ⵉⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵎⴹⴰⴽⴰⵕⵏ ⴷ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵍⴱⴰⵏⴽ ⵏ ⵡⴰⴼⵔⵉⵇⵢⴰ ⵏ ⵜⴳⵎⵉ

ⵉⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⴽⵡⴰⵙ 05 ⴷⵓⵊⴰⵏⴱⵉⵔ2024 ⴳ ⵕⵕⴱⴰⵟ, ⵉⵎⴹⴰⴽⴰⵕⵏ ⴷ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵍⴱⴰⵏⴽ ⵏ ⵡⴰⴼⵔⵉⵇⵢⴰ ⵏ ⵜⴳⵎⵉ, ⵎⴰⵙⵙ ⴰⴽⵉⵏⵓⵎ ⴰⴷⵉⵙⵉⵏⴰ Akinwumi Adesina, ⵜⵃⴰⴹⵕ ⴷⵉⴷⵙⵏ ⴰⵡⴷ ⵜⵎⵡⴰⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ, ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ. ⵙⵎⵖⵔⵏ ⴳ ⵉⵎⴹⴰⴽⴰⵕⵏ ⴰⴷ ⵙ ⵓⵙⵏⴼⵍ ⴰⵅⴰⵜⴰⵔ ⵍⵍⵉ ⵉⵜⵜⴳⴳⴰ ⵍⵎⵖⵔⵉⴱ ⵙ ⵜⵏⵏⵓⴱⴹⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ, ⴰⵢⵍⵍⵉ ⵓⵊⵊⴰⵏ ⵜⴰⵎⴰⵣⵉⵔⵜ ⵏⵏⵖ ⴰⴷ ⵜⵉⵍⵉ ⴳ ⵢⴰⵏ ⵡⴰⴷⴷⴰⴷ ⴰⵎⴰⵣⵡⴰⵔⵓ ⵏ ⵜⵉⵎⵣⴰⵔ ⵉⴽⴽⴰⵏ ⴰⴱⵔⵉⴱ ⵏ ⵓⵙⴱⵓⵖⵍⵓ ⴳ ⵓⵎⴰⴹⴰⵍ ⴷ ⵜⵎⵉⵣⴰⵔ ⴳ ⵉⴱⵓⵖⵍⴰ ⵓⵔⴳⴳⵉⴳ ⴳ ⵉⴼⵔⵉⵇⵢⴰ.
ⴳ ⵓⵎⵣⵡⴰⵔⵓ ⵏ ⵓⴳⵔⴰⵡ ⴰⴷ, ⵉⵙⵎⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵙ ⵓⵎⵢⴰⵡⴰⵙ ⵉⵖⵓⴷⴰⵏ ⵉⵍⵍⴰⵏ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵔⴰⴱⴱⵓⵜ ⵏ ⵍⴱⴰⵏⴽ ⵏ ⵡⴰⴼⵔⵉⵇⵢⴰ ⵏ ⵜⴳⵎⵉ, ⵉⵜⵜⵔ ⴰⵡⴷ ⵜⵎⵔⵙⵍⵜ ⴰⴷ ⴰⴷ ⵜⵙⵙⵉⴳⵜ ⴳ ⵜⵡⵉⵙⵉ ⴷ ⵓⴹⴼⵉⵔ ⵃⵎⴰ ⴰⴷ ⵉⵡⴹⵏ ⴰⵙⵡⵉⵔ ⵏ ⵉⵙⴳⴷⴷⵏ ⵉⵅⴰⵜⵔⵏ ⴷ ⵉⵙⵏⴼⴰⵕⵏ ⵉⵎⴰⴷⴷⵓⵙⵏ ⵍⵍⵉ ⵜⴳⴳⴰ ⵜⵎⴰⵣⵉⵔⵜ ⵏⵏⵖ ⴳ ⵜⵓⴳⵜ ⵏ ⵉⴳⵔⴰⵏ ⵙ ⵜⵉⵏⵏⵓⴱⴹⴰ ⵏ ⵓⴳⵍⵍⵉⴷ ⴰⴷ ⵉⵏⵚⵕ ⵜⴱⴱⵉ.
