ⵉⵎⵎⴰⴳⴳⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵓⴳⴰⴷⴰⵣ ⵏ ⵉⴷⴳⴰⵔⵏ

ⵉⵙⵏⵓⴳⴱ ⵓⵏⵙⵙⵉⵅⴼ ⵏ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⴽⵡⴰⵙ 12 ⴷⵓⵊⴰⵏⴱⵉⵔ 2024 ⴳ ⵕⵕⴱⴰⵟ, ⵎⴰⵙⵙⴰ ⵏⵣⵀⴰ ⵃⴰⵢⴰⵜ ⵙ ⵜⵏⵙⵙⵉⵅⴼⵜ ⵏ ⵜⵙⵏⵓⵔⴰⵢⵜ ⴰⵎⵖⵔⵉⴱⵉ ⵏ ⵜⴰⵎⵖⵔⵉⴱⵉⵜ ⵏ ⵓⴳⴰⴷⴰⵣ ⵏ ⵉⴷⴳⴰⵔⵏ, ⴰⴷⴷⴰⵢ ⴰⵙ ⵜⴼⴽⴰ ⵜⴰⵏⴰⴹⵜ ⵜⴰⵙⴳⴳⵯⵙⴰⵏⵜ ⵏ ⵜⵙⵏⵓⵔⴰⵢⵜ ⵉⵥⵍⵉⵏ ⵙ ⵓⵙⴳⴳⵯⴰⵙ ⵏ 2023 ⵍⵍⵉⵖ ⵜⵉⵡⵉ ⵅⴼ ⵜⵓⴳⵜ ⵏ ⵉⵎⵓⵙⵙⵓⵜⵏ ⵉⵥⵍⵉⵏ ⵙ ⵓⴳⴰⴷⴰⵣ ⵏ ⵉⴷⴳⴰⵔⵏ ⴳ ⵜⵉⵣⵉ ⴰⴷ ⴳ ⵉⵙⵓⵍ ⵓⵙⴱⵓⵖⵍⵓ ⴰⴷⴰⵎⵙⴰⵏ ⴷ ⵡⴰⵥⴰⵢ ⵏ ⵓⴱⵣⴰⴳ.
ⴳ ⵓⵎⵏⵉⴷ ⴰⴷ ⵏⵉⵜ, ⵉⵍⵍⴰ ⵓⴱⵓⵖⵍⵓ ⴳ ⵓⴳⴰⴷⴰⵣ ⵏ ⵉⴷⴳⴰⵔⵏ ⴳ ⵓⵙⴳⴳⵯⴰⵙ ⵏ 2023 ⵍⵍⵉⵖ ⵣⵔⵉⵏⵜ ⵜⵡⵓⵔⵉⵡⵉⵏ ⵜⵉⵥⵕⴼⴰⵏⵉⵏ ⵎⴰ ⵉⵜⴳⴳⴰⵏ 36% ⵃⵎⴰ ⴰⴷ ⵍⴽⵎⵏⵜ 87,3 ⵎⵍⵢⴰⵕ ⵏ ⵓⴷⵔⵀⵎ ⵉⵍⴽⵎ ⴰⵡⴷ ⵡⴰⵜⵉⴳ ⵉⵚⴼⴰⵏ ⵏ ⵜⵙⵏⵓⵔⴰⵢ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵡⵓⵔⵉ ⴰⵏⴰⵜⴰⵢ ⵏ ⵡⴰⵜⵉⴳⵏ ⵉⵎⵎⴰⵜⵜⵉⵏ ⵎⴰ ⵉⵜⴳⴳⴰⵏ 11,8% ⴱⴰⵛ ⴰⴷ ⵉⵍⴽⵎ 600 ⵎⵍⵢⴰⵕ ⵏ ⴷⴷⵔⵀⵎ, ⵖⵉⴽⵍⵍⵉ ⵜⵍⵎⴽⵎ ⵜⴱⵓⵕⵚⴰⵜⵎⴰ ⵉⵜⵜⴳⴳⴰⵏ 626 ⵎⵍⵢⴰⵕ ⵏ ⵓⴷⵔⵀⴰⵎ. 
