ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 26 ⴷⵓⵊⴰⵏⴱⵉⵔ 2024
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 24 ⵖ ⵊⵓⵎⴰⴷⴰ ⴰⵎⴳⴳⴰⵔⵓ 1446 ⵉⵎⵙⴰⵙⴰⵏ ⴰⴽⴷ 26 ⴷⵓⵊⴰⵏⴱⵉⵔ 2024 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵓⵙⵏ ⵏ ⵙⵏⴰⵜ ⵜⵎⵢⴰⵇⵇⴰⵏⵉⵏ ⵜⴰⴳⵔⴰⵖⵍⴰⵏⵉⵏ ⴷ ⵜⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
ⴳ ⵜⵉⵣⵡⵉⵔⵉ ⵏ ⵜⵡⵔⵉⵡⵉⵏ ⵏ ⵓⵙⵇⵇⵉⵎ, ⵙ ⵓⵣⵎⵓⵣⵓ ⵏ ⵓⵙⴳⴳⵯⴰⵙ ⴰⵎⴰⵢⵏⵓ, ⵉⵏⵏⵓⵔⵣ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵙⵔⵖⵓⴷⵏ ⵉⵖⵓⴷⴰⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⵅⴰⵜⴰⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵔⵏⵓ ⵔⴱⴱⵉ ⴷ ⵜⵡⵓⵊⴰ ⵜⴳⵍⴰⴷⴰⵏⵜ, ⵉⵏⵏⵓⵔⵣ ⴰⵙ ⵜⴰⴷⵓⵙⵉ ⵉⵛⵏⴰⵏ ⴷ ⵉⵙⵙⵔⵖⵓⴷⵏ ⵏⵏⵙ ⵉ ⵓⴳⴷⵓⴷ ⴰⵎⴰⵖⵔⵉⴱⵉ ⵙ ⵓⵎⴰⵜⴰ, ⵉⵏⵏⵓⵔⵣ ⴰⵙⵏ ⵢⴰⵏ ⵓⵙⴳⴳⵯⴰⵙ ⴳ ⵜⵍⵍⴰ ⵜⵢⴰⴼⵓⵜ ⵉⴼⵓⵍⴽⵉⵏ ⴷ ⵜⵡⴰⵔⵜ ⵉ ⵜⵎⴰⵣⵉⵔⵜ ⵏⵏⵖ ⴷ ⵜⴳⵎⵉ ⵍⵍⵉ ⴽⵓⵍⵍⵓ ⵏⴻⵏⵓⵔⵣ ⴷⴷⴰⵡ ⵉⵥⵉⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵔⵏⵓ ⵔⴱⴱⵉ.
ⴹⴰⵕⴰⵜ ⵎⴰⵢⴰⴷ ⵉⵙⵎⵏⵉⴷ ⵎⴰⵙⵙ ⵄⴱⴷⵍⵍⴰⵜⵉⴼ ⵡⴰⵀⴱⵉ, ⴰⵎⴰⵡⵙⴰⵙ ⵏ ⵜⵣⵔⴼⵜ ⵢⴰⵜ ⵜⴽⵛⵛⵓⵎⵜ ⵅⴼ ⵓⵙⴷⴰⵡ ⵏ ⵓⵙⵡⵓⴷⴷⵓ ⵏ ⵜⵙⵓⵎⴰⵔ ⵏ ⵓⵙⵏⴼⵍ ⵏ ⵓⵙⵍⴳⵏ ⵏ ⵜⵡⵓⵊⴰ ⵙ ⵖⵎⴽⵍⵍⵉ ⴷ ⵉⴷⴷⴰⵏ ⴳ ⵜⴰⵔⴰⵜⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ ⴳ ⵜⴳⵉⵡⵔⵜ ⵏ ⵜⵡⵓⵔⵉ ⵍⵍⵉ ⵉⵙⵙⵉⵅⴼ ⵓⴳⵍⵍⵉⴷ ⴰⵙⵙ ⵏ ⴰⵢⵏⴰⵙ 23 ⴷⵓⵊⴰⴱⵉⵔ 