ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵢⴰⵏ ⵓⴳⵔⴰⵡ ⵏ ⵜⵙⵏⵓⵔⴰⵢⵜ ⵓⵎⵛⵉⵡⴰⵕ ⵅⴼ ⵜⵙⵔⵜⵉⵜ ⵏ ⵜⵉⵎⵛⵛⵓⵔⴽⴰ ⵏ ⵡⴰⵏⴽ
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵡⵓⴽⴰⵡⴰⵙ ⴳ ⵕⵕⴱⴰⵟ, ⵢⴰⵏ ⵓⴳⵔⴰⵡ ⵏ ⵜⵙⵏⵓⵔⴰⵢⵜ ⵓⵎⵛⵉⵡⴰⵕ ⵅⴼ ⵜⵙⵔⵜⵉⵜ ⵏ ⵜⵉⵎⵛⵛⵓⵔⴽⴰ ⵏ ⵡⴰⵏⴽ, ⵍⵍⵉⵖ ⵃⴰⴹⵕⵏ ⵜⵓⴳⵜ ⵏ ⵉⵎⴰⵡⵙⴰⵙⵏ, ⵖⵉⴽⵍⵍⵉ ⴷ ⵉⴷⴷⴰⵏ ⴳ ⵓⵙⵍⴳⵏ ⵓⵟⵟⵓⵏ 82.20 ⵍⵄⵍⵉ ⵉⵥⵍⵉⵏ ⵙ ⵓⵙⴽⴰⵔ ⵏ ⵜⵙⵏⵓⵔⴰⵢⵜ ⵏ ⵓⵙⵡⵓⴷⴷⵓ ⴰⵙⵜⵕⵜⵉⵊⵉ ⵏ ⵜⵉⵎⵛⵛⵓⵔⴽⴰ ⵏ ⵡⴰⵏⴽ ⵉⴹⴼⴰⵔ ⴰⵡⴷ ⴰⵙⵖⵓⴷⵓ ⵏ ⵜⵡⵓⵔⵉ ⵏ ⵜⵎⵔⵙⴰⵍ ⴷ ⵜⵎⵙⵏⵜⴰⵢ ⵜⵉⴳⴷⵓⴷⴰⵏⵉⵏ.
ⵉⵜⵜⴼⴽⴰ ⴳ ⵓⴳⵔⴰⵡ ⴰⴷ ⴰⵙⵖⵥⵏ ⵅⴼ ⵓⵙⵏⴼⴰⵕ ⵏ ⵜⵙⵔⵜⵉⵜ ⵏ ⵜⵉⵎⵛⵛⵓⵔⴽⴰ ⵍⵍⵉ ⴷ ⵜⵃⵢⵢⵉⵍ ⵜⵙⵏⵓⵔⴰⵢⵜ ⵉⵙⵎⵏⵉⴷ ⵜ ⴰⵏⵎⵀⴰⵍ ⴰⵎⴰⵜⴰⵢ ⵎⴰⵙⵙ ⵄⴰⴱⴷ ⵍⵍⴰⵟⵉⴼ ⵣⴰⵖⵏⵓⵏ.
