ⵉⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵎⴹⴰⴽⴰⵕⵏ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵏ ⵜⴳⴷⵓⴷⴰⵏⵜ ⵏ ⵖⵉⵏⵢⴰ

ⵉⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⴽⵡⴰⵙ 28 ⵏⵓⵡⴰⵏⴱⵉⵔ 2024 ⴳ ⵕⵕⴱⴰⵟ, ⵉⵎⴹⴰⴽⴰⵕⵏ ⵉⵙⵉⵏⵏⵔⴰⵏⵏ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵏ ⵜⴳⴷⵓⴷⴰⵏⵜ ⵏ ⵖⵉⵏⵢⴰ, ⵎⴰⵙⵙ ⴰⵎⴰⴷⵓ ⵓⵕⵉ ⴱⴰⵀ, ⵉⵃⴰⴹⵕ ⴰⵡⴷ ⴷⵉⴷⵙⵏ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ. ⵉⵡⵉⵏ ⴷ ⴳ ⵓⴳⵔⴰⵡ ⴰⴷ ⴼ ⵜⵖⵔⴰⵔⴰⵙⵉⵏ ⵏ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵏⴳⴷ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵖⵉⵏⵢⴰ, ⴷ ⵉⵎⵎⴰⵙⵙⵏ ⵏ ⵓⵙⵎⵓⵜⵜⴳ ⵏⵏⵙⵏⵜ. ⵖⵓⴽⵍⵍⵉ ⵙⵎⵖⵔⵏ ⵙ ⵜⵣⴰⴷⴰⵢⵉⵏ ⵏ ⵜⵉⴷⴷⵓⴽⵍⴰ ⵉⵥⵉⵍⵏ ⵏⴳⵔ ⵜⵎⵉⵣⴰⵔ ⵙ ⵙⵏⴰⵜ ⵍⵍⵉ ⵉⴱⵓⵖⵍⴰⵏ ⴹⴰⵕⴰⵜ ⵙⵏⴰⵜ ⵜⵔⵣⵣⵉⴼⵉⵏ ⵜⵉⴳⵍⴷⴰⵏⵉⵏ ⵙ ⵖⵉⵏⵢⴰ ⴳ ⵉⵙⴳⴳⴰⵙⵏ ⵏ 20214 ⴷ 2017. 
ⵉⵙⴷⴷⵉⵙ ⵓⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵎⴰ ⵙ ⵜⵓⵊⴰⴷ ⵜⴳⴰⵍⴷⵉⴷⵜ ⵏ ⵍⵎⵖⵔⵉⴱ ⴰⴷ ⵜⴰⵡⵙ ⵉ ⵜⴳⴷⵓⴷⴰⵏⵜ ⵏ ⵖⵉⵏⵢⴰ ⵃⵎⴰ ⴰⴷ ⵜⵙⵔⵙ ⵜⵉⵔⵙⴰⵍ ⵏ ⵜⴳⵎⵉ ⵜⴰⴷⴰⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⵙⵓⵍⴰⵏⵜ ⴷ ⵜⵎⴰⵜⴰⵢⵜ ⵙ ⵖⵎⴽⵍⵍⵉ ⴷ ⵉⴷⴷⴰⵏ ⴷ ⴳ ⵜⴰⵔⴰⵜⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ, ⵙⵍⴰⵀⵡⴰⵏ ⴰⴽⴽⵯ ⴰⵙⴱⵓⵖⵍⵓ ⵏ ⵉⴳⵔ ⵏ ⵜⴼⵍⵍⴰⵃⵜ ⴷ ⵡⵉⵏ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴷⵓⵙⵉ ⴷ ⵜⵎⴳⵓⵔⵉ, ⵉⵙⵎⵖⵔ ⴰⵡⴷ ⴰⵎⴰⵢⴰⵡⴰⵙ ⵉⵣⴷⵉⵏ ⴷ ⵜⴳⴷⵓⴷⴰⵏⵜ ⵏ ⵖⵉⵏⵢⴰ ⵍⵍⵉ ⵔⴰⴷ ⵉⵙⴷⵓⵙ ⵜⵉⵣⴷⴰⵢⵉⵏ ⵏ ⵜⴳⵯⵎⴰⵜ ⴷ ⵜⵉⴷⴷⵓⴽⵍⴰ ⴷ ⵓⵍⵢⴰⵍⴰⵍ ⵉⵍⵍⴰⵏ ⵏⴳⵔ ⵉⴳⴷⵓⴷⵏ ⵏ ⵜⵎⵉⵣⴰⵔ ⵙ ⵙⵏⴰⵜ. 
ⴳ ⵓⴳⵔⴰⵡ ⴰⴷ ⵏⵉⵜ, ⵉⵍⵍⴰ ⵓⵙⵎⵖⵔ ⵙ ⵡⴰⴷⴷⴰⴷ ⵏ ⵖⵉⵏⵢⴰ ⵖ ⵎⴰ ⵉⵥⵍⵉⵏ ⵙ ⵡⴱⴰⴹ ⵏ ⵍⵎⵖⵔⵉⴱ ⴷ ⵜⵎⵏⴰⴹⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ, ⵍⵍⵉⵖ ⵜⵕⵥⵎ ⵜⴰⵙⵇⵓⵏⵙⵓⵜ ⵜⴰⵎⴰⵜⴰⵢⵜ ⵏⵏⵙ ⴳ ⴷⴷⴰⵅⵍⴰ ⴳ ⵡⴰⵢⵢⵓⵔ ⵏ ⵉⵏⵏⴰⵢⵔ 2020, ⵃⵎⴰ ⴰⴷ ⵉⵙⴷⵓⵙ ⴰⴷⴷⴰⴷⵏ ⵉⴷⴷⵔⵏ ⵏ ⵜⴳⴷⵓⴷⴰⵏⵜ ⵏ ⵖⵉⵏⵢⴰ ⵖ ⵎⴰ ⵉⵥⵍⵉⵏ ⵙ ⵓⴽⵏⴰⵙ ⴰⵙⴳⴰⵡⴰⵏ ⵉⵉⵜⵓⵙⴽⴰⵔⵏ ⵅⴼ ⵜⵏⵣⵔⵓⴼⵜ ⵜⴰⵎⴰⵖⵔⵉⴱⵜ.
ⵣⵔⵓⵏ ⴰⵡⴷ ⵉⵎⵙⵜⴳⴳⴰⵔⵏ ⵙ ⵙⵉⵏ ⵙ ⵉⵎⵎⴰⵙⵙⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⴱⵓⵖⵍⵓ ⵏ ⵜⵣⴷⴰⵢⵉⵏ ⵏⴳⵔ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵖⵉⵏⵢⴰ ⴳ ⵢⴰⵏ ⵓⴰⵙⵜⵉ ⴰⵙⵜⵕⴰⵜⵉⵊⵉ ⵏ ⵓⵎⵢⴰⵡⴰⵙ ⵍⵍⵉ ⵔⴰⴷ ⵉⴳ ⵢⴰⵏ ⵉⴳⵔ ⵏ ⵓⵎⵢⴰⵡⴰⵙ ⵏ ⵉⴼⴼⵓⵙ-ⵉⴼⴼⵓⵙ ⴳ ⵜⵎⵏⵥⴰⵡⵜ, ⵣⵓⵏ ⴷ ⴰⵙⴷⴷⵔ ⵏ ⵜⵔⵣⵣⵉⴼⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵉ ⵜⵎⵉⵣⴰⵔ ⵏ ⵉⴼⵔⵉⵇⵢⴰ. ⵙⵍⴰⵀⵡⴰⵏ ⴰⴽⴽⵯ ⵍⵍⵉⵖ ⵉⵍⵍⴰ ⵓⵙⴳⵎⴹ ⵏ ⵓⵙⵉⵡⴹ ⴰⵎⴷⵔⴰⵡ ⵏⴳⴷ ⵜⵏⴱⴰⴹⵜ ⵏ ⵜⵎⵉⵣⴰⵔ ⵙ ⵙⴰⵏⵜ ⴳ ⵎⴰⵢⵓ 2023 ⴳ ⵕⵕⴱⴰⵟ, ⴷ ⵓⵙⴽⴰⵔ ⵏ ⵜⵙⵓⵜⵍⵜ ⵜⵉⵙ ⵙⴰⵜ ⵏ ⵜⵙⵇⵇⵉⵎⵜ ⵜⴰⵎⴷⵔⴰⵡⵜ ⵏ ⵓⵎⵢⴰⵡⴰⵙ ⵍⵎⵖⵔⵉⴱ- ⵖⵉⵏⵢⴰ ⴳ ⵡⴰⵢⵢⵓⵔ ⵏ ⵢⵓⵍⵢⵓⵣ 2023 ⴳ ⴷⴷⴰⵅⵍⴰ.