ⵉⵙⵙⵉⵏⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴳⵔⴰⵡ ⴰⵎⴰⵣⵡⴰⵔⵓ ⵏ ⵜⵙⵇⵇⵉⵎⵜ ⵜⴳⵔⵎⴰⵡⵙⴰⵙⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵡⵓⴷⴷⵓ ⵏ ⵓⵖⴰⵡⴰⵙ ⵏ ⵡⴰⵍⵍⴰⵙ ⵏ ⵜⵓⵚⴽⴰ ⵉ ⵜⵙⴳⴳⵉⵡⵉⵏ ⵉⵜⵜⵓⵜⵏ ⵙ ⵉⵏⴳⴰⵢⵏ ⵖ ⵉⴼⴼⵓⵙ ⵏ ⵍⵇⴱⵍⵜ ⵏ ⵜⴳⵎⴷⵉⴷⵜ
- ⵙ ⵓⵙⵡⵓⴷⴷⵓ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵔⴰⴷ ⵜⵜⵓⴼⴽⵉ ⵢⴰⵜ ⵜⵡⵉⵙⵉ ⵏ ⵓⵇⴰⵕⵉⴹ ⵎⴰ ⵉⵜⵜⴳⴰⵏ 80 ⵏ ⵉⴼⴹ ⴷ 140 ⵏ ⵉⴼⴹ ⵏ ⴷⴷⵔⵀⵎ ⵉ ⵡⴰⵍⵍⴰⵙ ⵏ ⵜⵓⵚⴽⴰ ⵏ 1.121 ⵏ ⵜⴳⵯⵎⵎⴰ ⵍⵍⵉ ⵉⵔⴷⵍⵏ ⵙ ⵉⵎⵉⴽ ⵏⵖ ⴷ ⵜⵉⵍⵍⵉ ⴽⵓⵍⵍⵓ ⵉⵔⴷⵍⵏ.
ⴳ ⵜⵖⴰⵔⴰⵙⵜ ⵏ ⵓⵙⵡⵓⴷⴷⵓ ⵏ ⵓⵖⴰⵡⴰⵙ ⵍⵍⵉ ⵜⵙⵏⵜⵉ ⵜⵏⴱⴰⴹⵜ ⵉⵥⵍⵉⵏⵙ ⵡⴰⵍⵍⴰⵙ ⵏ ⵜⵓⵚⴽⴰ ⵉ ⵜⵙⴳⴳⵉⵡⵉⵏ ⵉⵜⵜⵓⵜⵏ ⵙ ⵉⵏⴳⴰⵢⵏ ⵖ ⵉⴼⴼⵓⵙ ⵏ ⵍⵇⴱⵍⵜ ⵏ ⵜⴳⵎⴷⵉⴷⵜ ⵍⵍⵉ ⴷ ⴷⴷⴰⵏⵜ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ, ⵉⵙⵙⵉⵏⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵡⴰⴽⵕⴰⵙ 2 ⴽⵟⵓⴱⵕ 2024 ⴰⴳⵔⴰⵡ ⴰⵎⴰⵣⵡⴰⵔⵓ ⵏ ⵜⵙⵇⵇⵉⵎⵜ ⵜⴳⵔⵎⴰⵡⵙⴰⵙⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵡⵓⴷⴷⵓ ⵏ ⵓⵖⴰⵡⴰⵙ ⵏ ⵡⴰⵍⵍⴰⵙ ⵏ ⵜⵓⵚⴽⴰ ⵉ ⵜⵙⴳⴳⵉⵡⵉⵏ ⵉⵜⵜⵓⵜⵏ ⵙ ⵉⵏⴳⴰⵢⵏ ⵖ ⵉⴼⴼⵓⵙ ⵏ ⵍⵇⴱⵍⵜ ⵏ ⵜⴳⵎⴷⵉⴷⵜ.
ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵉⴼⵔⴷⵉⵙⵏ ⵏ ⵓⵖⴰⵡⴰⵙ ⴰⴷ ⴷ ⵉⵚⵏⴼⴰⵕⵏ ⵙⵔⵙ ⵉⵥⵍⵉⵏ ⴷ ⵉⵎⴰⵙⵙⵏ ⴷ ⵜⵖⴰⵔⴰⵙⵉⵏ ⵏ ⵓⵙⵓⴳⴳⵯⵣ ⵏⵏⵙ ⵖⵉⴽⵍⵍⵉ ⵙ ⴷ ⵉⵇⵇⴰⵏ. ⵢⴰⵡⵉⴷ ⴰⵡⴷ ⵅⴼ ⵓⵓⵙⵖⵉⵡⵙ ⵏ ⵓⵇⵇⴰⵕⵉⴹ ⵍⵍⵉ ⵙ ⴷ ⵉⵇⵇⴰⵏ ⴰⴷ ⵉⵜⵜⵓⴼⴽⴰ ⵖ ⵓⵣⵓⴳⴳⵯⵣ ⵏ ⵓⵖⴰⵡⴰⵙ ⴰⴷ ⵍⵍⵉ ⵉⵥⵍⵉ ⵎⴰ ⵉⵜⵜⴳⴰⵏ ⵎⴰ ⵉⵜⵜⴳⴰⵏ 2,5 ⵎⵍⵢⴰⵕ ⵏ ⴷⴷⵔⵀⵎ ⵍⵍⵉ ⵔⴰⴷ ⵉⵎⵓⵏ ⵏ ⵓⴼⵏⵉⵇ ⴰⵏⴰⵎⵓⵔ ⵏ ⵓⵙⴱⴷⴷⵉ ⵏ ⴰⵢⵍⵍⵉ ⴼⵍⵏⵜ ⵜⵡⴰⵖⵉⵜⵉⵏ ⵏ ⵓⴳⴰⵎⴰ ⵜⵉⴳⴰⵎⴰⵏⵉⵏ.
ⵙ ⵓⵙⵡⵓⴷⴷⵓ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ, ⴰⵢⵍⵍⵉ ⵉⵥⵍⵉⵙ ⵙ ⵓⵙⴷⴰⵡ ⴷ ⵓⵙⴷⵓⵙ ⵏ ⵉⵣⴷⴷⵓⵖⵏ ⵉⵜⵜⵓⵜⵏ, ⵔⴰⴷ ⵜⴼⴽ ⵜⵏⴱⴰⴹⵜ ⵢⴰⵜ ⵜⵡⵉⵙⵉ ⵏ ⵓⵇⴰⵕⵉⴹ ⵉ ⵡⴰⵍⵍⴰⵙ ⵏ ⵜⵓⵚⴽⴰ ⵏ 1.121 ⵏ ⵜⴳⵯⵎⵎⴰ, 269 ⵍⵍⵉ ⵉⵔⴷⵍⵏ ⴽⵓⵍⵍⵓ ⵉⵔⴷⵍⵏ ⴷ 852 ⵍⵍⵉ ⵉⵔⴷⵍⵏ ⵙ ⵉⵎⵉⴽ. ⵉⴳⴰ ⵡⴰⵜⵉⴳ ⵏ ⵎⴰⵢⴰⵏ ⵎⴰ ⵉⵜⵜⴳⴰⵏ 80 ⵉ ⵜⴳⵯⵎⵎⴰ ⵍⵍⵉ ⵉⵔⴷⵍⵏ ⵙ ⵉⵎⵉⴽ ⵏ ⵉⴼⴹ ⴷ 140 ⵏ ⵉⴼⴹ ⵏ ⴷⴷⵔⵀⵎ ⵉ ⵜⵉⵍⵍⵉ ⴽⵓⵍⵍⵓ ⵉⵔⴷⵍⵏ.
