ⵉⵙⵙⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵢⴰⵏ ⵓⴳⵔⴰⵡ ⵏ ⵉⵎⴷⵔⴰⵡⵏ ⵖ ⵉⵙⵓⴽⴰ ⵏ ⵓⵙⵢⴰⴼⵓ ⵏⴰⵏⴼⵍⴰⵃ ⵍⵍⵉ ⵔⴰⴷ ⵢⴰⵍⵍ ⵓⵙⴷⴷⵔ ⵏ ⵉⴳⵔ ⵏⴰⵏⴼⵍⴰⵃ ⴷ ⵓⴹⴰⴽⴰⵍ ⵜⵊⴰⵡⵜ ⵏ ⵉⴳⴰⴷⴰⵣⵏ
ⵉⵙⵙⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⵖⴰⵙⵙⴰⴷ ⵏ ⵓⴽⵡⴰⵙ ⵖ ⵕⵕⴱⴰⵟ, ⵢⴰⵏ ⵓⴳⵔⴰⵡ ⵏ ⵉⵎⴷⵔⴰⵡⵏ ⵖ ⵉⵙⵓⴽⴰ ⵏ ⵓⵙⵢⴰⴼⵓ ⵏⴰⵏⴼⵍⴰⵃ ⵍⵍⵉ ⵔⴰⴷ ⵢⴰⵍⵍ ⵓⵙⴷⴷⵔ ⵏ ⵉⴳⵔ ⵏⴰⵏⴼⵍⴰⵃ ⴷ ⵓⴹⴰⴽⴰⵍ ⵜⵊⴰⵡⵜ ⵏ ⵉⴳⴰⴷⴰⵣⵏ ⵖ ⵜⵖⴰⵔⴰⵙⵜ ⵏ ⵓⵙⵙⵓⵊⴷ ⵏ ⵜⵙⵓⵜⵍⵜ ⵜⴰⵏⴼⵍⴰⵃⵜ 2024-2025 ⵍⵍⵉ ⴷ ⵉⴷⴷⴰⵏ ⴹⵕⴰⵜ ⵙⵎⵎⵓⵙ ⵏ ⵉⵙⴳⴳⵯⴰⵙⵏ ⵏ ⵜⵖⴰⵔⵜ (ⵡⴰⵣⴰⵖ) ⵉⵛⵇⵇⴰⵏ ⵍⵍⵉ ⵉⴹⵕⵕⴰⵏ ⴰⴽⴽⵯ ⵉⴳⵔ ⵏ ⵜⴼⵍⵍⴰⵃⵜ. ⵓⴽⴰⵏ ⴷⴷⴰⵏⵜ ⴷ ⵜⵎⴳⴳⵉⵢⵉⵏ ⵃⵎⴰ ⴰⴷ ⴰⵡⵙⵏⵜ ⵓⴽⵔⴰⵢ ⵏ ⵡⴰⵜⵉⴳ ⵏ ⵉⵙⴰⵢⴰⴼⵓⵜⵏ ⵉⵏⴼⵍⴰⵃⵏ ⴷ ⵡⴰⵔⴰⵢ ⵏ ⵏ ⵉⵎⵓⴷⴰⵔ ⴷ ⵓⵙⵏⴼⵍ ⵏⵏⵙ ⴷ ⵔⴰⴷ ⵢⵉⵍⵉ ⵓⵙⴷⵓⵙ ⵏ ⵉⴳⵔ ⴰⵏⴼⵍⴰⵃ ⴷ ⵜⴰⴳⴳⴰⵥⵜ ⵏ ⵉⴳⵔ ⴰⵏⴼⴰⵍⵃ ⵎⵏⵉⴷ ⵏ ⵢⴰⵏ ⵡⴰⴷⴷⴰⴷ ⴰⴳⵔⴰⵖⵍⴰⵏ ⵍⵍⵉ ⵓⵔ ⵉⵙⴼⵕⴰⵃⵏ ⵖ ⵉⵍⵍⴰ ⵓⵙⵏⴼⵍ ⵏ ⵓⵏⴳⵉⴳⵜ ⴷ ⵜⴷⵔⵓⵙⵉ ⵡⴰⵎⴰⵏ.