ⵉⴷⴷⴰ ⴷ ⵓⴳⵔⴰⵡ ⴰⴷ ⴳ ⵜⵖⴰⵔⴰⵙⵜ ⵏ ⵓⴷⵖⵓⴷⵓ ⵖ ⵉⵍⵍⴰ ⵓⵙⵖⵥⵏ ⵏ ⵉⵎⵏⵉⴷⵏ ⵉⵙⵜⵕⴰⵜⵉⵊⵉⵏ ⵜⵉⵎⵛⵛⵓⵔⴽⴰ ⵏ ⵡⴰⵏⴽ ⴳ ⵓⵎⵣⵡⴰⵔⵓ ⵏ ⵢⵓⵏⵢⵓ 2024 ⴳ ⵜⴳⵎⵎⵉ ⵜⵓⵎⵍⵉⵍⵜ (ⴷⴷⴰⵕ ⵍⴱⵉⴹⴰ) ⵍⵍⵉⵖ ⵉⵜⵜⵓⵙⴰⴽⵔ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ ⵍⵍⵉ ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ. ⵢⵉⵍⵉ ⴰⵡⴷ ⵓⵙⵏⵎⴰⵍⴰ ⵏ ⵓⴳⵔⴰⵡ ⵡⵉⵙ ⴽⴽⵓⵥ ⵏ ⵓⵙⵇⵇⵉⵎ ⴰⵎⵙⵙⵓⴳⵓⵔ ⵏ ⵜⵙⵏⵓⵔⴰⵢⵜ ⴳ ⵢⵓⵍⵢⵓⵣ 2024 ⴳ ⵕⵕⴱⴰⵟ ⵍⵍⵉ ⵜⵙⵙⵉⵅⴼ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⴳ ⵃⴰⴹⵕⵏ ⵉⴳⵎⴰⵎⵏ ⵓⵙⵇⵇⵉⵎ ⴰⵎⵙⵙⵓⴳⵓⵔ.
ⴳ ⵓⴳⵔⴰⵡ ⴷ ⵉⴷⴷⴰⵏ ⵔⴰⴷ ⵉⵜⵜⵓⵙⴽⴰⵔ ⵓⵙⵎⵏⵉⴷ ⵏ ⵓⵙⵏⴼⴰⵕ ⵏ ⵜⵙⵔⵜⵉⵜ ⵏ ⵜⵉⵎⵛⵛⵓⵔⴽⴰ ⵉ ⵓⵙⵇⵇⵉⵎ ⵓⵏⴱⵉⴹ ⵃⵎⴰ ⴰⴷ ⴼⵍⵍⴰⵙ ⵢⵉⵍⵉ ⵓⵎⴹⴰⴽⴰⵕ ⴷ ⵓⵙⵖⵥⵏ ⴷ ⴰⴷ ⵉⵜⵜⴳⴰ ⵜⴰⵡⵓⵔⵉ ⵙⵔⵙ ⵉⵥⵍⵉⵏ ⵙ ⵖⵎⴽⵍⵍⵉ ⴷ ⵉⴷⴷⴰⵏ ⴳ ⵉⵥⵉⵕ ⴰⴳⵍⴷⴰⵏ ⵢⴰⵜⵜⵓⵢⵏ ⴰⴼⴰⴷ ⴰⴷ ⵢⵉⵍⵉ ⵓⵙⴳⴷⴷ ⴳ ⵉⴳⵔ ⴰⴳⵓⴷⵓⴷⴰⵏ ⴷ ⵓⵙⴰⵙⴼⵔ ⵏ ⵉⵎⵓⴽⵔⵉⵙⵏ ⵏ ⵜⵎⵔⵙⴰⵍ ⴷ ⵜⵎⵙⵏⵜⴰⵢ ⵜⵉⴳⴷⵓⴷⴰⵏⵉⵏ ⵃⵎⴰ ⴰⴷ ⵢⵉⵍⵉ ⵓⵎⵙⴰⵙⴰ ⴳ ⵜⵡⵓⵔⵉⵡⵉⵏ ⵍⵍⵉ ⵜⵜⴳⴰⵏⵜ ⴷ ⵓⵙⵖⵓⴷⵓ ⵏⵙⵏⵜ ⵜⴰⴷⴰⵎⵙⴰⵏⵜ ⴷ ⵜⵏⴰⵎⵓⵏⵜ.
