ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ24 ⴽⵟⵓⴱⵕ 2024
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 20 ⵖ ⵕⴰⴱⵉⵄ ⴰⵎⴳⴳⴰⵔⵓ1446 ⵉⵎⵙⴰⵙⴰⵏ ⴰⴽⴷ24 ⴽⵟⵓⵏⵕ 2024 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⵉⵥⵍⵉ ⵓⴳⵔⴰⵡ ⵙ ⵓⵙⵎⵏⵉⴷ ⵏ ⵙⵏⴰⵜ ⵜⴽⵛⵛⵓⵎⵉⵏ ⵜⵉⵣⵓⵏⵉⵏ ⴷ ⵓⵎⴹⴰⴽⴰⵕ ⵅⴼ ⵜⴳⵓⵜ ⵉⵙⵏⵜⵉⵏ ⵏ ⵉⴹⵕⵉⵙⵏ ⵓⵙⵍⵉⴳⵏ ⵙ ⵓⵎⵙⴰⵙⴰ ⵏ ⵓⵎⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
ⴳ ⵜⵣⵡⵓⵔⵉ ⵏ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⴷ, ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵢⴰⵜ ⵜⴽⵛⵛⵓⵎⵜ ⵅⴼ ⵓⵙⴳⴷⴷ ⵏ ⵜⵙⵏⴱⴹⴰⵢ ⵜⵉⵙⵙⵓⴳⴰⵔ, ⵉⵙⵎⵏⵉⴷ ⵜ ⵎⴰⵙⵙ ⵄⴱⴷⵍⵍⴰⵜⵉⴼ ⵡⴰⵀⴱⵉ, ⴰⵎⴰⵡⵙⴰⵙ ⵏ ⵜⵣⵔⴼⵜ.
ⵉⴷⴷⴰ ⴷ ⵓⵙⴳⴷⴷ ⴰⴷ ⴳ ⵜⵖⴰⵔⴰⵙⵜ ⵏ ⵉⵙⴳⴳⴷⵏ ⵉⵎⴰⴷⴷⴰⵙⵏ ⵏ ⵜⵣⵔⴼⵜ ⵍⵍⵉ ⵎⵓ ⵉⴳⴰ ⵡⴰⵡⵜⵜⴰⵙ ⵏⵏⵙ ⴰⵙⴷⵓⵙ ⴷ ⵓⵙⵡⵓⴷⴷⵓ ⵏ ⵓⵙⵍⴳⵏ ⴷ ⵓⵙⴱⵓⵖⵍⵓ ⵏ ⵉⵣⵔⴼⴰⵏ ⴷ ⵜⴷⵔⴼⵉⵢⵉⵏ ⴷ ⵜⵉⵔⵙⴰⵍ ⵏ ⵜⵙⵓⵙⵖⵜ ⴷ ⵜⵏⵏⵓⴱⴹⴰ ⴳ ⴰⴳⴷⵓⴷⴰⵏ ⵙ ⵓⵙⵡⵓⴷⴷⵓ ⵏ ⵜⴰⵔⴰⵜⵉⵏ ⵜⵉⴳⵍⴷⵉⵏ ⵢⴰⵜⵜⵓⵢⵏ ⵙⵔⵙ ⵉⵥⵍⵉⵏ.
ⵉⵙⴷⴷⵉⴷ ⵎⴰⵙⵙ ⴰⵎⴰⵡⵙⴰⵙ ⵎⴰ ⵙ ⵉⴳⴰ ⵓⵙⴳⴳⴷ ⵏⵜⵣⵔⴼⵜ ⵜⴰⵎⵙⵙⵓⴳⵓⵔⵜ ⴷ ⵓⵙⵔⵓⵙ ⵏ ⵜⵔⴰⵡⵙⴰⵏⵜ ⵖ ⵉⵎⵚⵉⵕⵉⴹⵏ ⴷ ⵜⵖⴰⵔⴰⵙⵜ ⴰⴷ ⵜⴷⴷⴰ ⴷ ⴼⴰⴷ ⴰⴷ ⵢⵉⵍⵉ ⵢⴰⵏ ⵓⵏⴳⵉⴷⴷⵉ ⵉⵎⵙⴰⵙⴰⵏ ⵖ ⵉⵍⵍⴰ ⵓⵃⵟⵟⵓ ⵏ ⵜⵏⴰⴼⵓⵜ ⵜⴰⴳⴷⵓⴷⴰⵏⵜ ⴷ ⴰⴷ ⵉⵜⵜⵃⵇⵇⴰ ⵉⵙ ⵏⵉⵜ ⵉⵍⵍⴰ ⵓⵙⵏⵉⵙⵏ ⵏ ⵉⵙⵍⴳⵏ ⵖⵉⴽⵍⵍⵉ ⵙ ⵉⵇⵇⴰⵏ.
ⴹⴰⵕⴰⵜ ⵎⴰⵢⴰⴷ, ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵢⴰⵜ ⵜⴽⵛⵛⵓⵎⵜ ⵅⴼ ⵓⴽⵛⵛⵓⵎ ⵙ ⵜⵎⵔⵙⴰⵍ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ ⵏ ⵓⵙⴳⴳⵯⴰⵙ 2024-2025, ⵉⵙⵎⵏⵉⴷ ⵜ ⵎⴰⵙ ⵢⵓⵏⵙ ⵙⴽⴽⵓⵔⵉ ⵓⴱⴰⵃⵙⵙⵓ, ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⴰⵎⵙⴰⵏ ⴷ ⵜⵎⵙⵙⵏⵜⴰⵢ ⵜⵉⵎⵥⵢⴰⵏⵏ ⴷ ⵓⵙⵡⵓⵔⵉ ⴷ ⵜⵙⵓⴳⴰⵔ.
ⵉⵡⵉ ⴷ ⵎⴰⵙⵙ ⴰⵎⴰⵡⵙⴰⵙ ⵎⴰ ⵙ ⵉⴳⴰ ⵓⵙⴳⴳⵯⴰⵙ ⴰⴷ2024-2025 ⵢⴰⵏ ⵓⵥⵎⵎⴰⵥⵍ ⵢⴰⵜⵜⵓⵢⵏ ⴳ ⵓⵣⵓⴳⴳⵣ ⵏ ⵉⵚⵏⴼⴰⵕⵏ ⵉⵙⵜⵕⴰⵜⵉⵊⵉⵏ ⵏ ⵜⴱⵔⵉⴷⵜ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ, ⵙⵍⴰⵀⴰⵡ ⴰⴽⴽⵯ ⵍⵍⵉⵖ ⵉⴳⴳⵓⵜ ⵓⵟⵟⵓⵏ ⵏ ⵉⵎⵙⵢⴰⴼⴰⵏ ⵙ ⴰⵎⴰ ⵉⵜⵜⴳⴰⵏ 17 % ⵉⵖ ⵜ ⵏⵎⵙⴰⵙⴰ ⴷ ⵓⵙⴳⴳⵯⴰⵙ 20232-2024, ⵉⵍⴽⵎ ⵖⵉⵍⴰⴷ ⵓⵟⵟⵓⵏ 678 605 ⵏ ⵉⵎⵙⵢⴰⴼⴰ ⴷ ⵜⵎⵙⵢⴰⴼⴰⵜ.
ⴰⴼⴰⴷ ⴰⴷ ⴳⵉⵏ ⵜⵜⵎⵉ ⵉ ⵓⴼⵓⵖ ⵏ ⵉⵏⵙⵙⵉⵔⴰⵎ ⵖ ⵓⵎⴰⴹⴰⵍ ⴰⴼⴰⵔⴰⵏ, ⵜⴳⴳⴰ ⵜⵏⴱⴰⴹⵜ ⵜⵓⴳⵜ ⵏ ⵜⵎⴳⴳⵢⵉⵏ ⵏⵏⵙ ⴱⴰⵛ ⴰⴷ ⵜⵙⵙⵉⴳⵓⵜ ⵖ ⵜⵣⴷⴷⵓⵖⵉⵏ ⵜⵉⵏⵎⵍⴰⵏⵉⵏ (ⵜⵉⴳⵯⵏⵙⴰⵏⵉⵏ). ⵖ ⵓⵙⴳⴳⵯⴰⵙ ⴰⴷ ⵏⵉⵜ, ⵜⵜⵓⵙⴽⴰⵔⵏⵜ ⴽⴽⵓⵥⵜ 4 ⵜⵣⴷⴷⵓⵖⵉⵏ ⵜⵉⵏⵎⵍⴰⵏⵉⵏ ⴰⵢⵍⵍⵉⵖ ⵍⴽⵎⵏ ⵖⵉⵍⴰⴷ ⵎⴰ ⵉⵜⵜⴳⴰⵏ 143 ⵏ ⵜⴳⵯⵏⵙⴰⵏⵜ ⵖ ⵉⵍⵍⴰ ⵎⴰ ⵉⵜⵜⴳⴰⵏ 19 085 ⵏ ⵢⵉⵎⵏⴼⴰ ⴷ ⵜⵉⵎⵏⴼⴰⵜⵉⵏ. ⵖⵉⴽⵍⵍⵉ ⵔⴰⴷ ⵢⵉⵍⵉ ⵓⵙⴷⵓⵙ ⵏ ⵓⵖⴰⵡⴰⵙ ⵏ ⵓⵙⵎⵓⵜⵜⴳ ⵙ ⵓⵙⵍⵎⴷ ⵃⵎⴰ ⴰⴷ ⴰⵍⵉⵏ ⴰⵔ 100 000 ⵏ ⵢⵉⵎⵏⴼⴰ ⵖⵉⴷ ⵙ ⵓⵙⴳⴳⵯⴰⵙ ⵏ 2026.
ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⵙⵉⵏ ⵉⵙⵏⵜⵉⵏ ⵉⵎⵕⵙⵓⵎⵏ, ⵉⵙⵎⵏⵉⴷ ⵜⵏ ⵎⴰⵙⵙ ⴰⵎⵉⵏ ⵜⵜ, ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵍⵜ, ⵥⵍⵉⵏ ⵉⵎⵕⵙⵓⵎⵏ ⴰⴷ ⵙ :
- ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24346 ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵉⵎⴰⴳⵔⴰⴷⵏ 42 ⴷ44 ⵏ ⵓⵙⵍⴳⵏ ⵓⵟⵟⵓⵏ 17.04 ⵉⴳⴰⵏ ⴰⵙⵍⴳⵏ ⵏ ⵉⵙⴰⴼⴰⵔⵏ ⴷ ⵜⵙⴰⵙⴼⵔⵜ : ⵉⴷⴷⴰ ⴷ ⵓⵙⵏⵜⵉ ⴰⴷ ⵖ ⵜⴱⵔⵉⴷⵜ ⵓⵣⵓⴳⴳⵣ ⵓⵙⵍⴳⵏ ⵓⵟⵟⵓⵏ 17.04 ⵉⴳⴰⵏ ⴰⵙⵍⴳⵏ ⵏ ⵉⵙⴰⴼⴰⵔⵏ ⴷ ⵜⵙⴰⵙⴼⵔⵜ, ⵙⵍⵀⴰⵡ ⴰⴽⴽⵯ ⵉⵎⴰⴳⵔⴰⴷⵏ 42 ⴷ 44 ⴳⵉⵙ. ⵉⴳⴰ ⵓⵡⵜⵜⴰⵙ ⵏ ⵓⵙⵏⵜⵉ ⴰⴷ ⴰⵙⵔⵓⵙ ⵏ ⵓⵙⴷⴰⵡ ⵏ ⵜⵓⵔⵜⴰ ⵏ ⵜⵎⴰⵜⴰⵔⵜ ⵏ ⵓⵙⵙⵓⵙⵏ ⵏ ⵉⵙⴰⴼⴰⵔⵏ ⵍⵍⵉ ⵉⵜⵜⵓⵙⴽⴰⵔⵏ ⵉ ⵓⴼⴳⴰⵏ ⴷⴰⵔ ⵓⴳⴷⵓⴷ ⴷ ⵎⴰⵎⴰⵏⴽ ⵙ ⵔⴰⴷ ⵢⵉⵍⵉ ⵓⵙⵙⵓⵙⵏ ⴷⴰⵔ ⵉⵎⵙⵡⵓⵔⵉⵜⵏ ⵉⴷⵓⵙⴰⵏⵏ ⵍⵍⵉ ⵉⵙⵉⴼⵡⵉⵏ ⵉⵙⴰⴼⴰⵔⵏ ⵏⵖ ⴷ ⴰⴷ ⵙⵔⵙ ⵙⵡⵓⵔⵉⵏ.
- ⴰⵙⴰⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.327 ⵉⵥⵍⵉⵏ ⵙ ⵓⵙⵍⴽⵉⵏ ⵏ ⵓⵣⵣⵏⵣ ⴰⴷⵔⴼⵉ ⴷ ⵓⵙⵍⴽⵉⵏ ⵏ ⵓⵙⵔⵓⵙ ⵏ ⵓⵣⵔⴰⴽ ⵏ ⵉⵙⵍⴳⵏ ⵏ ⵓⵙⵡⵓⴷⴷⵓ ⵏ ⵓⵙⵎⴳⵓⵔⵉ ⵏⵏⵙ :
ⵉⴷⴷⴰ ⴷ ⵓⵙⵏⵜⵉ ⴰⴷ ⵖ ⵜⴱⵔⵉⴷⵜ ⵓⵣⵓⴳⴳⵣ ⵓⵙⵍⴳⵏ ⵓⵟⵟⵓⵏ 17.04 ⵉⴳⴰⵏ ⴰⵙⵍⴳⵏ ⵏ ⵉⵙⴰⴼⴰⵔⵏ ⴷ ⵜⵙⴰⵙⴼⵔⵜ, ⵙⵍⵀⴰⵡ ⴰⴽⴽⵯ ⴰⵎⴰⴳⵔⴰⴷ 24 ⴳⵉⵙ. ⵉⴳⴰ ⵓⵡⵜⵜⴰⵙ ⵏⵏⵙ ⴰⵙⵔⵓⵙ ⵏ ⵜⴰⵖⵔⴰⵙⵜ ⵏ ⵓⵙⵔⵓⵙ ⵏ ⵜⵓⵔⵜⴰ ⵏ ⵓⵙⵍⴽⵉⵏ ⵏ ⵓⵣⵣⵏⵣ ⴰⴷⵔⴼⵉ ⴷ ⵜⵓⵜⵔⴰ ⵏ ⵓⵙⵍⴽⵉⵏ ⵓⵙⵔⵓⵙ ⵏ ⵓⵣⵔⴰⴽ ⵏ ⵉⵙⵍⴳⵏ ⵏ ⵓⵙⵡⵓⴷⴷⵓ ⵏ ⵓⵙⵎⴳⵓⵔⵉ ⵏⵏⵙ ⴷ ⵓⵣⵎⵣ ⵍⵍⵉⵖ ⴰⵔ ⵜⵜⵓⴼⴽⴰ ⴷ ⵓⵣⵎⵣ ⵍⵍⵉⵖ ⵜⵚⵍⵃ. ⵖⵉⴽⵍⵍⵉ ⵉⴼⴽⴰ ⵓⵎⵕⵙⵓⵎ ⴰⴷ ⴼ ⵙⵎⵎⵓⵙ ⵏ ⵉⵖⵜⴰⵙⵏ ⵏ ⵜⵏⴱⴰⴹⵜ ⵏ ⵜⴷⵓⵙⵉ ⴷ ⵎⴰⵎⵏⴽ ⵙ ⵔⴰⴷ ⵢⵉⵍⵉ ⵓⵙⵡⵓⴷⴷⵓ ⵏⵏⵙ ⴷ ⴰⵢⵍⵍⵉ ⴷ ⵉⴷⴷⴰⵏ ⴳ ⵓⵙⵍⴳⵏ ⵓⵟⵟⵓⵏ 10.22 ⵏ ⵓⵙⵔⵓⵙ ⴷ ⵓⵙⵡⵓⴷⴷⵓ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵙⴰⴼⴰⵔⵏ ⴷ ⵉⵢⴰⴼⵓⵜⵏ ⵏ ⵜⴷⵓⵙⵉ
