ⵉⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵎⴹⴰⴽⴰⵕⵏ ⴷ ⵜⵎⴰⵡⵙⴰⵙⵜ ⵜⴰⵎⴰⵣⵡⴰⵔⵓⵜ ⵏ ⵜⴳⴷⵓⴷⴰⵏⵜ ⵜⴰⴷⵉⵎⵓⵇⵕⴰⵟⵉⵜ ⵏ ⵍⴽⵓⵏⴳⵓ
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⵙⵉⵏⴰⵙ 26 ⵏⵓⵡⴰⵏⴱⵉⵔ 2024 ⴳ ⵕⵕⴱⴰⵟ, ⵜⴰⵎⴰⵡⵙⴰⵙⵜ ⵜⴰⵎⴰⵣⵡⴰⵔⵓⵜ ⵏ ⵜⴳⴷⵓⴷⴰⵏⵜ ⵜⴰⴷⵉⵎⵓⵇⵕⴰⵟⵉⵜ ⵏ ⵍⴽⵓⵏⴳⵓ, ⵎⴰⵙⵙⴰ ⵙⵓⵎⵢⵓⵏⵡⴰ ⵜⵓⵍⵓⴽⴰ, ⵉⴳⴰ ⴷⵉⴷⵙ ⵜⵓⴳⵜ ⵏ ⵉⵎⴹⴰⴽⴰⵕⵏ ⵅⴼ ⵓⵙⵖⵓⴷⵓ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵏⴳⵔ ⵜⴳⵍⴷⵉⵜ ⵜⴰⵎⴰⵖⵔⵉⴱⵉⵜ ⴷ ⵜⴳ ⴷⵓⴷⴰⵏⵜⵏ ⵍⴽⵓⵏⴳⵓ ⵜⴰⴷⵉⵎⵓⵇⵕⴰⵟⵉⵜ ⴷ ⵜⵖⴰⵡⵙⵉⵡⵉⵏ ⵅⴼ ⵉⵍⵍⴰ ⵓⵎⵛⵛⵔⴽ.
ⴳ ⵓⵎⵣⵡⴰⵔⵓ ⵏ ⵉⵎⴹⴰⴽⴰⵕⵏ ⴰⴷ, ⵉⵙⵙⵔⵖⵓⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙⴰ ⵙⵓⵎⵢⵓⵏⵡⴰ ⵜⵓⵍⵓⴽⴰ ⵍⵍⵉ ⵜⵜⵓⵙⵏⵎⴰⵍⴰ ⵉⴱⵔⵉⵍ ⴰⴷ ⵉⵣⵔⵉⵏ 2024 ⵜⵎⴰⵖⴰⵔⵜ ⵜⴰⵎⴰⵣⵡⴰⵔⵓⵜ ⴳ ⵓⵙⵡⵉⵔ ⵏ ⵜⵏⵙⵙⵉⵅⴼⵜ ⵏ ⵉⵎⴰⵡⵙⴰⵙⵏ ⴳ ⵜⵎⴰⵣⵉⵔⵜ ⵏⵏⵙ, ⵉⵙⵎⵖⵓⵔ ⴰⵡⴷ ⵙ ⵜⵣⴷⴰⵢⵉⵏ ⵏ ⵓⵎⵣⵔⵓⵢ ⴷ ⵜⵉⵏ ⵜⴰⴳⵎⴰⵜ ⵉⵍⵍⴰⵏ ⵏⴳⵔ ⵕⵕⴱⴰⵟ ⴷ ⴽⵉⵏⵛⴰⵙⵙⴰ, ⴷ ⵜⵉⵔⵉⵜ ⵜⴰⵎⴷⵔⴰⵡⵜ ⴳ ⵓⵙⵖⵓⴷⵓ ⵏ ⵜⵣⴷⴰⵢⵉⵏ ⴰⴷ ⴳ ⵜⵓⴳⵜ ⵏ ⵉⴳⵔⴰⵏ ⵙ ⵜⵉⵏⵏⵓⴱⴹⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⴰⴷ ⵉⵏⵚⵕ ⵔⴱⴱⵉ ⴷ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵍⴽⵓⵏⴳⵓ ⵜⴰⴷⵉⵎⵓⵇⵕⴰⵟⵉⵜ, ⵎⴰⵙⵙ ⴼⵉⵍⵉⴽⵙ ⵜⵛⵉⵙⵉⴽⵉⴷⵉ.