2024 ⴳ ⵓⴳⴰⴷⵉⵔ ⴰⴳⵍⴷⴰⵏ ⴳ ⵜⴳⵎⵎⵉ ⵜⵓⵎⵍⵉⵍⵜ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.865 ⵉⵥⵍⵉⵏ ⵙ ⵓⵙⴽⴰⵔ ⵏ ⵓⵙⴷⴷⵉ ⵏ ⵜⵓⵔⴰⴳⵉⵏ ⵍⵍⵉⵖ ⴰⵔ ⵙⵢⴰⴼⴰⵏ ⵉⵏⴱⴹⴰⵢⵏ ⴷ ⵓⵙⴷⴷⵉ ⵏ ⵜⵎⵓⴹⴰⵏ ⵍⵍⵉ ⵢⴰⵙⵏ ⵢⴰⴽⴽⴰⵏ ⴰⵣⵔⴼ ⴳ ⵜⵓⵔⴰⴳⵜ ⵏ ⵜⵎⴰⴹⵓⵏⵜ ⵎⵓ ⵉⴷⵔⵓⵙ ⵓⵣⵎⵣ ⴷ ⵜⴰⵍⵍⵉ ⵎⵓ ⵉⴳⴳⵓⵜ ⵓⵣⵎⵣ, ⵉⵙⵎⵏⵉⴷ ⵜ ⵎⴰⵙⵙ ⵄⴰⴱⴷⵍⵍⴰⵟⵉⴼ ⵡⴰⵀⴱⵉ, ⴰⵎⴰⵡⵙⴰⵙ ⵏ ⵜⵣⵔⴼⵜ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.143 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.93.534 ⵍⵍⵉ ⴷ ⵉⴼⴼⴰⵖⵏ 20 ⵕⴰⴱⵉⵄ ⴰⵎⵣⵡⴰⵔⵓ 1414 (8 ⴷⵓⵊⴰⵏⴱⵉⵔ 1993) ⵉⵥⵍⵉⵏ ⵙ ⵓⵙⵔⵓⵙ ⵏ ⵜⴼⴰⴷⵉⵡⵉⵏ ⵏ ⵜⵉⴽⴽⵉ ⵜⵡⵉⵙⵉ ⵏ ⵉⵎⵙⵖⴰⵏⵏ ⵍⵍⵉ ⵉⵜⴳⴳⴰⵏ ⴰⵙⵎⵓⵜⵜⴳ ⴰⵙⵓⵍⴰⵏ ⴷ ⵓⵙⵎⴰⴷ ⵏ ⵜⵎⵓⵣⴰⵢⵜ ⵉⵜⵜⴰⵡⵙⴽⴰⵔⵏ ⵉ ⵉⵎⴰⵣⵣⴰⵍⵏ ⵉⴹⴼⵇⴰⵕⵏ ⵉ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ, ⵉⵙⵎⵏⵉⵉⴷ ⵜ ⵎⴰⵙⵙ ⴰⵃⵎⴰⴷ ⵍⴱⵡⴰⵔⵉ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⴰⵜⵢⵍⴰⵏⵜ ⵏ ⵜⴳⵎⵉ ⵜⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ ⴳ ⵓⴷⵖⴰⵔ ⵏ ⵎⴰⵙⵙ ⵙⴰⵄⴷ ⴱⵕⵕⴰⴷⴰ, ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.1, 122 ⵉⵙⵔⵓⵙⵏ ⴰⵜⵉⴳ ⴰⵎⴳⴳⴰⵔⵓ ⵓⵍⴳⵉⵏ ⵏ ⵜⵖⵔⴰⴷ ⴳ ⵉⵎⵓⵙⵙⵓⵜⵏ ⵉⵏⴼⵍⴰⵃⵏ ⴷ ⵡⴰⵔ ⵉⵏⴼⵍⴰⵃⵏ ⵜⵙⵎⵏⵉ, ⵉⵎⵙⵏⵉⴷ ⵜ ⵉⴷ ⵙⴽⴽⵓⵔⵉ ⵓⴱⴰⵀⵙⵙⵓ, ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵙⵏⵓⵔⴰⵢⵜ ⵜⴰⵎⵥⵢⴰⵏⵜ ⴷ ⵓⵙⵡⵓⵔⵉ ⴷ ⵜⵎⵙⵙⵓⴳⴰⵔ.
