ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵡⵉⵙ ⵙⵉⵏ ⵏ ⵡⴰⵙⵙ ⵏ ⵓⵙⵉⵎⵡⴰⵙ 18 ⴽⵟⵓⴱⵕ 2024
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⵙⵉⵎⵡⴰⵙ 14 ⵖ ⵕⴰⴱⵉⵄ ⴰⵎⴳⴳⴰⵔⵓ1446 ⵉⵎⵙⴰⵙⴰⵏ ⴰⴽⴷ18 ⴽⵟⵓⵏⵕ 2024 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴹⴰⵕⴰⵜ ⵍⵍⵉ ⵉⵣⵔⵉ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ. ⵉⵥⵍⵉ ⵓⴳⵔⴰⵡ ⵙ ⵓⵎⴹⴰⴽⴰⵕ ⴷ ⵓⵙⵖⵥⵏ ⵏ ⵓⵙⵏⵜⵉ ⵏ ⵓⵙⵍⴳⵏ ⵏ ⵜⵥⵕⴼⵜ ⵏ ⵓⵙⴳⴳⵯⴰⵙ ⵏ 2025 ⴷ ⵉⴹⵕⵉⵙⵏ ⵍⵍⵉ ⵢⴰⵙ ⵉⴹⴼⴰⵕⵏ ⴷ ⵉⵙⵏⵜⵉⵏ ⵏ ⵉⵎⵕⵙⵓⵎⵏ ⴳ ⵉⴳⵔ ⵏ ⵜⵣⵔⴼⵜ.
ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵏ ⵜⵥⵕⴼⵜ ⵓⵟⵟⵓⵏ 60.24 ⵏ ⵓⵙⴳⴳⵯⴰⵙ ⴰⵥⵕⴼⴰⵏ 2025, ⵉⵙⵎⵏⵉⴷ ⵜ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵍⵜ.
ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⵉⵎⵕⵙⵓⵎⵏ ⵉⵎⵓⵏⵏ ⴷ ⵓⵙⵍⴳⵏ ⵏ ⵜⵥⵕⴼⵜ ⵉⵥⵍⵉⵏ ⵙ ⵜⵓⵥⵍⴰⵢⵜ ⵏ ⵓⵙⵥⵕⴼ ⴷ ⵓⵕⵟⵟⴰⵍ, ⵥⵍⵉⵏ ⵉⵎⵕⵙⵓⵎⵏ ⴰⴷ ⵙ :
- ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.950 ⵢⴰⴽⴽⴰⵏ ⴰⵏⴱⴰⴹ ⵉ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵖ ⵎⴰ ⵉⵥⵍⵉⵏ ⵙ ⵉⵕⵕⵟⵟⴰⵍⵏ ⵏ ⵓⴳⵯⵏⵙ ⴷ ⵓⵣⵡⴰⴳ ⵙ ⴽⵔⴰ ⵏ ⵉⵎⵉⵙ ⵢⴰⴹⵏⵉⵏ ;
- ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.951 ⵢⴰⴽⴽⴰⵏ ⴰⵏⴱⴰⴹ ⵉ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵖ ⵎⴰ ⵉⵥⵍⵉⵏ ⵙ ⵉⵕⵕⵟⵟⴰⵍⵏ ⵏ ⴱⵕⵕⴰ ;
- ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.952 ⵢⴰⴽⴽⴰⵏ ⴰⵏⴱⴰⴹ ⵉ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⴰⴷ ⵜⵙⴽⴰⵔ ⵜⵎⵢⴰⵇⵇⵏⵉⵏ ⵏ ⵉⵕⵟⵟⴰⵍⵏ ⵃⵎⴰ ⴰⴷ ⵜⵔⴰⵔ ⴼ ⴰⵕⵟⵟⴰⵍ ⵏ ⴱⵕⵕⴰ ⵉⵖⵍⴰⵏ ⴷ ⵜⵎⵢⴰⵇⵇⴰⵏⵉⵏ ⵍⵍⵉ ⵔⴰⴷ ⵉⴹⵎⵏ ⵉⵎⵉⵣⴰⵏ ⵏ ⵡⴰⵜⵉⴳ ⵏ ⵡⴰⵔⵔⴰⵣ ⴷ ⵚⵕⵕⴼ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⴹⴰⴽⴰⵕ ⴷ ⵓⵙⵖⵥⵏ ⵏ ⴽⵕⴰⴹ ⵉⵙⵏⵜⵉⵏ ⵏ ⵉⵎⵕⵙⵓⵎⵏ ⵖ ⵉⴳⵔ ⵜⵣⵔⴼⵜ, ⵉⵙⵏⵎⵉⴷ ⵜ ⵎⴰⵙⵙ ⵄⴱⴷⵍⵍⴰⵟⵉⴼ ⵡⴰⵀⴱⵉ, ⴰⵎⴰⵡⵙⴰⵙ ⵏ ⵜⵣⵔⴼⵜ, ⵥⵍⵉⵏ ⵉⵎⵕⵙⵓⵎⵏ ⴰⴷ ⵙ :
- ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.485 ⵉⵥⵍⵉⵏ ⵙ ⵓⵙⵔⵓⵙ ⵏ ⵜⵎⴳⴳⵉⵢⵉⵏ ⵉⴱⴹⴰⵏ ⵉⵥⵍⵉⵏ ⵉⵙⵏⴱⴹⴰⵢⵏ ⴷ ⵉⵏⴹⴼⵉⵕⵏ ⵉⵙⵏⴱⴰⴹⴰⵢⵏ ;
- ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.955 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.11.473 ⵍⵍⵉ ⵉⴼⴼⴰⵖⵏ ⵖ 15 ⵛⴰⵡⵡⴰⵍ 1432 ⵉⵎⵙⴰⵙⴰⵏ ⴰⴽⴷ ⵛⵓⵜⴰⵏⴱⵉⵔ 2011 ⵉⵥⵍⵉⵏ ⵙ ⵓⵏⴳⵔⴰⵡ ⴰⴷⵙⴰⵍⵏ ⵏ ⵜⵙⵏⵓⵔⴰⵢⵜ ⵏ ⵜⵎⵉⵔⵉⵜ ⵏ ⵓⵣⵎⵎⴻⵎ ;
- ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.956 ⵉⵥⵍⵉⵏ ⵙ ⵓⵎⵢⴰⵔⴰⵣ ⴼ ⵜⵙⵔⴰⴳⵉⵏ ⵉⵣⵓⵢⴷⵏ ⵉ ⵢⵉⵎⵙⵖⴰⵏⵏ ⵏ ⵜⵙⵏⵓⵔⴰⵢⵜ ⵏ ⵜⵎⵉⵔⵉⵜ ⵏ ⵓⵣⵎⵎⴻⵎ.
