ⵙ ⵓⵙⵡⵓⴷⴷⵓ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ, ⵉⵙⵙⵏⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵢⴰⵏ ⵓⴳⵔⴰⵡ ⵉⵥⵍⵉⵏ ⵙ ⵓⵙⵏⴼⵍ ⴰⵎⴰⵢⵏⵓ ⴳ ⵉⴳⵔ ⵏ ⵓⵙⵡⵓⴷⴷⵓ ⵏ ⵉⵙⴽⴽⵉⵏⵏ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ

ⵙ ⵓⵙⵡⵓⴷⴷⵓ ⵏ ⵜⴰⵔⴰⵜⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ ⵍⵍⵉ ⵉⴷⴷⴰⵏ ⴳ ⵉⵏⵏⴰⵡ ⵢⴰⵜⵜⵓⵢⵏ ⵙ ⵜⵎⵍⴷⴰ ⵏ ⵓⵙⴽⵜⵉ ⵏ ⵡⵉⵙ 49 ⵏ ⵜⵡⴰⴷⴰ ⵜⴰⵣⴳⵣⴰⵡⵜ, ⵉⵙⵙⵏⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⴰⴷ ⴰⴽⵡⴰⵙⵢⴰⵏ, ⵢⴰⵏ ⵓⴳⵔⴰⵡ ⵉⵥⵍⵉⵏ ⵙ ⵉⵎⴰⵙⵙⵏ ⵍⵍⵉ ⵔⴰⴷ ⵢⴰⵡⵙ ⵖ ⵓⵣⵣⵓⴳⵣ ⵏ ⵉⵥⵉⵕ ⴰⴳⵍⴷⴰⵏ ⵢⴰⵜⵜⵓⵢⵏ ⵎⵓ ⵉⴳⴰ ⵓⵡⵜⵜⴰⵙ ⵏⵏⵙ ⴰⵙⵏⴼⵍ ⴰⵎⴰⵢⵏⵓ ⴳ ⵉⴳⵔ ⵏ ⵓⵙⵡⵓⴷⴷⵓ ⵏ ⵉⵙⴽⴽⵉⵏⵏ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ ⴷ ⵜⵏⴽⵔⴰ ⵙ ⵡⴰⴷⴷⴰⴷⵏ ⵏⵏⵙ. 
ⵖ ⵜⵣⵡⵉⵔⵉ ⵏ ⵓⴳⵔⴰⵡ ⴰⴷ, ⵉⵙⴽⵜⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⵏⵏⴰⵢⵉⵏ ⵍⵍⵉ ⴷ ⵉⴷⴷⴰⵏ ⵖ ⵉⵏⵏⴰⵡ ⴰⴳⵍⴷⴰⵏ ⵢⴰⵜⵜⵓⵢⵏ ⵍⵍⵉ ⵉⵙⵙⵏ ⵜⵉⵔⵙⴰⵍ ⵏ ⵓⵚⵏⴼⴰⵕ ⴰⵙⴳⴷⴷⴰⵏ ⵉⵥⵍⵉⵏ ⵙ ⵡⴰⵍⵍⴰⵙ ⵏ ⵓⵥⵟⵟⴰ ⵏ ⵓⵙⵏⴼⵍ ⴰⵎⵔⵙⴰⵍ ⵏ « ⵓⵙⵇⵇⵉⵎ ⵏ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ » ⴷ ⵓⵙⴰⴽⵔ ⵏ « ⵜⵎⵔⵙⵍⵜ ⵍⵎⵃⴰⵎⵎⴰⴷⵢⴰ ⵏ ⵏ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ ». ⵉⵏⵏⴰ ⴰⵡⴷ ⵎⴰ ⵙ ⴷ ⵜⵓⵎⵥ ⵜⵏⴱⴰⴹⵜ ⵉⴱⵔⴰⵜⵉⵏ ⵜⵉⴳⵍⴰⴷⴰⵏⵉⵏ ⵢⴰⵜⵜⵓⵢⵏⵉⵏ ⵙ ⵜⴽⵙⵙⴰ ⴷ ⵓⴼⵔⴰⴽ ⴷ ⵜⵙⵙⵓⵊⴰⴷ ⵜⵎⴳⴳⵉⵢⵉⵏ ⵏ ⵓⵎⵓⵔⵙ ⵏ ⵓⵙⴳⴳⴷ ⴰⴷ.