ⵢⵉⵡⵉ ⴷ ⵜⴰⵏⴰⴹⵜ ⴰⴷ ⵅⴼ ⵓⵙⵢⴰⴼⴰ ⵍⵍⵉ ⵉⵜⵜⵓⵣⵎⵎⴰⵎⵏ ⵍⵍⵉ ⵜⴳⴰ ⵜⵙⵏⵉⵔⴰⵢⵜ ⵏ ⵓⴳⴰⴷⴰⵣ ⵏ ⵉⴷⴳⴰⵔⵏ ⴳ ⵓⵙⴳⴳⵯⴰⵙ ⵏ 2023 ⵜⵓⴳⵜ ⵏ ⵉⵎⵓⵙⵙⵓⵜⵏ ⵉⵥⵍⵉⵏ ⵙ ⵉⵎⴷⵔⴰⵡⵏ ⴷ ⵜⵉⴹⴰⴼ ⵏ ⵓⴳⴰⴷⴰⵣ, ⵖⵉⴽⵍⵍⵉⴷ ⵢⵉⵡⵉ ⵉⵙⴰⵙⴼⵉⵡⵉⵏ ⵅⴼ ⵜⵡⵉⵙⵉ ⵏⵏⵙ ⵜⴰⵅⴰⵜⴰⵔⵜ ⴳ ⵓⵙⴱⵓⵖⵍⵓ ⵏ ⵎⵏⵏⴰⵡ ⵉⵚⵏⴼⴰⵕⵏ ⵍⵍⵉ ⵔⴰⴷ ⵉⵙⴱⵓⵖⵍⵓ ⵉⵎⴰⵙⵙⴰⵏ ⵏ ⵓⴳⴰⴷⴰⵣ.
ⵉⵇⵇⴰⵏ ⴰⴷ ⴰⵏⵙⴽⵯⵜⵉ ⵎⴰ ⵜⴽⵎⵎⵍ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵏ ⵓⴳⴰⴷⴰⵣ ⵏ ⵉⴷⴳⴰⵔⵏ ⴳ ⵓⵙⴳⴳⵯⴰⵙ 2023 ⵜⴰⵡⵓⵔⵉ ⵏ ⵓⵖⴰⵡⴰⵙ ⵏⵏⵙ ⴰⵙⵜⵕⴰⵜⵉⵊⵉ ⵍⵍⵉ ⵉⴱⴷⴰⵏ ⴳ ⵓⵙⴳⴳⵯⴰⵙ ⵏ 2021, ⵜⵙⵔⵙ ⵖⵉⵍⴰⴷ ⵢⴰⵏ ⵓⵖⴰⵡⴰⵙ ⴰⵎⴰⵢⵏⵓ ⴳ ⵜⵉⵣⵉ ⵏⴳⵔ 2024 ⴷ 2028.
ⵉⴳⴰ ⵓⵡⵜⵜⴰⵙ ⵏ ⵜⴽⵛⵛⵓⵎⵉⵏ ⵏ ⵜⵙⵏⵓⵔⴰⵢⵜ ⴰⵙⴱⵓⵖⵍⵓ ⵓⴳⴰⴷⴰⵣ ⵏ ⵉⴷⴳⴰⵔⵏ ⵃⵎⴰ ⴰⴷ ⵢⴰⵡⵙ ⴳ ⵜⴳⵎⵉ ⵏ ⵓⵃⴹⴹⵓ ⴷ ⵓⵙⵥⵕⴼ ⴰⴷⴰⵎⵙⴰⵏ ⴷ ⵜⵡⵓⵔⵉ ⴳ ⵓⵙⵖⵓⴷⵓ ⵏ ⵉⵙⵏⴼⴰⵍ ⴳ ⵓⴳⵯⵏⴰⵙ ⵏ ⵓⴳⴰⴷⴰⵣ.