ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵢⴰⵏ ⵓⴳⵔⴰⵡ ⵅⴼ ⵓⵙⵡⵓⵔⵉ
ⵉⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⴰⵙⵉⵏⴰⵙ 10 ⴷⵓⵊⴰⵏⴱⵉⵔ2024 ⴳ ⵕⵕⴱⴰⵟ, ⵢⴰⵏ ⵓⴳⵔⴰⵡ ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵓⵙⵡⵓⵔⵉ, ⵍⵍⵉⵖ ⵃⴰⴹⵕⵏ ⵜⵓⴳⵜ ⵏ ⵉⴳⵔⴰⵡⵏ ⵉⵎⴰⵡⵙⴰⵙⵏ ⵉⵎⵥⵍⴰⵢ ⴷ ⵜⵎⵓⵔⴰⵢⵜ ⵜⴰⵏⴰⴼⵍⵍⴰⵜ ⵏ ⵓⵙⵖⵉⵡⵙ ⴷ ⵜⴼⵏⵉⵇⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⴷ ⵓⵙⵉⵔⴰ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵎⵓⵜⵜⴳ ⵏ ⵓⵙⵡⵓⵔⵉ, ⵍⵍⴰⵏ ⵉⵎⴹⴰⴽⴰⵕⵏ ⵅⴼ ⵜⵎⴳⴳⵉⵢⵉⵏ ⵏ ⵓⵙⵡⵓⴷⴷⵓ ⵍⵍⵉ ⴷ ⵉⴷⴷⴰⵏ ⴳ ⵜⵖⵔⴰⵙⵜ ⵏ ⵉⴳⵔ ⵏ ⵓⵙⵡⵓⵔⵉ ⵍⵍⵉ ⵔⴰⴷ ⴰⵙⵖⵉⵡⵙ ⵜⵏⴱⴰⴹⵜ ⴳ ⵎⴰ ⵏⵏ ⵓⵔ ⵢⴰⴳⴳⵓⴳⵏ ⵃⵎⴰ ⴰⴷ ⵜⴳ ⵢⴰⵜ ⵜⴷⵉⵏⴰⵎⵉⵜ ⴳ ⵉⴳⵔ ⴰⴷ ⵙ ⵓⵎⵙⴰⵙⴰ ⵏ ⵜⴰⵔⴰⵜⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ ⵍⵍⵉ ⵎⵓ ⵉⴳⴰ ⵓⵡⵜⵜⴰⵙ ⵏⵏⵙⵜ ⵜⵙⵔⵉ ⵜⴰⴷⴰⵎⵙⴰⵏⵜ ⴷ ⵜⵏⴰⵎⵓⵏⵜ ⵉ ⵜⵎⴰⵣⵉⵔⵜ ⵏⵏⵖ.
ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰ ⵙ ⵜⴹⴼⴰⵕ ⵜⵏⴱⴰⴹⵜ ⵉⵙⵏⴼⴰⵍ ⵉⵍⵍⴰⵏ ⴳ ⵜⴷⵉⵏⴰⵎⵉⵜ ⴳ ⵉⴳⵔ ⴰⴷ, ⴷ ⵔⴰⴷ ⵜⴳ ⵜⵓⴳⵜ ⵏ ⵜⵎⴳⴳⵉⵢⵉⵏ ⵉⵖⵓⴷⴰⵏ ⴳ ⵎⴰ ⵏⵏ ⵓⵔ ⵢⴰⴳⴳⵓⴳⵏ ⴷ ⴳ ⵢⴰⵜ ⵜⵉⵣⵉ ⵜⴰⵏⴰⵎⵎⴰⵙⵜ ⵃⵎⴰ ⴰⴷ ⵢⵉⵍⵉ ⵓⵖⴰⵡⵍ ⵏ ⵓⵣⵓⴳⴳⵣ ⵏ ⵓⵖⴰⵡⴰⵙ ⵏ ⵓⵙⵡⵓⵔⵉ, ⵉⵜⵜⵔ ⵉ ⵢⵉⵎⴷⵔⴰⵡⵏ ⴳ ⵉⴳⵔ ⴰⴷ ⴰⴷ ⵙⵎⵓⵏ ⴳⵉⵏ ⴰⵡⴷ ⴰⵎⵙⴰⵙⴰ ⵃⵎⴰ ⴰⴷ ⵍⴽⵎⵏ ⵉⵡⵜⵜⴰⵙⵏ ⵍⵍⵉ ⵉⵜⵜⵔⵙⵏ ⴷ ⵓⵙⴷⵓⵙ ⵏ ⵜⴽⵛⵛⵓⵎⵉⵏ ⵜⵓⵏⴱⵉⴹⵉⵏ.
