ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 10 ⴽⵟⵓⴱⵕ 2024
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 6 ⵖ ⵕⴰⴱⵉⵄ ⴰⵎⴳⴳⴰⵔⵓ1446 ⵉⵎⵙⴰⵙⴰⵏ ⴰⴽⴷ 10 ⴽⵟⵓⵏⵕ 2024 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⵉⵥⵍⵉ ⵓⴳⵔⴰⵡ ⵙ ⵜⴽⵛⵛⵓⵎⵜ ⵜⴰⵣⵓⵏⴰⵏⵜ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
ⴳ ⵜⵣⵡⵓⵔⵉ ⵏ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⴷ, ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵢⴰⵜ ⵜⴽⵛⵛⵓⵎⵜ ⵅⴼ ⵉⵎⴰⵢⵏⵓⵜⵏ ⵏ ⵓⴽⵛⵛⵓⵎ ⴰⵙⴷⴰⵡⴰⵏ 2024-2025, ⵉⵙⵎⵉⴷ ⵜ ⵎⴰⵙⵙ ⵄⴱⴷⵍⵍⴰⵜⵉⴼ ⵎⵉⵔⴰⵡⵉ, ⴰⵎⴰⵡⵙⴰⵙ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ.
ⵉⵙⴷⴷⵉⴷ ⵎⴰⵙⵙ ⴰⵎⴰⵡⵙⴰⵙ ⵎⴰ ⵙ ⵉⵙⵏⵜⵉ ⵓⴽⵛⵛⵓⵎ ⴰⵙⴷⴰⵡⴰⵏ ⵏ ⵓⵙⴳⴳⵯⴰⵙ ⴷⴷⴰⵡ ⵏ ⵜⵎⴰⵜⴰⵔⵜ : « ⵜⴰⵔⴰⵏⴰⵡⵜ ⴷ ⵜⵎⴰⵟⵟⵓⵏⵜ ⴷ ⵓⵙⵥⴹⵕ », ⵍⵍⵉⵖ ⵔⴰⴷ ⴷ ⵓⵣⵣⵔⵏ ⵉⵚⵏⴼⴰⵕⵏ ⵉⵙⵜⵕⴰⵜⵉⵊⵉⵏ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵜⴰⵣⵣⴰⵣⵜ ⵏ ⵓⵙⵏⴼⵍ ⵏ ⵉⵖⴰⵡⴰⵙⵏ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ PACTE ESRI ⵖⵉⴷ ⵙ 2030.
ⴰⵢⵍⵍⵉ ⵉⵥⵍⵉⵏ ⵙ ⵓⵛⵛⵉⵍⵏ ⴷ ⵉⵎⴰⵢⵏⵓⵜⵏ ⵏ ⵓⴽⵛⵛⵓⵎ ⴰⵙⴷⴰⵡⴰⵏ, ⵉⵏⵏⴰ ⵎⴰⵙⵙ ⴰⵎⴰⵡⵙⴰⵙ ⵎⴰ ⵙ ⵍⵍⴰⵏ ⵜⵓⴳⵜ ⵏ ⵉⵎⵃⴹⴰⵕⵏ ⵍⵍⵉ ⵉⵜⵜⵡⴰⵜⵜⵙⵏ ⵉⵙⵎⵓⵜⵜⴳⵏ ⵏ ⵜⴰⵙⴷⴰⵡⵉⵜ. ⵍⴽⵎⵏ ⴰⵔ ⵖⵉⵍⴰⴷ ⵎⴰ ⵉⵜⵜⴳⴰⵏ ⵏⴳⵔ 5% ⴰⵔ 6% ⵖ ⵉⵙⴳⴳⵯⴰⵙⵏ ⵉⴳⴳⵯⵔⴰⵏ. ⵍⴽⵎⵏ ⵖⵉⵍⴰⴳ ⵓⵟⵟⵓⵏ ⵏ ⵎⴰ ⵉⵜⵜⴳⴰⵏ 1,3 ⵎⵍⵢⵓⵏ ⵏ ⵓⵎⵃⴹⴰⵕ ⴷ ⴰⵔ ⵙⴱⵔⵔⴰⴽⵏⵜ ⵜⵎⵔⵙⴰⵍ ⵏ ⵓⵙⵍⵎⴷ ⴰⵏⴰⴼⵍⵍⴰ ⵖ ⵓⵙⴳⴳⵯⴰⵙ ⴰⴷ 344.679 ⵏ ⵓⵎⵃⴹⴰⵕ ⴰⵎⴰⵢⵏⵓ.