ⵉⵇⵇⴰⵏ ⴷ ⴰⴷ ⵏⵙⴽⵜⵉ ⵎⴰ ⵉⵜⵜⵓⵙⴽⴰⵔ ⵓⵙⵏⵏⴼⴰⵕ ⴰⴷ ⵙ ⵢⴰⵜ ⵜⵖⵔⴰⵙⵜ ⵏ ⵓⵎⵛⵛⵉⵡⴰⵕ, ⵍⵍⵉⵖ ⵜⵜⵓⵙⴽⴰⵔⵏ ⵜⵓⴳⵜ ⵏ ⵉⵎⵛⵉⵡⵉⵔⵏ ⴷ ⵜⵓⴳⵜ ⵏ ⵉⵎⴷⵔⴰⵡⵏ ⵖ ⵍⵍⴰⵏⵜ ⵜⵎⴰⵡⴰⵙⵉⵏ ⴷ ⵜⵎⵔⵙⴰⵍ ⴷ ⵜⵙⵏⵓⵔⴰⵢ ⵜⵉⴳⴷⵓⴷⴰⵏⵉⵏ ⵢⴰⴹⵏⵉⵏ ⴷ ⵉⴳⵔ ⵉⵎⵥⵍⵉ ⴷ ⵜⵙⵏⵓⵔⴰⵢ ⵏ ⵉⵜⵉⵇⵏⵉⵏ ⵃⵎⴰ ⴰⴷ ⵢⵉⵍⵉ ⵓⵙⵓⵊⴷ ⵙ ⴰⵢⵍⵍⵉ ⵙⵖⴰⵡⵙⴰⵏ.
ⵉⵕⵚⴰ ⵓⵙⵏⴼⴰⵕ ⵏ ⵜⵙⵔⵜⵉⵜ ⵜⵉⵎⵛⵛⵓⵔⴽⴰ ⵅⴼ ⵢⴰⵏ ⵓⵖⴰⵡⴰⵙ ⵉⴷⵓⵙⵏ ⵍⵍⵉⵖ ⵉⵜⵜⴰⵡⵙ ⵓⵡⴰⵏⴽ, ⵉⴱⵉⴷ ⵅⴼ ⴽⵕⴰⴹⵜ ⵜⵉⵔⵙⴰⵍ :
- ⵜⵙⵔⵜⵉⵜ ⵜⵉⵎⵛⵛⵓⵔⴽⴰ ⵉⵎⵎⴰⵍⵏ ⵉⵎⵏⵉⴷⵏ ⵏ ⵡⴰⵏⴽ ⴳ ⵜⵡⵉⵙⵉ ⴷ ⴰⵢⵍⵍⵉ ⴼⵍⵍⴰⵙ ⵉⵍⵍⴰⵏ ⴷ ⵉⵡⵜⵜⴰⵙⵏ ⵍⵍⵉ ⴰⵔ ⵜⵜⵇⵇⵍ ⴷⴰⵔ ⵜⵎⵔⵙⴰⵍ ⴷ ⵜⵎⵙⵏⵜⴰⵢ ⵜⵉⴳⴷⵓⴷⵏⵉⵏ ;
- ⵜⵉⵏⵏⵓⴱⴹⴰ ⵜⵎⵔⵙⴰⵍⴰⵏⵜ ⵉⵕⵚⴰⵏ ⵅⴼ ⵓⵙⴷⵓⵙ ⵏ ⵜⵡⵓⵔⵉ ⵏ ⵡⴰⵏⴽ ⵙ ⵜⵖⴰⵔⴰⵙⵜ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ;
- ⵢⴰⵏ ⵉⴳⵔ ⵉⴼⴰⵡⵏ ⵏ ⵓⵙⵓⴳⴳⵣ ⵏ ⵜⵙⵔⵜⵉⵜ ⵏ ⵜⵉⵎⵛⵛⵓⵔⴽⴰ ⵏ ⵡⴰⵏⴽ ⵙ ⵢⴰⵜ ⵜⵖⴰⵔⴰⵙⵜ ⵜⴰⴷⵉⵏⴰⵎⵉⵜ ⵉⵎⵙⴰⵙⴰⵏ ⴷ ⵉⵡⵜⵜⴰⵙⵏ ⴷ ⵉⵏⵥⴰⵕⵏ ⵏ ⵡⴰⵏⴽ ⴰⵎⵛⵛⴰⵔⴽⵓ.
