ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 19 ⵛⵓⵜⴰⵏⴱⵉⵔ 2024

• ⴰⵢⵍⵍⵉ ⵉⵥⵍⵉⵏ ⵙ ⵓⵙⵏⵜⵉ ⵏ ⵓⵍⴳⵏ ⵓⵟⵟⵓⵏ54.23 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵙⵍⴳⵏ ⵓⵟⵟⵓⵏ65.00 ⵉⵥⵍⵉⵏ ⵙ ⵓⵙⴼⵍⵙ ⵓⵛⵛⵉⵍ ⵉⵙⵉⵍⴰⵏ ⵅⴼ ⵜⵎⴰⴹⵓⵏⵜ ⴷ ⵓⵙⴽⴰⵔ ⵏ ⵓⵍⵓⴳⵏ ⵙⵔⵙ ⵉⵥⵍⵉⵏ, ⵉⵙⵙⵓⵏⴼⵜ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵔ ⴰⵙⵇⵇⵉⵎ ⵢⴰⴹⵏⵉⵏ ⵃⵎⴰ ⴰⴷ ⴼⵍⵍⴰⵙ ⵜⵉⵖⵓⴷⵓ ⵜⵖⵓⵔⵉ.
• ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.394 ⵉⵥⵍⵉⵏ ⵙ ⵓⵖⵓⴷⵓ ⴷ ⵜⴰⵏⴼⵔⵓⵜ ⵜⴰⴷⵓⵙⴰⵏⵜ ⵏ ⵉⵙⴳⴰⴹⵏ ⵍⵍⵉ ⵉⵏⵣⵣⴰⵏ ⴳ ⵉⴳⴰⴷⴰⵣⵏ, ⵉⵃⵢⵉⵍ ⵜ ⵎⴰⵙⵙ ⵎⵓⵃⵎⵎⴰⴷ ⵚⴰⴷⵉⵇⵉ, ⴰⵎⴰⵡⴰⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴳⴰⵏⵉⵏ.
• ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24..766 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.02.177 ⵍⵍⵉ ⵉⴼⴼⴰⵖⵏ ⵖ 9 ⴷⵉⵍⵃⵉⵊⵊⴰ 1422 ⵉⵎⵙⴰⵙⵏ ⴷ 22 ⴱⴰⵔⴰⵢⵔ 2002 ⵉⵙⵖⵥⵏ ⵜⵖⴰⵔⴰⵙⵜ ⵏ ⵜⵓⵚⴽⴰ ⵎⵏⵉⴷ ⵉⵏⴷⵓⴷⵉⵏ ⵎⵓ ⵜⵜⵉⵏⵉⵏ « R.P.S.2000 » ⵍⵍⵉ ⵉⵙⵡⵓⴷⴷⵓⵏ ⵜⴰⵡⵓⵔⵉ ⵅⴼ ⵜⴷⵔⵡⵉⵏ ⴳⵉⵙ ⵉⵍⵍⴰⵏ ⴷ ⵎⴰⵎⵏⴽ ⵙ ⵔⴰⴷ ⴰⵏⴼⵏⵜ ⵉ ⵓⵏⴷⵓⴷⵉ ⴷ ⵓⵙⴽⴰⵔ ⵏ ⵢⴰⵜ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵓⵜⵡⴰⵍ ⵏ ⵜⴰⵏⴰⴼⵜ ⵏ ⵉⵏⴷⵓⴷⵉⵏ, ⵜⵃⵢⵉⵍ ⵜ ⵉⴷ ⴼⴰⵜⵉⵎⴰ ⵥⴰⵀⵕⴰ ⵍⵎⵏⵚⵓⵕⵉ, ⵜⴰⵎⴰⵡⵙⴰⵙⵜ ⵏ ⵓⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵙⵖⵔⵎ ⴷ ⵓⵣⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ.
• ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵔⵉ ⵏⵏⵙ ⵙ ⵓⵎⴹⴰⴽⴰⵕ ⴷ ⵓⵙⵖⵥⵏ ⵏ ⵓⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.767 ⵉⵙⵏⴼⵍⵏ ⴰⵎⵕⵙⵓⵎ ⵓⵟⵟⵓⵏ 2.12.666 ⵍⵍⵉ ⵉⴼⴼⵖⵏ ⴳ 17 ⴳ ⵕⴰⵊⴰⴱ 1434 ⵉⵎⵙⴰⵙⴰⵏ ⴷ 28 ⵎⴰⵢⵓ 2013  ⵙ ⵓⵙⵖⵥⵏ ⵅⴼ ⵜⵖⴰⵔⴰⵙⵜ ⵏ ⵜⵓⵚⴽⴰ ⵎⵏⵉⴷ ⵉⵏⴷⵓⴷⵉⵏ ⵍⵍⵉ ⵉⵙⵡⵓⴷⴷⵓⵏ ⵜⴰⵡⵓⵔⵉ ⵅⴼ ⵜⴷⵔⵡⵉⵏ ⵉⵜⵜⵓⵚⴽⴰⵏ ⵙ ⵉⵔⵔⵉⵙ ⴷ ⵓⵙⴽⴰⵔ ⵏ ⵢⴰⵜ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵜⴷⵔⵡⵉⵏ ⵉⵜⵜⵓⵚⴽⴰⵏ ⵙ ⵉⵔⵔⵉⵙ, ⵜⵃⵢⵉⵍ ⵜ ⵉⴷ ⴼⴰⵜⵉⵎⴰ ⵥⴰⵀⵕⴰ ⵍⵎⵏⵚⵓⵕⵉ, ⵜⴰⵎⴰⵡⵙⴰⵙⵜ ⵏ ⵓⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵙⵖⵔⵎ ⴷ ⵓⵣⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ.

ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.

• ⴳ ⵜⵎⴰⵡⴰⵙⵜ ⵏ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵏⵎⴰⵍⴰ : 
  • ⵎⴰⵙⵙ ⵄⴰⴱⴷ ⵙⵙⵍⴰⵎ ⴱⵏⵄⵎⵎⵓ, ⴰⵏⵎⵀⴰⵍ ⵏ ⵜⵖⴰⵡⵙⵉⵡⵉⵏ ⵜⵉⵎⵙⵙⵓⴳⴰⵔ ⴷ ⵜⴰⵎⴰⵜⴰⵢⵉⵏ;
• ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵜⵜⵓⵙⵏⵎⴰⵍⴰⵏ :
  • ⵎⴰⵙⵙ ⵅⴰⵍⵉⴷ ⵍⵇⵍⵄⵉ, ⴰⵏⵎⵀⴰⵍ ⵏ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵜⴰⵜⵉⴽⵏⵓⵍⵓⵊⵉⵜ ⴳ ⵜⴰⵚⵚⵓⵕⵜ ;
  • ⵎⴰⵙⵙ ⵙⴰⵄⵉⴷ ⵕⴰⵇⵕⴰⵇ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵉⵎⴰⵙⵙⴰⵏⵏ ⴷ ⵉⵜⵉⵇⵏⵉⵢⵏ  ⴳ ⵎⵕⵕⴰⴽⵯⵛ.
  • ⵎⴰⵙⵙ ⵄⴰⴱⴷ ⵚⵚⴰⵎⴰⴷ ⵛⵔⵉⴼ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵉⴳⵜⵉⵥⵍⵉⵢⵏ ⴳ ⵓⵙⴼⵉ.