ⵉⴱⵉⴷⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵅⴼ ⵓⵏⵏⵓⵕⵥⵎ ⵏ ⵜⵏⵓⴼⴰ ⵏ 32 ⵏ ⵜⵎⵕⵙⵍⵜ ⵜⴰⴷⵓⵙⴰⵏ ⴳ ⵜⵙⴳⴰ ⵏ ⵙⵓⵙ ⵎⴰⵙⵙⴰ
- ⴰⴱⴷⴷⴰⴷ ⵅⴼ ⵓⵏⵏⵓⵕⵥⵎ ⵏ ⵜⵏⵓⴼⴰ ⵏ 29 ⵏ ⵡⴰⵎⵎⴰⵙ ⵏ ⵜⴷⵓⵙⵉ ⵖ ⵜⵙⴳⴰ ⵏ ⵙⵓⵙ ⵎⴰⵙⵙⴰ ⴹⴰⵕⴰⵜ ⵍⵍⵉⵖ ⵜⴽⵎⵍ ⵡⴰⵍⵍⴰⵙ ⵏ ⵓⵥⴹⴰⵕ ⴷ ⵓⵇⵡⵡⵓⵎ ;
- ⴰⵏⵏⵓⵕⵥⵎ ⵏ ⵙⵉⵏ ⵡⴰⵎⵎⴰⵙⵏ ⵏ ⵜⴷⵓⵙⵉ ⵏ ⵉⵄⵔⵔⵉⵎⵏ ‘ⵜⴰⵍⴱⵕⵊⵜ’ ⴷ ‘ⵜⴰⴷⴷⴰⵔⵜ’ ⴷ ⵢⴰⵏ ⵡⴰⵎⵎⴰⵙ ⵢⴰⴹⵏⵉⵏ ⵏ ⵓⵙⵉⵔⵎ ⴷ ⵓⵙⵎⵓⵜⵜⴳ ⴰⴷⴰⵎⵙⴰⵏ ⴳ ⵜⴳⵔⴰⵡⵜ ⵏ ⵓⴳⴰⴷⵉⵔ.
ⵉⴱⵉⴷⴷ ⵓⵏⵙⵙⵉⵅⴼ ⵏ ⵜⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴷ ⵓⵎⴰⵡⵙⴰⵙ ⵏ ⵜⴼⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ ⴷ ⵍⵡⴰⵍⵉ ⵏ ⵜⵙⴳⴰ ⵏ ⵙⵓⵙ ⵎⴰⵙⵙⴰ ⴷ ⵍⵄⴰⵎⵍ ⵏ ⵜⵎⵏⴰⴹⵜ ⵏ ⵓⴳⴰⴷⵉⵔ ⵉⴷⴰⵡⵜⴰⵏⴰⵏ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵙⴳⴰ ⵏ ⵙⵓⵙ ⵎⴰⵙⵙⴰ ⴷ ⵓⵎⴰⵔⵉ ⴰⵎⵣⵡⴰⵓⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⴳⵔⴰⵡⵜ ⵏ ⵓⴳⴰⴷⵉⵔ ⴰⵙⵙ ⵏ ⵓⵙⵉⵎⵡⴰⵙ ⴰⵎⵣⵡⴰⵔⵓ ⵖ ⵏⵓⵡⴰⵏⴱⵉⵔ 2024 ⵅⴼ ⵓⵏⵏⵓⵕⵥⵎ ⵏ ⵜⵏⵓⴼⴰ ⵏ 32 ⵏ ⵜⵎⵕⵙⵍⵜ ⵜⴰⴷⵓⵙⴰⵏ ⵖ ⵜⵙⴳⴰ ⵏ ⵙⵓⵙ ⵎⴰⵙⵙⴰ ⴷ ⵓⵏⵏⵓⵕⵥⵎ ⵏ ⵙⵉⵏ ⵡⴰⵎⵎⴰⵙⵏ ⵏ ⵜⴷⵓⵙⵉ ⵏ ⵉⵄⵔⵔⵉⵎⵏ ‘ⵜⴰⵍⴱⵕⵊⵜ’ ⴷ ‘ⵜⴰⴷⴷⴰⵔⵜ’ ⴷ ⵢⴰⵏ ⵡⴰⵎⵎⴰⵙ ⵢⴰⴹⵏⵉⵏ ⵏ ⵓⵙⵉⵔⵎ ⴷ ⵓⵙⵎⵓⵜⵜⴳ ⴰⴷⴰⵎⵙⴰⵏ ⴷ ⴳ ⵜⴳⵔⴰⵡⵜ ⵏ ⵓⴳⴰⴷⵉⵔ ⴷ ⵓⵏⵏⵓⵕⵥⵎ ⵏ ⵜⵏⵓⴼⴰ ⵏ 29 ⵏ ⵡⴰⵎⵎⴰⵙ ⵏ ⵜⴷⵓⵙⵉ ⵖ ⵜⵙⴳⴰ ⵏ ⵙⵓⵙ ⵎⴰⵙⵙⴰ ⴹⴰⵕⴰⵜ ⵍⵍⵉⵖ ⵜⴽⵎⵍ ⵡⴰⵍⵍⴰⵙ ⵏ ⵓⵥⴹⴰⵕ ⴷ ⵓⵇⵡⵡⵓⵎ.