 

ⵉⵙⵉⵙⴼⵡ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⵎⴰ ⵙ ⵔⴰⴷ ⵜⴱⵉⴽⵙ ⵜⴱⵉⴷ ⵜⵏⴱⴰⴹⵜ ⵅⴼ ⵓⵣⵓⴳⴳⵣ ⵏ ⵉⵥⵉⵕ ⴰⴳⵍⴷⴰⵏ ⵉⴼⴰⵡⵏ ⵙ ⵓⵙⵔⵇⵇⴱ ⴷ ⵓⵖⴰⵡⵍ ⵍⵍⵉ ⵙ ⴷ ⵉⵇⵇⴰⵏ ⵙ ⵓⵙⴽⴰⵔ ⵏ ⵜⵓⴳⵜ ⵏ ⵜⵎⴳⴳⵉⵢⵉⵏ ⵍⵍⵉ ⵔⴰⴷ ⵉⵙⴷⵓⵙ ⴰⵣⴷⴷⵓⵢ ⴷ ⵓⵎⵙⴰⵙⴰ ⵏ ⵜⵡⵓⵔⵉⵡⵉⵏ ⵏ ⵜⵎⵔⵙⴰⵍ ⵉⵥⵍⵉⵏ ⵙ ⵜⵖⴰⵡⵙⵡⵉⵏ ⵏ ⵉⵎⵖⵔⵉⴱⵉⵏ ⵉⵍⵍⴰⵏ ⵖ ⴱⵕⵕⴰ ⴷ ⵓⵔⴰⵔ ⵅⴼ ⴰⵢⵍⵍⵉⵙ ⵖⴰⵡⵙⴰⵏ ⵖ ⴱⵕⵕⴰ.
ⵉⵎⴹⴰⴽⴰⵕⵏ ⵉⵎⴷⵔⴰⵡⵏ ⴳ ⵓⴳⵔⴰⵡ ⴰⴷ ⵅⴼ ⵜⵉⵙⵙⵏⵜⴰⵢ ⵍⵍⵉ ⵔⴰⴷ ⵉⵙⴷⵓⵙ ⵜⴰⵣⴷⴰⵢⵜ ⵜⴰⴷⵍⵙⴰⵏⵜ ⵜⴰⵏⵉⵎⴰⵏⵜ ⵏ ⵉⵎⴷⴰⵏⵏ ⵏ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ ⵙ ⵜⵎⴰⵣⵉⵔⵜ ⵏⵏⵙⵏ, ⴷ ⵓⵙⵔⵅⵓ ⴷ ⵓⵙⵓⵟⵟⵏ ⵏ ⵜⵖⴰⵔⴰⵙⵉⵏ ⵜⵉⵙⵙⵓⴳⴰⵔ ⴷ ⵜⵙⵏⴱⴹⴰⵢ ⵙⵔⵙⵏ ⵉⵥⵍⵉⵏ, ⵓⵍⴰ ⴰⵡⴷ ⴰⴹⴼⵉⵔ ⵏ ⵜⵙⵓⴳⴰⵔ ⴷ ⵉⵎⵙⵏⴼⵍⵓⵍⵏ ⴷ ⵜⵡⵉⵙⵉ ⵏ ⵜⵙⵙⵏⵜⴰⵢ ⵏ ⵉⵎⵖⵔⵉⴱⵉⵏ ⵏ ⵓⵎⴰⴹⴰⵍ ⴷ ⵓⵙⵎⵖⵔ ⵏ ⵉⵙⵙⴰⵔⵓⵜⵏ ⵏⵏⵙⵏ ⴳ ⵓⴳⵯⵏⴰⵙ ⵏ ⵜⴳⵍⴷⵉⵜ ⵙ ⵖⵎⴽⵍⵍⵉ ⴷ ⵉⴷⴷⴰⵏ ⴳ ⵜⴰⵏⵜⵜⴰⵎⵜ ⵏ ⵓⵙⵙⴰⵔⵓ ⴰⵎⴰⵢⵏⵓ.
ⵉⵃⴰⴹⵕ ⵖ ⵓⴳⵔⴰⵡ ⴰⴷ ⵎⴰⵙⵙ ⵄⴰⴱⴷ ⵍⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵓⴳⵯⵏⵙ ⴷ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵔⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ ⴷ ⵎⴰⵙⵙ ⴰⵃⵎⴰⴷ ⵜⴰⵡⴼⵉⵇ, ⴰⵎⴰⵡⵙⴰⵙ ⵏ ⵍⵃⵓⴱⵓⵙ ⴷ ⵜⵖⴰⵡⵙⵉⵡⵉⵏ ⵜⵉⵎⵓⵙⵍⵎⵉⵏ ⴷ ⵎⴰⵙⵙ ⵎⵓⵃⵎⵎⴰⴷ ⵃⵊⵊⵉⵡⵉ, ⴰⵏⴼⵍⵓⵙ ⵏ ⵜⵏⴰⴱⴹⵜ ⴷ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⴷ ⵎⴰⵙⵙ ⵎⵄⴷ ⴱⵕⵕⴰⴷⴰ, ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵜ ⴷ ⵎⴰⵙⵙ ⵎⵓⵃⵎⵎⴰⴷ ⵎⵀⴷⵉ ⴱⵏⵙⵄⵉⴷ, ⴰⵎⴰⵡⵙⴰⵙ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ ⴷ ⵎⴰⵙⵙ ⴽⴰⵔⵉⵎ ⵣⵉⴷⴰⵏ, ⴰⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⴰⵔⵓ ⴷ ⵓⵙⵎⵙⴰⵙⴰ ⴷ ⵓⵙⵜⴰⵍ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵎⴰⵙⵙⴰ ⵍⴼⵍⵍⴰⵃ ⵙⵙⵖⵔⵓⵛⵏⵉ ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵓⵜⵜⵉ ⴰⵎⴰⵟⵟⵓⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ.