ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵢⴰⵏ ⵓⴳⵔⴰⵡ ⵉⵥⵍⵉⵏ ⵙ ⵓⵎⴹⴰⴽⴰⵕ ⵅⴼ ⵓⵙⵡⵓⴷⴷⵓ ⵏ ⵓⵙⵍⴳⵏ ⵏ ⵜⵉⵎⴰⵔⵔⵓⵜⵉⵏ ⵜⵉⵎⴽⴽⵉⵙⵉⵏ
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴰⵙⵙⴰ ⵏ ⵡⴰⴽⵕⴰⵙ ⴰⴷ ⴳ ⵕⵕⴱⴰⵟ ⵢⴰⵏ ⵓⴳⵔⴰⵡ ⵍⵍⵉⵖ ⵉⵃⴰⴹⵕ ⵉⴷ ⵎⴰⵙⵙ ⴰⵎⴰⵡⵙⴰⵙ ⵏ ⵜⵣⵔⴼⵜ ⴷ ⵓⵎⴰⵔⵉ ⴰⵎⴰⵜⴰⵢ ⵏ ⵜⵎⵙⵙⵓⴳⵓⵔⵜ ⵏ ⵉⴱⵏⵉⵇⵉⵏ ⴷ ⵡⴰⵍⵍⴰⵙ ⵏ ⵓⵙⵉⴷⴼ ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⴼⵏⵉⵇⵜ ⵏ ⵓⵙⵔⵓⵙ ⴷ ⵓⵙⵡⵓⴷⴷⵓ. ⵉⵍⵍⴰ ⵓⵎⴹⴰⴽⴰⵕ ⴳ ⵓⴳⵔⴰⵡ ⵅⴼ ⵉⵎⴰⵙⵙⵏ ⵏ ⵓⵙⵡⵓⴷⴷⵓ ⵏ ⵓⵙⵍⴳⵏ ⵓⵟⵟⵓⵏ 43.22 ⵉⵥⵍⵉⵏ ⵙ ⵜⵉⵎⴰⵔⵔⵓⵜⵉⵏ ⵜⵉⵎⴽⴽⵉⵙⵉⵏ, ⵍⵍⵉ ⴷ ⵉⴼⴼⴰⵖⵏ ⴳ22 ⵖⵓⵛⵜ 2024, ⵖⵉⴽⵍⵍⵉ ⵉⵍⵍⴰ ⵓⵎⴹⴰⴽⴰⵕ ⴰⵡⴷ ⵅⴼ ⵉⵙⵖⴰⵡⵙⴰⵜⵏ ⵏ ⵓⵙⵡⵓⴷⴷⵓ ⵏ ⵜⵎⴰⴷⴷⴰⵙⵉⵏ ⴷ ⵜⵥⵕⴼⴰⵏⵉⵏ ⵏ ⵓⵣⵓⴳⴳⵣ ⵏ ⵓⵚⵏⴼⴰⵕ ⵏ ⵓⵙⴳⴳⴷ ⵍⵍⵉ ⵎⵓ ⵉⴳⴰ ⵡⴰⵡⵜⵜⴰⵙ ⵏⵏⵙ ⴰⴷ ⴳⵉⵏ ⵜⵜⵎⵉ ⵉ ⵜⵉⵎⴰⵔⵔⵓⵜⵉⵏ ⵉⵜⵜⴽⴽⵙⵏ ⵜⴰⴷⵔⴼⵉⵜ ⵎⵉ ⵉⵎⵥⵥⵉ ⵓⵣⵎⵣ ⴷ ⵜⴰⵏⴰⴼⵜ ⵉ ⵉⵎⵓⴽⵔⵉⵙⵏ ⵏ ⵣⵣⵃⴰⵎ ⴳ ⵓⴳⵯⵏⵙ ⵏ ⵜⵎⵔⵙⴰⵍ ⵏ ⵉⴼⵏⵏⵉⵇⵏ.
ⵉⵍⵍⴰ ⵓⵎⵙⴰⵙ ⴳ ⵓⴳⵔⴰⵡ ⵅⴼ ⵉⵥⵉⵕ ⴷ ⵜⵎⴰⵎⴽⵜ ⵏ ⵓⵙⵡⵓⵔⵉ ⵍⵍⵉ ⵔⴰⴷ ⵉⴳ ⴰⵣⵣⵓⴳⵣ ⵏ ⵓⵙⵍⴳⵏ ⵏ ⵜⵉⵎⴰⵔⵔⵓⵜⵉⵏ ⵜⵉⵎⴽⴽⵉⵙⵉ ⵙ ⵜⵖⴰⵔⴰⵙⵜ ⵏ ⵓⵙⵔⵓⵙ ⵏ ⵢⴰⵜ ⵜⵙⵇⵇⵉⵎⵜ ⵏ ⵜⵎⵓⵣⵔⵜ ⴷ ⵜⵙⵇⵇⵉⵎⵉⵏ ⵜⵉⵎⵥⵍⴰⵢ ⵍⵍⵉ ⵔⴰⴷ ⵉⵙⵡⵓⵔⵉ ⵅⴼ ⵜⵉⵎⵓⴽⵔⵉⵙⵉⵏ ⵜⵉⵜⵉⵇⵏⵉⵏ ⴷ ⵜⵉⵏ ⵓⵙⵡⵓⴷⴷⵓ ⵉⵥⵍⵉⵏ ⵙ ⵓⵚⵏⴼⴰⵕ ⴰⴷ ⵢⴰⵜⵜⵓⵢⵏ ⵃⵎⴰ ⴰⴷ ⴼⴼⴰⵖⵏ ⵉⵎⵕⵙⵓⵎⵏ ⵏ ⵓⵙⵡⵓⴷⴷⵓ ⵉⵥⵍⵉⵏ ⵙ ⵜⵉⵎⴰⵔⵔⵓⵜⵉⵏ ⵜⵉⵎⴽⴽⵉⵙⵉⵏ ⴰⴷ ⵖ ⵢⴰⵏ ⵓⵣⵎⵣ ⵍⵍⵉ ⵓⵔ ⵔⴰⴷ ⵏⵏ ⵉⵣⵔⵉ ⵙⵎⵎⵓⵙ ⵏ ⵡⴰⵢⵢⵓⵔⵏ ⵙ ⵓⵣⵔⴰⴽ ⵏ ⵓⵣⵎⵣ ⵏ ⵓⵙⵡⵓⴷⴷⵓ ⵉⵍⵍⴰⵏ ⴳ ⵓⵙⵍⴳⵏ ⴰⴷ.