ⵉⵙⵙⵉⵎⵖⵓⵔ ⵓⵏⵙⵙⵉⵅⴼ ⵏ ⵜⴱⴰⴹⵜ ⵙ ⵓⵎⵢⴰⵡⴰⵙ ⵉⴷⵓⵙⵏ ⴷ ⵓⵎⵣⴰⵖ ⵏ ⵜⵎⵉⵣⴰⵔ ⵙ ⵙⵏⴰⵜ ⴼ ⵓⵏⵣⴰⵢ ⵜⵎⴰⵏⵓⵜ ⵜⴰⵏⴰⵎⵓⵔⵜ ⴷ ⵜⵏⴽⵍⴰⵏⵜ ⵍⵍⵉ ⴷ ⵉⴱⴰⵢⵏ ⵍⵍⵉⵖ ⵢⵉⵡⵙ ⵍⵎⵖⵔⵉⴱ ⵖ ⵡⴰⵔⴰⵢ ⵏ ⵓⴼⵔⴰ ⴳ ⵜⴳⴷⵓⴷⴰⵏⵜ ⵜⴰⴷⵉⵎⵓⵇⵕⴰⵟⵉⵜ ⵏ ⵍⴽⵓⵏⴳⵓ ⵣⵖ ⵜⵉⵙ ⵚⵉⴹⵉⵚⵉⵏ ⵏ ⵜⴰⵙⵓⵜ ⵉⵣⵔⵉⵏ ⴷ ⵜⵡⵉⵙⵉ ⵏ ⵜⴳⴷⵓⴷⴰⵏⵜ ⵜⴰⴷⵉⵎⵓⵇⵕⴰⵟⵉⵜ ⵏ ⵍⴽⵓⵏⴳⵓ ⵉ ⵜⵏⵣⵔⵓⴼⵜ ⵏ ⵍⵎⵖⵔⵉⴱ ⵙ ⵓⵏⵏⵓⵕⵥⵎ ⵜⵙⵇⵓⵏⵙⵓⵜ ⵏ ⵜⴰⵎⴰⵜⴰⵢⵜ ⴳ ⴷⴷⴰⵅⵍⴰ ⴳ ⵡⴰⵢⵢⵓⵔ ⵏ ⴷⵓⵊⴰⵏⴱⵉⵔ 2020.
ⵙⴰⵡⵍⵏ ⴰⵡⴷ ⵉⵎⵙⵜⴳⴳⴰⵔⵏ ⵙ ⵙⵉⵏ ⵖ ⵉⵎⴹⴰⴽⴰⵕ ⴰⴷ ⵅⴼ ⵉⵏⴰⵥⴰⵕⵏ ⵏ ⵓⵎⵢⴰⵡⴰⵙ ⴰⴷⴰⵎⵙⴰⵏ ⵏⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵜⴰⴷⵉⵎⵓⵇⵕⴰⵟⵉⵜ ⵏ ⵍⴽⵓⵏⴳⵓ, ⵙ ⵜⵖⴰⵔⴰⵙⵔ ⵃⵎⴰ ⴰⴷ ⴰⵍⵍⵏ ⵖ ⵓⵙⵡⵉⵔ ⵏ ⵉⵎⵙⴰⵙⴰ ⴰⴼⴰⴷ ⴰⴷ ⵜⵜⵓⵙⴽⵉⵔ ⵜⵙⵓⵜⵍⵜ ⵏ ⵜⵙⵇⵇⵉⵎⵜ ⵉⵜⵜⵓⵛⵕⴰⴽⵏ ⴷ ⵓⵙⵎⵓⵙⵙⵓ ⵏ ⵓⵙⵇⵇⵉⵎ ⵏ ⵜⵡⵓⵔⵉⵡⵉⵏ ⴰⵎⴰⵖⵔⵉⴱⵉ ⴷ ⵓⴽⵓⵏⴳⵓⵍⵉ.
