ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵢⴰⵏ ⵓⴳⵔⴰⵡ ⵏ ⵜⵙⵇⵇⵉⵎⵜ ⵏ ⵜⵏⴰⵔⴰ ⵉⵥⵍⵉⵏ ⵙ « ⵓⵙⴽⴰⵏ ⵏ ⵍⵎⵖⵔⵉⴱ » ⴳ ⵉⴳⵔ ⵏ ⵓⵀⵉⴷⵕⵓⵊⵉⵏ ⴰⵣⴳⵣⴰ

• ⴰⵙⵜⴰⵢ ⴰⵎⵣⵡⴰⵔⵓ ⵏ ⵜⴳⵔⴰⵔⵜ ⵏ ⵉⵚⵏⴼⴰⵕⵏ ⵉⵍⵍⴰⵏ ⵖ ⴽⵕⴰⴹⵜ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ ; 
• ⴰⵎⴹⴰⴽⴰⵕ ⵅⴼ ⵓⵙⴰⵜⵉ ⴰⵎⵢⴰⵇⵇⴰⵏ ⵉⵥⵍⵉⵏ ⵙ ⵡⴰⴽⴰⵍ ⴰⴳⴷⵓⴷⴰⵏ ⵍⵍⵉⵖ ⵔⴰⴷ ⵜⵜⴰⵡⵙⴽⴰⵔⵏ ⵉⵚⴼⴰⵕⵏ ⴰⴷ ;

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴰⵙⵙ ⵏ ⵓⴽⵡⴰⵙ ⴳ ⵕⵕⴱⴰⵟ, ⵢⴰⵏ ⵓⴳⵔⴰⵡ ⵏ ⵜⵙⵇⵇⵉⵎⵜ ⵏ ⵜⵏⴰⵔⴰ ⵉⵥⵍⵉⵏ ⵙ « ⵓⵙⴽⴰⵏ ⵏ ⵍⵎⵖⵔⵉⴱ » ⴳ ⵉⴳⵔ ⵏ ⵓⵀⵉⴷⵕⵓⵊⵉⵏ ⴰⵣⴳⵣⴰ. ⴳⴰⵏ ⵖ ⵓⴳⵔⴰⵡ ⴰⵙⵜⴰⵢ ⴰⵎⵣⵡⴰⵔⵓ ⵏ ⵜⴳⵔⴰⵔⵜ ⵏ ⵉⵚⵏⴼⴰⵕⵏ ⵉⵍⵍⴰⵏ ⵖ ⴽⵕⴰⴹⵜ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ, ⵖ ⵜⵍⵍⴰ ⵜⵙⴳⴰ ⵏ ⵓⴳⵍⵎⵉⵎ ⵡⴰⴷ ⵏⵓⵏ ⴷ ⵜⵙⴳⴰ ⵏ ⵍⵄⵢⵓⵏ ⵙⴰⵇⵢⴰ ⵍⵃⵎⵕⴰ ⴷ ⵜⵙⴳⴰ ⵏ ⴷⴷⴰⵅⵍⴰ ⵡⴰⴷ ⴷⴷⴰⵀⴰⴱ, ⵔⴰⴷ ⵢⵉⵍⵉ ⴰⵡⴷ ⵓⵎⴹⴰⴽⴰⵕ ⵅⴼ ⵢⵉⵎⴰⵙⴰⵢⵏ ⵍⵍⵉ ⵔⴰⴷ ⵢⴰⵎⵥ ⵉⴹⴼⵉⵕ ⵉⵚⵏⴼⴰⵕⵏ ⴰⴷ.
ⵙ ⵓⵙⵡⵓⴷⴷⵓ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵉⵥⵍⵉⵏ ⵙ ⵓⵣⵣⵓⴳⵣ ⵏ « ⵓⵙⴽⴰⵏ ⵏ ⵍⵎⵖⵔⵉⴱ » ⵖ ⵉⴳⵔ ⵏ ⵓⵀⵉⴷⵕⵓⵊⵉⵏ ⴰⵣⴳⵣⴰ ⵙ ⵓⵖⵓⴷⵓ ⵍⵍⵉ ⵙ ⴷ ⵉⵇⵇⴰⵏ ⴷ ⵓⵙⴰⴷⵎⵔ ⵉ ⵢⵉⵎⴰⵙⴰⵢⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ ⴳ ⵉⴳⵔ ⴰⴷ ⵏ ⵉⵎⴰⵍ, ⵜⵎⴹⴰⴽⴰⵕ ⵜⴰⵙⵇⵇⵉⵎⵜ ⵏ ⵏ ⵜⵏⴰⵔⴰ ⵅⴼ ⵓⵙⴰⵜⵉ ⴰⵎⵢⴰⵇⵇⴰⵏ ⵉⵥⵍⵉⵏ ⵙ ⵡⴰⴽⴰⵍ ⴰⴳⴷⵓⴷⴰⵏ ⵍⵍⵉⵖ ⵔⴰⴷ ⵜⵜⴰⵡⵙⴽⴰⵔⵏ ⵉⵚⴼⴰⵕⵏ ⴰⴷ ⴷ ⵉⵎⴰⵙⵙⵏ ⵍⵍⵉ ⵔⴰⴷ ⵢⴰⵡⵙ ⵖ ⵓⵙⵡⵓⴷⴷⵓ ⵏⵏⵙ.