ⵖⵉⴽⵍⵍⵉ ⵉⵍⵍⴰ ⵖ ⵓⵖⴰⵡⴰⵙ ⴰⴷ ⴰⵖⴰⵡⴰⵙ ⵏ ⵡⴰⵍⵍⴰⵙ ⵏ ⵜⵓⵚⴽⴰ ⵉ ⵜⵙⴳⴳⵉⵡⵉⵏ ⵉⵜⵜⵓⵜⵏ ⵙ ⵉⵏⴳⴰⵢⵏ ⵖ ⵉⴼⴼⵓⵙ ⵏ ⵍⵇⴱⵍⵜ ⵏ ⵜⴳⵎⴷⵉⴷⵜ, ⴰⵍⵍⴰⵙ ⵏ ⵓⵙⴳⵉⴷⴷⵉ ⵏ ⵉⴱⵔⴷⴰⵏ ⴷ ⵉⵖⴰⵔⴰⵙⵏ ⴷ ⵓⵥⵟⵟⴰ ⵏ ⵜⵔⵉⵙⵉⵏⵜⵉ ⴷ ⵡⴰⵎⴰⵏ ⵏ ⵜⵉⵙⵙⵉ ⴷ ⵡⴰⵎⴰⵏ ⵉⵊⵍⵅⵏ. ⵔⴰⴷ ⵜⴻⵜⵜⵓⴼⴽⵉ ⴰⵡⴷ ⵜⵡⵉⵙⵉ ⵉ ⵉⵎⵓⵙⵙⵓⵜⵏ ⵉⵏⴼⵍⴰⵃⵏ ⵙⵍⴰⵀⴰⵡⴰⵏ ⴰⴽⴽⵯ ⵉⴳⵔⴰⵏ ⵎⵉⵥⵥⵉⵏ ⴷ ⵉⵏⴰⵎⵎⴰⵙⵏ, ⴷ ⴰⴷ ⵜⵜⵓⴼⴽⵉ ⵜⵡⵉⵙⵉ ⵉ ⵉⴽⵙⵙⴰⴱⵏ ⵍⵍⵉ ⵎⵎⵓⵜⵏⵜ ⵓⵍⵍⵉ ⵏⵏⵙⵏ ⵖ ⵉⵏⴳⴰⵢⵏ ⴰⴷ ⵉⵣⵔⵉⵏ ⵃⵎⴰ ⴰⴷ ⵏⵔⴰⵔ ⵜⵓⴷⵔⵜ ⵉ ⵉⵎⵓⴷⴰⵔ ⵖ ⵜⵉⵙⴳⴳⵡⵉⵏ ⴰⴷ ⵍⵍⵉ ⵉⵜⵜⵓⵜⵏ. ⵢⵉⵍⵉ ⴰⵡⴷ ⵡⴰⵍⵍⴰⵙ ⵏ ⵜⵓⵚⴽⴰ ⵏ ⵜⴷⵔⵡⵉⵏ ⵜⵉⴳⴷⵓⴷⴰⵏⵉⵏ ⵍⵍⵉ ⵉⵜⵜⵓⵜⵏ ⵙ ⵉⵏⴳⴰⵢⵏ.
ⵉⵃⴰⴹⵕ ⴳ ⴳⵔⴰⵡ ⴰⴷ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙ : ⵄⴰⴱⴷ ⵍⵍⴰⵟⵉⴼ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵓⴳⵯⵏⵙ ⴷ ⵏⴰⴷⵢⴰ ⴼⵜⴰⵃ, ⵜⴰⵎⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⴷ ⵏⵉⵥⴰⵕ ⴱⴰⵕⴰⴽⴰ, ⴰⵎⴰⵡⵙⴰⵙ ⵏ ⵓⵇⵡⵡⵎ ⴷ ⵡⴰⵎⴰⵏ ⴷ ⴼⴰⵜⵉⵎⴰ ⵣⵣⴰⵀⵔⴰ ⵎⴰⵏⵚⵓⵕⵉ, ⵜⵎⴰⵡⵙⴰⵙⵜ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴷ ⵓⵙⵖⵔⵎ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ ⴷ ⵎⵓⵃⵎⵎⴰⴷ ⵚⴰⴷⵉⵇⵉ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴳⴰⵏⵉⵏ ⴷ ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵜⵎⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵍⵜ ⴷ ⵎⵓⵟⴰⴼⴰ ⴱⴰⵢⵜⵜⴰⵙ, ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⴰⵕⵍⵎⴰⵏ, ⴰⵎⵙⵉⵡⵍ ⴰⵎⴰⴷⴷⴰⵙ ⵙ ⵉⵙⵎ ⵏ ⵜⵏⴱⴰⴹⵜ.
