⵉⵏⴰⵎⵉⵜ ⵏ ⵓⵎⵢⴰⵡⴰⵙ ⴷ ⵔⴰⴷ ⴷⴷⵓⵏ ⴳ ⵜⵖⵔⴰⵙⵜ ⵍⵍⵉ ⵔⴰⴷ ⵉⵕⵥⵎ ⵉⵎⵏⵉⴷⵏ ⵢⴰⴹⵏⵉⵏ ⵏ ⵓⵎⵢⴰⵡⴰⵙ.
ⵉⴳⴰ ⵓⵖⴰⵡⴰⵙ ⵏ ⵜⵎⵓⵔⵜ ⵡⵉⵙ ⵙⵉⵏ ⵢⴰⵏ ⵓⵥⵎⵎⴰⵥⵍ ⵍⵍⵉ ⵔⴰⴷ ⵉⵙⵖⵓⴷⵓ ⵜⵉⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵏⴳⵔ ⵍⵎⵖⵔⵉⴱ ⴷ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴷ ⵜⴳⵎⵉ ⵜⴰⴷⴰⵎⵙⴰⵏⵜ, ⵍⵍⵉⵖ ⵜⴳⴰ ⵜⴳⵍⴷⵉⵜ ⵜⴰⵎⴰⵣⵉⵔⵜ ⵜⴰⵎⵣⵡⴰⵔⵓⵜ ⴳ ⵜⵙⴳⴰ ⵏ ⵉⵥⵍⵍⵎⴹ ⵏ ⵉⴼⵔⵉⵇⵢⴰ ⴷ ⵍⵇⴱⵍⵜ ⵜⴰⵏⴰⵎⵎⴰⵙⵜⴷ ⵜⵉⵙ ⴽⴽⵓⵥⵜ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⵍⵍⵉ ⵢⵓⵙⵏ ⴳ ⵓⵎⴰⵢⴰⵡⴰⵙ ⴰⴷ ⵢⴰⵜⵜⵓⵢⵏ.
ⵉⵇⵇⴰⵏ ⴰⴷ ⵏⵙⴽⵜⵉ ⵎⴰ ⵙ ⴷ ⴰⵖⴰⵡⴰⵙ ⴰⵎⴰⵣⵡⴰⵔⵓ 2015-2018 ⵢⵓⵡⵙ ⴳ ⵓⵙⵡⵓⴷⴷⵓ ⵏ ⵜⵓⴳⵜ ⵏ ⵉⵙⴳⴳⴷⵏ ⵍⵍⵉ ⵉⴳⴰ ⵍⵎⵖⵔⵉⴱ ⴳ ⴰⵟⵟⴰⵚ ⵏ ⵉⴳⵔⴰⵏ ⵉⴷⴰⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⴳ ⵓⵙⵡⵉⵔ ⵏ ⵜⵉⵏⵏⵓⴱⴹⴰ.