ⵢⵉⵡⵉⵏ ⴷ ⵉⵎⴷⴰⵔⵡⵏ ⴳ ⵓⴳⵔⴰⵡ ⴰⴷ ⵎⴰ ⵙ ⵉⴳⴰ ⵓⵙⴷⴰⵡ ⵏ ⵓⵙⵡⵓⵔⵉ ⵢⴰⵏ ⵓⵙⵉⵣⵡⵔ ⵖⵓⵔ ⵜⵏⴱⴰⴹⵜ ⵍⵍⵉ ⵎⵓ ⵜⵥⵍⵉ ⴳ ⵓⵙⵍⴳⵏ ⴰⵥⵕⴼⴰⵏ 2025 ⵎⴰ ⵉⵜⵜⴳⴳⴰⵏ 14 ⵎⵍⵢⴰⵕ ⵏ ⴷⴷⵔⵀⵎ ⴳ ⵓⵙⴷⵓⵙ ⵏ ⵉⴳⵔ ⴰⴷ. ⵖⵉⴽⵍⵍⵉ ⵔⴰⴷ ⵜⴰⵡⵙ ⵜⴱⵔⵉⴷⵜ ⵏ ⵓⵙⵡⵓⵔⵉ ⴳ ⵓⵙⴱⵓⵖⵍⵓ ⵏ ⵉⵣⵎⴰⵣ ⵏ ⵜⵡⵓⵔⵉ ⵏ ⵉⵙⵎⵉⵍⵏ ⵉⵏⴰⵎⵓⵏⵏ ⴳ ⵉⴳⵔ ⴰⵖⵔⵎⴰⵏ ⴷ ⵉⴳⵔ ⴰⴼⴰⵔⴰⵏ ⵡⴰⵅⵅⴰ ⵍⵍⴰⵏ ⴽⵔⴰ ⵏ ⵉⵎⵓⴽⵔⵉⵙⵏ.
ⵖⵉⴽⵍⵍⵉ ⴷ ⵙⴽⵜⵉⵏ ⵎⴰ ⵔⴰⴷ ⵏⵏ ⵜⵇⵇⵉⵍ ⵜⴱⵔⵉⴷ ⴰⴷ ⴳ ⵉⴳⵔ ⵏ ⵓⵙⵡⵓⵔⵉ ⵜⴰⵎⴰⴽⵔⵉⵙⵜ ⵏ ⵡⴰⵎⴰⵏ ⴷ ⵉⵏⴰⵥⴰⵕⵏ ⵉⵍⵍⴰⵏ ⴳ ⵓⵎⴰⴹⴰⵍ ⴰⵎⴰⵔⴰⵏ ⴷ ⵜⵎⴳⴳⵉⵢⵉⵏ ⵢⴰⴹⵏⵉⵏ ⵏ ⵜⵎⵙⵙⵏⵜⴰⵢ ⵜⵉⵎⵣⵢⴰⵏⵉⵏ ⴷ ⵜⵉⵏ ⵡⴰⵎⵎⴰⵙ ⴰⵛⴽⵓ ⵏⵜⵜⵏⵜⵉ ⴰⴷ ⵉⴳⴰⵏ ⴰⵏⴱⴷⴰⴷ ⵏ ⵉⵣⵎⴰⵣ ⵏ ⵓⵙⵡⵓⵔⵉ, ⴷ ⵓⵙⵎⵓⵜⵜⴳ ⵍⵍⵉ ⵔⴰⴷ ⵉⵣⴰⵣⵣⵍ ⴰⵙⵉⴷⴼ ⵙ ⵓⴳⴷⴰⵣ ⵏ ⵓⵙⵡⵓⵔⵉ.
ⵉⵃⴰⴹⵕ ⴳ ⵓⴳⵔⴰⵡ ⴰⴷ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⴰⵎⴰⵡⵙⴰⵙ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⴷ ⵓⵎⴰⵡⵙⴰⵙ ⵏ ⵓⵇⵡⵡⵎ ⴷ ⵡⴰⵎⴰⵏ ⴷ ⵓⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵉ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏⴷ ⵓⵎⴰⵡⵙⴰⵙ ⵏ ⵓⵙⵉⴷⴼ ⴰⴷⴰⵎⵙⴰⵏ ⴷ ⵜⵎⵙⵙⵏⵉⵜⵉⵜ ⵜⴰⵎⵥⵥⴰⵏⵜ ⴷ ⵓⵙⵡⵓⵔⵉ ⴷ ⵜⵎⵙⵙⵓⴳⴰⵔ ⴷ ⵓⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⴷ ⵜⵎⴰⵡⵙⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵏⵉⴹⵉ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵜⵡⵉⵣⵉ ⴷ ⵓⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⴰⵔⵓ ⴷ ⵓⵎⵙⴰⵙⴰ ⴷ ⵓⵙⵜⴰⵍ ⵏ ⵜⵙⵔⵜⴰⵢ ⵜⵉⴳⴷⵓⵏⵉⵏ ⴷ ⴰⵎⴰⵔⵉ ⵏ ⵓⵡⴰⵏⴽ ⵉⵜⵜⵓⵙⵎⴰⴳⴰⵍⵏ ⵙ ⵓⵣⴷⴷⵓⵖ ⴷ ⵓⵎⴰⵔⵉ ⵏ ⵓⵡⴰⵏⴽ ⵉⵜⵜⵓⵙⵎⴰⴳⴰⵍⵏ ⵙ ⵜⵏⵉⴹⵉ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵜⵡⵉⵣⵉ. ⵉⵃⴰⴹⵕ ⴰⵡⴷ ⴰⵎⵓⵔⴰⵢ ⴰⵎⴰⵜⴰⵢ ⵏ ⵓⵙⵖⵉⵡⵙ ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵏⴼⵏⵉⵇⵜ ⵜⴰⵏⴰⵎⵓⵔⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ.