ⵉⵡⵉ ⴷ ⴰⵡⴷ ⵎⴰⵙⵙ ⴰⵎⴰⵡⵙⴰⵙ ⵎⴰ ⵙ ⴰⴽⵛⵛⵓⵎ ⴰⵙⴷⴰⵡⵏ ⵏ ⵓⵙⴳⴳⵯⴰⵙ ⴰⴷ ⵔⴰⴷ ⵢⴰⵡⵙ ⵖ ⵓⵣⵓⴳⴳⵣ ⵏ ⵡⴰⵏⴰⵡ ⴰⴱⵉⴷⴰⵖⵓⵊⵉ ⴰⵎⴰⵢⵏⵓ ⵖ ⵉⵍⵍⴰ ⵓⵙⵡⵉⵔ ⵏ ⵎⴰⵙⵜⵔ ⴷ ⵜⵎⵔⵙⴰⵍ ⵏ ⵓⵙⵍⵎⴷ ⴰⵏⴰⴼⵍⵍⴰ ⵍⵍⵉ ⵎⵓ ⵉⵃⵓⴷⴷⴰ ⴰⵢⵍⵍⵉ ⵜⵜⴰⵎⵥⵏⵜ. ⴷⴰⵔⵙⵏⵜ ⴰⵡⴷ ⵢⴰⵏ ⵓⴼⵙⴰⵔ ⵓⵙⵎⵓⵜⵜⴳ ⴰⵎⵢⴰⵏⴰⵡ ⵍⵍⵉ ⵉⵜⵜⴷⴷⵓⵏ ⵖ ⵜⵖⵔⴰⵙⵜ ⵏ ⵜⵎⵣⵡⵓⵔⵉⵏ ⵜⵉⵏⴰⵎⵓⵔⵉⵏ ⵏ ⵎⴰ ⵉⵜⵜⴳⴰⵏ 4000 ⵏ ⵉⵙⵓⴽⴰ ⵍⵍⵉ ⵎⵓ ⵉⵍⵍⴰ ⵓⵙⵖⵥⵏ ⵏⵏⵙⵏ ⵙ ⵉⵎⴰⵙⵙⵏ ⵉⵎⴰⵢⵏⵓⵜⵏ ⵍⵍⵉ ⵉⵎⵙⴰⵙⴰⵏ ⴷ ⵜⵙⵓⵜⵍⵜ ⵜⴰⵎⴰⵢⵏⵓⵜ ⵏ ⵓⵏⵏⵓⵕⵥⵎ ⵏ ⵜⵙⴷⴰⵡⵉⵜ ⵜⴰⵎⵖⵔⵉⴱⵉⵜ ⵉⵛⵕⵎⴹⵏ MyMoroccanUniv ⵉ ⵉⵎⵃⴹⴰⵕⵏ ⵉⵙⴷⴰⵡⴰⵏⵏ ⵖ ⵓⵙⵡⵉⵔ ⵏ ⵓⵚⵏⴼⴰⵕ ⵏ ⵓⵎⵓⵜⵜⵉ ⴰⵎⴰⵟⵟⵓⵏ ⴳ ⵜⵙⴷⴰⵡⵉⵏ ⵜⵉⴳⴷⵓⴷⴰⵏⵉⵏ ⵜⵉⵎⵖⵔⵉⴱⵉⵢⵉⵏ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.23.100 ⵉⵙⵏⵎⴰⵍⴰⵏ ⵜⴰⵎⵎⴰⴽⵉⵏ ⵏ ⵓⵙⵡⵓⴷⴷⵓ ⵏ ⵓⵙⵔⵓⵙ ⴷ ⵓⵣⵎⵎⵉⵎ ⵏ ⵜⵉⵎⵙⵙⵓⵔⵉⵏ ⵜⵉⵖⵔⵎⴰⵏⵉⵏ ⵏ ⵡⴰⴽⴰⵍ, ⵉⵙⵏⵎⵉⴷ ⵜ ⵎⴰⵙⵙ ⵄⴱⴷⵍⵍⴰⵟⵉⴼ ⵡⴰⵀⴱⵉ, ⴰⵎⴰⵡⵙⴰⵙ ⵏ ⵜⵣⵔⴼⵜ.