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.1110 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.22.574 ⵍⵍⵉ ⴷ ⵉⴼⴼⴰⵖⵏ 10 ⴷⵉⵍⵃⵉⵊⵊⴰ 1427 (31 ⴷⵓⵊⴰⵏⴱⵉⵔ 2006) ⵉⵥⵍⵉⵏ ⵙ ⵓⵙⵡⵓⴷⴷⵓ ⵉⵔⴳⴰⵢⵏ ⵅⴼ ⵓⵙⵢⴰⴼⴰ ⵍⵍⵉ ⵅⴼ ⵉⵍⵍⴰ ⵓⵙⵖⵥⵏ ⴳ ⵓⴳⵟⵟⵓⵎ ⵡⵉⵙ ⴽⵕⴰⴹ ⵏ ⵓⵙⵍⴳⵏ ⴰⵎⴰⵜⴰⵢ ⵏ ⵉⵔⴳⴰⵢⵏ, ⵉⵙⵎⵏⵉⴷ ⵜ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵍⵜ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵉⵙⵏⵖⵎⵙ ⵅⴼ ⵙⵏⴰⵜ ⵜⵉⵎⵢⴰⵇⵇⴰⵏⵉⵏ ⵜⴰⴳⵔⴰⵖⵍⴰⵏⵉⵏ ⴷ ⵙⵉⵏ ⵉⵙⵏⵜⴰⵢ ⵓⵙⵍⵉⴳⵏ ⵙⵔⵙⵏⵜ ⵉⵥⵍⵉⵏ, ⵉⵙⵎⵏⵉⴷ ⵜⵏ ⵎⴰⵙⵙ ⵎⵓⵃⵎⵎⴰ ⵃⵊⵊⵉⵡⵉ, ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵏⴱⴰⴹⵜ ⴳ ⵓⴷⵖⴰⵔ ⵏ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ. ⵉⵍⵍⴰ ⴳⵉⵙ :
- ⵜⴰⵎⵢⴰⵇⵇⴰⵏⵜ ⵏⴳⵔ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵜⵛⵛⴰⴷ ⵃⵎⴰ ⴰⴷ ⵓⵔ ⵢⵉⵍⵉ ⵏ ⵉⵔⴳⴰⵢⵏ ⵉⵜⵜⵙⴳⵎⴹⵏ ⴳ ⴷⴷⴰⵅⵍⴰ ⴳ 14 ⵖⵓⵛⵜ 2024 ⴷ ⵓⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 53.24 ⵉⵙⵖⵥⵏ ⵜⴰⵎⵢⴰⵇⵇⴰⵏⵜ ⴰⴷ.
- ⵜⴰⵎⵢⴰⵇⵇⴰⵏⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⴳⴷⵓⴷⵣⵏⵜ ⵏ ⴽⵓⵕⵢⴰ ⵉⵜⵜⵓⵙⴳⵎⴰⴹⵏ ⴳ ⵙⵢⵓⵍ ⴳ 2 ⵢⵓⵏⵢⵓ 2024 ⴷ ⵓⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 37.24 ⵍⵍⵉ ⵉⵙⵖⵥⵏ ⵜⴰⵎⵢⴰⵇⵇⴰⵏⵜ ⴰⴷ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ, ⵜⴻⵜⵜⵓⵙⵏⵎⴰⵍ :
- ⴳ ⵜⵎⴰⵡⴰⵙⵜ ⵏ ⵓⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵙⵖⵔⵎ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵜⴻⵜⵜⵓⵙⵏⵎⴰⵍ :
- ⵎⴰⵙⵙⴰ ⵉⵍⵀⴰⵎ ⵙⵙⴰⵄⵉⴷⵉ, ⵜⴰⵏⵎⵀⴰⵍⵜ ⵏ ⵜⵙⵏⵓⵔⴰⵢⵜ ⵜⴰⵖⵔⴰⵎⴰⵏⵜ ⵏ ⵓⴳⵍⵎⵉⵎ ⵡⴰⴷ ⵏⵓⵏ ;
- ⴳ ⵜⵎⴰⵡⴰⵙⵜ ⵏ ⵡⴰⵙⵙⴰⵢ ⴷ ⵓⵍⵓⵊⵉⵙⵜⵉⴽ, ⵉⵜⵜⵓⵙⵏⵎⴰⵍ :
- ⵎⴰⵙⵙ ⵟⴰⵕⵉⵇ ⵟⵟⴰⵍⵉⴱⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵙⴰⵢⵍⴰⵍ ⵓⵖⵔⵉⵎ.
- ⵎⴰⵙⵙ ⵟⴰⵕⵉⵇ ⵟⵟⴰⵍⵉⴱⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵙⴰⵢⵍⴰⵍ ⵓⵖⵔⵉⵎ.