ⵉⴳⴰ ⵓⴳⵔⴰⵡ ⴰⴷ ⴰⵡⴷ ⵢⴰⵜ ⵜⵉⵣⵉ ⵍⵍⵉⵖ ⵉⵍⵍⴰ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵎⴰⵙⵙⵏ ⵍⵍⵉ ⵔⴰⴷ ⵢⴰⵡⵙ ⴼⴰⴷ ⴰⴷ ⵢⵉⵍⵉ ⵓⵎⵢⴰⵙ ⵍⵍⵉ ⴼ ⵉⵍⵍⴰ ⵓⵙⵖⴰⵡⵙⴰ ⵖ ⵉⵙⵓⴽⴰ ⵏ ⵉⵎⵓⴷⴰⵔ ⵣⵓⵏ ⴷ ⴰⴽⵯⴼⴰⵢ, ⵜⴰⵢⵏⵉⵡⵉⵏ ⵏ ⵜⵉⵢⵏⵉ ⴷ ⵉⵛⴰⴽⴰⵏ ⴷ ⵉⵎⵖⴰⵢⵏ ⵉⵎⵎⵉⵎⵏ ⴷ ⵔⵔⵓⵥ ⴷ ⵡⴰⵎⵓⴷ ⴷ ⵜⵎⵥⵉⵏ.
ⵉⵙⴷⴷⵉⴷ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⵎⴰ ⵔⴰⴷ ⵜⴰⵡⵙ ⵜⵏⴱⴰⴹⵜ ⵏ ⵉⵎⵙⵡⵓⵔⵉⵜⵏ ⵖ ⵉⵙⵓⴽⴰ ⵏ ⵓⵙⵢⴰⴼⵓ ⵏⴰⵏⴼⵍⴰⵃ ⵃⵎⴰ ⴰⴷ ⵢⵉⵍⵉ ⵓⵙⴳⴷⴷ ⴷ ⵓⵙⵖⵓⴷⵓ ⵏ ⵉⵙⵓⴽⴰ ⵖ ⵓⵙⵡⵓⴷⴷⵓ ⵉⵖⵓⴷⴰⵏ ⵏ ⵉⴽⵛⵛⵓⵎⵏ ⴷ ⵡⴰⴷⴷⴰⵏ ⵏ ⵓⵙⴰⵢⴰⴼⵓ, ⵉⵏⵏⴰ ⵎⴰ ⵙ ⴷ ⵜⴰⵏⴱⴰⴹⵜ ⵔⴰⴷ ⵜⴽⵎⵎⵍ ⵖ ⵜⵡⵓⵔⵉ ⵏⵏⵙ ⵖ ⵜⵖⵔⴰⵙⵜ ⵏ ⵜⴰⵔⴰⵜⵉⵏ ⵜⵉⴳⴷⵓⴷⴰⵏⵉⵏ ⵢⴰⵜⵜⵓⵢ ⵙ ⵓⵙⵓⵊⴷ ⵏ ⵉⵙⵙⴰⵔⵓⵜⵏ ⵉⵎⴰⴷⴷⴰⵙⵏ ⵎⵓ ⵉⴳ ⴰⵡⴰⵡⵜⵜⴰⵙ ⵏⵏⵙⵏ ⴰⵙⴱⵓⵖⵍⵓ ⵉ ⵉⴳⵔ ⴰⵏⴼⵍⴰⵃ ⴼⴰⴷ ⴰⴷ ⵉⵎⵙⴰⵙⴰ ⵙ ⵓⵎⵓⴽⵔⵉⵙ ⵏ ⵓⵙⴳⵓⵏⴼⵓ ⵍⵍⵉⵖ ⵜⵜⵓⵙⴽⴰⵔⵏⵜ ⵜⵓⴳⵜ ⵏ ⵜⵎⴳⴳⵉⵢⵉⵏ ⵏ ⵡⴰⵍⵍⴰⵙ ⵏ ⵎⵏⵏⴰⵡ ⵉⵙⵓⴽⴰ ⵏ ⵓⵙⵢⴰⴼⵓ.
ⵜⴱⵉⴷⴷ ⵜⵏⴱⴰⴹⵜ ⵅⴼ ⵓⵙⵡⵓⴷⴷⵓ ⵏ ⵓⵣⵣⵓⴳⵣ ⵏ ⵜⵓⴳⵜ ⵏ ⵜⵎⴳⴳⵉⵢⵉⵏ ⵏ ⵓⵖⴰⵡⵍ ⵍⵍⵉ ⵔⴰⴷ ⵢⴰⵡⵙ ⵖ ⵓⴽⵔⴰⵢ ⵏ ⵡⴰⵜⵉⴳ ⵏ ⵉⵙⵢⴰⴼⵓⵜⵏ ⵉⵏⴼⵍⴰⵃⵏ ⵃⵎⴰ ⴰⴷ ⴰⵡⵙⵏ ⵉ ⵉⵡⴷⴰⵏ ⴳ ⵜⵉⵥⴹⵉⵕⵜ ⵏ ⵍⵎⵄⵉⵛⵜ ⵖⵓⵔ ⵉⵏⵎⵓⵔⴰ ⴷ ⵓⴹⴰⴽⴰⵍ ⵜⵊⴰⵡⵜ ⵏ ⵉⴳⴰⴷⴰⵣⵏ ⵉⵏⴰⵎⵓⵔⵏ.