ⵉⴳⴰ ⵓⵡⵜⵜⴰⵙ ⵏ ⵡⴰⵎⵎⴰⵙ ⵏ ⵜⴷⵓⵙⵉ ⵏ ⵉⵄⵔⵔⵎⵏ ‘ⵜⴰⵍⴱⵕⵊⵜ’ ⴷ ‘ⵜⴰⴷⴷⴰⵔⵜ’ ⴰⵙⴷⵓⵙ ⵏ ⵓⵙⴼⵙⵔ ⴰⴷⵓⵙⴰⵏ ⵉⵥⵍⵉⵏ ⵙ ⵉⵄⵔⵔⵉⵎⵏ ⵏⴳⵔ 10 ⴰⵔ 24 ⵏ ⵓⵙⴳⴳⵯⴰⵙ ⴷ ⵜⵉⴽⴽⵉ ⵏ ⵜⵏⵓⴼⴰ ⵏ ⵜⴷⵓⵙⵉ ⴷ ⵜⵉⵏ ⵓⵙⵊⵊⵉ ⵖ ⵉⵍⵍⴰ ⵉⵣⵣⵔⴰⵢⵏ ⵏ ⵓⵙⵊⵊⵉ ⵉⵎⴰⵜⴰⵢⵏ ⴷ ⵡⵉⵍⵍⵉ ⵉⵥⵍⵉⵏ ⵣⵓⵏ ⴷ ⵜⴰⵙⵏⵉⵊⵊⵉⵜ ⵏ ⵜⵟⵟⴰⵡⵉⵏ ⴷ ⵜⵙⵏⵉⵊⵊⵉⵜ ⵜⴰⵏⵢⵉⵎⴰⵏⵜ ⴷ ⵜⵙⵏⵉⵊⵊⵉⵜ ⵏ ⵜⵖⵎⴰⵙ ⴷ ⵜⵙⵏⵉⵊⵊⵉⵜ ⵏ ⵢⵉⵍⵎ ⴷ ⵜⵉⵢⴰⴹ.
ⵉⴳⴰ ⴰⵡⴷ ⵏⵜⵜⴰ ⵡⴰⵎⵎⴰⵙ ⵏ ⵓⵙⵉⵔⵎ ⴷ ⵓⵙⴷⵓⵙ ⴰⴷⵓⵙⴰⵏ ⵢⴰⵏ ⵖ ⵡⴰⵎⵎⴰⵙⵏ ⵉⵎⵇⵇⵓⵔⵏ ⵖ ⵜⵎⴰⵣⵉⵔⵜ ⵖ ⵜⵥⵍⴰⵢⵜ ⴰⴷ ⵢⴰⵏ ⵓⴷⵖⴰⵔ ⵖ ⵍⵍⴰⵏ ⵉⵎⴰⵙⵙⵏ ⵉⵜⵉⵇⵏⵉⵏ ⴷ ⵉⵇⵡⵡⵓⵎⵏ ⵉⴷⵙⵍⴰⵏⵏ ⵃⵎⴰ ⴰⴷ ⵉⵔⴰⵔ ⵅⴼ ⵜⵓⵜⵜⵔⴰ ⵉⴳⴳⵓⵜⵏ ⵅⴼ ⵜⵏⵓⴼⴰ ⵏ ⵓⵙⵉⵔⵎ ⴷ ⵡⴰⵍⵍⴰⵙ ⵏ ⵏ ⵓⵙⵡⵓⴷⴷⵓ ⴷ ⵓⵎⵓⵙⵙⵓ ⵏ ⵉⵎⵓⵔⴰⵔ ⵏ ⵜⵓⵏⵏⵓⵜ ⴷ ⵉⴼⴳⴰⵏ ⵖ ⴳ ⵡⴰⴷⴷⴰⴷ ⵏ ⵓⵎⵎⵓⵄⴹⵕ ⵖⴰⵢⵍⵍⵉ. ⵔⴰⴷ ⵢⴰⵡⵙ ⵎⵢⴰⵏⵏ ⵖ ⵓⵙⴷⵓⵙ ⵏ ⵜⵓⴷⵔⵜ ⵏ ⵜⵔⵓⴱⴱⴰ ⴰⴷ ⴷ ⵓⵔⵣⵣⵓ ⵜⴳⵎⵉ ⵜⴰⵙⵓⵍⴰⵏⵜ ⵖ ⵡⴰⵎⵓⵏ.