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⵏ ⵓⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.23.101 ⵉⵙⵏⵎⴰⵍⴰⵏ ⵜⴰⵎⵎⴰⴽⵉⵏ ⵏ ⵓⵙⵡⵓⴷⴷⵓ ⵏ ⵓⵙⵔⵓⵙ ⴷ ⵓⵣⵎⵎⵉⵎ ⵏ ⵜⵉⵎⵙⵙⵓⵔⵉⵏ ⵉⵥⵍⵉⵏ ⵙ ⵉⵣⵔⴼⴰⵏ ⵉⴽⵎⴰⵎⵏ ⴷ ⵓⵣⵎⵎⴰⵏ ⴰⵏⴰⵎⵓⵔ ⴰⵎⴰⵟⵟⵓⵏ ⵏ ⵜⵙⵏⵓⵔⴰⵢ (ⴰⵏⴰⵡ ⴰⵎⴰⵢⵏⵓ), ⵉⵙⵏⵎⵉⴷ ⵜ ⵎⴰⵙⵙ ⵄⴱⴷⵍⵍⴰⵟⵉⴼ ⵡⴰⵀⴱⵉ, ⴰⵎⴰⵡⵙⴰⵙ ⵏ ⵜⵣⵔⴼⵜ.
- ⴰⵢⵍⵍⵉ ⵉⵥⵍⵉⵏ ⵙ ⵓⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.23.101 ⵉⵥⵍⵉⵏ ⵙ ⵏ ⵓⴳⵯⵏⵙ ⵏ ⵓⵎⴰⵜⵔ ⵉⴳⵔⴰⵏ ⵉⵎⴰⵡⵙⴰⵙⵏ, ⵉⵎⵎⴰⵜⵜⵉ ⵙ ⵜⵉⵣⵉ ⵢⴰⴹⵏⵉⵏ ⴱⴰⵛ ⴰⴷ ⴼⵍⵍⴰⵙ ⵢⵉⵍⵉ ⵓⵙⵙⵓⴳⵜ ⵏ ⵓⵎⴹⴰⴽⴰⵕ.
- ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵙ ⵓⴹⴰⴽⴰⵕ ⴷ ⵓⵙⵖⵥⵏ ⵏ ⵓⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.23.971 ⵉⵥⵍⵉⵏ ⵙ ⵓⵖⴰⵡⴰⵙ ⴰⵙⴳⴰⵡⴰⵏ ⵏ ⵜⴳⵎⵉ ⴷ ⵓⵙⵡⵓⴷⴷⵓ ⵏ ⵜⴳⵎⵔⵜ ⴷ ⵜⴳⵎⵉⵍⵜ ⵖ ⵡⴰⵎⴰⵏ ⵏ ⴱⵕⵕⴰ ⵍⵍⵉⵖ ⵏⵏ ⴳⵉⵙ ⵣⵓⵢⴷⵉⵏⵜ ⵜⴰⵏⵏⴰⵢⵉⵏ ⴼⵍⵍⴰⵙ ⵉⵜⵜⴰⵡⵏⵏⴰⵏ, ⵉⵙⵎⵉⴷ ⵜ ⵎⴰⵙⵙ ⵎⵓⵃⵙⵉⵏ ⵊⴰⵣⵓⵍⵉ, ⴰⵎⴰⵡⵙⴰⵙ ⴰⵎⵉⵔⵉ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⴰⵏ ⵙ ⵓⵙⵙⴰⵔⵓ ⴷ ⵓⵙⵎⵙⴰⵙⴰ ⴷ ⵓⵙⵜⴰⵍ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴳ ⵓⴷⵖⴰⵔ ⵎⴰⵙⵙ ⵎⵓⵃⵎⵎⴰⴷ ⵚⴰⴷⵉⵇⵉ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴳⴰⵏⵉⵏ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⴹⴰⴽⴰⵕ ⴼ ⵢⴰⵜ ⵜⴰⵎⵢⴰⵇⵇⴰⵏⵜ ⵉⴳⴰⵏ ⴰⵙⵏⴼⵍ ⵏ ⵜⵎⵙⴽⴰⵜⴰⵢ ⵏⴳ ⵜⴰⴳⵍⵉⴷⵜ ⵜⴰⵎⵖⵔⵉⴱⵉⵜ ⴷ ⵜⴰⴳⵍⵉⴷⵜ ⵏ ⵙⴱⴰⵏⵢⴰ ⵍⵍⵉ ⵉⵜⵜⵓⵙⴳⵎⴹⵏ ⵖ 08 ⵏ ⵎⴰⵕⵚ 2024 ⵉⵥⵍⵉⵏ ⵓⵙⵓⵙⵙⵏ ⴰⵎⴷⵔⴰⵡ ⵙ ⵜⵓⵔⴰⴳⵉⵏ ⵏ ⵓⴷⴰⵀ ⵜⵉⵏⴰⵎⵓⵔⵉⵏ ⴷ ⵓⵙⵏⴼⵍ ⵏⵏⵙⵏⵜ ⵍⵍⵉ ⵉⵜⵜⵙⴳⵎⴰⴹⵏ ⵖ ⵎⴰⴷⵔⵉⴷ ⵖ 29 ⴱⵕⴰⵢⵕ ⴷ 6 ⵎⴰⵕⵚ 2004 ⴷ ⵓⵏⵙⴼⴰⵕ ⵏ ⵓⵙⵍⴳⵏ ⵓⵟⵟⵓⵏ 25.24 ⵍⵍⵉ ⵉⵙⵖⵥⵏ ⵜⵎⵢⴰⵇⵇⴰⵏⵜ ⴰⴷ, ⵉⵙⵎⵏⵉⴷ ⵜⵏ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵕⵉⵇⵉⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵉⴳⴰ ⵓⵡⵜⵜⴰⵙ ⵏ ⵓⵙⵏⴼⵍ ⴰⴷ ⵉⵥⵍⵉⵏ ⵙ ⵓⴳⵟⵟⵓⵎ ⵡⵉⵙ ⴽⴽⵓⵥ ⵏ ⵜⵎⵢⴰⵇⵇⴰⵏⵜ ⴰⴷ ⴰⴷ ⵓⵔ ⵣⵣⵔⵉⵏ ⵉⵎⵃⵔⴰⵢ ⵉⵎⵖⵔⵉⴱⵉ ⵍⵍⵉ ⵉⵔⴰⵏ ⴰⴷ ⵙⵏⴼⵍⵏ ⵜⵓⵔⴰⴳⵜ ⵏ ⵓⵏⴷⴰⵀ ⵙ ⵜⵓⵔⴰⴳⵜ ⵏ ⵓⵏⴷⴰⵀ ⵏ ⵙⴱⴰⵏⵢⴰ ⵉⵔⵉⵎ ⵙⵔⵙ ⵉⵥⵍⵉⵏ. ⵖⵉⴽⴰⵏⵏ ⴰⴼ ⵉⵍⵍⴰ ⴼ ⵉⵎⵃⵔⴰⵢ ⵉⵎⵖⵔⵉⴱⵉⵏ ⵉⵔⴰⵏ ⴰⴷ ⵙⵏⴼⵍⵏ ⵜⵓⵔⴰⴳⵜ ⵏ ⵓⵏⴷⴰⵀ ⵙ ⵜⵉⵏ ⵙⴱⴰⵏⵢⴰ ⴳ ⵡⴰⵏⴰⵡ C ⴷ E+E ⴷ D ⴷ D+E ⴰⴷ ⵣⵣⵜⵉⵏ ⵉⵔⵉⵎ ⵏ ⵓⵏⴷⴰⵀ ⵖ ⵉⴱⵔⴷⴰⵏ ⵉⵕⵥⵎⵏ ⵉ ⵡⴰⵙⵙⴰⵢ ⴰⴳⴷⵓⴷⴰⵏ ⵙ ⵏ ⵢⴰⵜ ⵜⵎⵙⵙⵓⴷⵓⵜ ⵏⵖ ⴷ ⵜⵓⴳⵜ ⵏ ⵜⵎⵙⵙⵓⴷⵓⵜⵉⵏ ⵍⵍⵉ ⵢⴰⵙ ⵜⴰⴽⴽⴰ ⵜⵓⵔⴰⴳⵜ ⴰⵏⵏ ⵏ ⵓⵏⴷⴰⵀ.
