ⵉⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵎⴹⴰⴽⴰⵕⵏ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵏ ⵜⴳⴷⵓⴷⴰⵏⵜ ⵏ ⵙⴰⵡ ⵜⵓⵎⵉ ⴷ ⴱⵕⵉⵏⵙⵉⴱ ⵜⴰⴷⵉⵎⵓⵇⵕⴰⵟⵉⵜ
ⵉⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⴽⵡⴰⵙ 28 ⵏⵓⵡⴰⵏⴱⵉⵔ 2024 ⴳ ⵜⴳⵎⵎⵉ ⵜⵓⵎⵍⵉⵍⵜ, ⵉⵎⴹⴰⴽⴰⵕⵏ ⵉⵙⵉⵏⵔⴰⵏⵏ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵏ ⵜⴳⴷⵓⴷⴰⵏⵜ ⵏ ⵙⴰⵡ ⵜⵓⵎⵉ ⴷ ⴱⵕⵉⵏⵙⵉⴱ ⵜⴰⴷⵉⵎⵓⵇⵕⴰⵟⵉⵜ, ⵎⴰⵙⵙ ⴱⴰⵜⵕⵉⵙ ⵉⵎⵉⵔⵉ ⵜⵔⴼⵡⴰⴷⴰ.
ⵙⴰⵡⵍⵏ ⴳ ⵓⴳⵔⴰⵡ ⴰⴷ ⴼ ⵜⵖⴰⵔⴰⵙⵉⵏ ⵏ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵜⵉⴷⴷⵓⴽⵍⴰ ⴷ ⵓⵎⵢⴰⵡⴰⵙ ⵏⴳⴷ ⵜⵎⵉⵣⴰⵔ ⵙ ⵙⵏⴰⵜ ⵍⵍⵉ ⵉⴷⴷⴰⵏ ⴳ ⵜⵖⵔⴰⵙⵜ ⵏ ⵉⵥⵉⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⴰⴷ ⵜ ⵉⵏⵚⵕ ⵔⴱⴱⵉ ⵎⵓ ⵉⴳⴰ ⵓⵡⵜⵜⴰⵙ ⴰⵙⴱⵓⵖⵍⵓ ⵏ ⵓⵎⵢⴰⵡⴰⵙ ⵏ ⵉⴼⴼⵓⵙ-ⵉⴼⴼⵓⵙ ⴳ ⵜⵎⵏⵥⴰⵡⵜ ⵏ ⵉⴼⵔⵉⵇⵢⴰ.
ⵉⵙⴷⴷⵉⵙ ⵓⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵎⴰ ⵙ ⵜⵓⵊⴰⴷ ⵜⴳⵍⴷⵉⴷⵜ ⵏ ⵍⵎⵖⵔⵉⴱ ⵙ ⵜⵏⵏⵓⴱⴹⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵚⵕ ⵔⴱⴱⵉ ⴰⴷ ⵜⴷⵔⵓ ⵜⵉⵎⵓⵣⴰⵢⵉⵏ ⵏⵏⵙ ⴷ ⵜⵎⵉⵣⴰⵔ ⵏ ⵉⴼⵔⵉⵇⵢⴰ, ⵉⵙⵎⵖⵔ ⴰⵡⴷ ⵉⵢⴰⴼⵓⵜⵏ ⵍⵍⵉ ⵉⴼⴼⴰⵖⵏ ⴳ ⵜⴱⵔⵉⴷⵜ ⵏ ⵓⵎⵢⴰⵡⴰⵙ ⵏⴳⵔ ⵍⵎⵖⵔⵉⴱ ⴷ ⵙⴰⵡ ⵜⵓⵎⵉ ⵏⴳⵔ 2020-2022 ⴷ ⵓⵏⵏⵓⵕⵥⵎ ⵖ ⵉⵎⴰⵍ ⵏ ⵓⵙⴳⵎⴹ ⵏ ⵢⴰⵜ ⵜⵖⴰⵔⴰⵙⵜ ⵢⴰⵜⵜⵓⵢⵏ ⴳ ⵉⴳⵔⴰⵏ ⵏ ⵜⴳⵎⵉ ⵉⴳⴰⵏ ⵉⵎⵙⵙⵓⴳⴰⵔ.