ⵖⵉⴽⵍⵍⵉ ⵉⴱⵉⴷ ⵓⵏⵙⵙⵉⵅⴼ ⵏ ⵜⴱⴰⴹⵜ ⵅⴼ ⵉⴼⵔⵓⵔⵉⵜⵏ ⵉⵥⵍⵉⵏ ⵙ ⵓⵙⵡⵓⵔⵉ ⵏ 29 ⵏ ⵡⴰⵎⵎⴰⵙ ⴰⴷⵓⵙⴰⵏ ⵖ ⵜⵎⵏⴰⴹⵉⵏ ⵏ ⵙⵓⵙ ⵎⴰⵙⵙⴰ, ⴹⵕⴰⵜ ⵍⵍⵉⵖ ⵜⴽⵎⵍ ⵜⵡⵓⵔⵉ ⵏ ⵡⴰⵍⵍⴰⵙ ⵏ ⵓⵙⵎⵓⵜⵜⴳ ⴷ ⵓⵇⵡⵡⵓⵎ ⵏⵏⵙⵏ. ⵉⴳⴰ ⵓⵡⵜⵜⴰⵙ ⵏ ⵡⴰⵎⵎⴰⵙⵏ ⴰⴷ ⵉⴷⵓⵙⴰⵏⵏ ⵍⵍⵉ ⵎⵓ ⵜⵃⵢⵉⵍ ⵜⵙⵙⵓⵊⴰⴷ ⴰⵙⵏ ⵜⵏⴱⴰⴹⵜ ⵉⵙⵓⴳⴰⵎ ⵉⵏⴰⴼⴳⴰⵏⵏ ⵢⴰⵜⵜⵓⵢⵏ ⴷ ⵉⵎⴰⵙⵙⵏ ⵏ ⵓⵙⵊⵊⵉ ⴱⴰⵀⵔⴰ ⵉⴷⵓⵙⵏ, ⵎⴰⵢⴰⴷ ⵔⴰⴷ ⵉⵙⴷⵓⵙ ⴰⵙⴼⵙⵔ ⴰⴷⵓⵙⴰⵏ ⵖ ⵜⵎⵏⴰⴹⵉⵏ ⵏ ⵜⵙⴳⴰ ⴰⴷ ⴷ ⵔⴰⴷ ⵉⵔⴰⵔ ⵅⴼ ⵜⵓⵜⵔⴰⵡⵉⵏ ⵏ ⵓⵙⵖⴰⵡⵙ ⵉⵎⵣⴷⴰⵖⵏ ⵍⵍⵉ ⵉⵣⵔⵉⵏ ⵎⵍⵢⵓⵏ ⴷ 660 ⵏ ⵉⴼⴹ ⵏ ⵓⴼⴳⴰⵏ.