ⵖⵉⴽⵍⵍⵉ ⵉⵍⵍⴰ ⵓⵙⵔⵓⵙ ⵏ ⵓⵙⴰⵜⵉ ⴰⵎⴰⵜⴰⵢ ⵏ ⵢⴰⵜ ⵜⵎⵢⴰⵇⵇⴰⵏⵜ ⵏⴳⵔ ⵜⴰⴼⵏⵉⵇⵜ ⵏ ⵓⵙⵔⵓⵙ ⴷ ⵓⵙⵡⵓⴷⴷⵓ ⴷ ⵜⴰⵎⴰⵔⵉⵜ ⵜⴰⵎⴰⵜⴰⵢⵜ ⵏ ⵜⵎⵙⵙⵓⴳⵓⵔⵜ ⵉⴱⵏⵉⵇⵉⵏ ⴷ ⵡⴰⵍⵍⴰⵙ ⵏ ⵓⵙⵉⴷⴼ ⵍⵍⵉ ⵎⵓ ⵉⴳⴰ ⵖ ⵜⵡⵓⵔⵉⵡⵉⵏ ⵏⵏⵙ ⴰⵙⵡⵓⴷⴷⵓ ⵏ ⵜⵉⵎⴰⵔⵔⵓⵜⵉⵏ ⵜⵉⵎⴽⴽⵉⵙⵉⵏ ⵖ ⵓⵙⵡⵉⵔ ⵏ ⵡⴰⵎⵎⴰⵙ ⴷ ⵓⵙⵡⵉⵔ ⵏ ⴰⵎⵓⵔⴰⵏ.
ⵉⵎⵙⴰⵙⴰ ⵓⵙⵡⵓⴷⴷⵓ ⵓⵏⴱⵉⴹ ⵏ ⵜⵉⵎⴰⵔⵔⵓⵜⵉⵏ ⵜⵉⵎⴽⴽⵉⵙⵉⵏ ⴷ ⵜⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵉⵜⵜⵉⵏⵉⵏ « ⴰⴷ ⵜⵉⵍⵉ ⵢⴰⵜ ⵜⵙⵔⵜⵉⵜ ⵜⵓⵣⵏⵉⵔⵜ ⵜⴰⵎⴰⵢⵏⵓⵜ ⵉⴱⵉⴷⵏ ⵅⴼ ⴷ ⵓⵎⵙⴰⵙⴰ ⵏ ⵓⵙⵍⴳⵏ ⴷ ⵓⵍⵓⴳⵏ ⵓⵣⵏⵉⵔⵏ ⴷ ⵓⴹⴼⵉⵔ ⵏⵏⵙ ⵉ ⵉⵙⵎⵓⵜⵜⴳⵏ ».
ⵉⵃⴰⴹⵕ ⵉ ⵓⴳⵔⴰⵡ ⴰⴷ ⵉⴷ ⵎⴰⵙⵙ, ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵏⵙⵙⵉⵅⴼⵜ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ ⴷ ⵓⵏⵙⵙⵉⵅⴼ ⵏ ⵜⵣⵓⵏⵉ ⵏ ⵜⵏⴱⴹⴰⵢⵜ ⵜⵓⵣⵏⵉⵔⵜ ⴳ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵜⵏⴱⴰⴹⵜ ⵜⵏⴱⴹⴰⵢⵜ ⴷ ⵓⵏⵎⵀⴰⵍ ⵏ ⵜⵖⴰⵡⵙⵉⵡⵉⵏ ⵜⵓⵣⵏⵉⵔⵉⵏ ⴷ ⵓⵙⵓⵔⴼ ⴷ ⵓⵙⴰⴼⴰⴹ ⵏ ⵓⴱⴽⴽⵉⴹ ⴳ ⵜⵎⴰⵡⴰⵙⵜ ⵏ ⵜⵣⵔⴼⵜ ⴷ ⵓⵏⵎⵀⴰⵍ ⵏ ⵓⵇⵡⵡⵓⵎ ⴷ ⵓⵙⵡⵓⴷⴷⵓ ⵡⴰⵢⴷⴰⵜⵏ ⴳ ⵜⵎⴰⵡⴰⵙⵜ ⵏ ⵜⵣⵔⴼⵜ ⴷ ⵓⵏⵎⵀⴰⵍ ⵏ ⵜⵎⵙⴰⵙⵍⵜ ⴳ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