ⵉⴷⴷⴰ ⴷ ⵉⵥⵎⵎⴰⵥⵍ ⴰⴷ ⴹⵕⴰⵜ ⵍⵍⵉⵖ ⵜⵎⴹⴰⴽⴰⵕ ⵜⵙⵇⵇⵉⵎⵜ ⵖ ⵓⴳⵔⴰⵡ ⴰⴷ ⵉⵣⵔⵉⵏ ⵅⴼ ⵜⵖⴰⵔⴰⵙⵜ ⵉⵜⵜⴰⵡⵙⵔⴰⵙⵏ ⵖ ⵓⵙⵜⴰⵢ ⵏ ⵉⵚⵏⴼⴰⵕⵏ ⵍⵍⵉ ⴷ ⵉⵍⴽⵎⵏ ⵜⴰⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵜⵥⴹⴰⵕⵜ ⵜⵙⵓⵍⴰⵏⵜ (ⵎⴰⵥⵏ) ⵍⵍⵉ ⵎⵓ ⵉⴳⴰ ⵓⵟⵟⵓⵏ ⵏⵏⵙ 40 ⵏ ⵜⵓⵜⵔⴰ ⵍⵍⵉ ⴷ ⵙⵎⵏⵉⴷⵏ ⵉⵎⴰⵙⴰⵢⵏ ⵏ ⵉⵚⵏⴼⴰⵕⵏ ⵉⵎⵖⵔⵉⴱⵉⵏ ⴷ ⵉⴱⵕⵕⴰⵏⵉⵏ ⵍⵍⵉ ⵉⵔⴰⵏ ⴰⴷ ⴳⵉⵏ ⴰⴼⴰⵔⵙ ⵏ ⵓⵀⵉⴷⵕⵓⵊⵉⵏ ⴰⵣⴳⵣⴰ ⴷ ⵡⴰⵢⵢⴰⵡⵏ ⵏⵏⵙ ⵖ ⵡⴰⵍⵍⵉ ⵉⵔⴰⵏ ⵉⴳⴰⴷⴰⵣⵏ ⵏ ⵓⴳⵯⵏⵙ ⵏⵖ ⴷ ⵡⵉⵏ ⵓⵙⵉⴼⴹ ⵏⵖ ⴷ ⵙⵉⵏ ⵜⵙⵏ.
ⴰⴼⴰⴷ ⴰⴷ ⵓⵎⵓⵔⵙ ⴳ ⵓⵣⵓⴳⵣ ⵏ « ⵓⵙⴽⴰⵏ ⵏ ⵍⵎⵖⵔⵉⴱ » ⵙ ⵓⵙⵡⵓⴷⴷⵓ ⵏ ⵜⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ, ⵉⵍⵍⴰ ⵖ ⵜⵎⵢⴰⵇⵇⴰⵏⵉⵏ ⵏ ⵓⵙⵙⴰⵔⵓ ⵍⵍⵉ ⵉⵙⵎⵓⵏ ⵏⴳⵔ ⴰⵡⵏⴽ ⴷ ⵉⵎⴰⵙⴰⵢⵏ ⵏ ⵉⵚⵏⴼⴰⵕⵏ, ⵉⵎⴰⴳⵔⴰⴷⵏ ⵉⵥⵍⵉⵏ ⵙ ⵓⵣⵎⵣ ⵏⵉⴳⵔⴰⵡⵏ ⵃⵎⴰ ⴰⴷ ⵢⵉⵍⵉ ⵓⵙⵓⵜⴳ ⴰⵍⵓⴳⴰⵏ ⵖ ⵓⵙⵡⵓⴷⴷⵓ ⵏ ⵉⵚⵏⴼⴰⵔⵏ ⴳ ⵉⴳⵔ ⴰⴷ. 
ⵉⵃⴰⴹⵕ ⵖ ⵓⴳⵔⴰⵡ ⴰⴷ ⵎⴰⵙⵙ ⵄⴱⴷ ⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵓⴳⵯⵏⵙ ⴷ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⴷ ⵎⴰⵙⵙ ⵏⵥⴰⵕ ⴱⴰⵕⴰⴽⴰ, ⴰⵎⴰⵡⵙⴰⵙ ⵏ ⵓⵇⵡⵡⵓⵎ ⴷ ⵡⴰⵎⴰⵏ ⴷ ⵎⴰⵙⵙ ⵕⵢⴰⴹ ⵎⵣⵣⵓⵔ, ⴰⵎⴰⵡⵙⴰⵙ ⵏ ⵎⴳⵓⵔⵉ ⴷ ⵜⵙⴱⴱⴰⴱⵜ ⴷ ⵎⴰⵙⵙ ⴽⴰⵔⵉⵎ ⵣⵉⴷⴰⵏ, ⴰⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⴰⵏ ⵙ ⵓⵙⵙⴰⵔⵓ ⴷ ⵓⵎⵙⴰⵙⴰ ⴷ ⵓⵙⵉⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵎⴰⵙⵙ ⵜⴰⵕⵉⵇ ⵎⴼⴹⴹⵍ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵜⵥⴹⴰⵕⵜ ⵜⴰⵙⵓⵍⴰⵏⵜ (ⵎⴰⵥⵏ).