ⴳ ⵎⵏⵉⴷ ⵏⵏⵙ, ⵉⵡⵉⴷ ⵎⴰⵙⵙ ⴰⴽⵉⵏⵓⵎ ⴰⴷⵉⵙⵉⵏⴰ Akinwumi Adesina ⵉⵙⵙⵔⵖⵓⴷⵏ ⵏⵏⵙ ⵉ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵚⴰⴷ ⵉⵏⵚⵕ ⵜⴱⴱⵉ ⵙ ⵜⵡⵉⵙⵉ ⵍⵍⵉ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵡⴰⴼⵔⵉⵇⵢⴰ ⵏ ⵉⴼⵕⵉⵇⵢⴰ ⵏ ⵜⴳⵎⵉ, ⵙⵍⴰⵀⴰⵡ ⴰⴽⴽⵯ ⴰⵙⵏⵎⴰⵍⴰ ⵏ ⵓⵙⴳⵔⴰⵡ ⵏ ⵉⴼⵕⵉⵇⵢⴰ ⵏ ⵓⵙⵙⴰⵔⵓ ⴳ ⵕⵕⴱⴰⵟ ⴳ ⵍⵍⴰⵏ ⵜⵓⴳⵜ ⵏ ⵉⵎⴷⵔⴰⵡⵏ. ⵉⵏⵏⴰ ⴰⵡⴷ ⵎⴰ ⵙ ⵉⴳⴰ  ⵍⵎⵖⵔⵉⴱ ⴰⵎⵙⵢⴰⴼⵓ ⴰⵎⴰⵣⵡⴰⵔⵓ ⴳ ⵉⵙⵙⴰⵔⵓⵜⵏ ⵏ ⵍⴱⴰⵏⴽ ⵙ ⵢⴰⵏ ⵓⵇⴰⵕⵉⴹ ⴰⵥⵕⴼⴰⵏ ⵉⵣⵔⵉⵏ 3.6 ⵎⵍⵢⴰⵕ ⵏ ⴷⴷⵓⵍⴰⵕ, ⴷ ⵔⴰⴷ ⵢⴰⵡⵙ ⵡⴰⴼⵔⵉⵇⵢⴰ ⴳ ⵓⵙⴳⴳⵯⴰⵙ ⴰⴷ ⴳ ⵜⵓⴳⵜ ⵏ ⵉⵚⵏⴼⴰⵕⵏ ⵙ ⵡⴰⵜⵉⴳ 1.5 ⵎⵍⵢⴰⵕ ⵏ ⴷⴷⵓⵍⴰⵕ. ⵉⵣⴰⵢⴷ ⵉⵏⵏⴰ ⵎⴰ ⵙ ⵔⴰⴷ ⵢⴰⵡⵙ ⵍⴱⵏⴽ ⵏ ⵉⴼⵔⵉⵇⵢⴰ ⵏ ⵜⴳⵎⵉ ⵓⵙⵥⵕⴼ ⵏ ⵜⵓⴳⵜ ⵏ ⵉⵚⵏⴼⴰⵕⵏ ⵉⵣⴷⵉⵏ ⵙ ⵓⵙⵎⵓⵜⵜⴳ ⵜⵓⵚⴽⵉⵡⵉⵏ ⵜⵉⵏⴰⴷⴰⵡⵉⵏ ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵍⵎⵓⵏⴷⵢⴰⵍ ⵏ 2030 ⵙⵍⴰⵀⵡⴰⵏ ⴰⴽⴽⵯ ⴰⵥⵟⵟⴰ ⵏ ⵉⴱⵔⴷⴰⵏ ⵓⵍⴰⵡⴰⵢ ⴷ ⵉⵣⵓⴳⴳⵣⵏ.
ⵉⵙⵏⵓⴱⴱⴳ ⵉⵎⵙⵜⴳⴳⴰⵔ ⵙ ⵙⵉⵏ ⴷ ⵜⵡⵓⵔⵉ ⵉⵖⵓⴷⴰⵏ ⵏ ⵜⵉⴽⴽⵉ ⵜⴰⵥⵕⴼⴰⵏⵜ ⵏ ⵜⵔⴰⴱⴱⵓⵜ ⵏ ⵍⴱⴰⵏⴽ ⵏ ⵡⴰⴼⵔⵉⵇⵢⴰ ⵏ ⵜⴳⵎⵉ ⴳ ⵍⵎⵖⵔⵉⴱ ⵙ ⴰⵢⵍⵍⵉ ⵉⵣⴷⵉⵏ ⵙ ⵓⵙⵜⴰⵍ ⵉⵜⵜⴰⵡⵙⴽⴰⵔⵏ ⵏ ⵉⵚⵏⴼⴰⵕⵏ ⵡⴰⵅⵅⴰ ⵏⵍⵍⴰ ⴳ ⵢⴰⵏ ⵡⴰⴷⴷⴰⴷ ⴰⴳⵔⴰⵖⵍⴰⵏ ⵉⵛⵇⵇⴰⵏ ⵉⵍⵉⵏⵜ ⵜⵓⴳⵜ ⵏ ⵜⴰⵙⵙⴰⵙⵉⵏ ⵏ ⴱⵕⵕⴰ. ⴳ ⵓⵙⴰⵜⵉ ⴰⴷ, ⵉⵍⵍⴰ ⵓⵙⵎⵖⵔ ⵙ ⵜⵎⴳⴳⵉⵢⵉⵏ ⵍⵍⵉ ⵜⴳⴳⴰ ⵜⵏⴱⴰⴹⵜ ⵜⴰⵎⵖⵔⵉⴱⵉⵜ ⵙ ⵜⵖⵔⴰⵙⵜ ⵉⴷⵓⵙⵏ ⵍⵍⵉ ⵜⴽⴽⴰ ⴳ ⵓⵙⵡⵓⴷⴷⵓ ⵏ ⵜⵡⵓⵔⵉ ⵏⵏⵙ ⵍⵍⵉ ⵜⵎⵙⴰⵙⴰ ⴷ ⵍⴱⴰⵏⴽ. 
ⵉⵇⵇⴰⵏ ⴷ ⴰⴷ ⵏⵙⴽⵜⵉ ⵎⴰ ⵙ ⵜⵍⵍⴰ ⵢⴰⵏ ⵓⵎⵙⴰⵙⴰ ⵏ ⵓⵎⵢⴰⵡⴰⵙ ⵉⵖⵓⴷⴰⵏ  ⵏⴳⵔ ⵍⵎⵖⵔⵉⴱ ⴷ ⵜⵔⴱⴱⵓⵜ ⵏ ⵉⴼⵔⵉⵇⵢⴰ ⵣⵖ 1970. ⵣⵖ ⵜⵉⵣⵉ ⴰⵏⵏ ⵉⵍⵍⴰ ⵓⵙⵓⵊⴷ ⵏ ⵎⴰ ⵉⵥⵔⵉⵏ 15 ⵎⵍⵢⴰⵕ ⵓⵕⵓ ⵍⵍⵉ  ⵢⵉⵡⵙⵏ ⴳ ⵎⴰ ⵉⵜⵜⴳⴰⵏ 150 ⵏ ⵜⵎⵀⵍⵜ ⴳ ⵜⴳⵍⴷⵉⵜ.