ⵉⵙⵙⵓⵙⵎ ⵉⵎⵙⵜⴳⴳⴰⵔⵏ ⵙ ⵙⵉⵏ ⴰⵙⵡⵉⵔ ⵏ ⵓⵎⵛⵉⵡⴰⵕ ⴰⵙⵔⵜⴰⵏ ⵉⵍⵍⴰⵏ ⵏⴳⵔ ⵜⵎⵉⵣⴰⵔ ⵙ ⵙⵏⴰⵜ, ⵍⵍⵉⵖ ⵔⴰⴷ ⵢⵉⵍⵉ ⵡⴰⵏⵏⴰⵍ ⵏ ⵜⵎⵏⴽⴰⴷⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵙⴰⵡ ⵜⵓⵎⵉ ⴷ ⴱⵕⵉⵏⵙⵉⴱ ⵜⴰⴷⵉⵎⵓⵇⵕⴰⵟⵉⵜ ⵙ ⵜⵖⴰⵔⴰⵙⵜ ⵏ ⵓⵎⵢⴰⵡⴰⵙ ⴳ ⵜⵓⴳⵜ ⵏ ⵜⵎⵙⵙⵓⴳⴰⵔ ⵜⵏⵎⵏⴰⴹⵉⵏ ⴷ ⵜⴳⵔⴰⵖⵍⴰⵏⵉⵍ. ⵖⵉⴽⵍⵍⵉ ⵉⵍⵍⴰ ⵓⵙⵎⵖⵔ ⵙ ⵜⵡⵉⵙⵉ ⵍⵍⵉ ⵜⴳⴰ ⵜⴳⴷⵓⴷⴰⵏⵜ ⵏ ⵙⴰⵡ ⵜⵓⵎⵉ ⴷ ⴱⵕⵉⵏⵙⵉⴱ ⵜⴰⴷⵉⵎⵓⵇⵕⴰⵟⵉⵜ ⵉ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜⴷ ⵍⵍⵉⵖ ⵜⴳⴰ ⴰⵏⵏⵓⵕⵥⵎ ⵏ ⵜⵙⵇⵓⵏⵙⵓⵜ ⴳ ⵍⵄⵢⵓⵏ ⴳ ⵡⴰⵢⵢⵓⵔ ⵏ ⵢⵉⵏⵏⴰⵢⵔ 2020.
ⴳⴰⵏ ⵉⵎⴹⴰⴽⴰⵕⵏ ⵢⴰⵜ ⵜⵉⵣⵉ ⵖ ⵉⵍⵍⴰ ⵓⵙⴷⴷⵉⴷ ⵅⴼ ⵡⴰⵜⵉⴳ ⵏ ⵓⵙⴽⴰⵔ ⵏ ⵢⴰⵏ ⵓⵙⵇⵇⵉⵎ ⵏ ⵜⵡⵓⵔⵉⵡⵉⵏ ⵏⴳⵔ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵙⴰⵡ ⵜⵓⵎⵉ ⴷ ⴱⵕⵉⵏⵙⵉⴱ ⵜⴰⴷⵉⵎⵓⵇⵕⴰⵟⵉⵜ ⵃⵎⴰ ⴰⴷ ⵢⵉⵍⵉ ⵓⵙⵙⵓⴳⵜ ⵏ ⵉⵙⵏⴼⴰⵍ ⴳ ⵉⴳⵔ ⵏ ⵜⵙⴱⴱⴰⴱⵜ ⴷ ⵓⵙⴷⴷⵔ ⵏ ⵜⵉⵎⵥⴹⵉⵕⵉⵏ ⵜⵉⴷⴰⵎⵙⴰⵙⵉⵏ ⵏⴳ ⵜⵎⵉⵣⴰⵔ ⵙ ⵙⵏⴰⵜ.
