ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵏ ⵜⵏⴱⴰⴹⵜ ⴰⵏⵙⵙⵉⵅⴼ ⵏ ⵜⵙⵏⵓⵔⴰⵢⵜ ⵏ ⵓⵎⵍⴰⵏ ⵉⵥⵕⴼⴰⵏⵏ

ⵉⵙⵏⵓⴳⴱ ⵓⵏⵙⵙⵉⵅⴼ ⵏ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⴽⵡⴰⵙ 12 ⴷⵓⵊⴰⵏⴱⵉⵔ 2024, ⵓⵏⵙⵙⵉⵅⴼ ⵏ ⵏ ⵜⵏⴱⴰⴹⵜ ⴰⵏⵙⵙⵉⵅⴼ ⵏ ⵜⵙⵏⵓⵔⴰⵢⵜ ⵏ ⵓⵎⵍⴰⵏ ⵉⵥⵕⴼⴰⵏⵏ, ⵎⴰⵙⵙ ⵊⴰⵡⵀⴰⵕ ⵏⵏⴼⵉⵙⵉ, ⵍⵍⵉ ⵉⵙⵎⵏⵉⴷⵏ ⵜⴰⵏⴰⴹⵜ ⵜⴰⵙⴳⴳⵯⵙⴰⵏⵜ ⵏ ⵜⵙⵏⵓⵔⴰⵢⵜ ⵏ ⵓⵙⴳⴳⵯⴰⵙ 2023 ⵙ ⵓⵙⵡⵓⴷⴷⵓ ⵏ ⵓⵙⵍⴳⵏ 43-05 ⵉⵥⵍⵉⵏ ⵙ ⵓⵙⴱⴷⴷⵉ ⵏ ⵜⵓⴽⴽⵕⴹⴰ ⵏ ⵓⵇⴰⵔⵉⴹ ⴹⴰⵕⴰⵜ ⵍⵍⵉⵖ ⵉⵍⵍⴰ ⵓⵙⵏⴼⵍ ⵏⵏⵙ ⴷ ⵓⵙⵖⵓⴷⵓ ⵏⵏⵙ.
ⵉⴷⴷⴰ ⴷ ⴳ ⵜⴰⵏⴰⴹⵜ ⵜⵉⵙ ⴽⴰⵕⴰⴹⵜ ⵏ ⵓⵙⵜⴰⵍ ⴰⵏⴰⵎⵓⵔ ⵏ ⵉⵎⵓⴽⵔⵉⵙⵏ ⵏ ⵜⵓⴽⵕⴹⴰ ⵏ ⵓⵇⵇⴰⵕⵉⴹ ⴷ ⵓⵙⵥⵕⴼ ⵏ ⵓⴱⵔⵙⵉⵡⴷ ⵎⴰⵏⵉⴽ ⵙ ⵣⴰⵢⴷⵏ ⵉⵏⵎⵎⴰⵍⵏ ⵏ ⵉⵎⵓⵙⵙⵓⵜⵏ ⵏ ⵜⵙⵏⵓⵔⴰⵢⵜ ⵏ ⵓⵎⵍⴰⵏ ⵉⵥⵕⴼⴰⵏⵏ ⴳ ⵓⵙⴳⴳⵯⴰⵙ ⵏ 2023, ⵖ ⴰⵢⵍⵍⵉ ⵉⵥⵍⵉⵏ ⵙ ⵜⵉⵙⴳⵓⵔⵉⵡⵉⵏ ⵉⵉⵜⵓⴼⴽⴰⵏ ⵏⵖ ⴷ ⵜⵓⵜⵔⵉⵡⵉⵏ ⵏ ⵉⵏⵎⵎⴰⵍⵏ ⵍⵍⵉ ⴷ ⵉⴷⴷⴰⵏ ⴳ ⵓⵙⵡⵉⵔ ⴰⵏⴰⵎⵓⵔ ⵏⵖ ⴷ ⴰⵙⵡⵉⵔ ⴰⴳⵔⴰⵖⵍⴰⵏ ⴷ ⵉⵚⵕⴰⴹⵏ ⵖⵓⵔ ⵜⵏⴱⴰⴹⵉⵏ ⵜⵉⵏⴱⴰⴹⴰⵢ ⵜⵉⵎⵥⵍⴰⵢ.
ⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⵜⵉⵡⵉ ⴷ ⵜⴰⵏⴰⴹⵜ ⵅⴼ ⵜⵎⴳⴳⵉⵢⵉⵏ ⵏ ⵓⵎⵢⴰⵡⴰⵙ ⴷ ⵜⵎⴰⴷⴷⴰⵙⵉⵏ ⴷ ⵜⵙⵏⵓⵔⴰⵢⵜ ⵜⴳⵔⴰⵖⵍⴰⵏⵉⵏ ⴷ ⵜⵙⴳⴰⵡⴰⵏⵉⵏ ⵜⵉⵎⵥⵍⴰⵢ ⵍⵍⵉ ⵔⴰⴷ ⵉⵙⵖⵓⴷⵓ ⴰⴷⴷⴰⴷ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵓⵙⵢⴰⴼⴰ ⵙ ⵜⵎⵔⵉⵙⵉⵏ ⵜⵉⴳⵔⴰⵖⵍⴰⵏⵉⵏ ⴳ ⵉⴳⵔ ⵏ ⵓⵙⴱⴷⴷⵉ ⵏ ⵜⵓⴽⴽⵕⴹⴰ ⵏ ⵓⵇⵇⴰⵕⵉⴹ ⴷ ⵓⵙⵥⵕⴼ ⵏ ⵓⴱⵔⵙⵉⵡⴷ.
ⴳ ⵓⵏⵎⵉⴷ ⴰⴷ ⵏⵉⵜ, ⵉⵎⵍⴰ ⵓⵏⵙⵙⵉⵅⴼ ⵏ ⵜⵙⵏⵓⵔⴰⵢⵜ ⵜⵉⵎⴳⴳⵉⵢⵉⵏ ⵉⵜⵜⴰⵡⵙⴽⴰⵔⵏⴳ ⵓⵙⵎⵓⵜⵜⴳ ⵏⵓⵖⴰⵡⴰⵙ ⴰⵏⴰⵎⵓⵔ ⵏ  ⵓⵙⴱⴷⴷⵉ ⵏ ⵜⵓⴽⴽⵕⴹⴰ ⵏ ⵓⵇⵇⴰⵕⵉⴹ ⴷ ⵓⵙⵥⵕⴼ ⵏ ⵓⴱⵔⵙⵉⵡⴷ ⴷ ⵓⵙⴷⵓⵙ ⵏⵏⵙ, ⵙ ⵜⵖⴰⵔⴰⵙⵜ ⵏ ⵓⵣⴷⴷⵓⵢ ⴳⵔ ⵜⵓⴳⵜ ⵏ ⵜⵙⴳⴳⵉⵡⵉⵏ ⵜⵉⵎⵥⵍⴰⵢ ⴳ ⵍⵍⴰⵏⵜ ⵜⵉⵏⴱⴰⴹⵉⵏ ⵜⵏⵣⵔⴰⴼ ⴷ ⵜⵏⴱⴰⴹⵉⵏ ⵏⵓⵙⵏⵊⵎ ⵏ ⵓⵙⵍⴳⵏ ⴷ ⵜⵏⴱⴰⴹⵉⵏ ⵏ ⵜⵉⴹⴰⴼ, ⵉⵡⵉ ⴷ ⴰⵡⴷ ⵅⴼ ⵡⴰⵜⵉⴳ ⵉⵍⵍⴰⵏ ⵖⵓⵔ ⵜⵎⴳⴳⵉⵢⵉⵏ ⴰⴷ ⴳ ⵓⵙⵎⵖⵔ ⵏ ⵡⴰⴷⴷⴰⴷ ⵏ ⵓⵎⵙⴰⵙⴰ ⴷ ⵉⵙⵏⵖⵍⴰⴼ ⵏ ⵜⵔⴰⴱⴱⵓⵜ ⵏ ⵜⵡⵓⵔⵉ ⵜⴰⵥⵕⴼⴰⵏⵜ ⵙ ⵖⵎⴽⵍⵍⵉ ⵉⵎⵙⴰⵙⴰⵏ ⴷ ⵉⵍⵓⴳⵏⵏ ⵉⴳⵔⴰⵖⵍⴰⵏⵏ ⴷ ⵜⵓⵜⵔⵉⵡⵉⵏ ⵏ ⵓⵙⵜⴰⵍ ⵉⵜⵜⵓⵛⴰⴽⵏ.