ⵉⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵎⴹⴰⴽⴰⵕⵏ ⴷ ⵓⵎⴰⵡⵙⴰⵙ ⵏ ⴱⵕⵕⴰ ⴷ ⵜⵖⴰⵡⵙⵉⵡⵉⵏ ⵏ ⵉⵎⵣⵡⴰⴳⵏ ⵏ ⵍⵢⴰⵎⴰⵏ
ⵉⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴰⵙⵙ ⵏ ⵓⴽⴰⵡⴰⵙ 30 ⵉⵏⵏⴰⵢⵔ 2025 ⴳ ⵕⵕⴱⴰⵟ ⵉⵎⴹⴰⴽⴰⵕⵏ ⴷ ⵓⵎⴰⵡⵙⴰⵙ ⵏ ⴱⵕⵕⴰ ⴷ ⵜⵖⴰⵡⵙⵉⵡⵉⵏ ⵏ ⵉⵎⵣⵡⴰⴳⵏ ⵏ ⵍⵢⴰⵎⴰⵏ ⵎⴰⵙⵙ ⵎⵓⵃⵙⵉⵏ ⵣⵣⵏⴷⴰⵏⵉ. ⵎⴹⴰⴽⴰⵕⵏ ⴳ ⵓⴳⵔⴰⵡ ⴰⴷ ⵅⴼ ⵜⵖⵔⴰⵙⵉⵏ ⵏ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵏⴳⵔ ⵜⴳⵍⴷⵉⵜ ⵏ ⵜⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏⵏ ⵍⵢⴰⵎⴰⵏ ⵙ ⵜⵏⵏⵓⴱⴹⴰ ⵏ ⵉⵏⵎⵖⵓⵔⵏ ⵏ ⵙⵏⴰⵜ ⵜⵎⵉⵣⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴷ ⴳⵯⵎⴰⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴱⴰⴹ ⵏ ⵜⴳⴷⵓⴷⴰⵏⵜ ⵏ ⵍⵢⴰⵎⴰⵏ ⴰⵏⵎⵖⵓⵔ ⴰⴷⵓⴽⵜⵓⵕ ⵔⴰⵛⴰⴷ ⵎⵓⵃⵎⵎⴰⴷ ⵍⵄⵉⵎⵉ.
ⵢⵉⵡⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⴳⵔⴰⵡ ⴰⴷ ⵎⴰ ⵙ ⴰⵔ ⵉⵜⵜⴰⵡⵙ ⵍⵎⵖⵔⵉⴱ ⵉ ⵜⵎⵓⵏⵉ ⵏ ⵜⴳⴷⵓⴷⴰⵏⵜ ⵏ ⵍⵢⴰⵎⴰⵏ ⵉⴰⴳⴰⵏ ⵜⴰⴳⵯⵎⴰⵜ ⴷ ⵓⵙⴷⵓⵙ ⵏⵏⵙ ⴷ ⵜⵉⵏⵏⵓⴱⴹⴰ ⵏⵏⵙ. ⵉⵙⵎⵖⵔ ⴰⵡⴷ ⴰⴷⴷⴰⴷ ⵏ ⵍⵢⴰⵎⴰⵏ ⴳ ⵡⵏⵏⴰⵍ ⵏⵏⵙ ⵉ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ. ⵉⵏⵏⴰ ⴰⵡⴷ ⵎⴰ ⵙ ⵓⵔ ⵉⵍⵍⵉ ⴽⵔⴰ ⵏ ⵓⴼⵙⵙⴰⵢ ⵢⴰⴹⵏⵉⵏ ⵏ ⵓⵏⵣⴰⵖ ⴰⴷ ⵖⴰⵙ ⴳ ⵓⵙⴰⵜⵉ ⵏ ⵜⵏⵏⵓⴱⴹⴰ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⵎⵓⵏⵉ ⵏ ⵡⴰⴽⴰⵍ ⵏⵏⵙ.
ⴳ ⵎⵏⵉⴷ ⵏⵏⵙ, ⵢⵓⵍⵙ ⵓⵎⴰⵡⵙⴰⵙ ⵏ ⴱⵕⵕⴰ ⴷ ⵜⵖⴰⵡⵙⵉⵡⵉⵏ ⵏ ⵉⵎⵣⵡⴰⴳ ⵏ ⵍⵢⴰⵎⴰⵏ ⵉ ⵡⴰⴷⴷⴰⴷ ⴰⵙⵓⵍⴰⵏ ⵏ ⵡⴰⵏⵏⴰⵍ ⵏ ⵜⵎⵓⵏⵉ ⵏ ⵡⴰⴽⴰⵍ ⵏ ⵜⴳⵍⴷⵉⵜ, ⵉⵏⵏⴰ ⴰⵡⴷ ⵎⴰ ⵙ ⵉⵍⵍⴰⵓⵎⴹⴰⴽⴰⵕ ⴳ ⵓⴳⵔⴰⵡ ⴰⴷ ⵅⴼ ⵍⵢⴰⵎⴰⵏ ⴷ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵜⵎⵙⵓⵎⴰⵔ ⵅⴼ ⵉⵍⵍⴰ ⵓⵎⵛⴰⵛⴽⴰ.
ⵢⵉⵡⵉ ⴷ ⵓⵎⵙⵜⴳⴳⴰⵔ ⵏ ⵍⵢⴰⵎⴰⵏ ⵎⴰ ⵙ ⵍⵍⴰⵏ ⵉⵎⴹⴰⴽⴰⵕⵏ ⵅⴼ ⵜⵖⵔⴰⵙⵉⵏ ⵏ ⵓⵙⵖⵓⴷⵓ ⵏ ⵜⵣⴷⴰⵢⵉⵏ ⵜⵉⴷⴰⵎⵙⴰⵏⵉⵏ ⴷ ⵓⵙⵖⵓⴷⵓ ⵏ ⵓⵎⵓⵙⵙⵓ ⵏ ⵉⵏⵎⵖⵓⵔⵏ ⵏⴳⵔ ⵜⵎⵉⵣⴰⵔ ⵙ ⵙⵏⴰⵜ, ⵉⵙⴷⴷⵉⴷ ⵎⴰ ⵙ ⵔⴰⴷ ⵜⵜⵓⵙⴳⵎⴹⵏ ⵜⵓⴳⵜ ⵏ ⵜⵎⵢⴰⵇⵇⴰⵏⵉⵏ ⴳ ⵜⵔⵣⵣⵉⴼⵜ ⴰⴷ.