ⴱⴹⴰⵏ ⵡⴰⵎⵎⴰⵙⵏ ⴰⴷ ⵅⴼ : 10 ⵡⴰⵎⵎⴰⵙⵏ ⵉⵖⵔⵎⴰⵏ ⴷ ⵉⴼⴰⵔⴰⵏ ⵖ ⵓⵙⵡⵉⵔ ⴰⵎⵣⵡⴰⵔⵓ ⴷ ⵡⵉⵙ ⵙⵉⵏ ⴷ 4 ⵏ ⵓⵙⴳⵏⴰⴼ ⴰⴼⵔⴰⵏ ⵖ ⵜⵎⵏⴰⴹⵜ ⵏ ⵓⴳⴰⴷⵉⵔ ⴷ ⵉⴷⴰⵡⵜⴰⵏⴰⵏ, ⴷ ⵢⴰⵏ ⵡⴰⵎⵎⴰⵙ ⵏ ⵓⵣⵣⵔⴰⵢ ⵅⴼ ⵜⵎⵓⴹⴰⵏ ⵏ ⵜⵓⵔⵉⵏ ⴷ ⵜⵎⵓⴹⴰⵏ ⵏ ⵓⵙⵏⴼⵓⵙ ⴷ ⵙⵉⵏ ⵡⴰⵎⵎⴰⵙⵏ ⵉⴼⴰⵔⴰⵏⵏ ⵖ ⵓⵙⵡⵉⵔ ⵡⵉⵙ ⵙⵉⵏ ⴷ ⵙⵉⵏ ⵉⵙⴳⴰⵏⴼ ⵉⴼⴰⵔⵏ ⵖ ⵜⵣⵏⵉⵜ ⴷ 8 ⵡⴰⵎⵎⴰⵙⵏ ⵉⴷⵓⵙⴰⵏⵏ ⵉⴼⴰⵔⴰⵏ ⵖ ⵓⵙⵡⵉⵔ ⴰⵎⵣⵡⴰⵔⵓ ⴷ ⵙⵉⵏ ⵉⵙⴳⵏⴰⴼ ⵉⴼⴰⵔⴰⵏ ⴳ ⵜⵎⵏⴰⴹⵜ ⵏ ⵜⵔⵓⴷⴰⵏⵜ.
ⵖ ⵜⵔⵣⵣⵉⴼⵜ ⴰⴷ ⵏ ⵓⴱⴰⵔⴰⵣ, ⵢⵉⵡⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰ ⵙ ⴷ ⴷⴷⴰⵏ ⵉⵚⵏⴼⴰⵕⵏ ⴰⴷ ⵖ ⵜⵖⴰⵔⴰⵙⵜ ⵏ ⵜⵙⵔⵜⵉⵜ ⵏ ⵜⵏⴱⴰⴹⵜ ⵉⵥⵍⵉⵏ ⵙ ⵓⵙⵎⵓⵜⵜⴳ ⵏ ⵓⵙⴼⵙⵔ ⴰⴷⵓⵙⴰⵏ ⴳ ⵜⵓⴳⵜ ⵏ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ ⵙ ⵖⵎⴽⵍⵍⵉ ⴷ ⵉⴷⴷⴰⵏ ⵖ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵍⵍⵉ ⵎⵓ ⵉⴳⴰ ⵓⵡⵜⵜⴰⵙ ⵏⵏⵙⵏⵜ ⴰⵙⵉⴷⴼ ⵏ ⵓⵙⴳⴷⴷ ⴳ ⵓⵖⴰⵡⴰⵙ ⵏ ⵜⴷⵓⵙⵉ ⵜⵏⴰⵎⵓⵔⵜ, ⵍⵍⵉ ⵉⵙⴷⵓⵙⵏ ⵉⵏⴱⴷⴰⴷⵏ ⵏ ⵡⴰⵏⴽ ⴰⵏⴰⵎⵓⵔⵏ, ⵉⵏⵏⴰ ⴰⵡⴷ ⵎⴰ ⴷ ⵉⴳⴰ ⵢⴰⵜ ⵜⵡⵓⵔⵉ ⵏ ⵡⴰⵍⵍⴰⵙ ⵏ ⵓⵙⵎⵓⵜⵜⴳ ⵏ ⵎⴰ ⵉⵣⵔⵉⵏ 400 ⵏ ⵡⴰⵎⵎⴰⵙ ⴰⴷⵓⵙⴰⵏ ⵖ ⵓⵙⵡⵉⵔ ⴰⵏⴰⵎⵓⵔ ⵃⵎⴰ ⴰⴷ ⴰⵡⴹⵏ 1400 ⵏ ⵡⴰⵎⵎⴰⵙ ⴰⴷⵓⵙⴰⵏ.