ⵜⴽⴽⴰ ⵜⵜ ⵏⵏ ⴰⴷⵍⵍⵉ ⵢⵏⴱⴰⴹⵜ ⵜⵙⴳⵎⴹ ⵖ ⵎⴰⵢⵢⵓ 2023 ⵅⴼ 19 ⵏ ⵜⵎⵢⴰⵇⵇⴰⵏⵜ ⵏ ⵓⵖⴰⵡⴰⵙ ⵖ ⵜⵙⵓⵜⵍⵜ ⵜⴰⵎⴰⵢⵏⵓⵜ ⵏ ⵜⴳⵎⵉ ⴷ ⵓⵙⵏⴼⵍ ⵏ ⵉⵙⵓⴽⴰ ⵏ ⵓⵙⵢⴰⴼⵓ ⵏⴰⵏⴼⵍⴰⵃ ⵖ ⵜⵖⴰⵔⴰⵙⵜ ⵏ ⵓⵣⵓⴳⴳⵯⵣ ⵏ ⵜⵙⵜⵕⴰⵜⵉⵊⵉⵜ ⵏⵜⵙⵓⵜⵍⵜ ⵜⴰⵣⴳⵣⴰⵡⵜ ⵙ ⵢⴰⵏ ⵡⴰⵜⵉⴳ ⵏ ⵎⴰ ⵉⵜⵜⴳⴰⵏ 110 ⵎⵍⵢⴰⵕ ⵏ ⴷⴷⵔⵀⵎ ⵖ 10 ⵉⵙⴳⴳⵯⴰⵙⵏ ⵖ ⵉⵍⵍⴰ 42 ⵎⵍⵢⴰⵕ ⵏ ⴷⴷⵔⵀⵎ ⵉⴳⴰⵏ ⵜⵉⵡⵉⵙⵉ ⵏ ⵡⴰⵏⴽ ⵖ ⵜⴼⵏⵏⵓⵇⵜ ⵏ ⵜⴳⵎⵉ ⵜⴰⵏⴼⵍⴰⵃⵜ.
ⵉⵃⴰⴹⵕ ⴳ ⵓⴳⵔⴰⵡ ⵉⴷ ⵎⴰⵙⵙ ⵎⵓⵃⵎⵎⴰⴷ ⵚⴰⴷⵉⵇⵉ ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵡⴰⵎⴰⵏ ⴷ ⵜⴳⴰⵏⵉⵏ, ⴷ ⴼⵡⵣⵉ ⵍⵇⵊⵄ ⴰⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴳⴰⵍⵏ ⵙ ⵜⵎⵙⴰⵙⵍⵜ ⴷ ⵏⵓⵕⴷⴷⵉⵏ ⴱⵏⵙⵓⴷⴰ ⴰⵏⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴷ ⵎⵓⵃⵎⵎⴰⴷ ⵍⵅⵔⵎⵓⴷⵉ ⴰⵏⵎⵀⴰⵍ ⵏ ⵡⴰⵢⴷⴰ ⵏ ⵡⴰⵏⴽ ⴷ ⵄⴱⴷⵍⵍⴰⵟⵉⴼ ⵍⵄⵎⴰⵕⴰⵏⵉ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⴷⵏⵉⵡⴰⵏⵜ ⴷ ⵉⵔⴳⴰⵢⵏ ⵡⴰⵔⵓⵙⵔⵉⴷⵏ ⴷ ⵎⵓⵃⵎⵎⴰⴷ ⴼⵔⴽⴰⵜ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵜⴳⵔⴰⵡⵜ ⵏ ⵓⵔⵟⵟⴰⵍ ⴰⵏⴼⵍⴰⵃ ⴷ ⵄⴱⴷⵓⵍⵍⴰⵀ ⵍⵊⵏⵜⴰⵏⵉ ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵉⵔⴰ ⴰⵏⴰⵎⵓⵔ ⵏ ⵓⴼⵔⴰ ⴰⴷⵓⵙⴰⵏ ⴷ ⵉⵙⵢⴰⴼⵓⵜⵏ ⵏ ⵓⵜⵜⵛⵉ. ⵉⵃⴰⴹⵕ ⴰⵡⴷ ⵉⴳⵎⴰⵎⵏ ⵖ ⵉⵙⵓⴽⴰ ⵏ ⵓⵙⵢⴰⴼⵓ ⵏⴰⵏⴼⵍⴰⵃ ⴷ ⵉⵎⵙⵡⵓⵔⵉⵜⵏ ⴳ ⵉⴳⵔ ⵏ ⵜⴼⵍⵍⴰⵃⵜ.
